Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Baba yake Dk Ulimboka atoa ya moyoni

Discussion in 'Habari na Hoja mchanganyiko' started by KAUMZA, Sep 8, 2012.

  1. K

    KAUMZA JF-Expert Member

    #1
    Sep 8, 2012
    Joined: Aug 31, 2010
    Messages: 688
    Likes Received: 15
    Trophy Points: 35
    BAADA ya kimya cha muda mrefu, baba mzazi wa kiongozi wa Jumuiya ya Madaktari Tanzania, Dk Stephen Ulimboka, amekubali kuzungumzia sakata la mwanaye kutekwa, kuteswa, kutibiwa na hatimaye kurejea nchini akisema kwamba kupona kwake ni neema za Mungu, huku akiishutumu Serikali kuwa imewatelekeza Watanzania.Hii ni mara ya kwanza kwa baba huyo, Ulimboka Mwaitenda kuzungumza tangu mwanaye alipotekwa, kuteswa na baadaye kutupwa katika Msitu wa Pande, nje kidogo ya Jiji la Dar es Salaam.

    "Naishangaa Serikali hii ambayo wananchi wanapigwa na kuuawa bila makosa. Nakumbuka kiongozi aliyeipenda Tanzania ni mmoja na ameshatangulia mbele za haki," alisema akimaanisha Baba wa taifa Mwalimu Julius Nyerere.
    Mwaitenda alitoa kauli hiyo jana baada gazeti hili kumtafuta ili azungumzie habari zilizoenea nchini kwamba mwanaye, amepata kazi nje ya nchi.

    Kuhusu madai hayo, Mwaitenda alikanusha akisema kuwa mtoto wake hawezi kwenda nje ya nchi bila yeye kufahamu... "Pengine ana mipango hiyo, lakini mimi sijui wala sijasikia, lakini atakwenda nje ya nchi kufanya nini? Hizi habari hizo ndiyo nazisikia kwako kwa mara ya kwanza eti Ulimboka anataka kwenda nje ya nchi? Akafanye nini alichokosa hapa Tanzania!"
    Wakati mwandishi akiingia nyumbani kwa Mwaitenda, Ubungo Kibangu, Dar es Salaam, alipishana na Dk Ulimboka akiwa kwenye gari na wenzake, wanne. Hata hivyo, hakufanikiwa kuzungumza naye.

    Kuhusu tukio la kutekwa, kuteswa na kutupwa katika Msitu wa Pande, Mwaitenda alisema: "Mpaka sasa, tumeiona kazi ya Mungu, ile ni neema ya Mungu kwa sababu wewe uliona wapi mtu akapigwa namna ile halafu akapona kama si kwa neema tu."
    Alisema alimkanya mtoto wake huyo aachane na masuala ya migomo na siku chache baada ya onyo lake ndipo akatekwa na kujeruhiwa vibaya.

    "Nilimkanya kabisa kuhusu mambo ya migomo hasa baada ya kuniambia kuwa amechaguliwa kuwa msemaji mkuu wa madaktari wenzake na kwa bahati mbaya ndiyo yakatokea hayo yaliyotokea," alisema.
    Alielezea kushangazwa kwake na watu waliompiga mtoto wake akisema, hajui walikuwa wanataka nini. Alisema hakuwa na uhasama na mtu yeyote kuanzia kazini kwake hata kwa marafiki zake. "Mpaka sasa nashindwa kuelewa kwa nini waliamua kumpiga, kwa sababu kwa ninavyomjua Steven, hajawahi kuwa na ugomvi na mtu tangu anasoma shule ya msingi mpaka anamaliza chuo kikuu. Sijawahi kupata mashtaka kuwa amegombana na mtu. Nashangaa haya yanayotokea leo."

    Akitoa wasifu wa mwanaye huyo alisema tangu utoto wake, daktari huyo alikuwa mtulivu na mwenye upeo wa hali ya juu. Alisema anasikitishwa mno na yaliyompata akisema kwamba siku moja ukweli utawekwa wazi kwani siku zote kazi za Mungu na kazi za shetani haziwezi kuchangamana. "Kama mafuta na maji, ukiyachanganya... mafuta yatakuwa juu na maji yatabaki chini. Najua siku moja Mungu ataweka wazi ukweli," alisema.

