Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CHADEMA: Synovate wahini mahakamani

Discussion in 'Uchaguzi Tanzania' started by Luteni, Sep 29, 2010.

  1. Luteni

    Luteni JF-Expert Member

    #1
    Sep 29, 2010
    Joined: Jan 9, 2010
    Messages: 2,275
    Likes Received: 7
    Trophy Points: 0
    *Slaa asema wanazo nyaraka za utafiti wao.
    *Adai kuna mbinu za 'kuchakachua' matokeo.


    Na Tumaini Makene

    CHAMA cha Demokrasia na Maendeleo (CHADEMA) kimeivaa kampuni utafiti ya Synovate kikisisitiza kuwa kina matokeo ya utafiti uliofanywa na kampuni hiyo ya kupata matokeo yaliyotoa ushindi wa asilimia 45 kwa chama hicho na mgombea wake wa urais, Dkt. Willibrod Slaa.

    Synovate hivi karibuni ilikanusha habari kuwa haijawahi kufanya utafiti wala kuficha matokeo hayo yaliyodaiwa kuipa CCM na mgombea wake Rais Jakaya Kikwete asilimia 41, huku ikitishia kulishtaki gazeti moja liliwakariri viongozi wa CHADEMA wakieleza utafiti huo.


    Akizungumzia matokeo hayo jana, Dkt. Slaa alisema "Synovate wakimbie haraka mahakamani, tunazo document (nyaraka), hata gazeti lililotishiwa kushtakiwa lisiwe na wasiwasi, huu ni wakati wa kuvunja heshima ya Synovate kitaifa na kimataifa.


    "Walifanya utafiti na katika swali namba GP 06 waliuliza, 'uchaguzi ukifanyika sasa hivi nani utampigia kura kuwa rais wa Tanzania?' na majina yote yaliweka pale ya wagombea, sasa wanakanusha nini, waende haraka sana mahakamani, vinginevyo credibility (heshima) yao tutaivuruga nchi nzima na kimataifa, alisema huku akionesha nyaraka hizo kwa mbali.


    Dkt. Slaa alisema katika nchi nyingine taasisi za maoni zinakuwa huru, hazipendelei chama chochote kile.


    Katika hatua nyingine, CHADEMA kimemshutumu serikali ya CCM inanyoongozwa na Rais Jakaya Kikwete kikidai kuwa imepanga kutumia mbinu chafu ili kuhujumu Uchaguzi Mkuu wa Oktoba 31, mwaka huu.


    Kimesema kuwa kinazo taarifa za uhakika kuwa kati ya mbinu hizo chafu ambazo zinatumiwa au zinataka kutumiwa na serikali kukibeba Chama Cha Mapinduzi katika uchaguzi wa mwaka huu ni kutoa maelekezo kwa Usalama wa Taifa na kujipanga kuchapisha karatasi bandia za kupigia kura nje ya nchi.


    CHADEMA kimesema kuwa njama hizo ni aina ya ufisadi kwa kuwa zinahusisha matumizi mabaya ya madaraka na raslimali za nchi kukisaidia chama kimoja cha siasa-CCM, hivyo hazipaswi kuvumiliwa kwani zina lengo la kuingilia maamuzi ya wapiga kura na kuvuruga amani ya nchi.


    Kimesema kuwa iwapo mbinu hizo chafu zitafanikiwa kwa kuharibu uchaguzi na kupanga matokeo ya kuipendelea CCM na mgombea wake wa urais, "Rais Kikwete ndiye atabeba lawama na laana zote juu ya yale yatakayotokea. Usalama wa Taifa wakanushe kama hawajapewa maelekezo na kama sasa hawazunguki mikoani."


    Hayo yalisemwa jana Dar es Salaam na Katibu Mkuu wa CHADEMA, Dkt. Willibroad Slaa alipokuwa akizungumza na waandishi ambapo alisisitiza kuwa siku zote chama hicho kimekuwa kikisema kuwa amani ya nchi wakati wa uchaguzi imekuwa ikivurugwa na chama tawala kwa nia ya kutaka kung'ang'ania madaraka, kinyume na maamuzi ya Watanzania.


