Mwenyekiti mstaafu wa CCM Mkoa wa Iringa atiwa mbaroni

[MLAU]

Mwenyekiti wa zamani wa CCM mkoa wa Iringa, Jesca Msambatavangu.

Iringa.Jeshi la Polisi mkoani hapa linamshikilia mwenyekiti wa zamani wa Chama Cha Mapinduzi (CCM) mkoa wa Iringa, Jesca Msambatavangu, kwa tuhuma za kumshambulia mwanamke mmoja na kumsababishia maumivu makali mwilini.

Msambatavangu, ambaye alikuwa miongoni mwa wanaCCM waliofukuzwa uanachama katika Mkutano Mkuu Maalum wa chama hicho uliofanyika mwezi Machi, amekamatwa mchana wa leo Alhamisi.

Kamanda wa Polisi mkoani hapa, Julius Mjengi, ameliambia gazeti la Mwanainchi kuwa kiongozi mstaafu anatuhumiwa kutenda kosa hilo wiki iliyopita.

Akifafanua, Kamanda Mjengi alibainisha kuwa kiongozi huyo alitenda kosa hilo akiwa na wenzake ambao asingeweza kuweka majina yao hadharani kwani wanaendelea kuwatafuta.

"Ni kweli tunamshikilia Jesca Msambatavangu, tumemkamata leo saa nane mchana na tunaendelea na uchunguzi dhidi yake," alisema Mjengi na kuongeza:

"Jesca pamoja na wenzake wanatuhumiwa kumshambulia mwanamke mmoja mkazi wa Kibwabwa, walimshambulia na kisha kumchoma sindano ambayo mwanamke huyo hajui ni ya kitu gani," alisema Mjengi.

Alipohojiwa zaidi, Mjengi alikataa kuweka wazi jina la mwanamke na idadi ya watuhumiwa wengine kwa maelezo kuwa kufanya hivyo kunaweza kuharibu upelelezi unaoendelea.

 

[Mwifwa]

Baadae unijuze kinachoendelea

 

[Jaji Mfawidhi]

Jesca si mlokole huyu na shosti wa Bahati Bukuku?Alikuwa anaandaa Matamasha pale Ruco?
Nafkiri laana imemjia basda ya kuingia kwa siasa !

 

[Friday Malafyale]

Duh acha nae aisome namba kwa zamu yake

 

[kirengased]

Atiwe tuu nguvuni. Uskute sindano ya vvu Tu jameni!!