hicho kilikuwa kijembe. hoja arumeru ni ardhi na maji.
Tatizo hili ni la kwetu sote sisi watanzania. Ardhi na maji ni matatizo ya Arumeru lakini ni nani aliyejenga hoja jadidi kuhusu matatizo ya Maji na Ardhi Arumeru? Tutofautishe kati ya ahadi na uchambuzi yakinifu. Kwa mfano Ardhi kwa mazingira ya sasa huko Arumeru haiwezi kugawiwa bure, ni lazima mashamba ya watu binafsi au ya serikali ndiyo yatolewe ili watu wa Arumeru wapate Ardhi ya kutosha.
Ni nani aliweza kutuambia watu wa Arumeru wako wangapi, wasio na Ardhi ni wangapi, kati ya hao wasio na Ardhi ni Asilimia ngapi wanaishi chini ya Dola moja kwa siku hivyo watashindwa kununua Ardhi hiyo hata kama itauzwa leo hii, na ni nini kitafanywa ili watu hao nao wamiliki Ardhi?
Hivi Ardhi inayotakiwa ni kwa ajli ya Kilimo au Makazi. Kama ni kwa Kilimo ni Kilimo cha aina gani, cha umwagiliaji au cha kusubiri mvua inayokuja kwa kudra za Mwenyezi mungu. Jee kule kwenye Ardhi tele na mvua za kutosha kilimo kimefanikiwa au ni mbinu zipi zitatumika kufanikisha kilimo hicho Arumeru?
Jee tatizo la Ardhi kwa watu wa Arumeru haliwezi kutatuliwa nje ya Arumeru kama lilivyotatuliwa tatizo la Ardhi Moshi Miaka ya themanini. Tija inayopatikana kutokana na matumizi ya Ardhi Arumeru inalingana na nguvu inayowekezwa na wanaomiliki Ardhi Arumeru? Jee wamiliki wa mashamba makubwa wanyang'anywe Ardhi wanayoimiliki bila kuitumia au wahimizwe kuitumia kama sharti la kuendelea kuimiliki Ardhi?
Kuhusu maji nimesikia ahadi toka kwa vyama vyote (siyo toka kwa wagombea) vyenye wagombea Arumeru, lakini zote ni "ahadi" tu. Sijasikia kama kuna mtu anatoa ahadi zake kwa kuegemea utafiti wa kisayansi kwamba maji yaliyopo Arumeru yanatosha au hayatoshi kugawiwa kwa wana Arumeru wote. Ni shilingi ngapi zitahitajika kwa ajili ya kuwekeza kwenye mradi wa kupeleka maji kwa sehemu kubwa ya wana Arumeru.
Pia sijasikia kama kuna mtu ameelezea kinaga ubaga kwamba Arumeru kuna vyanzo vingapi vya uhakika na endelevu vya maji. Au kuna mkakati gani unaotarajiwa kufanywa ili kutunza vyanzo hivyo vya maji na maji yanayopatikana sasa yanatolewa kwa kiwango cha chini kwa asilimia ngapi na ili kuiongeza hiyo asilimia kifanyike nini?
Siamini kama hakuna mabishano ya hoja,
KIJEMBE huwa kinaleta ladha yoyote kwenye mazungumzo!! Suala la uzao wa Vincent Nyerere lisingekuwa kubwa kiasi kile kama kilikuwa ni
KIJEMBE tu!! Hivi ndivyo tunavyoendesha siasa zetu
KIKATUNI!!