    Kuhusu afya ya Dk Ulimboka, Mwaitenda alisema ingawa yeye si daktari, lakini anamwona mtoto wake kuwa yu mwenye afya na kuongeza kuwa hata mwanaye huyo amekuwa akisema kwamba sasa ana afya njema.

    Hali nyumbani kwa Mwaitenda
    Baada ya kufika nyumbani kwa mzazi huyo wa Dk Ulimboka, mwandishi alikaribishwa vyema na mzazi huyo ingawa alimtahadharisha kwamba endapo angekutana na daktari huyo hapo au ndugu zake, wangemfukuza.
    "Una bahati ungewakuta hapa watoto wangu tusingezungumza. Hata hawa mabinti zangu wakikukuta, hatutaendelea na mazungumzo...."

    Hivyo ndivyo ilivyotokea kwani baada ya kuelezea hayo, mabinti wake wawili walitokea na mmoja akaanza kwa kusema... "Shikamoo Baba, umesharudi? Huyu nani?"
    Mzee Mwaitenda, kwa bashasha aliwatambulisha mabinti hao... " Huyu ni Florence... mwandishi wa Mwananchi..." Hata kabla hajaendelea binti huyo na mwenzake walimshika mkono na kumwamuru atoke nyumbani hapo mara moja.
    "Haya dada toka, toka, mmeshindwa kuandika kuhusu mwandishi mwenzenu aliyekufa (Daudi Mwangosi), mnakuja kutufuata mpaka huku Kibangu.... mtazame miguu ilivyomchafuka kwa vumbi kwa kushadadia ya watu, toka kabla sijakupiga makofi," alisema mmoja wa mabinti hao.

    Madai Dk Ulimboka kutoweka

    Rais wa Chama cha Madaktari Tanzania (MAT), Dk Namala Mkopi ambaye alikuwa karibu na Dk Ulimboka wakati wa mgomo wa madaktari nchini, alisema tangu waonane aliporejea nchini kutoka Afrika Kusini, hajawasiliana tena.
    "Hatujawasiliana naye," alisema Dk Mkopi na kusema kulingana na ukubwa wa tatizo lililompata, hakuwa na mpango wa kumsumbua, bali kumwacha apumzike hadi atakapokuwa amejisikia mwenyewe kurejea kazini.
    Aliyekuwa kiongozi wa jopo la madaktari waliomhudumia, Profesa Joseph Kahamba alisema, hajawahi kuonana wala kuwasiliana na Dk Ulimboka tangu alipopelekwa Afrika Kusini, Juni mwaka huu.

    Chanzo: www.mwananchi.co.tz
     
  2. Bishop Hiluka

    Bishop Hiluka Verified User

    #2
    Sep 8, 2012
    Joined: Aug 12, 2011
    Messages: 2,711
    Likes Received: 44
    Trophy Points: 145
    Ngoja nishushe pumzi kwanza, efyuuuuuuuu!...
     
  3. B

    Bajabiri JF-Expert Member

    #3
    Sep 8, 2012
    Joined: Jan 1, 2011
    Messages: 9,755
    Likes Received: 15
    Trophy Points: 0
    Huyu dada ulimboka kadata kweli.......
    Waandishi mmeanza kuzodolewa sasa,,,,,ENDELEEN KUJADILI SUALA LA MWANGOS
     
  4. NAFIKA

    NAFIKA Senior Member

    #4
    Sep 8, 2012
    Joined: Dec 3, 2011
    Messages: 125
    Likes Received: 0
    Trophy Points: 33
    Ni sawa mnahitaji habari, but be patient hivi unafikiri tatizo lililompata ni dogo? Unahisi familia yake ilijisikiaje kwa yaliyompata japo ameshapona? Hebu mpuzisheni kwanza.
     