    "Leo tumewaita kuzungumzia juu ya mambo matatu, maamuzi ya Kamati Kuu ya CHADEMA hasa juu ya ubunge wa viti maalumu, uchaguzi mkuu wa mwaka huu na suala la Synovate (kampuni inayojihusisha na kura za maoni ya watu)...juu ya uchaguzi mkuu tunazo taarifa za uhakika kuwa Serikali imetoa instructions (maelekezo) kwa Usalama wa Taifa na sasa wako mikoani wakizunguka nchi nzima, kuhakikisha Kikwete anashinda kwa hali yoyote ile.


    "Tunajua mikoa ambayo wamekwisha kwenda mpaka sasa hivi na wanachofanya huko tunakijua...hii ni sawa na ile barua tuliyoikamata hivi karibuni ikiwaelekeza watendaji wa Serikali kuhakikisha CCM inashinda uchaguzi wa mwaka huu kwa hali na mali. Tunatoa angalizo mapema lolote litakalotokea mwaka huu Rais Kikwete atabeba lawama na laana zote za Watanzania.


    "Kwa hali wanayoionesha ya kuhangaika mpaka sasa Kikwete ameshashindwa. Ni kigezo tosha kuwa mpaka sasa wameshashindwa uchaguzi. Tunapenda kumwambia kuwa uchaguzi wa mwaka huu ni uchaguzi wa wananchi, hakuna cha Usalama wa Taifa, hakuna cha JWTZ wala FFU, waache wananchi wafanye maamuzi juu ya nchi yao," alisema Dkt. Slaa.


    Dkt. Slaa ambaye pia ni Mgombea urais wa CHADEMA katika uchaguzi wa mwaka huu, lakini jana akitumia kofia yake ya ukatibu mkuu wa chama alisema kuwa wanazo pia taarifa za kina na za uhakika kuwa kuna karatasi za bandia zinachapishwa katika moja ya nchi za nje, ili zije zitumike wakati wa uchaguzi, akidai ni mwendelezo wa mbinu chafu za kuiba kura.


    Alisema chama chake na Watanzania wengi wapenda haki hawatakubali mbinu hizo chafu, akisema matumizi mabaya ya madaraka na raslimali za nchi ni aina ya ufisadi ambao CHADEMA kimekuwa kikiupiga vita tangu kilipotangaza orodha ya aibu ya watu mafisadi wapato 11 nchini.


    "Wanaonesha dhahiri kuelemewa...sasa wanafanya vitendo vya kuhatarisha amani ya nchi, hawaitakii mema nchi. Tunasema amani ikivunjika Kikwete atabeba lawama, hatuwezi kukubali udikteta na ubabe huu. Kutumia raslimali za serikali na matumizi mabaya ya madaraka ni aina ya ufisadi, ndiyo maana Kikwete tulimweka katika orodha ya mafisadi."


    Akiongezea katika suala hilo, Mwenyekiti wa CHADEMA taifa, Bw. Freeman Mbowe alisema kuwa uchaguzi mkuu wa mwaka huu ukivurugika, Rais Kikwete, Tume ya Taifa ya Uchaguzi (NEC) na Msajili wa Vyama vya Siasa nchini watapaswa kuwajibika mbele ya Watanzania.


    Bw. Mbowe alisema kuwa kuna vitendo vinavyofanywa na baadhi ya viongozi hao kwa nia ya kubeba ushindi wa CCM vinaiweka matatani dhana nzima ya demokrasia na kuonekana kiini macho, hali ambayo haiwezi kukubalika.


    "Tunapenda kutoa tahadhari kwa Rais Kikwete, kwa NEC na Msajili wa Vyama vya Siasa nchini, yaani kwa Makame (Jaji Lewis, Mwenyekiti wa NEC) na Tendwa (John, Msajili), watu hawa watatu ndiyo wenye mamlaka ya umma na wajibu wa kutoa haki, utulivu na amani katika Uchaguzi Mkuu wa Oktoba 31, mwaka huu.


