Nchi Kavu
JF-Expert Member
- Sep 11, 2010
- 4,289
- 2,472
Nimeikuta Facebook na kwa ridhaa ya mhusika kanikubalia kuiweka humu
...................................................................................
Kwa kilichotokea hapo majuzi kwenye usaili wa watakaokuwa wafanyakazi wapya wa TRA ni muendelezo tu wa mazoea yetu kama watafutaji. TRA ilipokea maombi 56,000 kwa nafasi 400 za ajira lakini kwa mujibu wa vyanzo kadhaa [Malisa G.J -fb] waliofika ni 30,000. Lakini hilo pia halitoshi kuhalalisha uwepo wa idadi hiyo kubwa. Inaonesha kuna tatizo kubwa kwa pande zote zinazohusika.
Kwanza serikali ambayo kazi yake kubwa wala si kuajiri bali kuweka miundombinu rafiki kwa wananchi wake katika kufikia mahitaji muhimu. Hii miundombinu ni pamoja na mawasiliano [barabara, madaraja, majini, angani, upatikanaji wa habari, gharama nafuu za kupata haya mawasiliano], upatikanaji wa huduma [maji, umeme, masoko, huduma za afya], na kuhakikisha uchumi wa nchi angalau unakuwa imara. Pamoja na kuweka sera zinazotekelezeka hasa linapokuja suala la ubunifu. Wako vijana wengi wana vipaji na taaluma za ubunifu lakini hawafiki popote. Wakiwa na ujuzi wa kupitiliza wanaishia kuibiwa na mataifa yanayojua thamani ya rasilimali watu. Hayo ni kwa uchache.
Taasisi za kielimu nazo kwa upande wake zina wajibu wa kuona kuwa wanatoa elimu ambazo zitakuwa na uhusiano wa moja kwa moja na wakati tunaoishi na wakati ujao kutokana na kupata picha ya mbeleni. Elimu zisiwe za kinadharia sana na wala wanaosoma wasipewe matumaini sana kuwa ukimaliza ajira ni nje nje. Hata kama ni nje nje waambiwe ni ajira za aina gani ziko nje nje maana wengi wanafikiri ajira ni kuajiriwa tu.
Sasa tukija kwa wahitimu wenyewe, pamoja na kupeleka lawama kwa serikali [kitu ambacho ni kweli] kuna suala la kupambana na hali ya mhusika. Ajira ni changamoto kweli lakini kama alivyosema Dr Kigwangala kuna ukweli kuwa vijana ndani ya wimbi hili la ufinyu wa ajira, wanachagua kazi. Utajiuliza kama waliomba elfu 56 na wakaenda elfu 30 ni wazi kuwa hao ambao hawakwenda wana ajira zao. Hata hao waliohudhuria pia yawezekana nusu na zaidi wana ajira ya aina moja au nyingine.
Tujiulize pia kuwa ajira hiyo wangetangaza taasisi nyingine isiyo na ukwasi kama TRA ni kweli wangeenda wote hao? Kuna suala la 'greener pasture'. Yani malisho ya kijani. Yani kusaka kipato bora zaidi. Hiyo ni hulka ya binadamu. Ifike mahali vijana waanze kujiamini katika yale wanayofanya. Kusubiri watu/taasisi zijijenge halafu mtu abebe vyeti kuanza kuomba kazi hilo ni tatizo.
Kuna kitu tumejijengea akilini hasa wale wahitimu wa shahada, kwamba kazi fulani ni za kina fulani. Na hizi ni za kwetu. Hizo zama kwa sasa zinapitwa na wakati. Katika zama hizi za teknolojia mtu yoyote anaweza fanya lolote kama akiamua [ukiondoa taaluma chache zinazohitaji kweli kusomea mambo hayo]. Suala la kutafuta pesa halifungamani na taaluma ya mtu. Ujasiriamali na biashara si mambo yaliyojaliwa watu wachache. Mtu yoyoye anaweza kuwa mjasiriamali au mfanyabiashara.
Wanasema INFORMATION IS POWER. Hawakukosea waliposema hivi. Tatizo watu wengi hatupendi kuamini kilichoandikwa au kinachosemwa na watangulizi, ambao tunawaita wahenga. Kuwa na taarifa nyingi za masuala mengi kutakupa uhuru wa kifikra. Uhuru wa kuamua na kuchagua. Si lazima tukae maofisini. Ofisi za watu na kungoja mishahara. Itafika wakati huu mfumo wa Kizamani [traditional] kuajiriwa utakoma. Ajira zitakuwa katika mifumo tofauti sana.
Information is power. Cha msingi ni vijana kuandaliwa na wazazi na walezi wao kuwa mawazo mbadala. Ubunifu si lazima kubuni simu. Ubunifu ni pamoja na kuongeza thamani za vile vilivyopo, kama karanga za Diamond. Tufikirie na wala tusiwe na ukomo wa kufikiri, hata ikibidi kufikiri #nje_ya_box kama alivyofanya Mh. Waziri
...................................................................................
