AMAN THANI NA DHANA YA MWAFRIKA ZANZIBAR

[Mohamed Said]

AMAN THANI NA DHANA YA MWAFRIKA ZANZIBAR
4:43 AM Mohamed Said 0 Comments

Aman Thani​

Aman Thani ni mmoja wa wapigania uhuru wa Zanzibar na alipata kuwa Secretary General wa Zanzibar Nationalist Party mwaka wa 1963 akishika nafasi ya Abdulrahman Babu baada ya Babu kujitoa chama na kuunda chama chake Umma Party. Aliwekwa jela Zanzibar na Tanganyika baada ya mapinduzi. Aman Thani ni kati ya wanasiasa wachache waliobaki katika kundi lile lililopigania uhuru wa Zanzibar. Ameandika kitabu mashuhuri kuhusu Mapinduzi ya Zanzibar, ''Ukweli ni Huu.''

Kauli ya CCM Zanzibar jana kuwa Zanzibar si ya machotara bali ni ya Waafrika imekurupusha sege la nyuki wakali. CCM imekuwa ikilaniwa na kila mtu kote duniani khasa kutoka kwa wafuatiliaji wa siasa za Tanzania hususan visiwani Zanzibar.

Msome Aman Thani akieleza dhana ya Uafrika katika siasa za Zanzibar:

‘’...huenda ikawa tukakosana juu ya hili neno, ‘’Muafrika.’’ Kwangu mimi, ‘’Muafrika,’’ ni yoyote aliyezaliwa na kuishi katika kontineti la Afrika. Si muhimu asli ya kabila lake wala rangi ya mwili wake. Hapana shaka kuwa huu ndio msimamo wa Umoja wa Nchi Huru za Afrika. Basi sijui kwa wengine Muafrika ni wa namna gani? Suruti awe wa rangi nyeusi na nywele za pilipili? Akiwa mweupe na nyele ndefu za singa, na wazazi wake wote wawili wamezaliwa Zanzibar, huyo hakubaliwi kuwa ni Muafrika?’’

 

[Chikumba one]

"Mtu yeyote anayeendekeza ukabila,haijalishi ni Mweusi ama Mzungu huyo ni Kaburu tu". Mwl Julius Nyerere!

Siasa za CCM zimejaa ukaburu!
Dr. Salim Ahmed Salim alipoelekea kushinda mbio za Urais ndani ya CCM mwaka 2005 aliitwa Hizbu, huu ni ukaburu.
Hussein Bashe aliposhinda kura za maoni ya ubunge kule Nzega ni chama chake cha CCM kilichomtamka kuwa sio Mtanzania,ni Msomali! Huu ni ukaburu!
Jenerali Ulimwengu pamoja na kushika nyadhfa kubwa serikalini,lkn alipotofautiana na wakubwa alivuliwa Uraia wake,huu ni ukaburu!
Edward Lowasa alipoonyesha kuwa na Nguvu ndani ya CCM ilitamkwa na vijana wa chama chake kuwa Rais hawezi kutoka Kaskazini! Huu ni ukaburu!
Haya ya juzi kule Zanzibar ni muendelezo wa ukaburu wa CCM!
Matendo haya yanasaidia kuifuta CCM ktk siasa za Tanzania! Tusubiri!

 

[srinavas]

Kwani ni kauli gani imetolewa zanzibar?

 

[Chikumba one]

Kwani ni kauli gani imetolewa zanzibar?

Angalia hilo bango!

 

[ba boom]

M'bora wenu kwangu ni yule anichae (anaeniabudu mimi) na wala si rangi yake wala anapotoka .hayo ni maneno ya m.mungu (s.w)

 

[ba boom]

Leo binadamu aliyeumbwa na tone la maanii amegeuka kuwa mpingaji na adui wa aliyemuumba

 

[mafimboo]

ccm imeshakufa isijidanganye kwa serikasi za kufuta na kuruduia uchaguzi,shekhen anaharibu sifa ya zanzibar na atalaumiwa kwa lolote litakalo tokea zanzibar ulafi wa madaraka utamtokea puani.anapaswa kujua kuwa zanzibar sio ccm.mtu mwenyewe hana mvuto nani ampe kura