Kwanini CCM ni Tajiri lakini watanzania ni Maskini?

[Allen Kilewella]

Jengo la Ofisi ndogo ya CCM iliyoko Mtaa wa Lumumba

Kati ya vyama vyote vya siasa vilivyopo Tanzania,CCM ndiyo chama kinachoongoza kwa kuwa na Utajiri Mkubwa sana wa Rasirimali vitu. CCM ndiyo yenye majengo Mengi (Kihalali na si kihalali) na ndicho chama kinachomiliki viwanja vingi kuliko chama kingine chochote kile! Na kwa nasibu pia ndiyo kimetokea kuwa chama kinachoongoza nchi hii kwa miaka mingi sana.

Lakini kinachoshangaza ni kwamba wananchi wanaoongozwa na CCM wengi wao wanaishi kwenye umaskini na ufukara uliotukuka.Sielewi ni kwa nini chama chenye ukwasi wa kiasi hiki kinashindwa vipi kutumia mbinu zilizokipa ukwasi wa kiasi hicho kubadili hali za wananchi kinaowaongoza.

Wakati mwingine utakuta mwana CCM anayesifia ukwasi wa chama chake dhidi ya CHADEMA kwa mfano, yeye mwenyewe hana uwezo wa kusomesha mwanawe hadi ada ya shilingi 20,000 kuondolewa kwake alishangalia, hana maji safi na salama, hana uwezo wa kulisha familia yake kwa uhakika, hawezi kujitibia hospitalini aumwapo na mengine mengi yanayodhihirisha umaskini na ufukara alionao.

Kwa kila hali inaonesha kwamba CCM ni tajiri sana lakini watanzania wengi ni maskini na miongoni mwao wamo wale wanaojitapa na kujigamba kwa utajiri wa chama chao CCM. Ni nini kinazuia chama hicho tajiri kuwafanya wafuasi wake na watanzania kwa ujumla kuwa tajiri kama chenyewe kilivyo?

Nyumba mojawapo ya Mtanzania anayeishi kwenye nchi inayotawaliwa na CCM, chama cha siasa tajiri kuliko vingine vyote vilivyoko Tanzania.

 

[Allen Kilewella]

Huu ni uchochezi sasa

Hili ni darasa

 

[Mgumu04]

nyuzi kama hii hawaji kabisa

 

[Allen Kilewella]

nyuzi kama hii hawaji kabisa

Hawa pia inawezekana ni wana CCM!!

 

[Allen Kilewella]

Hawa ni kina mama wako kwenye wodi ya Uzazi. Ni watanzania wanaoongozwa na chama tajiri sana lakini kisicho na uwezo wa kusaidia wasilale kwenye hali hii!!

 

[Poise]

Kwa hiyo ccm siyo watanzania au utarudi kuandika vizuri !?

Maana unaonesha muelekeo kuwa ccm siyo watanzania !!

 

[Thad]

Hahaaaa.....'Kila mbuzi hula kwa urefu wa kamba yake'. CCM wana kamba ndefu hivyo wanakula vingi ilihali wananchi wana kamba fupi hivyo wanakula vichache!

 

[e2n]

Kwa hoja yako mbona inajijibu yenyewe ? Jiulize mbona viongozi wa chadema wanakaa majumba ya kifahali ilihali wwanachama wao hawana hata kiwanja?

 

[crabat]

Jengo hilo limejengwa na fisadi GSM

 

[MKWEPA KODI]

Ccm ndiyo Chuo kikuu cha mafisadi

 

[BAK]

CCM ndiyo kubwa la ufisadi Africa. Walidai "sasa tunalivua gamba" kilichofuata wote tunakijua. Huyu asiyejaribiwa akadai ataunda mahakama ya mafisadi. Mahakama hiyo haina kesi hata moja hadi hii leo pamoja na ukweli kwamba Tanzania ni kitovu cha ufisadi Africa na ufisadi kama tujuavyo uko tena uliokithiri.

Asiyejaribiwa huwa na kauli zinazokinzana kwa mfano leo atatwambia Watanzania kwamba hafukui makaburi ya zamani, kesho atatwambia eti anapambana na Mafisadi. Ukimuuliza vipi kuhusu Lugumi na escrow anapata kigugumizi hatii neno. Ukimuuliza vipi ile rushwa waliyogawana Wabunge wa CCM pale lumumba October 2016 na kila mbunge kupokea 10 million anakuwa bubu hatii neno.

 

[Allen Kilewella]

Poise swali lako kwamba "kwa hiyo CCM siyo watanzania?" ndiyo linaonesha chama hicho ambacho pia kina utajiri wa wasomi kama kina Profesa kabudi kilivyoshindwa kusambaza elimu hadi uwezo wa watanzania katika kujenga hoja upo chini sana. Si ajabu kuona tunaogopa kuungana na wenzetu kwa hofu ya wao kuchukua nafasi zetu za ajira kwenye nchi yetu bila ya kuwaza kwenda kuchukua za kwao kwenye nchi yao.