Kwa kilichotokea hapo majuzi kwenye usaili wa watakaokuwa wafanyakazi wapya wa TRA ni muendelezo tu wa mazoea yetu kama watafutaji. TRA ilipokea maombi 56,000 kwa nafasi 400 za ajira lakini kwa mujibu wa vyanzo kadhaa [Malisa G.J -fb] waliofika ni 30,000. Lakini hilo pia halitoshi kuhalalisha uwepo wa idadi hiyo kubwa. Inaonesha kuna tatizo kubwa kwa pande zote zinazohusika.
Kwanza serikali ambayo kazi yake kubwa wala si kuajiri bali kuweka miundombinu rafiki kwa wananchi wake katika kufikia mahitaji muhimu. Hii miundombinu ni pamoja na mawasiliano [barabara, madaraja, majini, angani, upatikanaji wa habari, gharama nafuu za kupata haya mawasiliano], upatikanaji wa huduma [maji, umeme, masoko, huduma za afya], na kuhakikisha uchumi wa nchi angalau unakuwa imara. Pamoja na kuweka sera zinazotekelezeka hasa linapokuja suala la ubunifu. Wako vijana wengi wana vipaji na taaluma za ubunifu lakini hawafiki popote. Wakiwa na ujuzi wa kupitiliza wanaishia kuibiwa na mataifa yanayojua thamani ya rasilimali watu. Hayo ni kwa uchache.
Taasisi za kielimu nazo kwa upande wake zina wajibu wa kuona kuwa wanatoa elimu ambazo zitakuwa na uhusiano wa moja kwa moja na wakati tunaoishi na wakati ujao kutokana na kupata picha ya mbeleni. Elimu zisiwe za kinadharia sana na wala wanaosoma wasipewe matumaini sana kuwa ukimaliza ajira ni nje nje. Hata kama ni nje nje waambiwe ni ajira za aina gani ziko nje nje maana wengi wanafikiri ajira ni kuajiriwa tu.
Sasa tukija kwa wahitimu wenyewe, pamoja na kupeleka lawama kwa serikali [kitu ambacho ni kweli] kuna suala la kupambana na hali ya mhusika. Ajira ni changamoto kweli lakini kama alivyosema Dr Kigwangala kuna ukweli kuwa vijana ndani ya wimbi hili la ufinyu wa ajira, wanachagua kazi. Utajiuliza kama waliomba elfu 56 na wakaenda elfu 30 ni wazi kuwa hao ambao hawakwenda wana ajira zao. Hata hao waliohudhuria pia yawezekana nusu na zaidi wana ajira ya aina moja au nyingine.
Tujiulize pia kuwa ajira hiyo wangetangaza taasisi nyingine isiyo na ukwasi kama TRA ni kweli wangeenda wote hao? Kuna suala la 'greener pasture'. Yani malisho ya kijani. Yani kusaka kipato bora zaidi. Hiyo ni hulka ya binadamu. Ifike mahali vijana waanze kujiamini katika yale wanayofanya. Kusubiri watu/taasisi zijijenge halafu mtu abebe vyeti kuanza kuomba kazi hilo ni tatizo.
Kuna kitu tumejijengea akilini hasa wale wahitimu wa shahada, kwamba kazi fulani ni za kina fulani. Na hizi ni za kwetu. Hizo zama kwa sasa zinapitwa na wakati. Katika zama hizi za teknolojia mtu yoyote anaweza fanya lolote kama akiamua [ukiondoa taaluma chache zinazohitaji kweli kusomea mambo hayo]. Suala la kutafuta pesa halifungamani na taaluma ya mtu. Ujasiriamali na biashara si mambo yaliyojaliwa watu wachache. Mtu yoyoye anaweza kuwa mjasiriamali au mfanyabiashara.
Wanasema INFORMATION IS POWER. Hawakukosea waliposema hivi. Tatizo watu wengi hatupendi kuamini kilichoandikwa au kinachosemwa na watangulizi, ambao tunawaita wahenga. Kuwa na taarifa nyingi za masuala mengi kutakupa uhuru wa kifikra. Uhuru wa kuamua na kuchagua. Si lazima tukae maofisini. Ofisi za watu na kungoja mishahara. Itafika wakati huu mfumo wa Kizamani [traditional] kuajiriwa utakoma. Ajira zitakuwa katika mifumo tofauti sana.
Information is power. Cha msingi ni vijana kuandaliwa na wazazi na walezi wao kuwa mawazo mbadala. Ubunifu si lazima kubuni simu. Ubunifu ni pamoja na kuongeza thamani za vile vilivyopo, kama karanga za Diamond. Tufikirie na wala tusiwe na ukomo wa kufikiri, hata ikibidi kufikiri #nje_ya_box kama alivyofanya Mh. Waziri