Bashir kuacha madaraka 2020 Sudan

Rais wa Sudan Omar al-Bashir ameambia BBC kwamba ataondoka madarakani mwaka 2020 muhula wake wa sasa utakapomalizika.

Bw Bashir pia amekanusha tuhuma kwamba wanajeshi wake wamekuwa wakitekeleza dhuluma kwenye vita vipya dhidi ya wanavijiji weusi katika eneo la Darfuf, magharibi mwa nchi hiyo.

Kiongozi huyo anatafutwa na Mahakama ya Kimataifa ya Uhalifu wa Kivita (ICC) kwa tuhuma za kutekeleza mauaji ya halaiki na uhalifu wa kivita.

Bw Bashir amekuwa madarakani tangu 1989. Alishinda uchaguzi mkuu Aprili mwaka jana.

Ameambia mwandishi wa BBC Thomas Fessy kwamba kazi yake “inachosha” na kwamba muhula wake wa sasa utakuwa wa mwisho.

“Mwaka 2020, kutakuwa na rais mpya na nitakuwa rais wa zamani,” amesema.

Hata hivyo, wakosoaji wake watasema tayari amewahi kuahidi kung’atuka awali lakini baadaye akakosa kutimiza ahadi hiyo, mwandishi wa BBC anasema.

Duuh toka mwak 1989??

SIJUI ATAENDA KUISHI WAPI.MAANA ANAWINDWA SANA.

Apumzike sasa. Imetosha

Ila kaniudhi sana huyu jamaa kuiachia South Sudan iende hivi ivi, majitu hayajui hata kuiongoza nchi,diwani anavaa buti na suti,mbunge anavaa ndala na nguo za uraiani, hajui kupitisha kitana nywele zimekaa hovyohovyo tu, *****..yamebakia kuuwana tu, ni heri angewanyang'nya nyambaff kabisa.