Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Makamba aanza zogo jipya!

Discussion in 'Uchaguzi Tanzania' started by Ng'wanza Madaso, Nov 20, 2010.

  1. Ng'wanza Madaso

    Ng'wanza Madaso JF-Expert Member

    #1
    Nov 20, 2010
    Joined: Oct 21, 2008
    Messages: 2,276
    Likes Received: 58
    Trophy Points: 145
    By Waandishi wetu
    20th November 2010


    [​IMG] Achochea walibwagwa ubunge wakatae matokeo
    [​IMG] Pia wa udiwani, aagiza wote wafungue kesi kortini
    [​IMG] Gharama zote za mawakili kubebwa na CCM


    [​IMG]
    Yusuf Makamba

    Baada ya Chama Cha Mapinduzi (CCM) kupoteza majimbo 53 ya ubunge katika uchaguzi mkuu wa Oktoba 31, mwaka huu, Katibu Mkuu wake, Yusuf Makamba sasa ameamua kila mgombea ubunge na udiwani aliyeshindwa afungue kesi ya kupinga matokeo.


    Hatua hii inayotafsiriwa kama kukutaa kutambua matokeo ya uchaguzi wa wabunge na madiwani, inathibitisha mtikisiko ndani ya chama hicho na wagombea wote walioshindwa wa ubunge na udiwani wametakiwa kufungua kesi mahakamani katika kipindi cha siku 30 kuanzia kutangazwa kwa matokeo hayo.


    NIPASHE ina taarifa za barua ya siri iliyoandikwa na Makamba kwenda kwa Makatibu wote wa CCM nchini ikiwataka wagombea wote wa CCM walioshindwa uchaguzi, kufungua kesi mahakamani.


    Barua hiyo ambayo NIPASHE imeiona yenye kumbukumbu namba CCM/OND/636/VOL.11/122 iliyoandikwa Novemba 9, 2010, ikiwa imesainiwa na Makamba na inaonyesha kuwa ilipokewa na makatibu wa CCM wa mikoa.


    Katika barua hiyo, Makamba anawataka wagombea wa ubunge kufungua kesi katika Mahakama Kuu ya Tanzania huku wagombea udiwani walioangushwa kwenda kufungua kesi katika mahakama za mahakimu wakazi ndani ya siku 30, tangu ulipofanyika uchaguzi huo Oktoba 31, mwaka huu.


    Makamba anawaagiza makatibu wa CCM wa mikoa kwa kushirikiana na makatibu wa CCM wa wilaya na kata kuwasaidia wagombea hao walioshindwa kwenye uchaguzi kuandaa hoja za malalamiko na vielelezo kwa ajili ya kupeleka mahakamani.


    Aidha, Makamba ameagiza kuwa baada ya hoja hizo za malalamiko kukamilika zipelekwe katika ofisi ndogo ya CCM jijini Dar es Salaam au kuwasiliana moja kwa moja kwa mawakili ambao ni makada wa CCM ili kuandaa hati za malalamiko ndani ya muda huo.


    “Kwa barua hii, mshirikiane na makatibu wa CCM wilaya/kata na wagombea husika kuandaa hoja za malalamiko na vielelezo/ushahidi na kuwasilisha CCM ofisi ndogo Dar es Salaam au kuwasiliana na mawakili ambao ni makada wetu moja kwa moja ili kuandaa hati za malalamiko ndani ya muda huo,” ilisema sehemu ya barua hiyo ya Makamba.


    Katika barua hizo, Makamba pia amewaahidi wagombea wasiokuwa na uwezo wa kifedha kuwa chama kitachangia gharama za mawakili ili kuwasaidia kufanikisha azma hiyo.


    “Chama Cha Mapinduzi Makao Makuu kitachangia gharama za mawakili kwa wagombea ambao hawana uwezo wa kifedha,” ilisema sehemu ya barua hiyo.


    Katibu huyo wa CCM Taifa anahitimisha barua yake kwa kuwataka makatibu wa CCM wa mikoa kusimamia ipasavyo maagizo hayo ili kuhakikisha kuwa kesi hizo zinafunguliwa mahakamani.


