Shairi: Baby badili jina

[Sauti ya nyikani]

JINA LAKO LITANIPA TB.

Mpango chupa za coka, umeleta sokomoko.
mpenzi nawe wataka, chupa yenye jina lako.
nimemaliza maduka, Kibaha mpaka Keko.
Mpenzi badili jina, nisije pata TB.

Nasasa nimeshafika, kiwandani Makondeko.
Makreti napachika, godauni ndo niliko.
Jinalako nalisaka, Nyaminzi mwana Shiriko.
Mpenzi badili jina, nisije pata TB.

Stooni patashika, vumbi lake ni kiboko.
nabanja kama nabweka, na tumaini haliko.
Basi jiite Rebeka, nilipate pumziko.
Mpenzi badili jina, nisije pata TB.

Sauti ya nyikani.

 

[Emmanuel Rajabu]

Kweli bana wengine najina yao ni kwikwi kutaja!

 

[jembe afrika]

Mtafute shigongo

 

[guasa]

Hayo ndio majina ya kiafrika,
ni ulimbukeni umewashika
wala hakuna patashika
mkija kwangu patachimbika
mnaona angel jina zuri kuliko malaika
Ya kwenu hamyataki ya wazungu mmeshika
mnabadili majina mnahisi mmeelimika
iron wa ulay chuma waafrika
leo naishia hapa machozi yananitoka
uasil hatuutaki eti tutaaibika
kwa mtazamo huu sijui kama tutafika.

 

[Mpole mimi]

😁😁😁😂😁😁😁

 

[Jestina]

Haponi mtu,mnalo hilo lol

 

[josse lingwendu]

Aiiiii hatare hatare