M/kiti wa CHADEMA mkoa wa Arusha akamatwa na kuswekwa rumande - kisa makala ya uchochezi

[AzimiolaArusha]

Hivi huu si mwanzo wa wa udikteta? Uhuru wa mawazo unaolindwa na katiba uko wapi? Leo ni Samson Mwigamba kesho ni nani? Mimi niliyeandika makala ile kwa ufipi JF au ni mtandao wote wa JF?

Pili, Hivi ni haki serikali ya kutumia sheria ya uchochezi iliyotungwa enzi za ukoloni ambayo wameikopi na kuipaste na kwa faida ya nani? Tunaadimisha miaka hamsini ya uhuru gani kwa staili hii?

Yaani hapa polisi wamechemsha, wanazidi kumpandisha chati na nafikiri sasa ndio ujumbe utafika kwa walengwa vizuri, sema tu pamoja na ufanyaji kazi wa kupendelea wa jeshi la polisi, bado kuna polisi wengi sana wanaowasupport wananchi!!! wapo wengi sana na very soon hawa wazee wa zamani watakubakubali kuwa jeshi lina vijana walio na mtazamo tofauti ambao hawawezi kuuona kwenye macho yao wala maneno yao wala tabia zao bali Mioyo yao!!!!

 

[Said Bagaile]

Afande; Wewe ni mjinga kama mama yako.

Askari; Ndio Afande,

Duu! hii nimeipenda. Kama mafunzo yanaandaliwa hivyo unategemea kupata askari anayetumia akili yake kweli?

Kwa mtu mwenye akili hiyo Utamtofautisha vipi na Jibwa koko? Boby shika! Kweli Viongozi wa Serikali ni kiboko! Amakweli "Chama" kimeshika Utamu.

 

[Mwita Maranya]

Mkufunzi: Nyinyi makruta mbona wote hamkuja na majembe?
Makruta: Ndiyo afande!
Mkufunzi: Hamkuambiwa makao makuu ya jeshi kwamba lazima mje na majembe?
Makruta: Ndiyo afande!
Mkufunzi: Kwa hiyo kwa kuwa hamkuambiwa na nyinyi hamkuyabeba?
Makruta: Ndiyo afande!
Mkufunzi: Wote ni wapumbavu pamoja na mama zenu waliowazaa.
Makruta: Ndiyo afande!

Khaa! Kama haya ndio mafunzo wanayopatiwa askari wetu, basi tusishangae kwa haya wanayotutendea wananchi. Hivi huumtaala aliuandaa nani vile?

Ndio maana askari wetu ukiwaangalia nao wamechooooka kama sisi lakini wako mstari wa mbele kuwapiga na kuwaua watanzania wenzao, tena wasio na hatia. Tumeona nyamongo, geita, bulyanhulu, dsm-msitu wa pande na hata kigoma pia imetokea juzi, kwa kutaja kwa uchache.

 

[mwakichi]

samsoni umelonga ukwel kbsa..hawa mapolis hawaoni maisha wanayoishi?tabu zao na familia zao kisa nyoka Ccm!!!???

 

[Filipo]

Nilishawahi kusema hapa. Ukombozi wa kweli kwenye nchi yetu utacheleweshwa na jeshi la polisi. Niliwaomba cdm watoe elimu ya uraia kwa ndugu zetu hawa na ninaona Mwigamba ameanza. Keep it up cdm. Hakuna haki inapatikana bila misukosuko!

 

[Mtumishi Wetu]

Kwani huyo mwandishi akiweka mwana sheria na akifungua mashitaka ya kuwekwa ndani bila sababu ya msingi akadai damages inakuwa je? Mahakama kama inafuta haki si itaona kama ni kosa kwenye maandishi, uchochezi wake ni nini? Polisi au serikali ikilipa damages next time watakuwa makini na wanacho kifanya!

 

[kichomiz]

Ndio tabu ya umbumbu wa police wetu,yaani hawana elimu hata ya kupambanua mambo,hilo si jambo la uchochezi bali ni kauli taarifa kwa wao kujirekebisha.