    Akizungumzia barua hiyo,Mwenyekiti wa Chama cha Demokrasia na Maendeleo (Chadema), Wilaya ya Mbeya Mjini, John Mwambigija, alisema shinikizo hilo la CCM kwa wagombea wake kukimbilia mahakamani linaonyesha kuwa chama hicho kinataka ushindi wa nguvu badala ya kuridhika na maamuzi ya wananchi.


    Alisema kwa kuwa chama hicho kina fedha nyingi, kinataka kuzitumia kuzima demokrasia, na ndiyo sababu kubwa ya kuwataka wagombea wake walioangushwa kwenye uchaguzi kukimbilia mahakamani huku kikiwaahidi kuwasaidia gharama za kuendesha kesi.


    Uchunguzi umebainisha kuwa baada ya agizo hilo kuwafikia mmoja wa viongozi wa CCM wa Wilaya ya Mbeya Mjini, ameonekana akiwaita wagombea wa udiwani walioshindwa akiwataka wakafungue kesi mahakamani.


    Aidha, mapema wiki hii, aliyekuwa mgombea ubunge wa CCM katika Jimbo la Mbozi Magharibi na kuangushwa, Dk. Lucas Siyame, aliwaambia waandishi wa habari jijini Mbeya kuwa anakusudia kufungua kesi Mahakama Kuu kupinga matokeo ya uchaguzi huo, kwa madai kuwa msimamizi wa uchaguzi aliyatangaza matokeo hayo yaliyompa ushindi mpinzani wake kupitia Chadema bila kuhakikiwa na mawakala wake, hali ambayo inadaiwa na Mwambigija kuwa ni sehemu ya utekelezaji wa agizo la Makamba.


    Mkoani Mbeya, CCM ilipoteza majimbo mawili ya Mbeya Mjini na Mbozi Magharibi ambayo yaliangukia mikononi mwa Chadema huku katika Jimbo la Mbeya Mjini CCM ikipoteza kata 14, ambapo kata 12 zilinyakuliwa na Chadema na kata mbili zilichukuliwa na NCCR-Mageuzi.


    NIPASHE lilipomtafuta Makamba jana kuzungumzia agizo hilo, alijibu kuwa ni umbeya na kwamba barua hiyo haiwahusu waandishi wa habari.


    “Hiyo barua inakuhusu nini. Huo ni umbeya, acha umbeya, tukiandika barua zetu unazipataje?” alihoji kisha akakata simu.


    Kabla Makamba hajatoa agizo hilo, aliyekuwa Meneja wa kampeni wa CCM, Abdurrahman Kinana, aliahidi kuwa chama chake kitatoa msaada kwa wagombea walioshindwa ikiwa wataamua kwenda mahakamani kupinga matokeo ya uchaguzi.


    Kinana alitoa kauli hiyo wakati Tume ya Uchaguzi ilipokuwa ikikaribia kukamilisha zoezi la kutangaza matokeo, baada ya CCM kufanya tathmini ya uchaguzi huo na kubaini kuwa kingepoteza majimbo ya ubunge 50.


    Imeandikwa na Emmanuel Lengwa (Mbeya) na Restuta James (Dar).

    SOURCE: NIPASHE
     
  2. T

    Tofty JF-Expert Member

    #2
    Nov 20, 2010
    Joined: Nov 6, 2008
    Messages: 206
    Likes Received: 0
    Trophy Points: 33
    Mfa maji......
     
  3. S

    Safre JF-Expert Member

    #3
    Nov 20, 2010
    Joined: Sep 2, 2010
    Messages: 233
    Likes Received: 2
    Trophy Points: 35
    Ni mzee amezeeka tumsamee bure
     
  4. Bob_Dash

    Bob_Dash Member

    #4
    Nov 20, 2010
    Joined: Nov 1, 2010
    Messages: 91
    Likes Received: 0
    Trophy Points: 0
    Du! huyo mzee kila kukicha anakuja na PUMBA MPYA, toka nimemfahamu over 15 years sijapata kusikia akiongea habari za maana, sijui hata huko aliko amefikaje.
     
