Uliposhika pashike

Dotto C. Rangimoto

Dotto C. Rangimoto

JF-Expert Member
Nov 22, 2012
1,985
1,284
1467143264035.jpg


Tumeshakika adabu, mwanakwetu tusamehe,
Hizi si bure adhabu, kwa maamuma na shehe,
Ndururu kupata tabu, hali zetu hohehahe,
Ulipo pashika pashike, lakini usipafunge.

Kiumbe umakinike, panapo vuja paunge,
Vizuri upazindike, lipate kuiva dunge,
Riziki siifutike, haramu sawa uchunge,
Ulipo pashika pashike, lakini usipafunge.

Unga kupata kibaba, mtihani hivi sasa,
Sukari 'mekuwa haba, aghari kama kipusa,
Ili mradi kushiba, vyakula tunatokosa,
Ulipo pashika pashike, lakini usipafunge.

Ukali wote wa simba, kumbe naye anazaa,
Ati akitaka mimba, mchezo hato kataa,
Mikwara uliyochimba, haijashusha bidhaa.
Ulipo pashika pashike, lakini usipafunge.

Mikutano wakataza, ikiwa ya kisiasa,
Jirani wamcharaza, mwandani wamtomasa,
Mbaguzi hana jaza, mwenzangu ninakuasa,
Ulipo pashika pashike, lakini usipafunge.

Sitaki mie semina, kuielewa sinema,
Milioni saba sina, hapa nakoma kusema,
Sina baba wala nina, wa furusi kuzitema,
Ulipo pashika pashike, lakini usipafunge.

Dotto Rangimoto Chamchua(Njano5)
Call/whatspp 0622845394 Morogoro.
 
Dotto C. Rangimoto said:
View attachment 361007

Tumeshakika adabu, mwanakwetu tusamehe,
Hizi si bure adhabu, kwa maamuma na shehe,
Ndururu kupata tabu, hali zetu hohehahe,
Ulipo pashika pashike, lakini usipafunge.

Kiumbe umakinike, panapo vuja paunge,
Vizuri upazindike, lipate kuiva dunge,
Riziki siifutike, haramu sawa uchunge,
Ulipo pashika pashike, lakini usipafunge.

Unga kupata kibaba, mtihani hivi sasa,
Sukari 'mekuwa haba, aghari kama kipusa,
Ili mradi kushiba, vyakula tunatokosa,
Ulipo pashika pashike, lakini usipafunge.

Ukali wote wa simba, kumbe naye anazaa,
Ati akitaka mimba, mchezo hato kataa,
Mikwara uliyochimba, haijashusha bidhaa.
Ulipo pashika pashike, lakini usipafunge.

Mikutano wakataza, ikiwa ya kisiasa,
Jirani wamcharaza, mwandani wamtomasa,
Mbaguzi hana jaza, mwenzangu ninakuasa,
Ulipo pashika pashike, lakini usipafunge.

Sitaki mie semina, kuielewa sinema,
Milioni saba sina, hapa nakoma kusema,
Sina baba wala nina, wa furusi kuzitema,
Ulipo pashika pashike, lakini usipafunge.

Dotto Rangimoto Chamchua(Njano5)
Call/whatspp 0622845394 Morogoro.
Click to expand...

Baba mwenda Baba Mwenda, Naanza kwa ausindile,
Nami ninategemea, u njema ii afya yako,
wewe na watoto wako, huko mliko nyumbani,
Morogoro kwetu sote, mimi pamoja na wewe.

Ni bora umetambua, yanayoendelea hapa,
mambo si kama zamani, enzi zile za je kei,
twapaswa kuyakubali, kama sio kuzoea,
Morogoro kwetu sote, mimi pamoja na wewe.

Kuna wanaoumizwa, na wanaofurahia,
wengine upewa shavu, wengine huning'inizwa,
kila mtu anapata, kile achostahiri,
Morogoro kwetu sote, mimi pamoja na wewe.

Kwetu sie wakulima, pia tutaathirika,
bei za kutuma pesa, na pia za kutolea,
sio tigo peke yake, bali na m-pesa pia,
Morogoro kwetu sote, mimi pamoja na wewe.

na tupendao habari, hari yetu taabani,
tulizoea kuliona, Bunge Dodoma live,
vijembe wakipigani, wapinzani na watawala,
Morogoro kwetu sote, mimi pamoja na wewe.

Leo hii ndugu yangu, Tivi yangu iko kiza,
hasa wakati ule, wa pindi chetu cha Bunge,
hatujui tokanayo, kule Bungeni Dodoma,
Morogoro kwetu sote, mimi pamoja na wewe.

Kwa miaka hii mitano, namba tutaisoma,
si wa CHADEMA pekee, bali hata CCM,
ACT wazalendo, nao hawatasalia,
Morogoro kwetu sote, mimi pamoja na wewe.

Ila ninachofahamu, Nazi haiwezi Jiwe,
wao wameshikika pini, sisi kule makalini,
dawa ni kuwaachia, wafanye wapendavyo,
ila 2020, tuwanyime kura zetu.

Chiwaso Mndendeule
Liwale.
 
Anoga kwa kila hali, namshukuru Manani,
Mimi ni baba magali, Nyachilo ndio nyumbani,
Mkembe wetu ugali, na mbuku wa milimani.

Ahsante wa ukae kwa shairi.
 
You must log in or register to reply here.
Back
Top Bottom
Forums
New posts
Post thread
Back