Ng'wamapalala
JF-Expert Member
- Jun 9, 2011
- 6,811
- 6,504
MATUKIO ya umwagaji damu ambayo yamekuwa yakitokea kwenye mikutano ya Chama Cha Demokrasia na Maendeleo (Chadema), yamesababisha mwenendo wa siasa katika siku za hivi karibuni kuchukua mwelekeo wa harufu ya damu.
Vyanzo vya habari vilivyowasiliana na gazeti hili, vinasema kuwa hatua ya Chadema, Chama Cha Mapinduzi (CCM) na Jeshi la Polisi kuhusishwa katika mlolongo wa matukio hayo ya umwagaji damu, ni ushahidi tosha kwamba wote wanaguswa moja kwa moja na harufu hiyo ya damu.
Gazeti hili limedokezwa kuwa matukio mengi ya umwagaji damu yanayotokea kwenye mikutano ya Chadema, kuanzia Arusha, Iringa, Morogoro na kwingineko, Polisi wameonekana kuwa katikati ya matukio hayo.
Imeelezwa kuwa Polisi wanatajwa kuhusika katika matukio hayo kwa namna mbili, ikiwemo baadhi ya askari wake wasio waaminifu kudaiwa kuhusika katika matukio hayo ya umwagaji damu, lakini pia kwa kitendo chao cha kushindwa kuwanasa wahusika kabla na baada ya matukio hayo.
Baadhi ya wachambuzi wa masuala ya kisiasa waliozungumza na gazeti hili, walisema kuwa namna ya kwanza inatokana na mwenendo wa siasa za ushindani baina ya vyama vikuu viwili vinavyoshindana kuusaka ukuu wa dola, ambavyo ni CCM na Chadema, kwamba umechochea uhusika wa polisi katika matukio hayo.
Gazeti hili limeelezwa kuwa ndani ya jeshi hilo hivi sasa kuna ufa na inadaiwa kwamba baadhi ya askari wake wasio waaminifu wameamua kufanya kazi kwa karibu na vyama hivyo vinavyoshindana, badala ya ile ya kusimamia maslahi ya taifa kutokana na sababu zao, ikiwemo baadhi yao kutopendezwa na mwenendo wa baadhi ya mambo katika sehemu zao za kazi.
Tukio la bomu la Jumamosi iliyopita lililotokea kwenye mkutano wa Chadema jijini Arusha, ambalo Chadema wanalituhumu Jeshi la Polisi kuhusika na kwamba wana ushahidi na hilo, limezidi kulipaka damu jeshi hilo.
Hii inatokana na kile kinachodaiwa kuwa baadhi ya askari wake wasio waaminifu wamejipenyeza na kugeuka kuwa mawakala wa CCM, huku wengine wakidaiwa kuwa upande wa vyama vya upinzani, hususani Chadema na kushiriki harakati hizo chafu za umwagaji damu.
Kauli hii inathibitishwa na maelezo yaliyowahi kutolewa na viongozi wa juu wa Chadema, ambao kwa nyakati tofauti waliwahi kukaririwa wakisema kuwa baadhi ya maofisa wa vyombo vya ulinzi na usalama wanaripoti kwao na wamekuwa wakiwapatia baadhi ya taarifa.
Juzi kauli kama hiyo ilitolewa Bungeni na Naibu Katibu Mkuu wa CCM Bara, Mwigulu Nchemba, ambaye alilieleza Bunge kuwa Chadema imekuwa ikiwatumia watumishi wasio waaminifu ndani ya serikali kuleta vurugu na hujuma ya Taifa.
Hoja kama hiyo inajengwa na wachambuzi, pamoja na wafuatiliaji wa masuala mbalimbali kwa msingi kwamba baada tu ya tukio hilo la bomu la sasa, viongozi waandamizi wa Chadema na wale wa CCM wameonekana kushambuliana, kila upande ukinyooshea kidole upande mwingine, huku polisi wakitajwa katikati yao.
Wakati CCM wakikishutumu Chadema kuhusika katika matukio ya umwagaji damu kwa lengo la kukigombanisha chama hicho na wananchi, Chadema wao wamekuwa wakilituhumu Jeshi la Polisi kuwa linatumiwa na CCM kutekeleza vitendo viovu kwa lengo la kukiangamiza.
Mauaji ya kisiasa ambayo yamekuwa yakitokea kwenye mikusanyiko, mikutano, maandamano au mazingira ya kisiasa yaliyohusisha Chadema, ni mengi kiasi cha kukijengea mazingira yenye sura ya mzozo wa kisiasa.