  5. O

    Omtata Member

    #5
    Nov 20, 2010
    Joined: Nov 18, 2010
    Messages: 48
    Likes Received: 1
    Trophy Points: 0
    mbona hajamshauri mkwere ahame white house.Upuuz mtup
     
  6. rmashauri

    rmashauri JF-Expert Member

    #6
    Nov 20, 2010
    Joined: Jan 29, 2009
    Messages: 3,008
    Likes Received: 11
    Trophy Points: 135
    Kwahiyo anataka kutumia rungu la Kikwete kuwa rais kuwashinikiza mahakimu kuwanyang'anya ushindi wabunge wa upinzani? Huyu mzee vipi jamani? kwanza kuna wabunge wao (CCM) wengi tu ambao wametangazwa wahindi huku ikionyesha wazi kuwa walishindwa kwenye masanduku ya kura. Makamba please usituletee migogoro nchini kwetu. Si CCM mmesema mnaendeleza amani na utulivu mbona unataka kuchafua hali ya hewa sasa? Kwa maana nina uhakika wa asilimia 100 % hakuna mbunge wala diwani wa upinzani aliyeshinda kwa kura za mezani. Kwa maana hiyo wananchi waliowachagua hao wabunge na madiwani hawatakuwa tayari kuona mbuge/diwani wao waliyemchagua ananyang'anywa ushindi mahakami kisa mahakimu wako chini ya serikali ya Kikwete.
     
  7. Mungi

    Mungi JF Gold Member

    #7
    Nov 20, 2010
    Joined: Sep 23, 2010
    Messages: 16,944
    Likes Received: 352
    Trophy Points: 180
    Huna jipya Makamba, subiri kufukuzwa kazi kwa kukigawanya chama!

    Ndiyo maana ulifukuzwa ualimu wa shule!
     
  8. H

    Hofstede JF-Expert Member

    #8
    Nov 20, 2010
    Joined: Jul 15, 2007
    Messages: 3,586
    Likes Received: 16
    Trophy Points: 0
    Hii ni technique ambayo CCM wameiona ni muafaka ya kufload mahakama na kesi zisizokuwa na miguu wala kichwa za uchaguzi ili kuwasaidia akina Makongoro ambao ni dhahiri kama haki itafuatwa watapoteza viti walivyopewa na wasimamizi wa uchaguzi. Mbinu hii ni kuzifanya kesi ziwe nyingi na kupoteza muda wa kuzisikiliza ili kama ni maamuzi ya kutengua yafanyike mwishoni mwa 2014.

    Hakuna jipya zaidi ya hilo. Ila pamoja na kuwa wao wanaweza chezea hela za walipa kodi kwa kesi za kimagilini sisi wananchi tutawachangia wapinzani halisi ili kuhakikisha haki yao haipotei.
     
  9. Bob_Dash

    Bob_Dash Member

    #9
    Nov 20, 2010
    Joined: Nov 1, 2010
    Messages: 91
    Likes Received: 0
    Trophy Points: 0
    mbona una bania comment zangu? ama na wewe ndo wale wale MAKADA WA CCM?
     
  10. sheiza

    sheiza JF-Expert Member

    #10
    Nov 20, 2010
    Joined: Sep 29, 2010
    Messages: 561
    Likes Received: 226
    Trophy Points: 60
    huku arusha kwetu wakibadilisha matokeo itabidi watu wao wote wa serikali wawatafutie mji mwingine...mziki wetu wanautambua hasa wanapotaka kuchakachua haki yetu....
     
