Herbalist Dr MziziMkavu
Platinum Member
- Feb 3, 2009
- 43,092
- 34,904
Claud Mshana
CHAMA cha Wananchi (CUF) kimesema matatizo ya kiuchumi yanayoikabili Serikali yatamalizwa kwa kuundwa Serikali ya Umoja wa Kitaifa. CUF imesema Serikali ya Rais Jakaya Kikwete imeelemewa na majukumu ya kuongoza na hivyo kuhitaji msaada kwa kuundwa serikali hiyo kama ilivyo kwa Serikali ya Umoja wa Kitaifa, visiwani.
Tamko la Baraza Kuu la Uongozi Taifa la chama hicho lililotolewa jana na Makamu Mwenyekiti wa Cuf taifa, Machano Khamis Ali lilisema Serikali ya CCM kushindwa kutatua matatizo makubwa yanayolikabili taifa ni dalili za kuwepo kwa ombwe la uongozi.
Ali alitaja matatizo hayo kuwa ni kuyumba kwa uchumi, kushuka kwa kiwango cha mapato ya serikali, kuporomoka kwa shilingi na mfumuko wa bei na matatizo ya ajira. Baraza Kuu linaona njia pekee ya kulitoa taifa hapa tulipofikishwa ni kwa rais Jakaya Kikwete na CCM kukubali kusaidiwa dhamana ya kuongoza nchi kwa kuunda serikali ya umoja wa kitaifa ya Jamhuri ya Muungano wa Tanzania, alisema Ali.
Aliongeza kuwa hatua hiyo pia itaisaidia nchi kuvuka salama katika mchakato wa kuandika katiba mpya ambayo itasaidia kuyapatia ufumbuzi matatizo hayo. Ali alisema serikali ya CCM imeshindwa kutatua tatizo la upatikanaji wa nishati ya umeme na kuongeza kuwa tatizo la nishati hiyo linachangiwa na kuingizwa siasa na si utaalamu au rasilimali fedha.
Miaka 50 baada ya kupata uhuru, hatuna sababu ya kutokuwa na umeme wa uhakika, serikali imeshindwa kutatua tatizo hili na kusababisha nchi kupata hasara kubwa kwa kudhoofisha uchumi wa nchi, alisema. Baraza Kuu linaitaka serikali ya CCM kufanya maamuzi mazito ya kuwashughulikia wahusika wote wa uzembe huu kwa kuwachukulia hatua zinazofaa, aliongeza Ali.
Alifafanua kuwa Serikali ya Umoja wa Kitaifa Zanzibar imefanikiwa katika kipindi cha mwaka mmoja kwa kusimamia uendeshaji wa shughuli za serikali katika sekta mbalimbali ikiwa ni pamoja na kupanda kwa bei ya zao la karafuu.
Katiba mpya Kuhusu mchakato wa kuandikwa kwa Katiba Mpya, chama hicho kilisema rasimu mpya ya muswada huo bado inakasoro kwani bado umeweka madaraka na mamlaka makubwa kwa rais katika kudhibiti na kuamua mchakato wa kuandika katiba mpya.
Hili linavunja msingi mmoja wa madai ya katiba mpya ambayo ni kupunguza madaraka makubwa ya rais, alisema na kuwataka wabunge wa Cuf kuhakikisha wanasimamia marekebisho yake ndani ya Bunge linalotarajiwa kuanza keshokutwa.
chanzo: http://mwananchi.sekenke.com/
CHAMA cha Wananchi (CUF) kimesema matatizo ya kiuchumi yanayoikabili Serikali yatamalizwa kwa kuundwa Serikali ya Umoja wa Kitaifa. CUF imesema Serikali ya Rais Jakaya Kikwete imeelemewa na majukumu ya kuongoza na hivyo kuhitaji msaada kwa kuundwa serikali hiyo kama ilivyo kwa Serikali ya Umoja wa Kitaifa, visiwani.
Tamko la Baraza Kuu la Uongozi Taifa la chama hicho lililotolewa jana na Makamu Mwenyekiti wa Cuf taifa, Machano Khamis Ali lilisema Serikali ya CCM kushindwa kutatua matatizo makubwa yanayolikabili taifa ni dalili za kuwepo kwa ombwe la uongozi.
Ali alitaja matatizo hayo kuwa ni kuyumba kwa uchumi, kushuka kwa kiwango cha mapato ya serikali, kuporomoka kwa shilingi na mfumuko wa bei na matatizo ya ajira. Baraza Kuu linaona njia pekee ya kulitoa taifa hapa tulipofikishwa ni kwa rais Jakaya Kikwete na CCM kukubali kusaidiwa dhamana ya kuongoza nchi kwa kuunda serikali ya umoja wa kitaifa ya Jamhuri ya Muungano wa Tanzania, alisema Ali.
Aliongeza kuwa hatua hiyo pia itaisaidia nchi kuvuka salama katika mchakato wa kuandika katiba mpya ambayo itasaidia kuyapatia ufumbuzi matatizo hayo. Ali alisema serikali ya CCM imeshindwa kutatua tatizo la upatikanaji wa nishati ya umeme na kuongeza kuwa tatizo la nishati hiyo linachangiwa na kuingizwa siasa na si utaalamu au rasilimali fedha.
Miaka 50 baada ya kupata uhuru, hatuna sababu ya kutokuwa na umeme wa uhakika, serikali imeshindwa kutatua tatizo hili na kusababisha nchi kupata hasara kubwa kwa kudhoofisha uchumi wa nchi, alisema. Baraza Kuu linaitaka serikali ya CCM kufanya maamuzi mazito ya kuwashughulikia wahusika wote wa uzembe huu kwa kuwachukulia hatua zinazofaa, aliongeza Ali.
Alifafanua kuwa Serikali ya Umoja wa Kitaifa Zanzibar imefanikiwa katika kipindi cha mwaka mmoja kwa kusimamia uendeshaji wa shughuli za serikali katika sekta mbalimbali ikiwa ni pamoja na kupanda kwa bei ya zao la karafuu.
Katiba mpya Kuhusu mchakato wa kuandikwa kwa Katiba Mpya, chama hicho kilisema rasimu mpya ya muswada huo bado inakasoro kwani bado umeweka madaraka na mamlaka makubwa kwa rais katika kudhibiti na kuamua mchakato wa kuandika katiba mpya.
Hili linavunja msingi mmoja wa madai ya katiba mpya ambayo ni kupunguza madaraka makubwa ya rais, alisema na kuwataka wabunge wa Cuf kuhakikisha wanasimamia marekebisho yake ndani ya Bunge linalotarajiwa kuanza keshokutwa.
chanzo: http://mwananchi.sekenke.com/