Mrema amuomba Magufuli atimize ahadi ya kumpa kazi kama alivyomuahidi kipindi cha kampeni

[Mtarban]

Mwenyekiti wa Chama cha Tanzania Labour (TLP) taifa, Augustine Mrema amemuunga mkono Rais John Mgufuli kwa kasi yake ya kupambana na ufisadi na kumuomba ampe kazi ili amsaidie kutekeleza jukumu hilo.

Mrema alimuomba Rais Magufuli atambue uzoefu wake kwa kukumbuka jinsi alivyopambana na mafisadi wakati akiwa Waziri wa Mambo ya Ndani na Naibu Waziri Mkuu.

Huku akieleza CV yake hiyo, Mrema alimkumbusha Rais kuhusu ahadi aliyompa wakati wa kampeni za Uchaguzi Mkuu wa Oktoba mwaka jana, ya kumpa kazi katika Serikali ya Awamu ya Tano ikiwa atashinda na kuwa Rais.

Akizungumza na waandishi wa habari kijijini kwake Kiraracha mkoani Kilimanjaro, Mrema alisema kuwa anasikitishwa na ukimya wa Rais Magufuli kwa sababu aliamini kuwa angetekeleza ahadi hiyo ya kumpa kazi muda mfupi baada ya kutangaza Baraza la Mawaziri, jambo ambalo hadi sasa hajalifanya.

Alisema, alikutana na Rais Magufuli mwaka jana katika kampeni jimboni Vunjo kwenye eneo la Njia Panda lililopo ndani ya mji mdogo wa Himo na kuambatana naye kwenye mkutano wa hadhara, ambapo alimwombea kura kwa wafuasi wake na kuahidiwa ajira.

“Katika kampeni, Dk Magufuli alifika kwenye mkutano wangu nikamwombea kura kwa kuwaambia watu wangu wamchague kwa kuwa ni mchapakazi na mwadilifu. Aliahidi kunipatia kazi katika Serikali na sasa namkumbusha na kumuuliza mbona yupo kimya?” Mrema alieleza na kuhoji.

Alipoulizwa ni kazi gani inayomfaa katika Serikali ya Magufuli, alisema yeye alishawahi kuwa Waziri wa Mambo ya Ndani na Naibu Waziri Mkuu hivyo yuko tayari kufanya kazi yoyote itakayomfaa ila alitamani zaidi kupangwa sehemu nyeti ili amsaidie kutumbua majipu.

Mrema alimpongeza Rais Magufuli kwa jitihada binafsi za kutumbua majipu anazozifanya na alijigamba kuwa yeye ndio mwenye uzoefu wa kupambana na mafisadi kutokana na rekodi yake nzuri ya kipindi cha Rais wa Awamu ya Pili, Ali Hassan Mwinyi.

Katika hatua nyingine, Mrema alikanusha taarifa ya kuhongwa fedha ili kufuta kesi ya kupinga matokeo aliyoifungua dhidi ya Mbunge wa jimbo hilo, James Mbatia.

Alisema, taarifa hizo ni za kupuuzwa kwa sababu zinalenga kumpaka matope kwa wananchi wake wa Vunjo.

Mrema alieleza kuwa walifikia maridhiano ya pamoja kuhusu kuondoa kesi hiyo mahakamani na kwamba, hilo lilifanywa kwa kuzingatia maslahi ya wananchi.

Pamoja na hayo, alikiri kumlipa Mbatia Sh mil 40 ikiwa ni sehemu ya kupunguza gharama alizotumia katika kesi hiyo, ikiwemo malipo ya mawakili wake.

Chanzo: Mpekuzi

 

[farajakwangu]

Kama amekutuma rudi umwambie ulivyonituma nimesahau.heading na content haviendani

 

[Mtarban]

Kama amekutuma rudi umwambie ulivyonituma nimesahau.heading na content haviendani

Usilalamike ni uelewa wako mdogo unaokusumbua

 

[luckyline]

Na dialo amkumbuke kama alivyosema. Lakini hata ombi la jk kuwa pombe awakumbuke vijana wa mitandaoni nalo alikumbuke.

 

[Salary Slip]

Atampa ajira kwa kulipana fadhili kwa gharama ya walipa kodi alafu atuambie anaokoa gharama.

 

[MOTOCHINI]

Kuna kazi zakupeana kwa huruma

 

[wakimataifa.]

aaah kumbe JPM aliahidi watu kazi!

 

[Higash]

Usilalamike ni uelewa wako mdogo unaokusumbua

UVCCM huyo

 

[Higash]

Amkumbuke na Antony Dialo aliyemsaidia kampeni, aliahidi pia

 

[kelao]

Ahamie rasmi CCM kwanza ndo apewe kazi pale Lumumba

 

[accused]

Mrema labda asaidiwe tu akatibiwe India na akirud Magu amlipie deni la 40m anazodaiwa na Mbatia.

 

[Yimakatso]

Huyu mzee anahangaika sana kwa kutumiwa na CCM.sasa CCM yenyewe wamechoka kumbeba.