Taarifa zilizokusanywa na gazeti hili, likiwemo tukio la bomu lililolipuliwa kwenye mkutano wa chama hicho siku ya Jumamosi, zinaonyesha kwamba hadi sasa jumla ya watu waliouawa kwenye mikusanyiko au mikutano yake wamefikia 12.
Vifo hivi ni vile vilivyotokea Arusha, Januari 5, 2011, Igunga (Novemba 2011), Arumeru Mashariki (Aprili 2012), Iramba (Julai 14, 2012), Morogoro (Agosti 27, 2012) na Iringa Septemba 02, 2012.
Katika maandamo yaliyoitishwa na Chadema Januari 5, 2011 Jijini Arusha, ambayo hayakuruhusiwa na polisi, watu watatu walipoteza maisha, baada ya chombo hicho cha dola kudaiwa kutumia nguvu na risasi za moto kutawanya waandamanaji.
Mbali na hilo, uchaguzi mdogo wa Jimbo la Igunga pamoja na matukio mengine yaliyojitokeza na yaliyohusisha vurugu baina ya Chadema na CCM, ni lile la mfuasi wa chama hicho cha upinzani, Mbwana Masoud, ambaye alitekwa, kuteswa na kunyongwa katika mazingira ya kutatanisha.
Aidha mara baada ya uchaguzi mdogo wa Jimbo la Arumeru Mashariki, kiongozi wa Kata wa Chadema, Msafiri Mbwambo, alichinjwa na chanzo chake kudaiwa kusababishwa na masuala ya kisiasa.
Mauaji mengine ni yale yaliyotokea katika Kijiji cha Ndago, Wilaya ya Iramba, mkoani Singida, ambako kijana mmoja anayedaiwa kuwa kiongozi wa Kata wa UVCCM alikutwa amepoteza maisha katika kijiji hicho, jirani na eneo ulipofanyika mkutano wa hadhara wa Chadema.
Mengine ni yale yaliyotokea mkoani Morogoro, katika maandamano ya chama hicho ambacho kimekuwa na mvutano na Polisi, wote wakinyoosheana vidole kuhusu mauaji ya kijana Ally Zona.
Tukio jingine ni lile la mkoani Iringa, wakati wa kufungua matawi ya Chadema kwenye kata ya Nyololo, Polisi wanadaiwa kumlipua kwa bomu Mwandishi wa Habari, Daudi Mwangosi.
Matukio hayo yote ya uhalifu dhidi ya binadamu yanayofanywa kwenye mikutano ya Chadema, huku Jeshi la Polisi likidaiwa kuhusika katika baadhi ya matukio, wachambuzi wa mambo wanayatafsiri kuwa ni ushahidi tosha kwamba kuna fikra za kuangamizana.
Kwa upande mwingine, kitendo cha Chadema, ambacho kwa muda mrefu kimekuwa kikinyooshewa kidole na Polisi kwa kuendesha siasa za kibabe zinazogharimu maisha ya Watanzania, nacho kinatajwa kuwa chanzo cha umwagaji damu unaotokea katika baadhi ya mikusanyiko yake.
Duru za habari zimeeleza kuwa hatua ya Chadema kudaiwa kuhusika katika mipango ya utekaji na utesaji wa watu mbalimbali pia imekipaka damu chama hicho.
Hoja hii inajengwa na wafuatiliaji wa mambo katika msingi kwamba, tayari Mkurugenzi wa chama hicho wa Idara ya Ulinzi na Usalama, Wilfred Lwakatare pamoja na kada wa chama hicho, Ludovick Rwezaura, wamefikishwa mahakamani kwa kosa hilo la kupanga njama za kuteka watu.
Ni kwa namna hiyo hiyo, na mwendelezo huo wa matukio ya umwagaji damu, baadhi ya wachambuzi wanaona Chadema ndicho kinachokabiliwa na wakati mgumu zaidi, tofauti na CCM, chama dola ambacho nacho kimekuwa kikinyooshewa vidole.
Madai haya yanapewa nguvu na kile kilichoanza kuonekana sasa baada ya tukio la bomu la siku ya Jumamosi, ambapo kauli za kushutumiana za wanasiasa zimeonekana kuchukua nafasi kubwa kiasi cha kutishia kufunika hoja ya Chadema kutaka uchunguzi wa kina ufanyike kubaini wahusika wa tukio hilo.
Tayari kwa nyakati tofauti, Chadema kupitia kwa viongozi wake wa juu, kimekaririwa kikisema kuwa wana ushahidi unaowahusisha polisi katika mlipuko wa sasa, lakini hawatauwasilisha kwao kwa sababu hawana imani nao.
