Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Je, kulikuwa na haja ya Polisi kufyatua risasi?

Discussion in 'Jukwaa la Siasa' started by BAK, Sep 29, 2007.

  1. BAK

    BAK JF-Expert Member

    #1
    Sep 29, 2007
    Joined: Feb 11, 2007
    Messages: 47,622
    Likes Received: 6,334
    Trophy Points: 280
    Polisi wapambana na wananchi kwa risasi

    na Mkolo Kimenya
    Tanzania Daima

    POLISI wa Kituo cha Wazo Hill, jijini Dar es Salaam, jana walilazimika kutumia risasi za moto kuwatawanya wakazi wa vijiji vya Chasimba, Wazo na Madala, ambao walifika eneo hilo kwa lengo la kuonana na Waziri Mkuu, Edward Lowassa.
    Wananchi hao, ambao wana mgogoro wa ardhi wa muda mrefu na Kiwanda cha Saruji Tanzania (TPCC), walifika katika kituo hicho baada ya kupata taarifa kuwa, Lowassa alikuwa afanye ziara kiwandani hapo.

    Hata hivyo, Lowassa, ambaye alitarajiwa kuwa mgeni rasmi katika uzinduzi wa mtambo mpya wa kiwanda hicho, hakufika na badala yake aliwakilishwa na Waziri wa Nchi Ofisi ya Waziri Mkuu, Dk. Batilda Burian.

    Wakati waziri huyo akisikiliza maelezo ya Mkurugenzi Mtendaji wa kiwanda hicho kinachozalisha saruji ya Twiga, ambao ndio wanaomiliki mtambo huo, ghafla risasi zilisikika, hali ambayo ilizusha mtafaruku na kuvuruga usikivu baada ya waandishi wa habari na baadhi ya watu kutimka kuelekea zilikosikika risasi hizo.

    Risasi hizo zilifyatuliwa na askari polisi kutoka mbele ya kituo hicho.

    Mwandishi wa habari hizi alishuhudia kundi la wanakijiji hao wakiwazomea polisi, huku wakiwarushia mawe, wakishinikiza kuonana na mgeni rasmi katika uzinduzi wa mtambo huo.

    Wakazi wengine walisikika wakipaza sauti zao wakisema wanataka wenzao, waliodai kuwa walikamatwa na polisi awali na kufikishwa kituoni hapo, waachiwe haraka.

    Polisi waliendelea kufyatua risasi hewani, lakini wakazi hao hawakuonekana kuogopa na zaidi waliendelea kulisogelea eneo la kituo, hali ambayo iliwafanya polisi waanze kuwatawanya kwa nguvu na kufanikiwa kuwakamata baadhi yao.

    Sakata hilo lilidumu kwa muda, na polisi wakafanikiwa kuwatawanya watu hao, huku wananchi zaidi ya wanne wakitiwa mbaroni, wakiwemo wanawake wawili ambao majina yao hayakuweza kupatikana mara moja.

    Mkuu wa Wilaya ya Kinondoni, Kanali mstaafu, Fabian Massawe, ambaye alikuwepo katika hafla hiyo, alionyesha kusikitishwa na hali hiyo na akawataka wakazi hao kufuata utaratibu wa kuwasilisha malalamiko yao.

    “Kama wanaona hawakutendewa haki, ni vema waende polisi wachukue RB, kisha waende mahakamani, lakini sio kutumia njia za vurugu na vitu vingine vya namna hiyo,” alisema Massawe.

    Massawe alionyesha kuwashangaa wananchi hao huku akidai kuwa wao ni wavamizi wa maeneo ambayo wanayalalamikia.

    Kauli hiyo iliungwa mkono na Ofisa Mtendaji wa Kata ya Kunduchi, Wamula Maranda, aliyesema kuwa, kitendo cha wananchi hao ni vurugu zisizo na msingi, kwani ni wavamizi katika maeneo hayo.

    “Hata nyumba hakuna katika hayo maeneo wanayodai kuwa ni ya kwao, wamevamia na hata mawe ya mipaka katika viwanja hivyo ambavyo vina wamiliki halali, wameyang’oa,” alisema.

    Maranda alisisitiza kuwa, mara kadhaa amewasisitizia wananchi kufuata utaratibu katika kuwasilisha madai yao, lakini wamekuwa wakikaidi.

    Aidha, mmoja wa wakazi hao, aliyejitambulisha kwa jina la Sheikh Lukindo Lyimo, alidai kuwa, walifika kituoni hapo kwa lengo la kutaka kuwaona wenzao ambao walikuwa wamekamatwa awali.

    “Sisi tumefika hapa kwa lengo la kutaka kuwaona wenzetu watano ambao walikamatwa na si vinginevyo, lakini cha kushangaza, badala ya kusikilizwa, tunaanza kufukuzwa, na kama hivi unavyoona, vurugu tupu… kama tupo kwenye mapigano, na wengine wameshakamatwa na kuwekwa ndani, sasa hii ni haki kweli?” alihoji.

    Alisema kwa sasa hawana makazi na wanaishi porini kutokana na kufukuzwa katika maeneo ambayo walikuwa wakiishi awali, kwa kuelezwa kuwa si wakazi halali wa maeneo hayo.

    Hivi karibuni, Massawe alifanyiwa vurugu na wananchi hao, alipofika katika eneo hilo kwa lengo la kutatua mgogoro huo.

    Siku kadhaa baadaye, Mahakama Kuu ilitoa amri ya muda, ikiwataka wananchi hao waendelee kuishi hapo hadi hapo kesi yao itakapoamriwa.
     
