Vituo vya daladala kugeuka soko

Kutokana na kushamiri mfumo wa rushwa nchini mamlaka zinazohusika na usimamizi wa vituo vya daladala jijini dar-es-salaam zimeshindwa kabisa kuweka nidhamu kwenye vituo vikuu vya daladala ambapo sasa vimegeuka kuwa masoko.

Kwa mfano kwenye kituo cha Mwenge hivi sasa mabasi yamehama kituoni na yanasimama nje baada ya kukabiliwa na msongamano mkubwa wa wafanyabiashara.

Sakafu yote ya kituo zinatandazwa bidhaa utadhani mabasi na abiria ndio wageni hapo kituoni.

Kituo cha Mwenge kilipozinduliwa baada ya matengenezo kilifunguliwa kwa mbwembwe huku wahusika na usimamizi wakitapa kuweka nidhamu. Hivi sasa wamebobea kwa kuchukua kitu kidogo kutoka kwa wafanya biashara wadogo na kufumbia macho shughuli zao hadi kituo kimegeuka soko.

Hapo mwenge hakika sasa ni soko tena kubwa karibu litakua la kimataifa. Mabasi sasa yanasimama nje ya kituo huku wananchi wakiingia hapo kituoni kwa manunuzi ya bidhaa mbalimbali.

Hakika hii ndio picha halisi ya nchi yetu, hakuna kinachoenda kwa mpango ila rushwa ndio inatawala. Ngojea tuone hiyo DART ikianza kama hatukuona madudu tu kwa ajili ya mfumo rushwa.

This is Tanzania. Everything is possible. Kila kitu ruksa. Ukiwaondoa watakujia juu "Kwani barabara tukafanyie wapi?" Polisi wakienda kuwaondoa kwa nguvu wanapata mkong'oto wa mbwa mwizi.

Kama waliweza kuwaondoa Tazara na TANESCO Ubungo, kwa nini washindwe Mwenge?

Kuna ombwe la uongozi katika ngazi zote. Ninakokaa kuna mtu kaamua kujenga baa katikati ya barabara eneo ambalo limepimwa, eneo ambao liko mita chache kutoka ofisi za serikali za mitaa. Inawezekana kuna dili linaendelea, wanachukua chao kinyemela. Tanzania - Nchi ya kitu kidogo!

wanaotakiwa kuwafukuza ndio wanataka wa wepo,uwepo wao ndio ulaji wao hivyo ndivyo ilivyo.

Dah, kweli kabisa vituo vya daladala kila mahali imekuwa sehemu ya biashara, abiria wanakosa pakukaa maana utakuwa wachoma mahidi, meza za karanga na mambo ama hayo yote hii ni kutokana na msongamano wa wakaazi ktk hili jiji hivyo kila mtu anajitahidi kadri iwezekanavyo kujitafutia riziki popote anapoona panamfaa.

Hili ni tatizo, tena tatizo kubwa, hawa jamaa wanachafua mazingira kwa uchafu wa bidhaa zao napi haja ndogo kwenye chupa ambazo zinatupwa hovyo, au pembezoni mwa nyumba za jirani au majengo ya jirani yalioyopo.

Lakini cha kujiuliza huu ushuru wanaochukua nani ananufaika nao? serikali ya mtaa, kata au halimashauri husika? kama halimashauri zingebuni utaratibu mzuri muda wa jioni katika vituo vikubwa naamini wangenufaika mno, hivi sasa kila kituo ikifika jioni ni soko, nenda ubungo, mwenge, buguruni, tazara sijui gongo la mbali mboto wapi....

Unashindwa hata kuegesha kagari kako ukapata huduma za jamii katika eneo hilo... Nafikiri hizi alimashauri za kata na miji zifanye jambo la maana...