Hata hivyo wakati malumbano haya yakiendelea, uchunguzi wa kitaaluma wa tukio hilo pamoja na mengine yenye sura ya kisiasa umebaki kuwa tata.
Kwa hisani ya Mtanzania Jumapili.
Vyanzo vya habari vilivyowasiliana na gazeti hili, vinasema kuwa hatua ya Chadema, Chama Cha Mapinduzi (CCM) na Jeshi la Polisi kuhusishwa katika mlolongo wa matukio hayo ya umwagaji damu, ni ushahidi tosha kwamba wote wanaguswa moja kwa moja na harufu hiyo ya damu.
Gazeti hili limedokezwa kuwa matukio mengi ya umwagaji damu yanayotokea kwenye mikutano ya Chadema, kuanzia Arusha, Iringa, Morogoro na kwingineko, Polisi wameonekana kuwa katikati ya matukio hayo.
Imeelezwa kuwa Polisi wanatajwa kuhusika katika matukio hayo kwa namna mbili, ikiwemo baadhi ya askari wake wasio waaminifu kudaiwa kuhusika katika matukio hayo ya umwagaji damu, lakini pia kwa kitendo chao cha kushindwa kuwanasa wahusika kabla na baada ya matukio hayo.
Baadhi ya wachambuzi wa masuala ya kisiasa waliozungumza na gazeti hili, walisema kuwa namna ya kwanza inatokana na mwenendo wa siasa za ushindani baina ya vyama vikuu viwili vinavyoshindana kuusaka ukuu wa dola, ambavyo ni CCM na Chadema, kwamba umechochea uhusika wa polisi katika matukio hayo.
Gazeti hili limeelezwa kuwa ndani ya jeshi hilo hivi sasa kuna ufa na inadaiwa kwamba baadhi ya askari wake wasio waaminifu wameamua kufanya kazi kwa karibu na vyama hivyo vinavyoshindana, badala ya ile ya kusimamia maslahi ya taifa kutokana na sababu zao, ikiwemo baadhi yao kutopendezwa na mwenendo wa baadhi ya mambo katika sehemu zao za kazi.
Tukio la bomu la Jumamosi iliyopita lililotokea kwenye mkutano wa Chadema jijini Arusha, ambalo Chadema wanalituhumu Jeshi la Polisi kuhusika na kwamba wana ushahidi na hilo, limezidi kulipaka damu jeshi hilo.
Hii inatokana na kile kinachodaiwa kuwa baadhi ya askari wake wasio waaminifu wamejipenyeza na kugeuka kuwa mawakala wa CCM, huku wengine wakidaiwa kuwa upande wa vyama vya upinzani, hususani Chadema na kushiriki harakati hizo chafu za umwagaji damu.
Kauli hii inathibitishwa na maelezo yaliyowahi kutolewa na viongozi wa juu wa Chadema, ambao kwa nyakati tofauti waliwahi kukaririwa wakisema kuwa baadhi ya maofisa wa vyombo vya ulinzi na usalama wanaripoti kwao na wamekuwa wakiwapatia baadhi ya taarifa.
Juzi kauli kama hiyo ilitolewa Bungeni na Naibu Katibu Mkuu wa CCM Bara, Mwigulu Nchemba, ambaye alilieleza Bunge kuwa Chadema imekuwa ikiwatumia watumishi wasio waaminifu ndani ya serikali kuleta vurugu na hujuma ya Taifa.
Hoja kama hiyo inajengwa na wachambuzi, pamoja na wafuatiliaji wa masuala mbalimbali kwa msingi kwamba baada tu ya tukio hilo la bomu la sasa, viongozi waandamizi wa Chadema na wale wa CCM wameonekana kushambuliana, kila upande ukinyooshea kidole upande mwingine, huku polisi wakitajwa katikati yao.
Wakati CCM wakikishutumu Chadema kuhusika katika matukio ya umwagaji damu kwa lengo la kukigombanisha chama hicho na wananchi, Chadema wao wamekuwa wakilituhumu Jeshi la Polisi kuwa linatumiwa na CCM kutekeleza vitendo viovu kwa lengo la kukiangamiza.
Mauaji ya kisiasa ambayo yamekuwa yakitokea kwenye mikusanyiko, mikutano, maandamano au mazingira ya kisiasa yaliyohusisha Chadema, ni mengi kiasi cha kukijengea mazingira yenye sura ya mzozo wa kisiasa.
Taarifa zilizokusanywa na gazeti hili, likiwemo tukio la bomu lililolipuliwa kwenye mkutano wa chama hicho siku ya Jumamosi, zinaonyesha kwamba hadi sasa jumla ya watu waliouawa kwenye mikusanyiko au mikutano yake wamefikia 12.