CCM na wana CCM ni vitu viwili tofauti. Kwa nini hujiulizi tangu mwaka 1977 wana CCM wangapi wamekufa wakiwamo pamoja na waasisi wa chama hicho lakini kufa kwao hakukuiua CCM? CCM ni taasisi na wana CCM ni watu wanaoiunda taasisi. Sasa si kuna ule msemo wetu maarufu kwamba "Mgaagaa na upwa hali wali mkavu" au "ukikaa karibu na waridi na wewe utanukia". Mbona utajiri wa CCM hauonekani katika maisha ya wana CCM na watanzania wanaoongozwa na CCM kwa ujumla?

Inakuwaje wana CCM ambao chama chao ni tajiri sana wagombanie fulana na vilemba nyakati za uchaguzi kama vile hawana nguo nyingine za kuvaa? Ukienda maeneo mengi ya vijijini fulana hizo zimegeuzwa ndiyo nguo za Mtoko kwa wengi wao, Kwa nini kama chanzo si umaskini? e2n nadhani umeona tofauti kati ya wana CHADEMA na CHADEMA kwa kufuata maelezo hayo hapo juu.

Mohamed Dewji ni tajiri na ni mwana CCM, lakini utajiri wake historia yake haitokani na CCM maana ni urithi toka kwa babu yake ambaye alitafuta hela kabla hata TANU haijazaliwa. Freeman Aikaeli Mbowe baba yake ni miongoni mwa watu wachache waliochangia Safari ya Mwalimu kupigania Uhuru. Leo hii Mbowe ana hela (Si tajiri) na ni mwana CHADEMA, lakini hela alizonazo Mbowe hazitokani na CHADEMA bali zinatoka na Baba yake ambaye alikuwa na hela kabla wazo la kuanzisha CHADEMA halijawajia kina Marehemu Bob Makani na wenzake!!

 

[Mkomavu]

Huwaga nawaambia kila cku wapendwa watz CCM ni chimbuko la ufisad hapa Tanzania shime iondolewe ili watanzania tupone

 

[Waterloo]

Chama cha Mafisadi kwanini wasiwe matajiri.angalia hata makada wa CCM kazi ni kufuga vitambi na familia zao. Hakuna familia masikini ya kiongozi wa CCM.

 

[Waterloo]

Kwa hiyo ccm siyo watanzania au utarudi kuandika vizuri !?

Maana unaonesha muelekeo kuwa ccm siyo watanzania !!

Anazungumzia vigogo wa ccm siyo mitaji ya CCM.

 

[Poise]

Anazungumzia vigogo wa ccm siyo mitaji ya CCM.

Aiseeeeeeeh,
Basi tena !!

 

[oblac]

Cc kijjn kwetu mwenyekit wa kijj n wa ukawa....ofc ya kijj ikiyokuwa inatumika miaka yote wakat ccm ikiongoza... . Iliposhinda ukawa tu. .. CCM wakachukua jengo la ofc ya kijj et n jengo Lao. Na wanaushahid kabisa jengo n la ccm..

 

[Poise]

Cc kijjn kwetu mwenyekit wa kijj n wa ukawa....ofc ya kijj ikiyokuwa inatumikma miaka yote wakat ccm ikiongoza... . Iliposhinda ukawa tu. .. CCM wakachukua jengo la ofc ya kijj et n jengo Lao. Na wanaushahid kabisa jengo n la ccm..

Ni ukweli, hizo ofisi ni zao maana walizijenga wakati wa mfumo wa chama kimoja. Ambapo, serikali na chama vilikuwa havitenganishwi.

Hilo ndilo kosa mojawapo lililofanyika 1992, wakati wa kuanzisha vyama vingi.

 

[Allen Kilewella]

Hilo ndilo kosa mojawapo lililofanyika 1992, wakati wa kuanzisha vyama vingi.

Hii ndiyo hasa hoja!!

 

[Allen Kilewella]

Yaani kwa kuangalia tu unaona huyu Naibu Katibu Mkuu wa CCM Zanzibar Abdalah Juma Mabodi anavyoingia kwa mashaka kwenye hiyo nyumba. Afadhali hata yeye walimnunulia gum boot lakini wanaoishi humo ndiyo wenye hiyo "Yebo" anayoikanyaga kwa mguu wake wa kushoto na hiyo nyingine iliyoko nyuma yake.

Kushoto kwake kuna jembe la mkono (alama ya CCM) nyuma kwenye yebo pia kuna kikombe cha Plastiki na sufuria chakavu na kwa ndani ya nyumba kuna dumu la maji kwani bila ya shaka eneo hilo lina shida ya maji kama maeneo mengi ya nchi yalivyo. Umaskini huu kwa wanachama wa chama tajiri kama CCM unatokana na nini hasa?