Kifimbo Cheza

[Idd Ninga]

1)enyi makampuni simu,mbona lugha mwachafua.
Kusema yanilazimu,lugha yenu nachukia.
Kiswahili si kigumu,vipi mnakibomoa.
Tena mnakipa sumu,kife huku chakodoa.
Ningewa kifimbo cheza,bakora ningetembeza.
2)kwenye wenu usahili,kingereza haribika.
Mwaona ujahili,wala tujaelimika.
Vipi hiki kiswahili,mnataka kukizika.
Hivi kweli mnajali,kwamba sisi twaudhika.
Ningewa kifimbo cheza,bakora ningetembeza.
3)kama lugha hamjui,simuwafate wajuzi.
Ama hamkitambui,kiswahili si cha juzi.
Utakipata shelui,hata kwenye king'amuzi.
Kama nyinyo hamjui,vipi yu mchunga mbuzi.
Ningewa kifimbo cheza,bakora ningetembeza.
4)matangazo redioni,lugha mwaivunja vunja.
Nu mbaya masikioni,mbona mwaikunja kunja.
Kwa zawadi za dukani,mbovu mwapigia mbinja.
Yakera masikioni,lugha mnavyoipunja.
Ningewa kufimbo cheza,bakora ningetembeza.
5)msijifanye vipofu,katika lugha za watu.
Lugha mwaitia hofu,tena mwazidisha kutu.
Hiyo si nyama ya pofu,muipake ukututu.
Msiifanye nyamafu,ije nuka kama kutu.
Ningewa kifimbo cheza,bakora ningetembeza.
Shairi:KIFIMBO CHEZA.
mtunzi:Idd Ninga wa Tengeru Arusha.
0655519736.

 

[Gyole]

kumbuka sifa ya lugha, ni maneno kuzaliwa
yale yanayotokea, hasa vijana huleta
mengi kwa kasi hukua, na kuanza kutumika
huko sio kuharibu, bali kuikuza lugha

tena mengi twayaona, hufa na kupotelea
pasipo kuulizia, twajua muda wapita
iweje kulalamika, eti lugha haribiwa
huko sio kuharibu, bali kuikuza lugha

hata wa kwetu shelui, lugha hawainyooshi
watamka yasokidhi, kuelewa kiswahili
ukipita huko pwani, sikioni huelewi
huko sio kuharibu, bali kuikuza lugha

acha kipanuke sana, majuu wasielewe
wakija watakiona, ndipo sisi tuwatete
tukikuze kwa umoja, kiswahili tukipende
huko sio kuharibu, bali kuikuza lughae