KUFUNGA SIFUNGI, DAKU NITAKULA.

[Dotto C. Rangimoto]

Ni'lenaye kisirani, mshari pia jeuri,
Ala vitu hadharani, subuhi na adhuhuri,
Na swaumu hapatani, ila apenda futari,
Jike langu mtihani, haifungi ramadhani.

Kufunga ati hafungi, ila daku atakula,
Kwa chakula hajivungi, tena hana masihala,
Vituko afanya vingi, namuachia Jaala,
Jike langu mtihani, haifungi ramadhani.

Daku hachezi mbali, yu macho alfajiri,
Linafakamia wali, viazi na kachumbari,
Kwa kula namkubali, huyu kiumbe hatari,
Jike langu mtihani, haifungi ramadhani.

Si mgonjwa yu mzima, ila kufunga hataki,
Nimeshachoka kusema, fimbo hazihesabiki,
Mahabani nimezama, siwezi kumtaliki,
Jike langu mtihani, haifungi ramadhani.

Kuswali pia haswali, atembea kichwa wazi,
Si mzuri wa kauli, kwa ndugu hata wazazi,
Ninaishi na fidhuli, na kumuacha siwezi,
Jike langu mtihani, haifungi ramadhani.

Dotto Rangimoto Chamchua(Njano5)
Call/whats 0622845394 Morogoro.

 

[Abra One]

Aisee safi hongera

 

[Choveki]

View attachment 355823
Ni'lenaye kisirani, mshari pia jeuri,
Ala vitu hadharani, subuhi na adhuhuri,
Na swaumu hapatani, ila apenda futari,
Jike langu mtihani, haifungi ramadhani.

Kufunga ati hafungi, ila daku atakula,
Kwa chakula hajivungi, tena hana masihala,
Vituko afanya vingi, namuachia Jaala,
Jike langu mtihani, haifungi ramadhani.

Daku hachezi mbali, yu macho alfajiri,
Linafakamia wali, viazi na kachumbari,
Kwa kula namkubali, huyu kiumbe hatari,
Jike langu mtihani, haifungi ramadhani.

Si mgonjwa yu mzima, ila kufunga hataki,
Nimeshachoka kusema, fimbo hazihesabiki,
Mahabani nimezama, siwezi kumtaliki,
Jike langu mtihani, haifungi ramadhani.

Kuswali pia haswali, atembea kichwa wazi,
Si mzuri wa kauli, kwa ndugu hata wazazi,
Ninaishi na fidhuli, na kumuacha siwezi,
Jike langu mtihani, haifungi ramadhani.

Dotto Rangimoto Chamchua(Njano5)
Call/whats 0622845394 Morogoro.

Mpende hivyo alivyo



Kupenda kweli upofu, mpende hivyo alivyo

Na tena ni usumbufu, nasema ujuwe hivyo

Mpende bila ya hofu, mpende ndivyo alivyo

Kupenda kama upofu, mpende hivyo alivyo



Ni mke na siyo jike, naomba unielewe

Ala vyako pia vyake, mnapendana wenyewe

Chakula chako ni chake, na chake, chake mwenyewe

Kupenda kama upofu, mpende hivyo alivyo



Mlopoanza uchumba, ulitakiwa ujue

Ni mke siyo mchumba, tabia yake ijue

Mapenzi yake Muumba, na hilo pia lijue

Kupenda kama upofu, mpende hivyo alivyo



Umechelewa kuhoji, ni vipi wahoji sasa

Ulitakiwa uhoji, tatizo ni nini hasa?

Uwatafute ma majaji, wenye ujuzi wa sasa

Kupenda kama upofu, mpende hivyo alivyo



Tano nasema mwishoni, nadhani umenipata

Ni mambo yenu ya ndani, yanayoleta utata

Mzungumze chumbani, mnapocheza karata

Kupenda kama upofu, mpende hivyo alivyo





Choveki

 

[chichariton]

safi