  2. Mzee Mwanakijiji

    Mzee Mwanakijiji Platinum Member

    #2
    Sep 29, 2007
    Joined: Mar 10, 2006
    Messages: 30,305
    Likes Received: 2,132
    Trophy Points: 280
    niliuliza "mko tayari"?
     
  3. BAK

    BAK JF-Expert Member

    #3
    Sep 29, 2007
    Joined: Feb 11, 2007
    Messages: 47,622
    Likes Received: 6,334
    Trophy Points: 280
    Hakuna yeyote kati yetu aliyezungumzia kuingia msituni, kubeba mapanga, mishale au mikuki ili kupambana na mafisadi wanaohujumu Watanzania na rasilimali zao. Ndio maana nilimshangaa sana Warioba alipokuja na kitisho cha umwagaji damu.

    Tunachotaka kuona ni kwamba wale wote waliotumia nafasi zao kujitajirisha na kuwadhulumu Watanzania utajiri wao wafikishwe mahakamani bil kujali nafasi zao katika uongozi na wakionekana wana hatia basi wafilisiwe mali zao. Hilo ndilo tunalolitaka Watanzania wote wapenda maendeleo katika vyama vya upinzani, tusio na vyama na hata baadhi ya walio CCM.
     
  4. green29

    green29 JF-Expert Member

    #4
    Sep 29, 2007
    Joined: Jul 4, 2007
    Messages: 311
    Likes Received: 0
    Trophy Points: 0
    Hongera kwa kazi nzuri Ng'wanakijiji! najua hii habari yote ni dalili njema ya kuipenda nchi yetu.

    Naamini lengo la kila mmoja kwenye JF ni kuitakia mema Tanzania yetu... maana hakuna chuki binafsi kwa mtu yoyote hapa. ni kwamba walio madarakani kama wamejisahau waamke.. hawapo kwenye hizo nafasi kwa lengo la kuongeza mafuta kwenye vitambi. wanatakiwa kutukumbuka watanzania ambao dhamana yetu ndio imewaweka kwenye hizo nafasi. Pale Tabora boys secondary school kuna maneno mazuri sana ya mwalimu Nyerere yameandikwa ukutani... sikuyanakili lakini yanaongelea mtu aliyetumwa kutafuta chakula kwa ajili ya ndugu zake wakati wa njaa... lakini baada ya kukuta msosi akala na kuwasahau ndugu zake. nafikri waliopita hiyo shule wanayafahamu hayo maneno ya busara!
     
  5. KadaMpinzani

    KadaMpinzani JF-Expert Member

    #5
    Sep 30, 2007
    Joined: Jan 31, 2007
    Messages: 3,752
    Likes Received: 12
    Trophy Points: 0
    sasa mnasema dalili njema kwa watu kutaka kupigwa risasi na kuipenda nchi kwa kuwa mwanakijiji said so ? wakati watakaokuwa wanapigwa risasi ni hao wenzangu na mie (raia wema) huku mwanakijiji anakula kuku mrija ndani ya ze d-town ! ama kweli laana mbaya !
     
  6. KadaMpinzani

    KadaMpinzani JF-Expert Member

    #6
    Sep 30, 2007
    Joined: Jan 31, 2007
    Messages: 3,752
    Likes Received: 12
    Trophy Points: 0
    kama kupigana risasi wazee mie simo yaani sitaki hata kushuhurika kabsaaaaa, nitawaachia hao wengine ! mie kelele zangu JF kwenyewe nanga inapaa !
     
  7. Mr Q

    Mr Q JF-Expert Member

    #7
    Aug 21, 2016
    Joined: Aug 16, 2012
    Messages: 2,911
    Likes Received: 1,188
    Trophy Points: 280
    hali kama hii inaweza kujitokeza sept mosi?
     
  8. Ibambasi

    Ibambasi JF-Expert Member

    #8
    Aug 21, 2016
    Joined: Jul 25, 2007
    Messages: 2,637
    Likes Received: 376
    Trophy Points: 180
    Safari hii Kamanda Lowassa lazima mahakama ya mafisadi imguse. Umeongea point sana hapo juu.
     
  9. S

    Swissyou JF-Expert Member

    #9
    Aug 21, 2016
    Joined: Jul 30, 2016
    Messages: 231
    Likes Received: 142
    Trophy Points: 60
    UKUTAA!!!
     
  10. Magonjwa Mtambuka

    Magonjwa Mtambuka JF-Expert Member

    #10
    Aug 21, 2016
    Joined: Aug 2, 2016
    Messages: 1,529
    Likes Received: 538
    Trophy Points: 280
    UMEBOMOKAAA!!!
     
  11. Elli

    Elli JF-Expert Member

    #11
    Aug 21, 2016
    Joined: Mar 17, 2008
    Messages: 22,844
    Likes Received: 3,041
    Trophy Points: 280
    CCM na Polisi wao hawajui kuwa na sisi tuna damu, na sisi tnaumia na tukichoka kuumia hatutanyamaza...
     
  12. Soli ya Kiatu

    Soli ya Kiatu Member

    #12
    Aug 21, 2016
    Joined: Mar 22, 2015
    Messages: 87
    Likes Received: 15
    Trophy Points: 15
    Ukitii sheria na kufuata maagizo yatakayokuweka katika usalama, kuna mtu atakugusa?
     
  13. Soli ya Kiatu

    Soli ya Kiatu Member

    #13
    Aug 21, 2016
    Joined: Mar 22, 2015
    Messages: 87
    Likes Received: 15
    Trophy Points: 15
    Umefikiria kitoto sana, wakat mwingine, omba msaada wa jibu gan utoe.
     
Loading...