Rais Magufuli usiliamini sana Jeshi la Polisi

[MsemajiUkweli]

Nimepatwa na mshangao kidogo kusikia kauli kupitia kwa Katibu Mkuu Kiongozi, Ombeni Safue ikisema Rais Magufuli amelitaka Jeshi la Polisi kurejesha kitengo cha ulinzi bandarini na pia eneo ambalo linafungwa mita za mafuta.

Ni kweli,lengo kuu na jukumu kuu la Jeshi la polisi ni kuhakikisha uwepo wa usalama wa mali za umma na raia.

Jeshi letu la polisi linahitaji ukarabati mkubwa kwenye utendaji na watendaji kuanzia juu mpaka kwa Konstebo wa Polisi. Tumeona umebadilisha watendaji mbali mbali lakini kutakuwa hakuna maana yoyote kama Jeshi halitabadilika kiutendaji. Hata Awamu ya Nne ilifanya Mabadiliko mengi ya watendaji lakini utendaji haukubadilika.

Kuna umuhimu mkubwa wa kuwa na chombo huru kisheria kinachowamulika polisi katika kazi zao.

Jeshi letu la polisi kwa kiwango kikubwa limeachana na Maadili ya Msingi ambayo ni Utaalamu, Kutii maadili, Kumjali mteja, Uwajibikaji na utimizaji wajibu, Ushirikiano wa pamoja, Kutokuwa na upendeleo, Wajibu katika jamii, Uaminifu, Heshima, Utiifu, Utii wa Sheria na Kanuni, Kuwa tayari kutenda, Kujiamini na kutunza siri.

Jeshi letu la Polisi kwa miaka mingi limepoteza majukumu na malengo yake makuu ya uwepo wake. Kwa sasa Jeshi letu limekuwa ni mawakala wa uhalifu nchini kama zilivyobainisha/zinavyobainisha tafiti nyingi zilizofanywa nchini.

Jeshi letu limekuwa kama criminal cartel(Muungano wa wahalifu) kiasi kwamba hata wananchi hawahangaiki kwenda kutoa taarifa za uhalifu polisi kwa sababu wana imani kuwa uhalifu unaotokea chanzo chake ni polisi na hata kama sio polisi, hakuna kitakachofanyika.


Wananchi wamelalamika sana na kwa muda mrefu kuhusu kuombwa rushwa na polisi ili wapatiwe huduma ambayo kimsingi wanailipia kupitia kodi zao.

Mfano kidogo, wananchi wamelalamika sana na kwa muda mrefu kuhusu kuombwa rushwa na polisi trafiki katika maeneo ya Kibaha mkoani Pwani, lakini hakuna kilichofanyika kwa sababu polisi katika maeneno hayo wamejenga mfumo wa uhalifu (criminal system).

Mwaka 2014, tulimsikia Mkuu wa Usalama Barabarani (RTO) wa Mkoa wa Pwani, Nassoro Sisiwaya aliwataka wananchi kuacha tabia ya woga wa kutoa taarifa za askari wanaokiuka maadili ya jeshi. Huu ni mwaka 2016, hakuna kilichofanyika badala yake matukio ya kuomba rushwa wananchi/waendesha magari yameongezeka. Hii inaakisi nchi nzima.

Kuna thread nyingi tu kuanzia mwaka 2007 mpaka leo hapa Jamiiforums kuhusu malalamiko ya wananchi kuhusiana na kuombwa rushwa na polisi.

Kuna makumi kama siyo mamia ya thread/mada hapa Jamiiforums zinazohusu rushwa kwenye Jeshi la Polisi. Hizi ni baadhi ya thread/mada;

Polisi wa TZ wanasingizia makosa kulazimisha rushwa

Rushwa kituo cha mabasi Mail moja Kibaha kwa askari wa usalama barabarani.

Huyu traffic Riziki wa Kibaha achunguzwe, ana coaster sita, Hon Mpinga tusaidie

Tafiti za kitaifa na kimataifa kwa kila mwaka zinaonyesha wananchi hawaliamini Jeshi la polisi kwa sababu ya rushwa na kutokuwajibika.


Haya nio baadhi ya matokeo ya tafiti kuhusu utendaji wa polisi wetu nchini kwa miaka ya karibuni.

 

[Al gator]

Kuona ni kuamini, muache ashuhudie madudu ambayo Polisi watayafanya ndio aamini kuwa ni bora kumuamini mbwa kuliko hawa polisi wetu. Polisi wengi ni wapiga dili na walarushwa wakubwa.

 

[Rapherl]

Yaani Sijakuelewa, kwamba Rais asiliamini Jeshi lake?!

Kwamba kwasababu tu kuna tatizo katika system ya Jeshi basi alifahi?!

Kwasababu tu kuna askari alikuomba rushwa basi ukajumlisha Jeshi zima!!


Alafu hakuna mtu analazimishwa kutoa Rushwa kama unakosa na hutaki sheria ifate mkondo unampooza tu.... Huu ndio ukweli-kusaidiana... Tubadilike kwanza sisi tukatae kutoa Rushwa.