  5. Lambardi

    Lambardi JF-Expert Member

    #5
    Sep 8, 2012
    Joined: Feb 7, 2008
    Messages: 7,563
    Likes Received: 2,071
    Trophy Points: 280
    Kweli waandishi walitakiwa kuandika na kuhamasisha sana jamii kusaidia kuhusu suala la Mwangosi si la Uli tena!
     
  6. Fredrick Sanga

    Fredrick Sanga JF-Expert Member

    #6
    Sep 8, 2012
    Joined: Jan 27, 2011
    Messages: 3,146
    Likes Received: 15
    Trophy Points: 135
    Mambo hovyohovyo kila mahala. Mungu tusaidie.
     
  7. k

    kijereshi JF-Expert Member

    #7
    Sep 8, 2012
    Joined: Apr 2, 2012
    Messages: 247
    Likes Received: 0
    Trophy Points: 33
    Hivi ni lini ataweka mambo bayana kama alivyoahidi mara alipotua nchini au ndo kishawekwa mfukoni maana kila mtu ana bei yake
     
  8. Pinokyo Jujuman

    Pinokyo Jujuman JF-Expert Member

    #8
    Sep 8, 2012
    Joined: Feb 5, 2012
    Messages: 553
    Likes Received: 0
    Trophy Points: 0
    Dr. Mkopi & Prof. Kahamba; inakuwaje tangu mpiganishaji wenu tangu atoke SA hamjataka hata kujua maendeleo yake ya kiafya; mnathubutu kujisema et mmeamua kumuacha apumzike, ndio anahitaji kupumzika lkn hata kumjulia hali na kumpa faraja?
    Hata alipoondoka kwenda kwenye Matibabu aliwaachia wosia kuwa damu yake ilomwagika iwe chachu kwenu ktk kupigania haki zenu kwa kuendeleza kusimamia madai yenu ya msingi je mlifanya hivyo?
    Nachelea kusema kuna kilicho nyuma ya pazia et enyi Madaktari, Igwondu ni mwenzenu?
     
  9. Lukansola

    Lukansola JF-Expert Member

    #9
    Sep 8, 2012
    Joined: Sep 5, 2010
    Messages: 5,426
    Likes Received: 46
    Trophy Points: 145
    hebu tuwe wakweli jamani, sasa hapa kuna habari gani hapa? mi sioni jipya hapo, hiyo ni filler tu kwenye hilo gazeti.
     
  10. jogi

    jogi JF-Expert Member

    #10
    Sep 8, 2012
    Joined: Sep 25, 2010
    Messages: 11,157
    Likes Received: 3,714
    Trophy Points: 280
    Upendo wetu kwa dr. Ulimboka ulikuwa wa bure, tulijisumbua kusikitika pamoja na familia ya mzee ulimboka kwa ajili ya kutekwa kwa dr. Ulimboka

    Ama kweli tenda wema uende zako. Na siku atakayoongea huyu dokta atafananishwa na karunguyeye tu! Hana tena ile thamani aliyokuwa nayo before.

    Biblia husema kweli daima; "mkopeshapo msitarajie kurudishiwa"
     
  11. k

    kwitega Senior Member

    #11
    Sep 8, 2012
    Joined: Apr 10, 2012
    Messages: 166
    Likes Received: 0
    Trophy Points: 0
    Alitakiwa atuambie nini kilichompata ili umma ujue. Kuna maneneo mengi yaliyokuwa yakisemwa kuhusu kitendo cha kikatili alichofanyiwa. Hata kuna taarifa kuwa hata yeye binafsi alikuwa akitoa kauli za kuihusisha Ikulu na tukio hilo. Aidha Polisi walihusishwa pia. Sasa kwa vile anasema anaendelea vizuri; kwa nini asijitokeze na kusema wazi kilichotokea ili tujue kama tuliyokuwa tunaambiwa dhidi ya Polisi na Ikulu yana ukweli wowote au ni porojo? Kuendelea kukaa kimya kutasababisha hisia nyingi ambazo zinaweza kuwa za kweli au la dhidi yake.
     