 

[Idimulwa]

Yaani hapa polisi wamechemsha, wanazidi kumpandisha chati na nafikiri sasa ndio ujumbe utafika kwa walengwa vizuri, sema tu pamoja na ufanyaji kazi wa kupendelea wa jeshi la polisi, bado kuna polisi wengi sana wanaowasupport wananchi!!! wapo wengi sana na very soon hawa wazee wa zamani watakubakubali kuwa jeshi lina vijana walio na mtazamo tofauti ambao hawawezi kuuona kwenye macho yao wala maneno yao wala tabia zao bali Mioyo yao!!!!

Sahihi mkuu polisi vijana niwengi sana kwa sasa na wanaunga mkono mabadiliko,nikirejea vurugu za matokeo ya ubunge jijini mwanza mwaka jana huwa nafarijika sana,polisi walikuwa wanaenda kupiga mabomu kusiko na watu wala vurugu kila wakiitwa mfn ofisi ya ccm inachomwa polisi wanaenda kupiga risasi hewani kirumba mwaloni

 

[Thesi]

Polisi ndio kwanza wanamsaidia Mwigamba kusambaza ujumbe wake kwa watu na askari ambao hawakujua huo waraka murwa kwao. Wanaharakati na wazalendo wasambaze huo ujumbe kwa askari anayemjua na kwa rafiki wote alionao kwenye mail. Ujumbe utakuwa umefika.

 

[only83]

Nadhani ni mawenge ya waraka wa siku 100 kwa JK ndio unawapashida..kwa hiyo wakiona mtu kaandika au katoa mawazo yanayofanana na ya wale jamaa anaonekana ni muasi...well,siku yaja na wala sio mbali ukombozi waja!!

 

[jogi]

Makamuzi,
sisi tulio na ID za kweli lazima tuwe tayari kwa lolote kwa mwenda huu ikiwa ni pamoja na kubambikiwa kesi za kughushi kama mwigamba.

Mikael, tujipe moyo, mimi nakuambia jipe moyo mkuu, tambua nia yao ni kuwatisha wenyenchi, wakigundua wenyenchi hawatishiki hapo ndipo ukombozi huja!

 

[Mapujds]

serikali inajichanganya kabisa,muda mwingi ina deal na chadema na kusahau majukumuyake hii inamaana kuwa wanakihofia sana chadema

 

[skendo]

Ok, tumechangia sana juu ya hili. Sasa nini kifanyike ili kumuunga mkono huyu mwenzetu?

Nadhani kila mtu akitoa wazo lake juu ya hatua za kuchukua juu ya ili basi tutapata njia sahihi ya kufanya na kuonesha hisia zetu kama wa TANGANYIKA na sio kuendeleza story ambazo mwisho wasiku hazitoi suluhu ya matatizo yetu.

Kumbuka wao wamefanya huyu kama mtu wa mfano sasa na sisi inabidi kutumia mfano huu kuonyesha msimamo wetu.

 

[Froida]

Wengi tunanunua Tanzania Daima jumatano kwa makala kama za Samson, Mwanakijiji, Paschal, Jevenaris, Rula, Lugendo, hawa jamaa wana upeo wa juu sana wa makala wanatuzinduwa katika mengi wanaanzisha mijadala ya kitaifa kwa kweli niliposoma makala ya Samson sikuona uchochezi wowote leo nasoma tena hapo juu hakuna uchochozi wowote Polisi acheni hizo zenu za kuleta jamani

 

[LOWE89]

Makubwa haya yakianikwa inakuwa kesi, heri aliyeanzisha tutajua mengi. Ukweli hauna maana nyingine hubaki kuwa ukweli japo wakati mwingine unauma kwelikweli!

 

[IsangulaKG]

Mojawapoa ya quality za mwanamapinduzi halisi, ni utashi wa kutovumilia mmoja wa wale wanaofikiriwa kama wana Mapinduzi anapoonewa ama Kunyanyaswa.

Binafsi, nimesikitishwa sana na Mpigania haki Bwana Mwigamba kukamatwa na Mapolisi kwa Makala yake. Uko wapi Uhuru wa Kutoa Maoni unaohubiriwa katika Katiba.

Kiukweli Polisi wamedhihirisha uwezo wao wa kutofikiri kwa kumkamata Mwigamba, na kwa Mtindo huu hata mimi najiona Rumande siku si Nyingi.