 

[Inferior Complex]

Dhmbi ya usalt ni ngmu kufitk

 

[Mtarban]

Dhmbi ya usalt ni ngmu kufitk

Acha imtafune huyu alijua CCM wana rafiki nje ya chama

 

[mndorwe]

Kuna kazi zakupeana kwa huruma

Kwel mzee wetu apewe tu.....amechoka sana yaan ukimkuta pale njiapanda kwenye ile bar yake anatia huruma sanaa

 

[Dongo La Kiemba]

Hv Lowasa alikuwa anapita kushukuru wapiga kura wake... Vipi , imeishia wapi?

 

[Mtarban]

Kuna kazi zakupeana kwa huruma

Ndivyo mnavyowadanganya vipindi vya kampeni kuwa wawaunge mkono mtawapa vyeo kwa namna yoyote

 

[real G]

Mrema wa TLP Amuomba Rais Magufuli Atimize Ahadi yake ya Kumpa KAZI Kama Alivyokuwa Amemwahidi Wakati wa Kampeni | MPEKUZI.

Najua Magufuli amesikia kilio cha huyu mpinzani feki, na natumai kuwa atamuonea huruma ili aweze kumpa hata kanafasi kadogo kama alivyomuahidi. RAIS mwenzako wa Zanzibar amemtumia hamad na amemkumbuka kwa kumlipa fadhila, hivyo na wewe muoneee huruma huyu mzee vinginevyo atakufa kwa presha

tatizo kazeeka sana, yaani kakongoroka mno ukimuangalia, so Magufuli ameona hilo ndio maana hajampa kazi

 

[Ok9]

Mwenyekiti wa Chama cha Tanzania Labour (TLP) taifa, Augustine Mrema amemuunga mkono Rais John Mgufuli kwa kasi yake ya kupambana na ufisadi na kumuomba ampe kazi ili amsaidie kutekeleza jukumu hilo.


Mrema alimuomba Rais Magufuli atambue uzoefu wake kwa kukumbuka jinsi alivyopambana na mafisadi wakati akiwa Waziri wa Mambo ya Ndani na Naibu Waziri Mkuu.


Huku akieleza CV yake hiyo, Mrema alimkumbusha Rais kuhusu ahadi aliyompa wakati wa kampeni za Uchaguzi Mkuu wa Oktoba mwaka jana, ya kumpa kazi katika Serikali ya Awamu ya Tano ikiwa atashinda na kuwa Rais.


Akizungumza na waandishi wa habari kijijini kwake Kiraracha mkoani Kilimanjaro, Mrema alisema kuwa anasikitishwa na ukimya wa Rais Magufuli kwa sababu aliamini kuwa angetekeleza ahadi hiyo ya kumpa kazi muda mfupi baada ya kutangaza Baraza la Mawaziri, jambo ambalo hadi sasa hajalifanya.


Alisema, alikutana na Rais Magufuli mwaka jana katika kampeni jimboni Vunjo kwenye eneo la Njia Panda lililopo ndani ya mji mdogo wa Himo na kuambatana naye kwenye mkutano wa hadhara, ambapo alimwombea kura kwa wafuasi wake na kuahidiwa ajira.


“Katika kampeni, Dk Magufuli alifika kwenye mkutano wangu nikamwombea kura kwa kuwaambia watu wangu wamchague kwa kuwa ni mchapakazi na mwadilifu. Aliahidi kunipatia kazi katika Serikali na sasa namkumbusha na kumuuliza mbona yupo kimya?” Mrema alieleza na kuhoji.


Alipoulizwa ni kazi gani inayomfaa katika Serikali ya Magufuli, alisema yeye alishawahi kuwa Waziri wa Mambo ya Ndani na Naibu Waziri Mkuu hivyo yuko tayari kufanya kazi yoyote itakayomfaa ila alitamani zaidi kupangwa sehemu nyeti ili amsaidie kutumbua majipu.


Mrema alimpongeza Rais Magufuli kwa jitihada binafsi za kutumbua majipu anazozifanya na alijigamba kuwa yeye ndio mwenye uzoefu wa kupambana na mafisadi kutokana na rekodi yake nzuri ya kipindi cha Rais wa Awamu ya Pili, Ali Hassan Mwinyi.


Katika hatua nyingine, Mrema alikanusha taarifa ya kuhongwa fedha ili kufuta kesi ya kupinga matokeo aliyoifungua dhidi ya Mbunge wa jimbo hilo, James Mbatia.


Alisema, taarifa hizo ni za kupuuzwa kwa sababu zinalenga kumpaka matope kwa wananchi wake wa Vunjo.


Mrema alieleza kuwa walifikia maridhiano ya pamoja kuhusu kuondoa kesi hiyo mahakamani na kwamba, hilo lilifanywa kwa kuzingatia maslahi ya wananchi.


Pamoja na hayo, alikiri kumlipa Mbatia Sh mil 40 ikiwa ni sehemu ya kupunguza gharama alizotumia katika kesi hiyo, ikiwemo malipo ya mawakili wake.

 

[Katavi]

Apumzike tu Mzee huyu