Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Vacancies-deadline 31Dec 09

Discussion in 'Nafasi za Kazi na Tenda' started by carmel, Dec 22, 2009.

  1. carmel

    carmel JF-Expert Member

    #1
    Dec 22, 2009
    Joined: Aug 24, 2009
    Messages: 2,842
    Likes Received: 3
    Trophy Points: 0
    JAMHURIYA MUUNGANO WA TANZANIA
    OFISI YA WAZIRI MKUU
    TAWALA ZA MIKOA NA SERIKALI ZA MITAA
    HALMASHAURI YA WILAYA YA LIWALE

    Fax No: 0732933131/0732933118 S.L.P. 23,
    E-mail:liwale.district@yahoo.com LIWALE.

    Kumb. Na. LW/DC/L.20/10 VOL.IV/11 26.11.2009




    YAH: TANGAZO LA NAFASI ZA KAZI

    Katibu wa Bodi ya Ajira ya Halmashauri ya Wilaya ya Liwale Mkoa wa Lindi anawatangazia wananchi wote wenye sifa zilizoainishwa kuomba nafasi za ajira mpya kwa mwaka wa fedha wa 2009/2010 kama ifuatavyo:-

    1. Msaidizi wa Kumbukumbu Daraja la II (Records Management Assistant II) – Nafasi 1
    SIFA
    · Awe kidato cha sita wenye cheti cha utunzaji kumbukumbu katika mojawapo ya fani za Afya, Masjala, Mahakama na Ardhi.

    Majukumu ya kazi
    · Kutafuta kumbukumbu/nyaraka/mafaili yanayohitajiwa na wasomaji
    · Kudhibiti upokeaji, uandikishaji wa kumbukumbu/nyaraka

    Mshahara:
    Mshahara uko katika ngazi ya Mshahara ya TGS. B sawa na Tshs. 151,240/= kwa mwezi

    2. Katibu Mahsusi Daraja III (Personal Secretary III) – Nafasi I
    SIFA
    Awe kidato cha Nne waliohduhuria Mafunzo ya Uhazili na kufaulu mtihani wa Hatua ya Tatu. Wawe wamefaulu somo la Hatimkato ya Kiswahili na Kiingereza maneno 80 kwa dakika moja na wawe wamepata mafunzo ya Kompyuta kutoka Chuo chochote kinachotambuliwa na Serikali na kupat cheti katika Programu za Windows, Microsoft Office, Internet, E-mail na Publisher.

    Majukumu ya kazi
    · Kuchapa barua, taarifa na nyaraka za kawaida
    · Kusaidia kupokea wageni na kuwasaili shida zao, na kuwaelekeza sehemu wanapoweza kushughulikiwa
    · Kusaidia kutunza taarifa/kumbukumbu za matukio, miadi, wageni, tarehe za vikao, safari za Mkuu wake na ratiba ya kazi zingine zilizopangwa kutekelezwa katika Ofisi anamofanyika kazi, na kumuarifu Mkuu wake kwa wakati unaohitajika
    · Kusaidia kutafuta na kumpatia Mkuu wake majalada, nyaraka au kitu chochote kinachohitajika katika shughuli za kazi hapo ofisini

    Mshahara:
    Mshahara uko katika ngazi ya Mshahara ya TGS. B sawa na Tshs. 151,240/= kwa mwezi

    3. Afisa Mtendaji Kata III ( Ward Executive Officer III ) – Nafasi 1
    SIFA
    Awe amehitimu kidato cha nne (IV) na (VI) na kuhudhuria mafunzo ya Stashahada ya aina yoyote na kufaulu usaili.

    Majukumu ya kazi
    · Atakuwa Mtendaji Mkuu wa Kata na kiungo cha Uongozi kwa Idara zote katika Kata na atashughulikia masuala yote ya Kata
    · Atakuwa mhamasishaji wa Umma katika mikakati mbalimbali ya uzalishaji mali, kuondoa njaa na umaskini.
    · Atakuwa mlinzi wa amani na msimamizi wa Utawala bora katika Kata
    · Atakuwa ni Katibu wa Kamati ya Maendeleo ya Kata

    Mshahara:
    Mshahara uko katika ngazi ya Mshahara ya TGS. C sawa na Tshs. 201,870/= kwa mwezi

    4. Afisa Mtendaji Kijiji - III ( Village Executive Officer - III ) – Nafasi 20
    SIFA
    Awe amehitimu kidato cha IV na VI waliohitimu Stashahada katika Fani yoyote ya chuo chochote kinachotambuliwa na Serikali na kufaulu usaili.

