Uteuzi wa Dk. Mashinji Mbowe, Waitara watofautiana

[singidadodoma]

WAKATI Mwenyekiti wa Chadema Taifa, Freeman Mbowe akijisifu kumteua Katibu Mkuu wa chama hicho mwenye kiwango cha elimu kinacholinga na cha Dk. Willibrod Slaa aliyeng’atuka, Mwenyekiti wa kanda ya Dar es Salaam Kuu, Mwita Waitara ana mtazamo tofauti.

Waitara ambaye pia ni Mbunge wa Ukonga mkoani Dar es Salaam na Mkuu wa Idara ya Uenezi wa Chadema, haamini kwamba kitendo cha kumteua Dk. Vincent Mashinji kuwa Katibu Mkuu wa chama hicho kina taswira ya kumuenzi Dk. Slaa aliyeng’oka kwenye nafasi hiyo siku chache kabla ya Uchaguzi Mkuu mwaka jana.

“Sidhani kitendo cha Mbowe kumteua Dk. Mashinji atakuwa amemuenzi Dk. Slaa, isipokuwa imeangukia tu katika mtazamo wa Mwenyekiti na sifa alizoziangalia. Ni kweli naye (Mashinji) ni daktari, lakini siyo kwamba Mwenyekiti amemteua kumuenzi Dk. Slaa, na siyo kwamba daktari pekee ndiye anaweza kuongoza.
“Mtu yeyote mwenye uwezo anaweza kuongoza chama hiki, hii ni fursa imetokea, huyu aliyeteuliwa ni daktari, lakini hata mtu mwenye digrii moja, stashahada, profesa ingewezekana kuteuliwa. Elimu ni kigezo muhimu, lakini siyo lazima awe daktari, ni ilimradi ana uelewa wa kutosha, hiyo ndiyo factor (kigezo) kubwa,” alisema Waitara katika mahojiano na Raia Mwema wiki hii jijini Mwanza alikohudhuria vikao vya Kamati Kuu na Baraza Kuu la Chadema vilivyobariki uteuzi wa Dk. Mashinji.

Wakati mtazamo wa Waitara ukiwa huo, Mbowe alipomtambulisha Katibu Mkuu mpya kwa wananchi katika uwanja wa Furahisha jijini hapa Jumapili iliyopita, alijipongeza kwa umakini wake katika uteuzi alioufanya akisema “Nimemtoa daktari (Dk. Slaa) na kumweka daktari (Dk. Mashinji).”

Katika mkutano huo, Mwenyekiti huyo wa Chadema alikiri kwamba elimu ni nyenzo muhimu katika uongozi, ingawa si lazima kila kiongozi awe msomi.

Itakumbukwa kwamba wakati wote ambao Dk. Slaa amekitumikia Chadema, Mbowe alikuwa mstari wa mbele kusifia utendaji wake, hivyo kitendo cha kutofautiana naye katika misimamo ya kuelekea Uchaguzi Mkuu uliyopita hakitoshi kumfutia kumbukumbu ya uongozi mahiri wa daktari huyo aliyewahi kuwa ukasisi.

Chanzo: Raia Mwema

 

[Fortilo]

Mbona ni sawa tu, Raia Mwema wanatakaje wao......siasa za hovyo namna hii hazilisaidii taifa

 

[Kuntakint]

Kweli watanzania tuna safari ndefu. Kama akili ndio hizi unakaa kabisa na kuandika kichwa cha habari jinsi ulivyoandika. Kuna kutofautiana gani hapo.
Tanzania kuja kukombolewa siyo leo wala kesho. Safari ni ndefu. Ndio mana wananchi bado hawajui haki zao wala mikataba za maliasili zao

 

[afsa]

Hiyo mistari mitatu toka raia mwema imeandikwa na nani? Msilete fikra finyu namna hiyo hapa

 

[R.B]

jina baya ;
linasahulika mapema,
jina hilo wanawake wampendi


na mimi rasmi simpendi katibu mkuu mpya

 

[Tetty]

RAIA Mwema gazeti la Kada wa Chama chetu cha Majambazi. na aliyelileta humu ni mwanachama wa Chama Cha Majambazi lakini akili na moyo viko Chadema

 

[kivava]

Kuna mtu anayafanyia promo bila kulipia vijarida vya hovyo hovyo hapa JF

 

[bigonzo]

hivi mbowe ameishia kidato cha ngapi?

 

[2hery]

Nayo hiyo ni habari ya uchunguzi...

 

[JipuKubwa]

Sijawahi linunua hili gazeti kabisa,bilashaka linauzwa mia mbili ya TZ.

 

[JBITUNGO]

hivi mbowe ameishia kidato cha ngapi?

Mbowe ni kiongozi aliyefanikia kisiasa na kiuchumi, hii ni elimu tosha na hakika elimu sio kuwa na idadi ya vyeti kabatini huku huna cha kujivunia chini ya uso wa dunia kwa taifa lako na jamii kwa ujumla !

 

[bigonzo]

Mbowe ni kiongozi aliyefanikia kisiasa na kiuchumi, hii ni elimu tosha na hakika elimu sio kuwa na idadi ya vyeti kabatini huku huna cha kujivunia chini ya uso wa dunia kwa taifa lako na jamii kwa ujumla !

mbowe alivyopiga deal la kumuuzia chama lowasa kwa bilioni kumi ndio nimeamini yuko kibiashara zaidi

 

[Afixa0]

jina baya ;
linasahulika mapema,
jina hilo wanawake wampendi


na mimi rasmi simpendi katibu mkuu mpya

we unaaangalia jina au utendaji,,,ww ni shoga ndo maana umeandika mawazo feki kama hayo

 

[Last emperor]

Wewe mwandishi unavurugwa,mbona umeandika kana kwamba Waitara ametofautiana na Mbowe wakati kaongea vizuri tu.Nina wasiwasi naelimu yakona IQ yako

 

[Mchumi90]

RAIA Mwema gazeti la Kada wa Chama chetu cha Majambazi. na aliyelileta humu ni mwanachama wa Chama Cha Majambazi lakini akili na moyo viko Chadema

Hivi ni la fisadi gani

 

[Chief wa kibena]

wapi ametofautiana.... cpaoni kwa kweli

 

[mwasu]

Hizi nafasi 46 za kazi na zitoke tu sasa maana wanatumia nguvu nyingi kweli kujionesha wanastahili.

 

[tutafikatu]

jina baya ;
linasahulika mapema,
jina hilo wanawake wampendi


na mimi rasmi simpendi katibu mkuu mpya

Vincent Mashinji.
Pombe Magufuli.
Andrew Chenge.
Majina ya kanda ya ziwa ndivyo yalivyo.

 

[Tetty]

Hivi ni la fisadi gani

Sijui kwa kweli.

 

[Mushi Eward]

Kiuhalisia ukisoma hiyo habari utagundua haina uhusiano wowote na kichwa chake. Sielew lengo la mwandishi ilikua ni nin. Hakuna sehemu yoyote ndani ya hiyo habari ambapo inaonesha kutofautiana kwa mh. Waitara na mh. Mbowe. Kama ni suala la elimu kama kigezo cha uongozi mahiri, wote kwa nyakati tofauti wamekiri kwamba elimu pekee si kigezo.