Polisi wamekuwa kama wazinzi ambao kila siku wanaenda kanisani na kuhubiria kutozini, lakini akiwa palepale kanisani anamtamani muumini mwenzake, au mwanakwaya mwenye pete ya ndoa ati kwa kuwa ana sauti nzuri..Mfano wangu ukiufikiria kwa juu juu hutauelewa lakini kimsingi nimekumbuka nilivyomuuliza ndugu yangu askari polisi aliyetumwa kuwadhibiti wafuasi wa Chadema pale Shinyanga baada ya Kura za ubunge kuchakachuliwa, nilimuulliza hivi;

'Unadhani Chadema ilishinda? Akajibu 'Ndiyo',
Nikamuuliza tena wewe ulikuwa unalinda kura pale ofisini ulishuhudia uchakachuaji? akasema 'Ndiyo' ,
Nikamuuliza tena ulitambua kuwa Haki ya Mtanzania unapindishwa? Akasema 'Ndiyo'.
Nikamuuliza ulipoamriwa kuwatawanya wafuasi wa Chadema waliokuwa wadai kuibiwa kura uliwatawanya? akajibu 'Ndiyo'
Nikamuuliza unadhani ulitumia akili yako sawasawa? akakosa Jibu

Hilo ndilo analoongelea Mwigamba. Mojawapo ya watu wanaochelewesha Mapinduzi ya kidiplomasia katika Nchi zetu za Afrika ni Maaskari polisi!

Nikakumbuka pia nilivyohadithiwa na Rafiki yangu mmoja kule Tarime miaka fulani ya nyuma sana wakati Maaskari wanatafuta siraha, walikuwa wanawalazimisha wanaume kuwalala mama zao kama option ya kutaja Silaha ziko wapi..........'Uvunjifu Mkubwa wa Haki za Kibinadamu!

Okay Tuache porojo sasa

Suala la Msingi hapa ni kuwa je tuko tayari uona wana harakati wanakamatwa na kushitakiwa wakati tukiwa Kimya? Maana kama wewe ni mwanaharakati kweli ujue ni zamu yako......

Na kwa kuwa tunafumba macho na Kusikitika Kimoyomoyo kwa Mwigamba..basi Sheria ya katiba ikianza kutumika, sisi tunaojiita wanaharakati tutaozea jela .....na watu watasikitika kimoyomoyo tu na Maisha yao yataendelea

Hapo ndipo unapoona Akili zetu zilivyolala
Akili za Kusherekea Uhuru ambao watu wanaishi Maisha ya kiutumwa nchini mwao
Kuna Utumwa mkubwa zaidi ya umasikini?

Yaani nina Uchungu kwelikweli............................

 

[Josephine]

Naungana na wewe,ni lazima wanamapinduzi wa kweli tujadili hili kwa kina.natafakari kwa makini nitarudi.

 

[jigoku]

Naungana na wewe juu ya uonevu huu unaofanywa na polisi,ila ningependa kushauri ya kwamba,kwanza ili ku-draw attention za wanaJF na kufungua uwanja mpana wa kujadili ni vema ile makala yake ikawekwa humu jamnvini ukiioanisha na yaliyotokea ya kukamatwa kwake.Nadhani kuna haja sasa ya kufikiria namna ya kukomesha jambo hili kwa kujadiliana kwa kina na kutafuta solution.naamini kuna wanasheria na wataalamu mbali mbali humu tukichanga mawazo vizuri,pamoja tutashinda.NAWALAANI SANA POLISI WA TANZANIA MAISHA YANGU YOTE NA HUO NDO MSIMAMO WANGU SIKU ZOTE.

 

[dada jane]

Mi pia naunga mkono hoja shida moja mfumo wa upashanaji habari ni finyu kiasi kwamba habari nyeti kama hizi wanakuwa nazo wenye kuaccess internet tu. Niko kijijini sana lkn watu wamechoka na ubabe serkali shida hawako organized

 

[IsangulaKG]

Maoni ya John Mnyika kuhusu hatua iliyochukuliwa dhidi ya Mwigamba​

---

Nimesoma tena ujumbe ambao Mwigamba aliundika kwenu, najua wengine waliuchukulia kuwa ni mwito wa kawaida tu polisi kwa kuwa mhariri gazeti lililochapa makala yake hakuitwa.

