bora kampata wake

Sam Love said:

BORA KAMPATA WAKE
Niseme sikumpenda,nilimwacha makusudi,
Mwenzangu alinipenda,kwangu alipiga
hodi,
Mwishoni nikamtenda,leo yupo na hemedi,
Bora umepata wako,mpendane mkadumu.
Alinifundisha mengi,alinifunza michezo,
Leo kampata mangi,pendo si maelezo,
Kakwepa kuvuta bangi,kuachwa siyo
mchezo,
Bora umepata wako,mpendane mkadumu.
Leo nitakwita shemu,si ex kama kale,
Kuachwa sijelaumu,singempata yule,
Kwangu tena futa hamu,penzi likalale pale,
Bora umepata wako,mpendane mkadumu.
Sipige simu usiku,mpenzi akulaumu,
Nami nimeshikwa huku,muhibu tanilaumu,
Ukihitaji buku,wangu hadi afahamu,
Bora umepata wako,mpendane mkadumu.
Wala usinichukie,sikupenda nikaacha,
Wa kwako mkumbatie,wala usije muacha,
Wa kwangu msalimie,wewe kwangu ndiye
kocha.

Click to expand...