Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Wagombea CHADEMA chini ya ulinzi.

Discussion in 'Habari na Hoja mchanganyiko' started by Kiranja Mkuu, May 30, 2011.

  1. Kiranja Mkuu

    Kiranja Mkuu JF-Expert Member

    #1
    May 30, 2011
    Joined: Feb 18, 2010
    Messages: 2,101
    Likes Received: 4
    Trophy Points: 0
    NI KUDHIBITI RUSHWA, MMOJA AENGULIWA
    KATIKA UCHAGUZI
    Godfrey Nyang’oro
    UCHAGUZI wa viongozi wa Baraza la Vijana la
    Chama cha Demokrasia na Maendeleo
    (Chadema), jana ulitawaliwa na vituko
    vilivyoambatana na wagombea wa nafasi ya
    mwenyekiti, kuwekwa chini ya ulinzi mkali,
    ili kuwadhibiti wasitoe rushwa kwa wapiga
    kura. Vituko hivyo vilitokea katiKa mkutano
    huo wa uchaguzi ulioanza saa 6:00 mchana,
    katika Viwanja vya Sabasaba jijini Dar es
    Salaam na kuendelea hadi usiku.
    Katika uchaguzi huo, wagombea tisa wa
    nafasi ya mwenyekiti, walitolewa nje ya
    ukumbi wa mkutano na kuwekwa chini ya
    ulinzi wa mkali wa mabaunsa
    wawili.Kitendo hicho kilifanyika wakati
    wagombea hao, wakisubiri kuitwa kwa
    mahojiano yaliyokuwa yakifanywa na
    viongozi wa chama.
    Chini ya ulinzi huo, wagombea
    hawakuruhusiwa kwenda mahali na hata
    pale walipoitwa kwa mahojiano,
    walisindikizwa hadi mlangoni.
    Mapema uongozi wa Chadema ulipiga
    marufuku, wagombea wote kufanya
    kampeni nje ya ukumbi wa uchaguzi.
    Uchaguzi huo wa Mwenyekiti wa Bavicha
    unafanyika baada ya kushindikana kwa
    uchaguzi wa awali wa Septemba mwaka
    juzi, kufuatia vurugu kubwa zilizosababisha
    uongozi kuusimamisha.
    Vurugu hizo zilimlazimisha aliyekuwa
    msimamizi wa uchaguzi,Charles Mwera
    kushindwa kutangaza matokeo na hatua
    hiyo ilikuja baada ya kubainika kuwa upigaji
    kura, ulikuwa batili.
    Hali hiyo ilijitokeza baada ya kura
    zilizohesabiwa kuoenekana kuwa zilizidi
    idadi ya waliopiga kura hizo na hakukuwa
    na mgombea mmoja aliyepata zaidi ya
    asilimia 50 ya kura.
    Uchaguzi huo uliwapambanisha wagombea
    wengi, lakini waliokuwa wapinzani wa
    karibu ni aliyekuwa Ofisa Habari wa
    Chadema, David Kafulila na aliyekuwa Diwani
    wa Tarime Mjini, John Heche.Wagombea
    wengine walikuwa ni Ofisa wa Mafunzo, Day
    Igogo na Julieti Rushuli.
    Uchaguzi huo wa jana uliwashirikisha
    wagombea wa nafasi za wajumbe wa
    Baraza Kuu la Vijana na Mkutano Mkuu wa
    Taifa wa Chadema.Hata hivyo, akizungumza
    kabla ya uchaguzi huo, Katibu Mkuu wa
    chama hicho, Dk Wilibrod Slaa, alisema
    baadhi ya majina ya wagombea yamekatwa
    kwa sababu ya kutoa rushwa kwa wapiga
    kura.
    Dk Slaa alisema kuna ushahidi kwamba
    mmoja wa mgombea aliyeondolewa, alitoa
    rushwa kwa wapiga kura kutoka mikoani
    kwa kuwatumia fedha kwa njia ya M-pesa.
    Alisema chama hicho kimejipanga kuepuka
    vitendo vya ukiukaji wa maadili ikiwa ni
    pamoja na kutoa na kupokea rushwa.