Hata hivyo, vyanzo vyangu ndani ya Jeshi la Polisi vimenieleza kuwa kesho asubuhi Mwigamba anatarajiwa kupelekwa mahakama ya Kisutu kushtakiwa kwa kosa la uchochezi. Taratibu Tanzania inaelekea kuwa dola ya kipolisi (police state), hali ambayo ikifikia itakuwa na athari kubwa kisiasa, kiuchumi na kijamii katika nchi yetu.

Sina hakika kama wakuu wetu kwenye vyombo vya ulinzi na usalama wanayafanya haya kwa kwa maelekezo ya Rais kwa mujibu wa ibara ya 33 na 35 ya katiba au ni matakwa tu binafsi.

Kwa vyovyote vile, Rais anapaswa kushauriwa: KAMATA KAMATA KWA ARI, NGUVU NA KASI ZAIDI (ANGUKA); Miaka 50 baada ya Uhuru, tumeanza kurudi katika zile zama za watu kukamatwa na kuwekwa kizuizini.

Tofauti ya wakati huo na sasa ni kwamba sasa hukamatwi kwa kificho, wala huwekwi mafichoni; ni rahisi tu, polisi wanakukamata halafu wanakupeleka mahakamani.

Wanajua baada ya hapo utakuwa tayari umepoteza sehemu ya uhuru wako, utapaswa kwenda mahakamani mara kwa mara. Kesi itachukua muda mrefu kwa polisi hao hao walikuona una kosa wakakupeleka mahakamani kutoa sababu kwamba ‘upelelezi haujakamilika'.

Kosa la Mwigamba linaelezwa kutokana na makala yake aliyoiandika "Waraka kwa Askari wa Tanzania", anadaiwa kwamba kupitia makala hiyo amewachochea polisi kukaidi amri za viongozi wao na kuwachochea polisi kukataa kutimiza wajibu wao wa kisheria. Suala hili limenifanya noisome makala yake, na baada ya kuisoma naona sasa tunaelekea katika dola ya kipolisi (police state).

Ari, Nguvu na Kasi hii ya Jeshi la Polisi kusoma, kufanya ufuatiliaji na kuchukua hatua dhidi ya ‘wahalifu' ningeiunga mkono kama ingekuwepo toka wakati Orodha ya Mafisadi (List of Shame) iliposomwa 15 Septemba 2007 pale viwanja vya Mwembe Yanga na baadaye kusambazwa na vyombo vya habari na mitandao mbalimbali. Lakini mpaka leo Mkurugenzi wa Uchunguzi wa Makosa ya Jinai (DCI) hakuna hatua za maana alizochukua lakini ana ari, nguvu na kasi zaidi ya kuwakamata na kuwahoji waandishi wa makala nyingine za magazetini.

Kauli ya kwamba si lazima kwa askari kufanya kile ambacho wakubwa wake wanamuamrisha kufanya hata kama anacholazimishwa ni kinyume cha sheria na kinyume cha maadili na haki na kwamba askari polisi watumie pia akili zao kufikiri Mwigamba sio wa kwanza kuiandika au kuisema.

Tanzania inaelekea kuwa dola ya polisi, sio kwa baadhi ya wabunge na wapinzani tu bali hata kwa wananchi wengine na hata katika ya polisi wa juu dhidi ya polisi wa ngazi za chini.

Tukio hili limenifanya nikumbuke mambo kadhaa dhidi ya jeshi letu ya polisi yaliyojiri katika mkutano wa nne wa Bunge.

Mosi; Wakati wa bunge la bajeti nilihoji kuhusu jeshi la polisi juu ya polisi kuwa na maslahi duni, Serikali ikasema bungeni kuwa posho zao (ration allowance) zimeongezwa mpaka laki unusu. Ukweli ni kwamba askari hawalipwi kiwango hicho cha posho, hata hivi sasa pamoja na ufafanuzi kuhusu mgawo wa posho za askari tulioomba bungeni tarehe 28 na 29 Julai 2011.

