TFF yaipandisha Mbao FC ya Mwanza Ligi Kuu

[Daniel Mbega]

Shirikisho la Mpira wa Miguu Tanzania (TFF) limeitangaza klabu ya Mbao FC ya jijini Mwanza kupanda Ligi Kuu ya Vodacom (VPL) msimu ujao kutoka katika kundi C ya Ligi Daraja la Kwanza chini (StarTimes League).

TFF imeitangaza Mbao FC kfuatia maamuzi ya Kamati ya Nidhamu ya TFF yaliyotolewa April, 2016 ya kuzishusha daraja timu nne kutoka kundi C baada ya kukutwa na hatia ya upangaji matokeo.

Mbao FC imeshika nafasi ya kwanza kundi C kwa kuwa na pointi 12 baada ya kufutwa kwa matokeo ya timu za Geita Gold, Polisi Tabora, JKT Oljoro na JKT Kanembwa zilizokumbwa na mkasa huo wa upangaji matokeo.

Timu ya Mbao FC inapanda ligi kuu (VPL) msimu ujao, sambamba na timu za African Lyon ya jijini Dar es salaam pamoja na Ruvu Shooting ya mkoa wa Pwani.

Wakati huo huo kikao cha Kamati ya Rufaa ya Nidhamu ya TFF kinatarajiwa kukaa Jumamosi ijayo April, 30 jijini Dar es salaam kujadili rufaa mbalimbali ambazo zimekatwa na kutokana na maamuzi ya kamati ya Nidhamu ya TFF.

Kamati ya Rufaa ya Nidhamu ya TFF itasikiliza rufaa za wafuatao waliokata rufaa

(i) Saleh Mang’ola,

(ii) Yusuph Kitumbo,

(iii) Amos Mwita,

(iv) Fateh Remtullah,

(v) Timu ya JKT Oljoro,

(vi) Timu ya Polisi Tabora.

Aidha Kamati ya Nidhamu ya TFF itakutana Jumapili Mei Mosi kupitia taarifa mbalimbali zilizowasiliswa katika kamati hiyo.

 

[Christopher Wallace]

Naona sasa ni zamu ya wasukuma kutawala sekta zote maana walisahauliwa sana.

 

[Deo Corleone]

Naona sasa ni zamu ya wasukuma kutawala sekta zote maana walisahauliwa sana.

Wamestahili

 

[Mlalahoi Mlalahai]

Dah Geita wamechezea bahati, watajuta milele. Timu zetu zinafanya usajili wa hela nyingi na bado zinahonga, aaaagh

 

[BlackPanther]

Ni hakiyao wana-mwanza! Maana soka ndio lilianzia huko, kama mnaikumbuka Pamba africans enzi zake hakuna wakuikamata! dah imeniuma sana timu iyo kusambaratika

 

[Rockcity native]

Hapa sasa wanamwanza tumepata tim ya mkoa ambayo ipo neutral

 

[Frank Wanjiru]

Hapa sasa wanamwanza tumepata tim ya mkoa ambayo ipo neutral

Neutral kivipi Mkuu,au unaongelea uneutral wa Simba na Yanga?subiri wafanye usajili na ligi ianze ndio utaona rangi zote.

 

[usser]

Nlimis msai biwire ameruf bora

 

[Isanga family]

Arusha hawana timu hata moja wao na siasa tuu duu