    Majukumu ya kazi
    · Atakuwa Mtendaji na Mshauri Mkuu wa Serikali ya Kijiji na Kamati zake katika Mipango ya Maendeleo ya Kijamii na utekelezaji wa Mipango ya Maendeleo
    · Atakuwa Afisa Mhasibu wa Serikali ya Kijiji na atasimamia mapato na matumizi ya Serikali ya Kijiji.
    · Atakuwa Mlinzi wa Amani na Msimamizi wa Utawala bora katika Kijiji
    · Ataratibu na kusimamia upangaji wa utekelezaji wa Mipango ya Maendeleo ya Kijiji

    Mshahara:
    Mshahara uko katika ngazi ya Mshahara ya TGS. A sawa na Tshs. 114,910/= kwa mwezi

    5. Afisa Maendeleo ya Jamii Daraja la II (Community Development Officer II) – Nafasi 5
    SIFA
    · Awe na Stashahada ya Juu ya Maendeleo ya Jamii kutoka Chuo cha Maendeleo ya Jamii, Tengeru, au vyuo vingine vinavyotambuliwa na Serikali.
    · Awe na Shahada ya kwanza kutoka Chuo Kikuu cha Dar es Salaam, SUA, au Vyuo vingine vinavyotambuliwa na Serikali katika fani ya:-
    o Community Development – (Maendeleo ya Jamii)
    o Sociology (Elimu Jamii)
    o Home Economics (Maendeleo Vijijini)
    o Rural Development Planning (Mipango ya Maendeleo Vijijini)
    o Environment Economics (Uchumi wa Maendeleo)
    o Gender in Development (Maendeleo ya Jinsia)

    Majukumu ya kazi
    · Kushirikisha jamii katika kubuni na kupanga miradi mbalimbali katika kata wanazofanyia kazi.
    · Kuongoza na kusimamia utekelezaji wa Mipango/Miradi ya Maendeleo katika Kata zao, kwa kushirikiana Maafisa Maendeleo ya Jamii Wasaidizi
    · Kufanya utafiti na kutoa mapendekezo ya namna ya kukabiliana na matatizo mbalimbali ya maendeleo yanayorudisha nyumba maendeleo ya jamii kwa kushirikiana na watumishi wa sekta nyingine.
    · Kuongeza na kusimamia utendaji kazi wa Maafisa Maendeleo ya Jamii Wasaidizi walioko katika vijiji/kata

    Mshahara:
    Mshahara uko katika ngazi ya Mshahara ya TGS. D sawa na Tshs. 322,460/= kwa mwezi

    6. Afisa Ustawi wa Jamii II (Social Welfare Officer Grade II) – Nafasi 1
    SIFA
    · Awe na Shahada ya Kwanza (B.A. in Social Work or Sociology) au Stashahada ya Juu ya Ustawi wa Jamii (Advanced Diploma in Social Work) kutoka Chuo kinachotambuliwa na Serikali.

    Majukumu ya kazi
    · Kuendesha usaili kwa wahudhumiwa (watu wenye ulemavu, wazee, familia zenye matatizo, watoto na washtakiwa)
    · Kufanya ukaguzi wa mazingira wanaoyoishi wahudhumiwa ili kupata taarifa zao kamili
    · Kuandaa taarifa za usaili na ukaguzi wa mazingira ya wahudumiwa
    · Kupokea na kukusanya taarifa za Ustawi wa Jamii kutoka kwa wadau na vituo mbalimbali vya Ustawi wa Jamii

    Mshahara:
    Mshahara uko katika ngazi ya Mshahara ya TGS. D sawa na Tshs. 322,460/= kwa mwezi

    7. Afisa Ugavi Daraja la II (Supplies Officer II) – Nafasi 2
    SIFA
    · Awe na Shahada ya Biashara (B. Comm) yenye mchepuo wa ugavi au Stashahada ya Juu ya Ugavi (Advance Diploma in Materials Management inayotolewa na Chuo kinachotambuliwa na Bodi ya Taifa ya Usimamizi wa Vifaa.