Vifo hivi ni vile vilivyotokea Arusha, Januari 5, 2011, Igunga (Novemba 2011), Arumeru Mashariki (Aprili 2012), Iramba (Julai 14, 2012), Morogoro (Agosti 27, 2012) na Iringa Septemba 02, 2012.
Katika maandamo yaliyoitishwa na Chadema Januari 5, 2011 Jijini Arusha, ambayo hayakuruhusiwa na polisi, watu watatu walipoteza maisha, baada ya chombo hicho cha dola kudaiwa kutumia nguvu na risasi za moto kutawanya waandamanaji.
Mbali na hilo, uchaguzi mdogo wa Jimbo la Igunga pamoja na matukio mengine yaliyojitokeza na yaliyohusisha vurugu baina ya Chadema na CCM, ni lile la mfuasi wa chama hicho cha upinzani, Mbwana Masoud, ambaye alitekwa, kuteswa na kunyongwa katika mazingira ya kutatanisha.
Aidha mara baada ya uchaguzi mdogo wa Jimbo la Arumeru Mashariki, kiongozi wa Kata wa Chadema, Msafiri Mbwambo, alichinjwa na chanzo chake kudaiwa kusababishwa na masuala ya kisiasa.
Mauaji mengine ni yale yaliyotokea katika Kijiji cha Ndago, Wilaya ya Iramba, mkoani Singida, ambako kijana mmoja anayedaiwa kuwa kiongozi wa Kata wa UVCCM alikutwa amepoteza maisha katika kijiji hicho, jirani na eneo ulipofanyika mkutano wa hadhara wa Chadema.
Mengine ni yale yaliyotokea mkoani Morogoro, katika maandamano ya chama hicho ambacho kimekuwa na mvutano na Polisi, wote wakinyoosheana vidole kuhusu mauaji ya kijana Ally Zona.
Tukio jingine ni lile la mkoani Iringa, wakati wa kufungua matawi ya Chadema kwenye kata ya Nyololo, Polisi wanadaiwa kumlipua kwa bomu Mwandishi wa Habari, Daudi Mwangosi.
Matukio hayo yote ya uhalifu dhidi ya binadamu yanayofanywa kwenye mikutano ya Chadema, huku Jeshi la Polisi likidaiwa kuhusika katika baadhi ya matukio, wachambuzi wa mambo wanayatafsiri kuwa ni ushahidi tosha kwamba kuna fikra za kuangamizana.
Kwa upande mwingine, kitendo cha Chadema, ambacho kwa muda mrefu kimekuwa kikinyooshewa kidole na Polisi kwa kuendesha siasa za kibabe zinazogharimu maisha ya Watanzania, nacho kinatajwa kuwa chanzo cha umwagaji damu unaotokea katika baadhi ya mikusanyiko yake.
Duru za habari zimeeleza kuwa hatua ya Chadema kudaiwa kuhusika katika mipango ya utekaji na utesaji wa watu mbalimbali pia imekipaka damu chama hicho.
Hoja hii inajengwa na wafuatiliaji wa mambo katika msingi kwamba, tayari Mkurugenzi wa chama hicho wa Idara ya Ulinzi na Usalama, Wilfred Lwakatare pamoja na kada wa chama hicho, Ludovick Rwezaura, wamefikishwa mahakamani kwa kosa hilo la kupanga njama za kuteka watu.
Ni kwa namna hiyo hiyo, na mwendelezo huo wa matukio ya umwagaji damu, baadhi ya wachambuzi wanaona Chadema ndicho kinachokabiliwa na wakati mgumu zaidi, tofauti na CCM, chama dola ambacho nacho kimekuwa kikinyooshewa vidole.
Madai haya yanapewa nguvu na kile kilichoanza kuonekana sasa baada ya tukio la bomu la siku ya Jumamosi, ambapo kauli za kushutumiana za wanasiasa zimeonekana kuchukua nafasi kubwa kiasi cha kutishia kufunika hoja ya Chadema kutaka uchunguzi wa kina ufanyike kubaini wahusika wa tukio hilo.
Tayari kwa nyakati tofauti, Chadema kupitia kwa viongozi wake wa juu, kimekaririwa kikisema kuwa wana ushahidi unaowahusisha polisi katika mlipuko wa sasa, lakini hawatauwasilisha kwao kwa sababu hawana imani nao.
Hata hivyo wakati malumbano haya yakiendelea, uchunguzi wa kitaaluma wa tukio hilo pamoja na mengine yenye sura ya kisiasa umebaki kuwa tata.
Kwa hisani ya Mtanzania Jumapili.