  12. NusuMutu

    NusuMutu JF-Expert Member

    #12
    Sep 8, 2012
    Joined: Sep 26, 2011
    Messages: 423
    Likes Received: 0
    Trophy Points: 0
    Nalikumbuka gazeti la wanamapinduzi MWANAHALISI.
     
  13. kibogo

    kibogo JF-Expert Member

    #13
    Sep 8, 2012
    Joined: Apr 1, 2012
    Messages: 9,220
    Likes Received: 473
    Trophy Points: 180
    Hiyo familia imeishawekwa sawa na Serikali hakutakuwa na jipya tena hapo, Cha muhimu tulitunze vizuri lile gazeti la Mwanahalisi kwani ndo lenye taarifa yote juu ya ufedhuli wa serikali hii, na kwa jinsi Dr. Uli alivyokamatika na waliomsurubu atakuja ikana kauli yake kabla ya kwenda South na pia atalikana hata ili gazeti hapo baadaye.
     
  14. a

    afwe JF-Expert Member

    #14
    Sep 8, 2012
    Joined: Oct 29, 2010
    Messages: 4,053
    Likes Received: 92
    Trophy Points: 145

    Mchochezi, unajuaje labda wako nae karibu ila tunayoyaona juu ya Ulimboka ni mkakati wa pamoja wa yeye, familia na madaktari wenzie?
     
  15. Z

    ZeMarcopolo JF-Expert Member

    #15
    Sep 8, 2012
    Joined: May 11, 2008
    Messages: 13,543
    Likes Received: 295
    Trophy Points: 180
    Kuna usemi unasema "nabii hakubaliki nyumbani kwao"
     
  16. Emanuel Makofia

    Emanuel Makofia JF-Expert Member

    #16
    Sep 8, 2012
    Joined: Jan 5, 2010
    Messages: 3,817
    Likes Received: 2
    Trophy Points: 135
    SUBIRI SUBIRI HUUUMIZA MATUMBO!
    Bora aweke wazi kuwa amesamehe yote na katu
    hatodai tena alichokuwa anapigania!!
     
  17. BEDO NYALUTOGO

    BEDO NYALUTOGO JF-Expert Member

    #17
    Sep 8, 2012
    Joined: Aug 16, 2012
    Messages: 1,051
    Likes Received: 5
    Trophy Points: 135
    achen hbr zisizo na msing mna2letea mamb ya ajabu ulimboka tumechoka nae hebu weken thread zeny ujazo hapa jf 2na mamb meng ya kuzungumzia na si maisha ya m2 1! DZAIN UMEBOA SANA!
     
  18. Pinokyo Jujuman

    Pinokyo Jujuman JF-Expert Member

    #18
    Sep 8, 2012
    Joined: Feb 5, 2012
    Messages: 553
    Likes Received: 0
    Trophy Points: 0
    Sasa najuaje namna gani wakati mwandishi ameweka kauli zilotoka baada ya mahojiano yao?
    Kama wako naye pamoja kwani kuna athari gani kukiri kuwa huwa wanawasiliana japo kumtakia hali na kujua maendeleo yake kwani hilo nalo ni tatizo?
     
  19. n

    ngonani JF-Expert Member

    #19
    Sep 8, 2012
    Joined: Aug 27, 2012
    Messages: 1,269
    Likes Received: 99
    Trophy Points: 145
    Wale madaktari waliofukuzwa kazi wako wapi?na huduma katika hospitali zetu zikoje?yale madai yao yaliishia wapi?kuna mufaaka wowote ulifikiwa kati ya madaktari na serikalai.Mwenye kujua lolote atujuze.
     
  20. Remote

    Remote JF-Expert Member

    #20
    Sep 8, 2012
    Joined: May 20, 2011
    Messages: 13,818
    Likes Received: 638
    Trophy Points: 280
    hivi mnataka aweke bayana kitu gani hasa si alishaongea mara baada ya kuokotwa na mwanahalisi walishaiandika ishu nzima ilivyokuwa; Sisi WATZ ni wababishaji sana dk ulimboka alivyokaa kimya hata mimi namsapoti kwani hakuna jipya la kuongea kila kitu kina julikana
     
Loading...