Kufuatia kauli ya serikali bungeni askari wakaanza kuulizia kuhusu posho hizo na waliowaunganisha wenzao kuhoji wakaitwa ‘wachochezi'; wakuu wa vikosi na vituo wakapewa waraka wa ‘kufuta' kauli hiyo ya serikali nje ya Bunge na kuchunguza askari wote wanaopandikiza ‘chuki' kwa wenzao dhidi ya serikali kwa kutumia suala hilo la posho.

Polisi maeneo mbalimbali nchini wakaelezwa kwamba vitendo vya kushawishi askari aliyekula kiapo cha utii kwa serikali kufanya hujuma kama hizo za kudai posho ambayo imeahidiwa bungeni ni hujuma kwa serikali hivyo ni UHAINI.

Pili, kitabu kinachosambazwa na Jeshi la Polisi Mitaani na Vijijini cha "Utii wa Sheria bila Shuruti" ambacho kinaonyesha mwelekeo wa serikali kuanza kuandaa mazingira ya dola ya kipolisi (police state). Kitabu hicho chenye kueleza kuhusu "wajibu wa vyama na watu walioshindwa katika uchaguzi" kinawaasa watanzania dhidi ya wanasiasa na wanaharakati wenye kutumia ‘tabia ya kutumia shida na kero za wananchi kuchochea hasira, munkari na jazba dhidi ya viongozi halali'.

Aidha, kampeni ya "Utii wa Sheria bila Shuruti" inawakumbusha wananchi wajibu wa "Kuepuka kushiriki katika mikutano, maandamano na harakati za kuichokoza mamlaka ya dola, kwa uwasilishaji wa malalamiko au kero kwa njia ambazo zinasababisha bughudha na karaha kwa wengine".

Kitabu cha "Utii wa Sheria bila Shuruti" kinaeleza kwamba ‘Sheria inampa mamlaka afisa wa Polisi wa himaya inayohusika kusitisha maandamano, mkutano au mkusanyiko wowote endapo atabaini kwamba kuna habari au taarifa kwamba kuendelea kufanyika kwa mkutano kunaweza kusababisha uvunjaji wa amani na kuhatarisha usalama. Na kwamba endapo amri hiyo itaonekana kuupuuzwa kwa namna yoyote hata kama maandamano, mkutano au mkusanyiko ulikuwa ni halali utahesabika kuwa ni haramu. Hivyo hatua za kuwatawanya kwa njia ya shuruti itafuata ikiwemo kuwakamata waandaaji na washiriki na kuwafikisha mahakamani".

Kifungu hiki kilitumiwa kwenye Mkutano wangu na Wananchi tarehe 5 Novemba 2011 kwa kuvamia katika mkutano halali, kukata nyaya za vipaza sauti, kukamata viongozi waandaji na kuondoka nao pamoja na gari lenye nyaraka mbalimbali za katiba. Maelezo ambayo waliwaeleza awali viongozi hao ni kuwa mkutano haurusiwi kutokana na tishio la ugaidi wa Al Shabab.

Nilipoelezwa nikawaambia viongozi waendelee na maandalizi ya mkutano kwa kuwa Rais hajatangaza hali ya hatari, kama kuna tishio la kawaida la vurugu polisi waje wamejiandaa kufanya kazi yao ya kulinda amani kama ambavyo walikuwa wamejiandaa kulinda mechi zingine za mpira zilizofanyika siku hiyo hiyo ya tarehe 5 Novemba na matembezi ya Mke wa Rais yaliyofanyika DSM wiki hiyo hiyo.

Pamoja na viongozi kukamatwa na vipaza sauti kuchukuliwa kabla ya kufika uwanjani, nilipofika niliendelea kufanya mkutano wa kupata maoni ya wananchi kuhusu muswada wa sheria ya mabadiliko ya katiba na masuala mengine muhimu ya jimbo na taifa kwa ujumla kabla ya kwenda mkutano wa tano wa Bunge ulioanza tarehe 8 Novemba 2011. Nawashukuru askari walioacha kunikamata pamoja na maagizo waliyokuwa wamepewa ya kunikamata.