    Majukumu ya kazi
    · Kukusanya takwimu za kusaidia kutayarishwa makisio ya vifaa vinavyohitajika (Material Requirement Budget) na Mpango wa Ununuzi (Procurement Plan)
    · Kukusanya na kutunza takwimu za utendaji wa Wazabuni mbalimbali
    · Kukusanya na kutunza takwimu za upokeaji, utunzaji na usambazaji wa vifaa
    · Kusimamia utunzaji wa maghala na hati/kumbukumbu ya vifaa vilivyomo ghalani.
    ·

    Mshahara:
    Mshahara uko katika ngazi ya Mshahara ya TGS. C/D sawa na Tshs. 201,870/ 322,460/= kwa mwezi

    8. Mlinzi (Security Guard) Nafasi 2
    SIFA
    Awe amehitimu kidato cha Nne ambao wamefuzu mafunzo ya Mgambo / Polisi/ JKT au mafunzo ya zimamoto kutoka katika Chuo kinachotambuliwa na Serikali

    Majukumu ya kazi
    · Kuhakikisha kwamba mali yoyote ya Ofisi inayotolewa langoni (nje ya ofisi) ina hati ya idhini
    · Kuhakikisha kuwa mali yote inayoingizwa langoni inazo hati za uhalali wake
    · Kulinda usalama wa majengo, ofisi na mali za ofisi mchana na usiku
    · Kuhakikisha kwamba milango na madirisha yote yamefungwa ipasavyo mwisho wa saa za kazi

    Mshahara:
    Mshahara uko katika ngazi ya Mshahara ya TGOS. A sawa na Tshs. 104,410/= kwa mwezi

    9. Mwalimu III ( Teacher III ) – Nafasi 4
    SIFA
    Awe amehitimu mtihani wa Taifa wa kidato cha Nne ambao wamefuzu mafunzo ya Ualimu ya miaka miwili (2) na kupata cheti cha Ualimu daraja la IIIA

    Majukumu ya kazi
    · Kufundisha masomo aliyosomea Chuoni katika Shule za Awali au Shule za Msingi
    · Kuandaa maazimio ya kazi, maandalio ya masomo, zana za kufundishia / kujifunzia, mazoezi ya wanafunzi, majaribio na mitihani
    · Kusahihisha kazi za wanafunzi
    · Kutathmini Maendeleo ya wanafunzi


    Mshahara:
    Mshahara uko katika ngazi ya Mshahara ya TGTS. B sawa na Tshs. 170,700/= kwa mwezi

    10. Afisa Misitu Daraja la II (Forest Officer II) – Nafasi 1
    SIFA
    · Awe na Shahada ya Misitu kutoka Chuo Kikuu cha Kilimo cha Sokoine au Vyuo Vikuu vingine vinavyotambuliwa na Serikali

    Majukumu ya kazi
    · Kusimamia upandaji wa uhudumiaji wa miti na misitu
    · Kusimamia uendelezaji wa misitu ya kupandwa isiyozidi hekta 5,000 au ya asili isiyozidi hekta 10,000
    · Kufanya utafiti wa misitu
    · Kutekeleza Sera na Sheria za misitu

    Mshahara:
    Mshahara uko katika ngazi ya Mshahara ya TGS. D sawa na Tshs. 322,460/= kwa mwezi
    11. Msaidizi Misitu Daraja la II (Forest Assistant II) – Nafasi 9
    SIFA
    · Awe na Elimu ya Kidato cha nne au sita mwenye Astashahada (Cheti) au Stashahada ya misitu kutoka Vyuo vinavyotambukliwa na Serikali.

    Majukumu ya kazi
    · Kukusanya mbegu
    · Kuhudhumia na kutunza bustani za miti
    · Kutunza na kuhudumia miti na misitu
    · Kufanya doria

    Mshahara:
    Mshahara uko katika ngazi ya Mshahara ya TGS. B/C sawa na Tshs. 151,240/201,870/= kwa mwezi

    12. Afisa Wanyamapori Daraja II (Game Officer II) – Nafasi I
    SIFA
    Awe na Shahada ya Sayansi ya Wanyamapori kutoka Chuo Kikuu kinachotambuliwa na Serikali.

    Majukumu ya kazi
    · Kutekeleza kazi za ushirikishaji wadau katika uhifadhi
    · Kudhibiti utoaji wa leseni za biashara ya nyara na vibali vya kukamata wanyama hai
    · Kushiriki katika kusuluhisha migogoro ya matumizi ya wanyamapori
    · Kudhibiti matumizi haramu ya leseni za uwindaji na kuhakikisha kufuatwa kwa maadili katika kutumia wanyamapori

    Mshahara:
    Mshahara uko katika ngazi ya Mshahara ya TGS. D sawa na Tshs. 322,460/= kwa mwezi

    13. Mhifadhi Wanyamapori Daraja la II (Game Warden) – Nafasi 10
    SIFA
    · Awe amehitimu kidato cha nne (IV) au kidato (VI), wenye Stashahada ya Uhifadhi wa Wanyamapori kutoka Chuo cha Usimamizi wa Wanyamapori Mweka au Chuo kingine kinachotambuliwa na Serikali, na wenye uzoefu wa kazi kwa muda usiopingua miaka mitatu.