    "Tulikubaliana ndani ya kamati kuwa
    kampeni zote zitapigwa ndani ya ukumbi
    wa mkutano,"alisema Slaa. Alisema ni vyema
    kila mgombea afuate taratibu zilizokuwa na
    chama, ili kufanya uchaguzi uwe utulivu na
    wa heshima, hatua ambayo alisema
    itakijengea chama sifa.
    Mkakati wa kuwadhibiti wagombea
    uliendelea hadi Mbunge wa Ubungo, John
    Mnyika alipotangaza taratibu za kuanza kwa
    kampeni, ambapo wagombea wote
    waliamriwa kutoka nje ya ukumbi na
    kuruhusu mgombea mmoja mmoja kwa ajili
    ya kujieleza.
    Waliokuwa wakigombea nafasi ya
    mwenyekiti ni na Aidan Sadick, Benard Mao,
    Benard Saanane, Deogratias Kisandu, Edwin
    Soko, Grayson Nyakarundu, John Heche,
    Masood Suleimani na Mtela Mwampamba.
    Nafasi zingine zinazogombewa ni ya
    Makamu mwenyekiti bara, Makamu
    mwenyekiti visiwani, katibu mkuu, naibu
    katibu mkuu, na uratibu na
    uhamasishaji.Hatua hiyo ya Chadema
    kudhibiti rushwa inakuja wakati mwasisi
    wa chama hicho, Edwin Mtei, akiwataka
    viongozi wasiwapitishe wagombea
    mamluki, kushika nyadhifa ndani ya chama
    hicho.
    Mtei ambaye alitoa wito huo juzi, alisema
    Kamati kuu ya chama hicho, ilitakiwa kuwa
    ya kwanza kuchuja majina ya wagombea.
    Hadi tunakwenda mtamboni uchaguzi huo
    ulikuwa ukiendelea.
    Kutohudhuria mahakamni
    Akizungumzia sababu za kutokuhudhuria
    mahakamani juzi, Dk Slaa alisema ni
    makubaliano yaliyofikiwa baina yao na
    mahakama kuhusu kutokwenda mara kwa
    mara hadi hapo afya ya mmoja wa
    washitakiwa, itakapotengamaa.
    "Nasikitika kuwa limetokea hili, lakini wote
    wanajua sisi ni viongozi wa watu
    wasioweza kutoroka. Jumatatu (kesho)
    mimi nitakwenda Arusha
    kuwasikiliza,"alisema Slaa.
    Dk Slaa alisema tukio la juzi lilitokea baada
    ya kesi hiyo kutajwa saa 2:00 asubuhi
    badala ya saa 3:00 asubuhi.
    Alisema kutokana na sababu hiyo wakili
    alikwenda mahakamani na kushughulikia
    kesi nyingine na alipokwenda kwenye kesi
    yao saa 3:00 asubuhi alikuta ikiwa
    imeshaahirishwa.
    Kuhusu wabunge, alisema kwa sasa
    wametawanyika na wana majukumu ya
    kitaifa na kwamba hawatakwenda
    mahakamani Arusha."Mahakama imetoa
    amri ya mimi na wabunge kukamatwa, hata
    hivyo ni vigumu kuwapata wabunge wangu,
    mwenyekiti wangu atakuwa bungeni
    kupokea taarifa ya waziri mkuu,"alisema Dk
    Slaa .


    SOURCE: MWANANCHI.
     
  2. Sumbalawinyo

    Sumbalawinyo JF-Expert Member

    #2
    May 30, 2011
    Joined: Sep 22, 2009
    Messages: 1,286
    Likes Received: 16
    Trophy Points: 0
    Ikithibitika waliojihusisha na rushwa waachukuliwe hatua za kinidhamu
     
  3. Nazjaz

    Nazjaz JF-Expert Member

    #3
    May 30, 2011
    Joined: Jan 20, 2011
    Messages: 4,750
    Likes Received: 345
    Trophy Points: 180
    rushwa inapenya hadi CHADEMA, kweli fedha ni soo
     
Loading...