Mpende tu !!!

::
Alikuwa muungwana
Kijana mwenye afya
Mpole,mcheshi pia
Wengi alituvutia
Waschana tulimpenda
Moyoni aliniingia.
::
Bahati ikanijia
Kumbe nae alinipenda
Bila kupoteza muda
Mipango tukaipanga
Wazazi kuwajulisha
Ili tuifunge ndoa!
::
Nilifurahi sana mie
Kujipatia mwanaume
Mwenye sifa zote
Zilizonipendeza mie
Ili nifurahie milele
::
Tulianzia nyumbani
Kila mtu alitubariki
Kwao mume tarajali
Mama mkwe jamani
Kaniwekea kizuizi
Kasema hanipendi !
::
Atamchangulia mke
Kuwa mwenga wake
Eti niachane nae
Hatuendani na yeye
Akanikataa mie
Acha chozi linitoke !
::
Lakini kwa upendo
Ndoa tukafunga kwao
Tufike kule tuendako
Mama mkwe kikwazo
Akanikaba koo
Akawa haishi vituko!
::
Kanichongea mdomo
Anitusi eti mi mchoyo
Et nimemrogea mtoto
Eti nampa tu mzigo
Naufilisi huo ukoo
Nikavunjika moyo
::
Nami nikaanza mjibu
Akaleta ukali ajabu
Vikao vikaleta suluhu
Lakini haikudumu
Mama mkwe kaja juu
Ataka ndoa isidumu.
::
Kesi zikawa haziishi
Ndoa ikakosa amani
Ma mkwe hanipendi
Kututenga lake kusudi
Eti mwanae na mimi
Anasema hatuendani
::
Uadui ukajulikana
Kila njia na jumuiya
Watu wakatuhurumia
Nikataka kuachika
Mume wangu kakataa
Nikaishi kwa mashaka
::
Wazo likanijia
Kwetu ninae mjomba
Yeye ni mganga
Kwa tiba ajulikana
Mume nikamuaga
Naenda kwetu salimia
::
Nikafika kwa mjomba
Mjomba nipe dawa
Nataka niende kuua
Ma mkwe kanichosha
Huyo atakapokufa
Ndoa yangu itapona
::
Mjomba akaniambia
Dawa nitakupa
Maelekezo sikiliza
Utaiweka ktk chakula
Atakapokula chakula
Taratibu sana atakufa
Sharti hili sikiliza
::
Uadui unafahamika
Kwa ndugu na jamaa
Sasa hakikisha kabisa
Ujioneshe unampenda
Shukuru akikutukana
Jibu wema kwa ubaya
Cheka akinuna
Ili akifa wasijue umeua
::
Yote nikayatimiza
Dawa nikamuwekea
Chakula akakila sana
Akilaumu napongeza
Nikamsifu kila mahala
Nashukuru akitukana
::
Siku moja nilishangaa
Ailinifuata analia
Akiniomba msamaha
Eti namtendea mema
Eti yeye ndiye mbaya
Akaita kila aliyetujua
Kaapa atakuwa mwema
::
Ma mkwe kabadilika
Akanipenda sana
Akanisifu kila mahala
Akawa Mama mwema
Mtetezi aliyenilinda
Upendo ukatutawala.
::
Mimi amani ikaisha
Moyoni nilitambua
Muda wowote atakufa
Ile dawa ya mjomba
Itamchukua mpendwa
Nitakosa furaha
::
Nikamfuata mjomba
Huku nikilia
Yote nikamweleza
Mwisho nikamwomba
Anipe dawa ya kuzuia
Ile dawa ya kwanza
Isimuue Mama mkwe!
::
Mjomba akacheka
Kisha akaniambia
Ile dawa aliyonipa
Haikuwa ya kuua
Ingekuwa ya kuua
Zamani sana angekufa
::
Mjomba akaniambia
Dawa aliyonipa
Ni sharti alilonipa
Tujitahidi kuwapenda
Wale wasiotupenda
Tujifanye kwamba
Kesho watakufa
Hivyo tunachowapa
NI UPENDO WA MWISHO
::
Nami nikajifunza
Upendo ni dawa
Upendo ni silaha
Upendo ni kujitoa
Upendo ni gharama
Upendo ni faraja.
=
(FRØM ØLD STÖRÍES)

Story yako nzuri. Ulihadithiwa na nani?

Sent from my BlackBerry 9300 using JamiiForums

yataka moyo aisee ila ukiweza hili hakuna atakayekusumbua duniani, kila la heri kwenye implementation