    Majukumu ya kazi
    · Kutekeleza kazi za ushirikishaji wadau katika uhifadhi
    · Kudhibiti utoaji wa leseni za biashara ya nyara na vibali vya kukamata wanyama hai
    · Kushiriki katika kusuluhisha migogoro ya matumizi ya wanyamapori
    · Kudhibiti matumizi haramu ya leseni za uwindaji na kuhakikisha kufuatwa kwa maadili katika kutumia wanyamapori

    Mshahara:
    Mshahara uko katika ngazi ya Mshahara ya TGS. B & C sawa na Tshs. 151,240/201,870/= kwa mwezi


    14. Afisa Ufugaji Nyuki Daraja la II (Beekeeping Officer II) – Nafasi 1
    SIFA
    · Awe na shahada katika fani ya Ufugaji Nyuki au Sayansi ya Elimu ya Mimea, Elimu ya Wadudu au Elimu ya Wanyama kutoka Chuo Kikuu cha Dar es Salaam au Vyuo vingine vinavyotambulika na Serikali

    Majukumu ya kazi
    · Kusimamia uanzishaji wa hifadhi za nyuki na manzuki
    · Kutangaza Sera na Sheria za ufugaji nyuki
    · Kufundisha masomo ya fani ya ufugaji nyuki
    · Kukusanya takwimu za rasilimali na ufugaji nyuki
    · Kupanga na kupima ubora wa mazao ya nyuki

    Mshahara:
    Mshahara uko katika ngazi ya Mshahara ya TGS. D sawa na Tshs. 322,460/= kwa mwezi

    15. Msaidizi Ufugaji Nyuki Daraja la II (Beekeeping Asst.) – Nafasi 3
    SIFA
    · Awe umehitimu kidato cha nne au sita wenye Astashahada (Cheti) au Stashahada (Diploma) ya Ufugaji Nyuki kutoka katika vyuo vinavyotambuliwa na Serikali

    Majukumu ya kazi
    · Kusimamia Manzuki
    · Kutunza hifadhi za nyuki
    · Kuondoa nyuki wanaodhuru binadamu na mifugo
    · Kukukusanya takwimu za ufugaji nyuki

    Mshahara:
    Mshahara uko katika ngazi ya Mshahara ya TGS. B/C sawa na Tshs. 151,240/201,870/= kwa mwezi

    16. Mpima Ardhi Daraja la II (Land Surveyor) - Nafasi 1
    SIFA
    · Awe na Stashahada ya juu/Shahada kutoka chuo Kikuu Kishiriki cha Ardhi na Usanifu Majengo (UCLAS) katika fani ya Upimaji Ardhi au Taasisi yoyote inazotambuliwa na National Council of Professional Surveyors (NCPS)
    · Awe mwenye cheti cha East African Land Survey (EALSC) au National Council of Professional Surveyors Certificate (NCPSC) katika fani ya upimaji ardhi.

    Majukumu ya kazi
    · Kukagua masuala ya upimaji katika Halmashauri
    · Kukagua kazi za upimaji na kuingiza taarifa za kazi zilizothibitishwa kwenye kompyuta.
    · Kufanya kazi za nje ya Ofisi (field survey operations) chini ya usimamizi wa mpima aliyesajiliwa
    · Kuingiza taarifa za Upimaji (alpha numeric data) kwenye kompyuta

    Mshahara:
    Mshahara uko katika ngazi ya Mshahara ya TGS. D sawa na Tshs. 322,460/= kwa mwezi

    17. Mthamini Daraja la II (Valuer II) – Nafasi 1
    SIFA
    · Awe na Shahada/Stashahada ya juu katika fani ya Land Management and Valuation kutoka Chuo Kikuu Kishiriki cha Ardhi na Usanifu Majengo (UCLAS) au Taasisi nyingine zinazotambuliwa na Serikali katika fani za Usimamizi Ardhi na Uthamini.
    · Awe mwenye cheti cha NCPS katika fani ya Usimamizi Ardhi na Uthamini.