Sijakuelewa kwa kweli?

 

[mkorinto]

Hahaaaaa

Eti ukarabati, uko nchi gani wewe usiyejua kwamba juzi amewapangua baadhi ya makambale humo???, unataka ukarabati gani labda???

Kuhusu wananchi kuombwa na kupokea rushwa haiwezi kuwa hoja yenye mashiko sababu hata yeye anajua kuwa wabongo ni watu wanaopenda mteremko kwa kubadiri matokeo kwenye kila jambo.hapa huwezi laumu polisi peke yao.

Halafu hajaonyesha imani sana kama unavyoandika, ila anawarudishia majukumu yao tu.

 

[MsemajiUkweli]

Kuona ni kuamini, muache ashuhudie madudu ambayo Polisi watayafanya ndio aamini kuwa ni bora kumuamini mbwa kuliko hawa polisi wetu. Polisi wengi ni wapiga dili na walarushwa wakubwa.

Kuna umuhimu wa kuunda chombo ambacho kinajitegemea ili kifanye kazi ya kuwamulika polisi.

Waingereza wameunda chombo ambacho wanakiita Independent Police Complaints Commission (IPCC).

 

[General Mangi]

aiseee sasa naona mnajinyeaa, yaani asipoliamini jeshi la polisi aamini nini sasa? si ndio mwanzo wa mapinduzi hapo??

 

[Brigedia Chan-ocha]

SIMON NYAKORO SIRRO Yupo Makini sana, na anajua kuwa endapo polisi wake watafanya upuuzi basi yeye ndiye atakayewajibika.

Kumbuka kwamba Polisi hawa ambao watakuwa wanaenda kulinda lazima kutakuwa na mashushushu wa Polisi Na Mashushusu binafsi wa Kamanda Sirro pamoja na Takukuru hata mmoja, hivyo hawa polisi watakuwa wanatolewa sehemu tofauti tofauti za Dar, miongoni mwao watakuwepo Takukuru wakiwa na uniform za Polisi, na kutakuwa na Usalama wa Taifa wakiwa na Uniform za Polisi, pamoja na polisi wenyewe ambao hapa kutakuwa na Mashushushu wa polisi na Mashushushu binafsi wa Kamanda sirro, hivyo nakuondoa hofu yoyote, kwa mfumo uliopo, kila mmoja atakayekuwa analinda huko banadari au kwenye flow meter mbali na kulinda mali hizo, vile vile, watakuwa wanachunguzana wenyewe bila kujijua.

ONDOA HOFU WATANZANIA.

 

[tutafikatu]

Mkuu hata mimi siiamini polisi sawasawa na wananchi wengi na machapisho mbalimbali, lakini nadhani lazima ifike kipindi mchawi umpe mtoto wako akutunzie ili uanze upya. Bahati mbaya hata JWTZ lina makandokando yake, na Rais hawezi linda binafsi.

 

[kepler telescope]

Hata mimi nimeshtuka sana jpm kuwaamini polisi eti walinde bandari. Kuna msemo kuwa eti wako polisi wachache wanaoharibu sifa nzuri ya jesh. Si kweli kabisa, asilimia kubwa ya polisi ni wabaya, hawatoi huduma kwa raia bila pesa hata kama una haki. Polisi atakupa huduma bure kama wewe ni ndugu, rafiki wa karibu sana au umekabidhiwa kwake na mkubwa wake. Polisi wako kutafuta pesa.

Sasa watu wa jinsi hii wanakabidhiwa bandari, kweli? Namshauri jpm ange-recruit vijana fresh toka shuleni na jkt, wakapewa mafunzo maalum kwa ajili ya ulinzi wa bandari zetu. Viongozi wao watoke jw au usalama wa taifa baada ya kufanyiwa vetting ya kina. Lakini kuwapa polisi hawa waliopo ulinzi wa bandari duhh!! jpm fikiria mara ya pili.

 

[genius]

Kwa kifupi ni kwamba watanzania wamekosa imani na jeshi letu la polisi.

 

[kivava]

Sipati picha watakavyo tunyanyasa pub za pale Mwanamboka

 

[MsemajiUkweli]

Yaani Sijakuelewa, kwamba Rais asiliamini Jeshi lake?!

Kwamba kwasababu tu kuna tatizo katika system ya Jeshi basi alifahi?!

Kwasababu tu kuna askari alikuomba rushwa basi ukajumlisha Jeshi zima!!


Alafu hakuna mtu analazimishwa kutoa Rushwa kama unakosa na hutaki sheria ifate mkondo unampooza tu.... Huu ndio ukweli-kusaidiana... Tubadilike kwanza sisi tukatae kutoa Rushwa.

Sijakuelewa kwa kweli?

Jaribu kuelewa vizuri sentensi nilizotumia!

Nimesema asiliamini SANA. Sijasema asiliamini kabisa.

Jeshi la polisi ni kiungo muhimu sana katika uaminifu wa serikali kwa wananchi.

Kama Jeshi la Polisi haliaminiki hata serikali haitaaminika.

Utendaji wa Jeshi la Polisi huakisi moja kwa moja utendaji wa serikali ndani ya fikra za wananchi wengi.

 

[Faana]

Kuona ni kuamini, muache ashuhudie madudu ambayo Polisi watayafanya ndio aamini kuwa ni bora kumuamini mbwa kuliko hawa polisi wetu. Polisi wengi ni wapiga dili na walarushwa wakubwa.

Hasara watakayoingia ni bora kununua na kufunga CCTV cameras all around the compound

 

[Jizi]

Kuona ni kuamini, muache ashuhudie madudu ambayo Polisi watayafanya ndio aamini kuwa ni bora kumuamini mbwa kuliko hawa polisi wetu. Polisi wengi ni wapiga dili na walarushwa wakubwa.

Sio lazima uchangie tujue upo,tunajua sana kama upo. Wewe mbona hujaonesha mfano kwa kutoa malalamiko ya kuibiwa kwa mbwa aliyeko bandani,be smart upstair brother

 

[MsemajiUkweli]

Hahaaaaa

Eti ukarabati, uko nchi gani wewe usiyejua kwamba juzi amewapangua baadhi ya makambale humo???, unataka ukarabati gani labda???

Kuhusu wananchi kuombwa na kupokea rushwa haiwezi kuwa hoja yenye mashiko sababu hata yeye anajua kuwa wabongo ni watu wanaopenda mteremko kwa kubadiri matokeo kwenye kila jambo.hapa huwezi laumu polisi peke yao.

Halafu hajaonyesha imani sana kama unavyoandika, ila anawarudishia majukumu yao tu.

Msingi wa hoja yako unaonyesha kutoliona tatizo la rushwa kama ni tatizo kubwa katika maendeleo.

Kupangua makambale haina maana ndio mwarobaini wa kuondoa rushwa ndani ya polisi. Mbona hata Awamu ya Nne ilipangua makambale ndani ya Polisi lakini rushwa na kutokuwajibika kukaendelea?

Hoja ya kusema ni kawaida kwa wananchi kutoa rushwa kwa sababu wanaoenda mteremko ni hoja muflisi.

Hivi kama Polisi hapokei rushwa unadhani wananchi wanaweza kutoa rushwa?

 

[MsemajiUkweli]

aiseee sasa naona mnajinyeaa, yaani asipoliamini jeshi la polisi aamini nini sasa? si ndio mwanzo wa mapinduzi hapo??

Kwanza unaposema mapinduzi una maana gani?

Pili, nimesema asiliamini sana kwa sasa kutokana na historia ya utendaji wa polisi kama inavyobainishwa kwenye tafiti mbali mbali ambazo baadhi nimeziweka kwenye mada.

 

[mkorinto]

Msingi wa hoja yako unaonyesha kutoliona tatizo la rushwa kama ni tatizo kubwa katika maendeleo.
wewe ndiye unaonekana kutoliona katika uzito wake, sababu kukwambia chanzo chake ni wananchi kupenda chenga unasema ni hoja mufilisi.
Kupangua makambale haina maana ndio mwarobaini wa kuondoa rushwa ndani ya polisi. Mbona hata Awamu ya Nne ilipangua makambale ndani ya Polisi lakini rushwa na kutokuwajibika kukaendelea?
So ukarabati gani ulikuwa unauzungumzia?
Hii ni awamu ya tano chini ya jpm,endelea kuusoma mchezo.[/IMG]

Hoja ya kusema ni kawaida kwa wananchi kutoa rushwa kwa sababu wanaoenda mteremko ni hoja muflisi.
Ukikamatwa kwa kosa la kutanua barabarani unatakiwa ufanyeje wewe kama mtanzania unayejitambua??

Hivi kama Polisi hapokei rushwa unadhani wananchi wanaweza kutoa rushwa?

Polisi asiyepokea rushwa anapatikana popote nchini, ila mwananchi asiyetaka kumaliza mambo kienyeji ndio nashindwa kumuona.

 

[Olumolongez]

Ni wepi wengine wanafaa kulinda bandari kama siyo polisi? Mbona husemi polisi hawafai kulinda mitaani?Hayo mabadilko yanayofanywa siyo yanayotakiwa ili abadilike lazima uhakikishe kua hana njaa kwanza, watumishi wengi wa umma wana njaa na ukitaka wabadilike ondoa hiyo njaa kwanza alafu ndiyo maboresho mengine yafuate.

 

[Olumolongez]

Mbona huwasemi hao waliopitisha makontena bila kulipa ushuru au waliozima mita za mafuta Yaani wewe umewaona polisi tu?

 

[Olumolongez]

Kuona ni kuamini, muache ashuhudie madudu ambayo Polisi watayafanya ndio aamini kuwa ni bora kumuamini mbwa kuliko hawa polisi wetu. Polisi wengi ni wapiga dili na walarushwa wakubwa.

Peleka mbwa basi wakalinde alafu wewe ukalale kwako