Haiwezekani tushindwe kuchukua maamuzi juu ya rasilimali zetu kwa kuogopa nchi tajiri

[Kada wa CHADEMA]

Inanikera, inanisikitisha na kunihuzunisha. Tuliokuwa watetezi wa rasilimali za nchi hii leo hii tumegeuka kuwa makuwadi wa mabepari na mabaka uchumi wa nchi hii. Hatujielewi na hatujitambui ama tumelamba chochote kitu kutoka kwa ACACIA.

Leo hii mtu na akili zake eti anasimama kupinga uamuzi wa Rais kuhusu makontena ya mchanga wa dhahabu. Kuna sababu ya kupima kiwango cha uzalendo wetu. Katika hili mwanasheria wangu, Tundu Lisu, Mwenyekiti wangu, Freeman Mbowe na wote mnaopingana na uamuzi wa Serikali juu ya mchanga wa dhahabu kwa kweli mmeifedhehesha CHADEMA yetu. Sijui wapi tunaelekea. Tangu Lowasa aje CHADEMA tumekuwa na akili za ajabu ajabu haijapata kutokea.

Wakati tunamfukuza Zitto Kabwe kwa kashfa ya za usaliti licha ya tishio la kutaka kutushtaki hatukusikiliza cha mtu. Tuliendelea na msimamo wetu kwa kuwa tuliamini ni kwa manufaa ya CHADEMA na Zitto akang'oka. Mbowe unajua na Lisu unajua. Leo hii eti tunajitutumua na kuinyooshea kidole Serikali pale inapolinda rasilimali zetu. Tumechanganyikiwa.

Niwaambie ninyi CCM, sisi CHADEMA tuna mipango mibaya sana kwa nchi hii. Tunataka mshindwe ili tuwe na kick 2020. Tunatamani hata leo hii serikali ianguke. Mkitusikiliza mtapotea vibaya sana. Huu ni mkakati tuliouandaa na umekamilika. Tutapinga kila jema la CCM na Serikali yake ili mkitusikiliza tunyanyue kwapa zetu kushangilia. Shauri yenu.

 

[trey007]

ngoja waje wanaopenda siasa

 

[shibumi]

Chadema hatuna akili fupi kama wewe aisee..hatupingi maamuzi ya rais..kwani ni swala ambalo tumelipigia kelele miaka nenda rudi..ila kwa sababu ccm akili zao fupi na wako bungeni na huwa hawajali maslahi ya taifa wakaingiza nchi kwenye mikataba mibovu kupindukia.just imagine MTU mzima n ajili zake anakubali pewa 3% ya Mali Yake..
Tunachompinga rais na wapambe wake ni approach wanayoitumia.ni kama ilee ya bashite na madawa ya kulevya..mwisho Wa siku siku ataishia ingiza taifa hasara badala ya kuongoa fedha..kipi ndi mikataba inafungw magu alikuwa bungeni INA maana hakuliona hilo?

 

[mdudu unga]

Kada wa CHADEMA unapaswa kutambua kwamba kwa sasa kila mtu mwenye nia njema na hii nchi ni lazima apingane na maamuzi ya Rais ambayo ameyechukua, kwani suala la ACACIA PLC si la kukurupuka kama yeye alivyofanya. Wote tunatambua kuwa mkataba wowote ule huvunjika pale unapokiukwa na atakayekiuka ndiye atakayelipa hasara zote..

Rais amekiuka masharti ya mkataba unadhani ni nani atakayekuja kubeba msalaba wa kuwalipa kama sio sisi waTanzania? Yeye alishauriwa na wasomi kuwa "ACACIA walikuwa wanalindwa na sheria zilizotungwa na kupitishwa kwa wingi wa wabunge wa CCM, hivyo akitaka kufanya chochote ni shuruti abadilishe hizo sheria na si kujichukulia maamuzi kama alivyofanya".

Rais yupo juu ya sheria za nchi yake, lakini linapokuja suala la sheria za kimataifa hilo halitozingatiwa au kupewa uzito, kwani ni serikali itaadhibiwa na sio JPM wenu.