Rais Magufuli, ni rahisi sana kuitwa chaguo la Mungu, huo unaweza kuwa mtego

[Phillipo Bukililo]

Rais Magufuli haujafikisha mwaka mmoja ukifanya kazi hapo Ikulu. Unapohutubia uso wako hufanana na kile unachokiongea. Huo ni uzalendo na upendo wa kweli kwa taifa lako. Haujakamilika unao udhaifu wako mwingi tu kama vile binadamu yoyote yule alivyo.

Ushauri wangu wa bure ni kwamba mapambano ndio kwanza yameanza, mirija ya madalali wa kimataifa inaendelea kukatwa lakini kumbuka kuwa bado hawajachoka kutafuta njia nyingine za kufanya udalali wao. Huwa hawachezi mbali na Serena Hotel, White Sands, Kilimanjaro Hotel na nyingine zenye hadhi ya juu, lengo ni kutafuta channel kubwa kubwa.

Najua kuwa kwa sasa taasisi nzima ya urais ipo kazini kwa maana ya kufanya kazi zenye kuyagusa maisha ya wanyonge lakini kumbuka kuwa waliozoea kula bila ya jasho siku zote vichwa vyao havilali hata kama miili yao ipo vitandani.

Kumbuka kuwa aliyekutangulia aliitwa chaguo la Mungu, kumbuka kuwa ziliandikwa makala nyingi za kumlengesha ili aingie kwenye njia mbaya za kiuongozi. Mitego ni mingi sana na wewe ni binadamu.

Mama watoto anaweza kuwekewa mtego wa kuanzisha NGO ambayo mfadhili wake mkuu ni rais fulani mstaafu wa nchi zenye kutufadhili, lakini komaa na mwambie Mama kwamba ikulu ni mahali patakatifu hata kama wakati mwingine inaweza kugeuzwa pango la shetani kupitia mambo yanayofanyika kwenye mahoteli niliyoyataja hapo juu

Pambana mheshimiwa kwani vishawishi huenda vikibadilika kutokana na mabadiliko ya maendeleo ya dunia ya sasa. Kila la kheri.

 

[Franco Zetta]

Mhh! Hilo neno la huyu ni Chaguo la Mungu lina nipa uchungu sana niki kumbuka lili semwa na viongozi walio kuwa wanaheshimika kiimani tuli tajiwa kiongozi aliye ingizwa kwa fedha nyingi haramu kutumika,matusi na makeke mengi kuwa ni chaguo la Mungu na kuna wapiga kura waliofuata maneno ya viongozi wao wa wakiiamini wakidhani kuwa ni unabii,Alivyo kuja kutu chenjia na mpaka namna ya uondokaji wake hakuna asiye jua, ila viongozi wetu wakiimani walibaki midomo wazi walipo kuja ulizwa je huyu ndio lile chaguo? lakini nina amini Mbele za Mungu wana cha kujibu kuhusu hilo la kuwapoteza njia Waumini,na hata mmoja alipo pata msukosuko wa Escrow tukajua kwanini ali tuambia vile.

 

[Phillipo Bukililo]

Mhh! Hilo neno la huyu ni Chaguo la Mungu lina nipa uchungu sana niki kumbuka lili semwa na viongozi walio kuwa wanaheshimika kiimani tuli tajiwa kiongozi aliye ingizwa kwa fedha nyingi haramu kutumika,matusi na makeke mengi kuwa ni chaguo la Mungu na kuna wapiga kura waliofuata maneno ya viongozi wao wa wakiiamini wakidhani kuwa ni unabii,Alivyo kuja kutu chenjia na mpaka namna ya uondokaji wake hakuna asiye jua, ila viongozi wetu wakiimani walibaki midomo wazi walipo kuja ulizwa je huyu ndio lile chaguo? lakini nina amini Mbele za Mungu wana cha kujibu kuhusu hilo la kuwapoteza njia Waumini,na hata mmoja alipo pata msukosuko wa Escrow tukajua kwanini ali tuambia vile.

Kupakana mafuta kwa mgongo wa chupa ndio kitu kinachowaponza viongozi wengi wa dunia hii, kiongozi anakwenda mgodini anapewa jiwe la dhahabu. Mke akienda kwenye ghafla fulani anapewa contacts za kibiashara, taratibu mafisadi wanamtoa kwenye lengo la kuwatumikia wananchi. Ni vita nzito ambayo inawakabili viongozi wa mataifa haswa ya Afrika.

 

[BAK]

Usitukumbushe yule chaguo la Mungu mwingine ambaye pia alipigiwa makofi mengi sana mara tu alipoingia madarakani lakini kumbe hakuwa chaguo la Mungu bali alikuwa ni chaguo la mafisadi na yaliyofuata nchini mwetu katika miaka 10 ya utawala wake wote tunayajua.