    Majukumu ya kazi
    · Kukusanya taarifa za utafiti na mwenendo wa soko la ardhi
    · Kuhakiki kumbukumbu za utafiti na kuziingiza kwenye kompyuta
    · Kufanya uthamini kwa madhumuni mbalimbali
    · Kuongeza na kusimamia utekelezaji wa tafiti

    Mshahara:
    Mshahara uko katika ngazi ya Mshahara ya TGS. E sawa na Tshs. 408,560/= kwa mwezi

    18. Afisa Kilimo Msaidizi (Assistant Agricultural Field Officer II) – Nafasi 1
    SIFA
    · Awe amehitimu Kidato cha Sita (VI) wenye stashahada ya kilimo kutoka vyuo vinavyotambuliwa na Serikali.

    Majukumu ya kazi
    · Kushirikiana na watafiti kuendesha vishamba vya majaribio
    · Kukusanya/kuhifadhi takwimu za majaribio
    · Kuwafundisha wakulima mbinu za kilimo bora
    · Kuwafikishia wakulima matokeo ya utafiti

    Mshahara:
    Mshahara uko katika ngazi ya Mshahara ya TGS. B sawa na Tshs. 151,240/= kwa mwezi

    19. Fundi Sanifu II (Water Technician II Civil, Haidrojia, electrical) – Nafasi 5
    SIFA
    · Awe na Elimu ya Kidato cha nne au sita mwenye kuhitimu Vyuo vya Ufundi vinavyota mbuliwa na Serikali ambao wana cheti cha Ufundi (FTC) na wenye uzoefu wa kazi kwa muda usiopungua miaka mitano na ujuzi wa kutumia kompyuta.

    Majukumu ya kazi
    · Ukusanyaji na ukaguaji takwimu za maji
    · Kutunza takwimu za maji
    · Kufanya ukaguzi wa vyanzo vya maji pamoja na kuchukua sampuli
    · Kufanya utafiti wa maji Ardhini
    · Ujenzi wa visima vya Maji

    Mshahara:
    Mshahara uko katika ngazi ya Mshahara ya TGS. C sawa na Tshs. 201,870/= kwa mwezi

    20. Tabibu II (Clinical Officer II) – Nafasi 1
    SIFA
    · Awe amehitimu kidato cha nne (IV) au sita (VI) waliofaulu kozi ya Stashahada ya miaka miwili (kidato cha sita) au miaka mitatu (kidato cha nne) katika chuo kinachotambuliwa na Serikali

    Majukumu ya kazi
    · Kazi zote zinazofanywa na Tabibu Msaidizi
    · Kutambua na kutibu magonjwa ya kawaida
    · Kusimamia utendaji wa watumishi walio chini yake na kufanya upasuaji mdogo
    · Kutoa elimu ya Afya kwa Jamii

    Mshahara:
    Mshahara uko katika ngazi ya Mshahara ya TGS. B sawa na Tshs. 200,520/= kwa mwezi

    21. Muuguzi II (Nurse II) – Nafasi 1
    SIFA
    · Kubadilishwa kazi Wakunga Wasaidizi Vijijini (MCHA) waliofuzu mafunzo ya miaka miwili ya MCHA na kutunikiwa cheti.

    Majukumu ya kazi
    · Kutoa huduma kwa mama wajawazito watoto na wagonjwa wengine katika Zahanati na Jamii kwa ujumla
    · Kutoa elimu ya afya kwa jamii kuhusu afya ya uzazi na uzazi salama
    · Kutembelea jamii ili kutathmini afya ya familia na mazingira
    · Kukusanya taarifa na kuziwasilisha kwa mkuu wa kituo

    Mshahara:
    Mshahara uko katika ngazi ya Mshahara ya TGHS. B sawa na Tshs. 200,520/= kwa mwezi

    22. Mhudumu wa Afya II ( Medical Attendant II ) – Nafasi 8
    SIFA
    Awe amehitimu kidato cha nne amesoma mwaka mmoja uhudumu wa Afya na wenye uzoefu wa kazi za uhudumu kwa muda usiopungua miaka miwili katika mojawapo ya fani au sehemu zifuatavyo:-
    · Uuguzi
    · Maabara
    · Meno
    · Mionzi
    · Mzoeza Viungo
    · Viungo Bandia
    · Uchanganya Madawa
    · Afya ya Mazingira
    · Chumba cha Maiti, na fani/sehemu nyingine zinazohusiana na afya



    Majukumu ya kazi
    · