Zak Malang
JF-Expert Member
- Dec 30, 2008
- 5,404
- 234
Wanajamvi: Stori hii nimeipenda kwani tukio la CCM kutaka kuteka sherehe za miaka 50 ya uhuru pale Mnazi Mmoja lilizimwa na vijana wa CDM. Pia inasdhihirisha kwamba polisi daima ni watumishi wa CCM katika ushindani wa kisiasa nchini. Naamini kabisa matukia kama haya yataendelea tu hadi Polisi wajue kwamba wao wanatakiwa wawe neutral kabisa katika siasa.
CHADEMA yateka mkesha wa Uhuru
• Watatu wazimia kwa milipuko ya fataki na Waandishi wetu
SHEREHE za mkesha wa miaka 50 ya Uhuru wa Tanzania Bara, zilizofanyika kitaifa katika viwanja vya Mnazi Mmoja juzi, jijini Dar es Salaam ziliingia dosari baada ya askari kadhaa kutaka kuwakamata watu waliokuwa wakipiga kelele za kukishangilia Chama cha Demokrasia na Maendeleo (CHADEMA).
Kundi kubwa la watu wengi wao wakiwa vijana wa rika mbalimbali walishangilia kwa nguvu na kukitaja CHADEMA, kila mlio wa fataki ulipokuwa ukisikika, hali iliyowavutia wananchi wengine kujiunga na kundi hilo.
Kelele za kukishangilia CHADEMA zilidumu zaidi ya robo saa, kiasi cha kuonekana kuwaudhi baadhi ya viongozi wa serikali walioalikwa katika mkesha huo ambao mgeni rasmi alikuwa Makamu wa Rais, Dk. Mohamed Gharib Bilal.
Polisi wenye mbwa na wale waliokuwa wamesheheni silaha, walijaribu kulizingira kundi hilo na kulitaka kutokitaja chama hicho, lakini walikumbana na wakati mgumu baada ya kuambiwa wakamnyamazishe kwanza, Kapteni John Komba ambaye alikuwa jukwaani akitumbuiza kwa kuisifia zaidi CCM.
Hatua ya polisi hao ilisababisha kukusanyika kwa watu wengine zaidi, na kuzua zogo kubwa kutoka kwa wananchi, waliodai kuwa wamelazimika kuingiza kibwagizo cha CHADEMA kila ilipopigwa fataki moja, kutokana na kukerwa kwao na tukio la viongozi wa serikali kutaka kuzifanya sherehe hizo zionekane kuwa za Chama Cha Mapinduzi wakati ni suala la Watanzania wote bila kujali itikadi za vyama.
Kutokana na mshikamano wa wananchi hao, polisi hao walilazimika kubaki kimya na kuacha shangwe za CHADEMA ziendelee hadi ratiba ya kuondoka kwa mgeni rasmi na wageni wengine ilipowadia.
Chanzo: Tanzania Daima
CHADEMA yateka mkesha wa Uhuru
• Watatu wazimia kwa milipuko ya fataki na Waandishi wetu
SHEREHE za mkesha wa miaka 50 ya Uhuru wa Tanzania Bara, zilizofanyika kitaifa katika viwanja vya Mnazi Mmoja juzi, jijini Dar es Salaam ziliingia dosari baada ya askari kadhaa kutaka kuwakamata watu waliokuwa wakipiga kelele za kukishangilia Chama cha Demokrasia na Maendeleo (CHADEMA).
Kundi kubwa la watu wengi wao wakiwa vijana wa rika mbalimbali walishangilia kwa nguvu na kukitaja CHADEMA, kila mlio wa fataki ulipokuwa ukisikika, hali iliyowavutia wananchi wengine kujiunga na kundi hilo.
Kelele za kukishangilia CHADEMA zilidumu zaidi ya robo saa, kiasi cha kuonekana kuwaudhi baadhi ya viongozi wa serikali walioalikwa katika mkesha huo ambao mgeni rasmi alikuwa Makamu wa Rais, Dk. Mohamed Gharib Bilal.
Polisi wenye mbwa na wale waliokuwa wamesheheni silaha, walijaribu kulizingira kundi hilo na kulitaka kutokitaja chama hicho, lakini walikumbana na wakati mgumu baada ya kuambiwa wakamnyamazishe kwanza, Kapteni John Komba ambaye alikuwa jukwaani akitumbuiza kwa kuisifia zaidi CCM.
Hatua ya polisi hao ilisababisha kukusanyika kwa watu wengine zaidi, na kuzua zogo kubwa kutoka kwa wananchi, waliodai kuwa wamelazimika kuingiza kibwagizo cha CHADEMA kila ilipopigwa fataki moja, kutokana na kukerwa kwao na tukio la viongozi wa serikali kutaka kuzifanya sherehe hizo zionekane kuwa za Chama Cha Mapinduzi wakati ni suala la Watanzania wote bila kujali itikadi za vyama.
Kutokana na mshikamano wa wananchi hao, polisi hao walilazimika kubaki kimya na kuacha shangwe za CHADEMA ziendelee hadi ratiba ya kuondoka kwa mgeni rasmi na wageni wengine ilipowadia.
Chanzo: Tanzania Daima