    "Bahati mbaya sana watu hawa watatu wana mikakati ya kuchakachua kura badala ya kutenda haki, wanaliandaa taifa kuchakachua kura...tunatoa angalizo kwa jamii nzima na jumuiya ya kimataifa demokrasia nchi hii ni kiinimacho. Msajili kwa makusudi anabadilisha na kuvunja sheria iliyotungwa na bunge ili kumsaidia Kikwete, halafu hakuna mtu yeyote anayejali wala kuchukuliwa hatua...huu ni uwendawazimu.


    "Jana Shinyanga Kikwete kahutubia mpaka saa 1, karibu kila mahali anazidisha muda...tunataka jamii nzima na jumuiya ya kimataifa ituelewe, hawa watu wameshindwa siasa za hoja, wameshindwa siasa za aina zote za maana sasa wanajiandaa kwa siasa za uchakachuaji...mwaka huu kitaeleweka, hapatatosha pale wananchi watakapoamua kulinda maamuzi na kura zao," alisema Bw. Mbowe.


    Aliongeza kuwa chama hicho kitaandaa malalamiko ya kuwayawasilisha kwa NEC na Tendwa juu ya vitendo vya kuzidisha muda.


    Mkurugenzi wa Mawasiliano ya Rais Ikulu, Bw. Salvatory Rweyemamu alipoulizwa kuhusiana na tuhuma hizo jana, alisema hizi ni tuhuma za kisiasa na zinamhusu mgombea wa CCM, kwa hiyo aulizwe Meneja wa Kampeni wa chama hicho, Bw. Abdulrahaman Kinana.


    Bw. Kinana hakupatikana kwenye simu yake ya mkononi ambayo mara kadhaa ilikuwa ikiita bila kupokewa.


    Kuhusu suala la uteuzi wa majina ya wabunge wa viti maalumu wanawake ndani ya CHADEMA, Dkt. Slaa alijigamba kuwa chama chake kimeweka historia nchini kwa kuwa chama cha kwanza kutumia njia ya kisiasa na kisayansi kupata wabunge hao, huku akisema sheria ya uchaguzi inayolazimisha vyama vya siasa kuwasilisha majina hayo siku 30 kabla ya uchaguzi ni chanzo cha zoezi hilo kutofanyika kwa ufanisi mapema, hivyo watairekebisha wakipewa ridhaa ya kuongoza nchi.


    "Njia ambayo consultant (mshauri) wetu atawaeleza vizuri imeondoa kabisa yale mawazo ya wabunge kutoka upande mmoja wa nchi, dhana ya mchezo mchafu mtu kumweka girlfriend wake, uswahiba na unafiki mwingine, hii ni kwa sababu CHADEMA tumedhamiria kuchukua dola na tunaenda kuchukua dola. Hivyo ilikuwa lazima tujipange vizuri kupata wabunge kutoka nchi nzima, maana hata katika majimbo tumesimamisha wabunge 185," alisema Dkt. Slaa.


    Kwa upande wake mtaalamu mshauri aliyepewa kazi ya kuratibu utaratibu wa kuwapata wabunge wa viti maalumu, Dkt. Kitila Mkumbo alisema kuwa kwa uchanganuzi aliofanya kwa kutumia vigezo vya jumla kama vile umahiri, bidii, dhana ya uwakilishi wa wananchi kupitia wabunge wa viti maalumu na kila kanda kupata nafasi, itasaidia CHADEMA kupata wabunge makini kama ilivyokuwa katika bunge lililopita.


    "Mbali ya vigezo hivyo vya jumla nilitumia vigezo vingine kwa sayansi ya takwimu ambavyo vilikuwa ni elimu, uzoefu wa uongozi kisiasa, uzoefu wa uongozi nje ya siasa, ugombea ubunge jimboni, mchango wa hali na mali katika shughuli za chama na kampeni zinazoendelea, umri katika chama, ambapo kila kigezo kilikuwa na sehemu ndogondogo tofauti ambavyo ndivyo tulitolea maksi.


