Ni Vema wananchi tukaanza kujiandaa kwa ajili ya Uchaguzi Mkuu wa 2020

[Mwakaboko King]

Kama tujuavyo Tanzania ni nchi inayoongozwa kwa misingi ya Kidemokrasia, na mwisho wa Uchaguzi Mkuu mmoja ni mwanzo wa maadalizi ya Uchaguzi Mkuu mwingine. Matokeo ya Uchaguzi Mkuu wa mwaka 2015 yalibainisha kuwepo kwa mwitikio mdogo wa wapiga Kura katika baadhi ya maeneo, kama mnakumbuka mwaka 2015 kulikua na hamasa kubwa sana ya wananchi kuwa na shauku ya kuwapigia kura viongozi wanaowataka katika ngazi ya Udiwani, Ubunge na Urais.
Kati ya wapiga Kura 23,161,440 walioandikishwa na Tume ya Taifa ya Uchaguzi (NEC) ni wapiga Kura 15,596,110 ndio waliojitokeza kupiga Kura ikiwa ni sawa na asilimia 67.34. Wapiga Kura 7,565,330 sawa na asilimia 32.66 ya walioandikishwa hawakujitokeza kupiga Kura.

Hali hii imekuwa ikijitokeza katika chaguzi zilizopita tutazame mifano hapa

1. Mwaka 2000, waliojiandikisha ni 10,088,484 waliopiga Kura ni 8,517,998 (84.43%) na wasiopiga kura ni 1,570,886 (15.57%).


2. Mwaka 2005 waliojiandikisha ni 16,442,657 , waliopiga Kura ni 11,365,477(69.12%) Idadi ya wasiopiga Kura ni 5,077,180 (30.88%)

3. Mwaka 2010 waliojiandikisha ni 20,137.303 waliopiga Kura ni 8,626,303 (42.84%) na wasiopiga Kura ni 11,511,000 (57.16%).

4. Mwaka 2015 waliojiandikisha ni 23,161,440 waliopiga Kura ni 15,596,110 (67.34%) na wasiopiga Kura walikuwa 7,565,330 (32.66%)

MY TAKE: Kila Mtanzania anao wajibu wa kujitokeza kupiga Kura siku ya Uchaguzi, suala la watu kuishia kujiandikisha au kuhakiki majina yao halafu siku ya kupiga Kura hawajitokezi halikubaliki, wapo wananchi wanaopuuzia kwa makusudi kwenda kupiga Kura na hawa wamekua mstari wa mbele kuwalalamikia viongozi waliochaguliwa mambo yanapoenda ndivyo sivyo! jambo hili sio zuri, tunatakiwa sote kwa pamoja tuliondoe kwa kuhakikisha kila aliyejiandikisha anapata fursa ya kupiga kura 2020, Usiwaachie wengine wakuchagulie kiongozi.

KUPIGA KURA NI HAKI YAKO, MWAKA 2020 TUJITOKEZE KWA WINGI KUITUMIA VEMA HAKI HII.

 

[Makusudically]

Mwakaboko king, rejea ulizoleta ni muhimu na wito uliotoa ni wamuhimu kabisa. Nakushauri ili makala yako iwe ya kisayansi zaidi, ingefaa wewe utuletee tafiti za kina ulizofanya ili kujua ni "sababu zipi zinapelekea hali hii ya wapiga kura kujiandikisha kwa wingi nakupiga kura wachache. Kwani haitoshi kunukuu matokeo ya asilimia za waliopiga kura na wale ambao hawakupiga kura, kwani hayo yako wazi nakila mtu anayajua, tunachohitaji sisi utuletee tafiti za kisayansi kuonesha ni changamoto zipi zinapelekea hali hiyo kutokea na siyo kutukopia asilimia ambazo kila mtu anazifahamu.

 

[Caroline Hans]

Mwakaboko king, rejea ulizoleta ni muhimu na wito uliotoa ni wamuhimu kabisa. Nakushauri ili makala yako iwe ya kisayansi zaidi, ingefaa wewe utuletee tafiti za kina ulizofanya ili kujua ni "sababu zipi zinapelekea hali hii ya wapiga kura kujiandikisha kwa wingi nakupiga kura wachache. Kwani haitoshi kunukuu matokeo ya asilimia za waliopiga kura na wale ambao hawakupiga kura, kwani hayo yako wazi nakila mtu anayajua, tunachohitaji sisi utuletee tafiti za kisayansi kuonesha ni changamoto zipi zinapelekea hali hiyo kutokea na siyo kutukopia asilimia ambazo kila mtu anazifahamu.

Na wewe ujiongeze tu, jambo lililofanywa na mtoa post ni kutonyesha hali halisi, unaposema kila mtu anajua unamaanisha nini? be part of solution na sio mtu wa kulalamika ndio maana ya mtu kuanzisha thread watu wajadili sio mtoa uzi akuletee na majibu!

 

[ndege JOHN]

2020 mimi na watanzania million nyingi km wote vile tutampa kura magufuli . Magufuli ndio rais wa awamu zote.. Upinzani na washauri wajaribu 2025

 

[tapeworm]

Kweli Mr Ndege

 

[Caroline Hans]

Tanzania ina mfumo imara wa kukabidhi madaraka baina ya kiongozi mmoja kwenda mwingine via ballot paper!!! Mungu Ibariki Tanzania