Tanzania inatarajiwa kusajili kiwango cha juu zaidi cha ukuaji wa uchumi wake mwaka huu

[ULIMI MKUBWA]

Tanzania inatarajiwa kusajili kiwango cha juu zaidi cha ukuaji wa uchumi wake mwaka huu katika kanda ya Afrika Mashariki na kati.

Hii ni kwa mujibu wa ripoti ya shirika la fedha la kimataifa - IMF.
Katika ripoti yake iliyotolewa hii leo Tanzania inatarajiwa kusajili kiwango cha juu cha ukuaji wa uchumi wake wa asilimia 6.9% mwaka wa 2016.

Kasi hiyo ya ukuaji wa uchumi wa Tanzania ni ya pili tu nyuma ya Ivory Coast baina ya mataifa ya Kusini mwa jangwa la Sahara .

Ivory Coast inatarajiwa kukuwa kwa kasi ya asilimia 8.5%.

Katika kanda ya Afrika Mashariki ,uchumi wa Kenya ndio wa pili kwa kasi ya ukuaji kwa asilimia 6%.

IMF hata hivyo inasema kuwa kasi ya ukuaji wa uchumi kusini mwa jangwa la Sahara unatarajiwa kupungua kwa mwaka wa pili mfululizo kutokana na kudorora kwa viwango vya uzalishaji na hivyo uwekezaji.

Kwa mujibu wa shirika la fedha la kimataifa - IMF, eneo hilo linakadiria kushuka kwa ukuwaji wa uchumi kwa asilimia 3 mwaka huu.
Kiwango hicho ni cha chini kabisa kuwahi kushuhudiwa katika miaka 15.
Mataifa yanayotegemea mapato yanayotokana na mafuta ndiyo yalioathirika zaidi kama vile Nigeria na Angola.Aidha Zambia pia imeathirika vibaya kutokana na ukosefu wa soko la kimataifa la shaba yake.

Ripoti hiyo inaitaja Afrika Kusini kama moja ya mataifa ambayo kiwango chake cha ukuaji kimedorora kwa kiasi kikubwa mno.
Katika orodha ya mataifa yanayotarajiwa kuwa na kiwango cha juu cha ukuaji Kusini mwa jangwa la sahara Ivory Coast ndio inayoongoza.

Orodha ya mataifa ya kanda ya Kusini mwa Jangwa la Sahara na viwango vya kasi ya ukuaji wa uchumi 2016.
1. Ivory Coast 8.5%
2. Tanzania 6.9%
3. Senegal 6.6%
4. Kenya 6%
5. Zambia 3.4%
6. Nigeria 2.3%
7. Afrika Kusini 0.6%

 

[tajirijasiri]

Takwimu za kukua kwa Uchumi zisikudanganye ukalala na kushangilia. Hizo nchi unazozibeza kudorora zilishaendelea kitambo sana. Yaani ni sawa na mtu mzima aliyekua tayari, umfananishe na mtoto wa miaka 6 anayekua. Ukuaji nzuri wa Uchumi ni ule unaokuza waleti yako. Kama waleti ni nyeupe hiyo asilimia ya kazi gani.

Maendeleo ya uchumi lazima yawe na manufaa kwa watu.

Amka, Acha kushangilia kwa kukopi na kupaste.