    "Kwa kweli kwa ukokotoaji wa vigezo hivyo CHADEMA imepata wabunge mchanganyiko wenye sifa mbalimbali kutoka karibu kila eneo la nchi katika kanda mbalimbali, kwa kweli ilikuwa lazima kuzingatia vigezo vingi kwani CHADEMA kinajiandaa kuunda serikali.
     
  2. Y

    YgJunior Member

    #2
    Sep 29, 2010
    Joined: Jan 12, 2008
    Messages: 19
    Likes Received: 0
    Trophy Points: 3
    safi sana CHADEMA kwa umakini wakati wengine wanatumia wachawi nyie mnatumia wasomi na wataaalamu
     
  3. Rutunga M

    Rutunga M JF-Expert Member

    #3
    Sep 29, 2010
    Joined: Mar 16, 2009
    Messages: 1,406
    Likes Received: 32
    Trophy Points: 145
    Ili kuodoa utata mwenye hiyo Document ya Synovet aiweke hapa
     
  4. Lu-ma-ga

    Lu-ma-ga JF-Expert Member

    #4
    Sep 29, 2010
    Joined: Sep 21, 2010
    Messages: 2,415
    Likes Received: 3
    Trophy Points: 0
    Hao synovate ni kuwashitaki makao makuu yao.Maana hao ni waajiriwa si wasemaji wakuu.Shitaki kwa boss wao huko ulaya.Lakini tuwe na documentary evidence to justify our cry.
     
  5. The Dreamer

    The Dreamer JF-Expert Member

    #5
    Sep 29, 2010
    Joined: Feb 2, 2009
    Messages: 1,280
    Likes Received: 0
    Trophy Points: 0
    Nilijua DR Slaa atakuwa na ushahidi na nilijua questionnaire ndiyo suluhisho. Sasa kwa vile kuna barua pia questionnaire hiyo inatosha kabisa. Shame on Synovate. Au inawezekana hilo swali namba GP 06 walishindwa namna ya kulianalyse. Nipo tayari kuwapa Synovate program ya PASW statistics Data Editor (aka SPSS) bure. Na kama kuna kutafsiri P-value hiyo kazi pia itakuwa free of charge! Nipigie. By the way Mwaka huu REDET kimya...kweli mwaka wa hasara CCM mtavuna nini?
     
  6. Msanii

    Msanii JF-Expert Member

    #6
    Sep 29, 2010
    Joined: Jul 4, 2007
    Messages: 6,223
    Likes Received: 62
    Trophy Points: 145
    Umenena vyema Dr. Slaa.
    Kikwete na genge lake wamefikia pabaya.

    Hivi ninyi USALAMA wa TAIFA mtakuwa matarishi wa ziraili mpaka lini?
    kuweni na uzalendo. Mabadiliko pia ni kwa mslahi yenu
     
  7. Mvaa Tai

    Mvaa Tai JF-Expert Member

    #7
    Sep 29, 2010
    Joined: Aug 11, 2009
    Messages: 5,317
    Likes Received: 589
    Trophy Points: 280
    Waajiriwa wa sinoveti njaa tuu
     
  8. Nyunyu

    Nyunyu JF-Expert Member

    #8
    Sep 29, 2010
    Joined: Mar 9, 2009
    Messages: 4,286
    Likes Received: 48
    Trophy Points: 145
    Kumekucha wakuu. KAma CHADEMA wangepata ushahidi wa kuchapisha kura bandia ingelikuwa poa!! Halafu lazima wa-lodge complain with the NEC, tuone Makame atafanya nini!!!

    Wameshikwa pabaya this time!!!
     
  9. Emma Lukosi

    Emma Lukosi Verified User

    #9
    Sep 29, 2010
    Joined: Jul 22, 2009
    Messages: 932
    Likes Received: 2
    Trophy Points: 35
    'Hakuna Uzalendo kwenye Njaa. Tumbo mbele mzalendo Gazeti'. Hiyo ni ILANI YA TISS.
     
  10. Njowepo

    Njowepo JF-Expert Member

    #10
    Sep 29, 2010
    Joined: Feb 26, 2008
    Messages: 9,160
    Likes Received: 289
    Trophy Points: 180
    Synovate hao hao wameshachafua hali ya hewa wamerelease matokeo ya kura ya maoni Kenya na kudai Odinga yuko juu for 47%.
     