Kwanini nimeandika yote haya? Sababu ya Mwigamba kuitwa mchochezi ni kuwa amewaambia askari watumie akili zao wasikubali kutumwa kukamata na kupiga watanzania wenzao katika hatua za maandamano ya kupinga sheria ya mabadiliko ya katiba wakati njia za kidiplomasia kupitia mikutano za kutaka sheria hiyo ifanyiwe mabadiliko kabla ya kuanza kutumika zitakapopuuzwa na hatimaye kulazimika kuunganisha nguvu ya umma kupitia maandaamano.

Nimeamua kutafakari kwa sauti wakina Mwigamba wengine mnisikie, kwamba tusipoungana kuwakanya viongozi wetu tunaelekea kuwa dola ya kipolisi na kwenye mchakato wa katiba dola hiyo (Mungu apishie mbali) inaweza kutumiwa na watawala kuvuruga utulivu wetu wa kisiasa, kiuchumi na kijamii. Hiyo ni dola ya polisi wasiofikiri kabla ya kutenda; polisi wanaofikiri baada ya kutenda kwa kutumwa na watawala walioacha kufikiri na kujikita katika kutoa amri haramu.

Akili zao zinadhihirika kwenye kauli zao na za wataalamu wao mathalani kauli ya Mwanasheria Mkuu wa Serikali bungeni wakati wa kuhalalisha kifungu kwenye sheria ya Mabadiliko ya Katiba chenye kutoa adhabu ya faini isiyopungua milioni tano na isiyozidi milioni kumi na tano au kifungo kwa muda usiopungua miaka mitatu na isiyozidi miaka saba au adhabu zote mbili kwa kwenda kinyume cha sheria hiyo.

Makosa yenyewe ya hukumu hiyo ni pamoja na ‘kukusanya na kuratibu maoni ya wananchi' na ‘kuendesha elimu ya mabadiliko ya katiba kinyume na masharti ya sheria' hiyo. Makosa ya kukusanya maoni na kutoa elimu sasa yametengewa hukumu kubwa kuliko ya mafisadi na ambao wameisababishia hasara serikali. Huo ndio "Utii wa Sheria bila Shuruti" wanaoutaka kwa watanzania. Kwa maneno ya Werema bungeni kuhalalisha kifungu husika "matatizo tuliyonayo sasa ambayo yanasababishwa na watu ambao hawataki kufuata utaratibu kwa mambo ya siasa, inatakiwa kutoa elimu ya kisiasa katika jambo hili la katiba kwamba wapewe adhabu kali; ndiyo maana yake".

Nawaandikia kuwaomba mjiandae iwe ni wanahabari, wanaharakati, wanasiasa, viongozi wa dini, wanataaluma au wananchi wa kawaida; kuwa mkiwa na mawazo tofauti kuhusu katiba na polisi hawa wa "Utii wa Sheria bila Shuruti" wakaagizwa kuwakamata kwa kutoa elimu ama kukusanya maoni kinyume cha sheria adhabu yenu itakuwa kifungo cha hadi miaka saba au faini ya hadi milioni 15 au vyote. Na polisi jiandae, huu ni wakati wa pekee katika historia taifa letu; miaka 50 baada ya Uhuru wa Tanganyika, muwafunge wananchi wenzenu wanaodai uhuru wa kweli dhidi ya ujinga, umasikini, maradhi na ufisadi kwa kudaiwa na serikali ya mkoloni kuwa ni wachochezi kama alivyofanyiwa Mwalimu Nyerere na TANU au msimame upande wa haki na ukweli.

Na hili halihusu tu maslahi ya taifa ambayo tunawaomba askari myasimamie popte pale mlipo, inahusu pia kusimamia maslahi yenu wenyewe. Wakiitisha mabaraza ya askari, wakiwaambia polisi kwamba mnapaswa kuendelea kulipwa ration allowance ya laki moja tu, kwa mujibu wa waraka wa idara kuu ya utumishi wa tarehe 26 May 2009 wenye kumb. Na. C/AB.129/271/01/E41 waambieni waje watuambia sisi bungeni kwa kuwa walitoa kauli kuwa mnalipwa laki na hamsini; waje waje wafute kauli bungeni tujadili msingi wa wao kukataa kuwalipa haki yenu hiyo kwa mwezi, wakati ni pungufu ya posho iliyoongezwa kinyemela ya mbunge ya siku moja pekee ya kukaa kwenye kikao (sitting allowance).