  11. K

    Kiti JF-Expert Member

    #11
    Nov 20, 2010
    Joined: Nov 2, 2010
    Messages: 223
    Likes Received: 1
    Trophy Points: 35
    Hivi ni mawazo ya Makamba au kuna baraka za chama? Kweli Tanzania demokrasia bado. Makamba alitaka CCM ipate 100%? Hivi jaji mkuu na mwanasheria wa serikali wanalionaje hili? Kuwalazimisha walioshindwa kufungua kesi mahakamani jamani hii inaonyesha kuwa chama kina mushkeli. Hata sisi wakereketwa tunaanza kutia mashaka hiki chama kinakotupeleka. Uchaguzi siyo vita kuna kushinda na kushindwa unapogeneralise walioshindwa wote kufungua kesi hapo tunaanza kujiuliza kama ni maamuzi ya kikao au mtu binafsi? Mwenyekiti wa CCM na wakuu wengine mlitazame hili jambo
     
  12. rmashauri

    rmashauri JF-Expert Member

    #12
    Nov 20, 2010
    Joined: Jan 29, 2009
    Messages: 3,008
    Likes Received: 11
    Trophy Points: 135
    Mkuu in the presence of Kikwete Makamba kufukuzwa kazi sahau. Si unamuona alivyo na jeuri mpaka anasema mtoto wake asipopewa uwaziri atashangaa? Iko siri kubwa hapo.
     
  13. bucho

    bucho JF-Expert Member

    #13
    Nov 20, 2010
    Joined: Jul 13, 2010
    Messages: 4,408
    Likes Received: 89
    Trophy Points: 145


    acha kudanganya watu
     
  14. kmwemtsi

    kmwemtsi Senior Member

    #14
    Nov 21, 2010
    Joined: Nov 7, 2010
    Messages: 126
    Likes Received: 0
    Trophy Points: 33
    Makamba nundu inamuwasha hiyo:redfaces:
     
  15. Capital

    Capital JF-Expert Member

    #15
    Nov 21, 2010
    Joined: Oct 12, 2010
    Messages: 962
    Likes Received: 88
    Trophy Points: 45
    hiyo nundu jamaa kashonea hirizi maana ikianza kuwasha anaamua jinsi anavyojua hata kama ni pumba. Kazi manyo CCM mwaka huu.
    HATUDANGANYIKI! Hatumtambui Mkwere, usiku hata mchana, wakati wa njaa au shibe. HATUDANGANYIKII.
     
  16. engmtolera

    engmtolera Verified User

    #16
    Nov 21, 2010
    Joined: Oct 21, 2010
    Messages: 5,059
    Likes Received: 38
    Trophy Points: 145
    那坑洼裤袜 mahakimu wote ni wao watashinda tuuuu,haya jamani ni makamba huyo asiwaumize kichwa kwanini hizo pesa zisitumike kwa kazi nyingine?

    mapinduziii daimaaaaaa
     
  17. M

    Mtu wa Mungu JF-Expert Member

    #17
    Nov 22, 2010
    Joined: Nov 9, 2010
    Messages: 445
    Likes Received: 1
    Trophy Points: 35
    Hiyo pembe inayochomoza kwenye paji la uso ndo inaleta tabu kwa ma-ropes!!!!!!!!!!!!!!!!!!
     
  18. U

    Uswe JF-Expert Member

    #18
    Nov 22, 2010
    Joined: Nov 1, 2010
    Messages: 2,190
    Likes Received: 3
    Trophy Points: 135
    hata mie nimekua najiuliza hili swali bila majibu, wakati mkuu wa mkoa alikua haonyeshi sana lakini sasa hivi, UBUKI (Upungufu wa Busara Kichwani) unajidhihirisha kila kukicha
     
  19. andrewk

    andrewk JF-Expert Member

    #19
    Nov 22, 2010
    Joined: Apr 13, 2010
    Messages: 3,025
    Likes Received: 18
    Trophy Points: 135
    anataka kupitisha hele huko, hivui lamwai bado ni mwanasheria wao?
     
  20. TUKUTUKU

    TUKUTUKU JF-Expert Member

    #20
    Nov 22, 2010
    Joined: Sep 14, 2010
    Messages: 11,849
    Likes Received: 34
    Trophy Points: 145
    Waache wafanye hivyo,kwani hii nhaki yao ya kikatiba!!
     
Loading...