  11. Mawenzi

    Mawenzi JF-Expert Member

    #11
    Sep 29, 2010
    Joined: Sep 21, 2010
    Messages: 1,268
    Likes Received: 2
    Trophy Points: 0
    Namwomba Rais Dr Slaa achapishe huo ushahidi hapa ili sisiem na hao vibaraka wao sinoveti waaibike
     
  12. M

    Mfwatiliaji JF-Expert Member

    #12
    Sep 29, 2010
    Joined: Oct 5, 2007
    Messages: 1,326
    Likes Received: 3
    Trophy Points: 0
    Ujumbe ni mzito kwa kweli hasa kwa huyu Kikwete, Makame na Tendwa wake..
    Wasithubutu kabisa kuendelea kuendelea kutuvurugia nchi. Imekula kwao tayari.
     
  13. s

    superfisadi JF-Expert Member

    #13
    Sep 29, 2010
    Joined: May 22, 2009
    Messages: 551
    Likes Received: 0
    Trophy Points: 0
    kwenye viti maalum chadema napingana na nyie haiwezekani WANAUME ndiyo mkae kuwachagulia WANAWAKE watu a kuwawakilisha hii si DEMKRASIA ya kweli yote nawaunga mkono lakini hili hapana. otherwise wanaume waeleze wazi wanatumia nafasi hizo kuwaendesha wanawake
     
  14. Mantissa

    Mantissa JF-Expert Member

    #14
    Sep 29, 2010
    Joined: Jul 24, 2010
    Messages: 854
    Likes Received: 16
    Trophy Points: 35
    DR. Slaa, tunakupa go ahead, hongera kwa juhudi zako. Tuko kukusupport ndugu yetu.

    Sisiem chini daima + mafisadi
     
  15. M

    Mdondoaji JF-Expert Member

    #15
    Sep 29, 2010
    Joined: Mar 17, 2009
    Messages: 5,102
    Likes Received: 38
    Trophy Points: 145
    Kwa mnaomba evidence kwanza tuwaache synovate wajibu ndipo evidence zishushwe hapa kwani ukiwapa evidence zako watazichakachua kudai kuwa ile ilikuwa ni draft tu kitu yenyewe hii hapa. Waacheni wajiifunge wenyewe synovate
     
  16. Mpambalyoto

    Mpambalyoto JF-Expert Member

    #16
    Sep 29, 2010
    Joined: Mar 26, 2010
    Messages: 752
    Likes Received: 0
    Trophy Points: 0
    Nadhani utafiti hauna jinsia.
     
  17. Ernie

    Ernie JF-Expert Member

    #17
    Sep 29, 2010
    Joined: Aug 3, 2010
    Messages: 218
    Likes Received: 4
    Trophy Points: 0
    wadau samahanini! ivi kwani kweschenea ndio matokeo? mbona mi nashindwa kuelewa? na kwani kuna pahala popote ambapo hawa jamaa wa synovate walisema kwamba hawafanyi/wala hawatofanya utafiti huo? msaada tafadhali!
     
  18. Rutashubanyuma

    Rutashubanyuma JF-Expert Member

    #18
    Sep 29, 2010
    Joined: Sep 24, 2010
    Messages: 61,342
    Likes Received: 476
    Trophy Points: 180
    Shukraniiiiiiiiiiiiiiiiiiiiiiiiiiiiiiiiiiiiiiiiiiiiiiiii
     
  19. PayGod

    PayGod JF-Expert Member

    #19
    Sep 29, 2010
    Joined: Mar 4, 2008
    Messages: 1,254
    Likes Received: 4
    Trophy Points: 135
    kaka umenena, kweli tuwaache wajifunge wenyewe
     
  20. AK-47

    AK-47 JF-Expert Member

    #20
    Sep 29, 2010
    Joined: Nov 12, 2009
    Messages: 1,381
    Likes Received: 0
    Trophy Points: 133
    Waende tu mahakamani wakavuliwe nguo hadharani vibaraka wakubwa wa CCM
     
Loading...