Mkitumwa kwenye kufanya operesheni haramu na kulipwa viwango duni vya posho kwa kuwapiga watanzania wenzenu kwa maelezo kuwa waraka mwingine wa tarehe 27 Januari 2009 wenye kumb. Na. C/BC. 129/271/01/18 umewaongezea posho kwa 15% waulizeni mbona serikali imeongeza posho haramu kwa wabunge ya kukaa kwenye vikao kwa zaidi ya 150%.

Wakiendelea kuwalipa mishahara midogo huku kima cha chini kikiwa kimeongezeka toka 219,170 mpaka 243,000 tu sawa na ongezeko la 10% huku bei za bidhaa na gharama za maisha zimeongezeka kwa zaidi ya 100% waulizeni uhuru na usawa tulioupigania miaka 50 uko wapi?

Najua wanaendelea kuwaeleza mkiwa kwenye maandalizi ya gwaride la sherehe za uhuru kuwa muendelee kuwa na ‘utii na uvumilivu kwa kuwa serikali haina uwezo' na kwamba nyongeza hiyo ndogo kupitia waraka wa tarehe 13 Julai 2011 wenye kumbukumbu na. CAC/205/228/01/A/41 imetokana na hali halisi ya uchumi wetu. Muwakumbushe kiwango cha fedha ambacho kinakaribia kufika bilioni 50 kinachotumika kwenye ‘sherehe' za miaka 50 ya uhuru toka maandalizi yake yaanze mpaka mwisho huku mkiidai serikali malimbikizo ya madeni.

Hali yenu ni sawa na ya walimu, watumishi wa sekta ya afya na kada nyingine za chini katika utumishi wa umma ambapo mtajumuika kwa ‘utii wa bila shuruti' katika halaiki ya 9 Disemba ‘kusherehekea uhuru'. Hampaswi kugoma kwa kuwa kazi yenu ni wito, lakini msiache kuwafikishia ujumbe watawala; msikubali kutumiwa kuminya haki zenu wenyewe na za wenzenu.

Tekelezeni amri zote halali za ulinzi na usalama wa taifa letu, wakatalieni amri zote haramu zenye kuvunja sheria, kuvuruga amani na kukiuka haki za msingi za binadamu. Tenganisheni kati ya kusimamia maslahi ya taifa na kulinda matakwa ya mafisadi; tambueni kuna amri za watawala kudumisha utawala wao na kuna amri za viongozi kusimamia mahitaji ya umma.

Watawala wameapa kulinda katiba, ambayo ibara ya 8 (a) inatamka wananchi ndio msingi wa mamlaka yote na serikali itapata madaraka kwa wananchi; ibara ya 9 inawataka wao na serikali wanayoongoza kulinda haki za binadamu, kuendeleza utajiri wa taifa kwa manufaa ya wananchi wote, kuhakikisha serikali na vyombo vyake vyote vinatoa nafasi sawa kwa raia wote bila ubaguzi na kwamba aina zote za dhulma, vitisho, ubaguzi, rushwa, uonevu au upendeleo zinaondolewa nchini. Waambieni wakumbuke kiapo chao, na wasiwalazimishe nyinyi kutii amri zinazokiuka kiapo chao wenyewe.

Msiwaogope wao kuliko wananchi wanaowalipa mishahara yenu kwa kodi zao na ndugu zenu mnaishi nao katika mazingira yenu ya ugumu wa maisha. Kama hamuwaogopi wananchi wenzenu basi walau muogopeni Mwenyezi Mungu anayetaka muenende kwa upendo, haki na ukweli. Sheria kuu kuliko zote ya kuitii sio ya Tanzania; bali ya nafsi zenu na Mungu wetu. Msiwatii wanapowataka mtende dhambi. Kwa maneno ya Mahatma Ghandi, ‘kuweni mawakala wa mabadiliko mnayotaka kuyaona'.

John Mnyika (Mb)-07/12/2011

source: Wavuti.com