Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CHADEMA yasitisha maandamano Moro

Discussion in 'Jukwaa la Siasa' started by nngu007, Mar 5, 2012.

  1. nngu007

    nngu007 JF-Expert Member

    #1
    Mar 5, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145


    Baraza la Vijana la Chama cha Demokrasia na Maendeleo ,CHADEMA, (BAVICHA) mkoa wa Morogoro limesitisha maandamano ya amani yaliyoandaliwa na Baraza hilo.


    Maandamano hayo yalipangwa kufanyika tarehe 5/3/2012 katika mkoa wa Morogoro.

    Madhumuni ya maandamano hayo yalikuwa kupinga vitendo vya unyanyasaji vinavyofanywa na Jeshi la Polisi dhidi ya wananchi wasio na hatia na Chama Cha Demokrasia na Maendeleo (CHADEMA).

    Maandamano hayo yalikuwa yafanyike katika wilaya zote za mkoa wa Morogoro na kushirikisha wafuasi wa CHADEMA, wanaharakati, wasomi pamoja na wananchi wanaoguswa na vitendo vya unyanyasaji vya jeshi la Polisi.

    Lengo kuu lilikuwa kufikisha ujumbe kwa Serikali na Jeshi la Polisi kiujumla juu ya vitendo hivyo vya unyanyasaji ambavyo vimekuwa chanzo
    cha mauaji ya wananchi wasio na hatia na hivyo kuhatarisha amani ya nchi.

    Hata hivyo, BAVICHA Mkoa wa Morogoro imeamua kusitisha maandamano hayo kufuatia kikao cha pamoja kilichofanyika tarehe 2/3/2012 kati ya mkuu wa mkoa wa Morogoro, Mh. Joel Bendera na viongozi wa BAVICHA mkoa na wilaya ya Morogoro.

    Katika kikao hicho kilichofanyika katika ofisi za mkuu wa mkoa, CHADEMA iliwakilishwa na mwenyekiti wa BAVICHA Mkoa, Mh. Boniface Ngonyani na mwenyekiti wa BAVICHA wilaya, Mh. Innocent Zawadi.

    Kikao hicho kilifuatia wito wa mkuu wa mkoa wa Morogoro, Joel Bendera kukutana na viongozi hao kwa lengo la kujadiliana juu ya mambo mbalimbali kabla ya maandamano hayo kufanyika.

    Hata hivyo, katika kikao hicho, imekubaliwa kuwa uongozi wa BAVICHA mkoa wa Morogoro uwasilishe kwanza kwa mkuu wa mkoa kero mbalimbali kwa lengo la kufanyiwa kazi na Serikali ya mkoa.

    Mkuu wa mkoa alieleza kuwa serikali (kwa ujumla) haijashindwa kutatua kero zinazolalamikiwa na BAVICHA hivyo ni busara zikawasilishwa kwake kwanza ili ziweze kufanyiwa kazi.

    Hivyo, imekubaliwa kuwa viongozi wa BAVICHA mkoa wa Morogoro watakutana tena na mkuu huyo wa mkoa tarehe 8/3/2012, saa 4.00 Asubuhi katika ukumbi wa mikutano wa ofisi ya mkuu wa mkoa wa Morogoro kwa lengo la kuwasilisha kero hizo.

    TAHADHARI:

    BAVICHA mkoa wa Morogoro
    imekubaliana na maombi ya mkuu wa mkoa ya kutaka kusitishwa kwa maandamano hayo
    na kuwasilishiwa kero mbalimbali kwa njia aliyoona inafaa na hivyo kutangaza
    rasmi kusitisha maandamano ya tarehe 5/3/2012.

    Hata hivyo,
    BAVICHA inapenda kutoa tahadhari kwa mkuu wa mkoa wa Morogoro (Serikali ya
    mkoa) kushughulikia ipasavyo kero mbalimbali za kijamii zitakazowakilishwa
    kwake.

    Iwapo itashindikana, BAVICHA
    itafufua upya mpango wake wa kuandaa maandamano makubwa na ya amani mkoani
    Morogoro hadi pale kero hizo zitakapopatiwa ufumbuzi.

    Aidha, BAVICHA inatoa wito
    kwa wafuasi wa CHADEMA mkoa wa Morogoro kuwa watulivu baada ya kusitishwa kwa
    maandamano hayo na kwamba kila hatua ya mazungumzo kati ya mkuu wa mkoa na
    viongozi wao watajulishwa.




    MWENYEKITI BAVICHA MKOA MOROGORO
    BONIFACE NGONYANI

     
  2. Eng. Y. Bihagaze

    Eng. Y. Bihagaze Verified User

    #2
    Mar 5, 2012
    Joined: Sep 8, 2011
    Messages: 1,474
    Likes Received: 31
    Trophy Points: 145
    Joel Nkaya Bendera.. Mkuu wa Mkoa.. Aisee...??!!
     
  3. P

    Pelege Senior Member

    #3
    Mar 5, 2012
    Joined: Mar 1, 2012
    Messages: 137
    Likes Received: 0
    Trophy Points: 0
    Safi makamanda tupo pamoja katika kutetea haki na utu wa mwanadamu.
     
Loading...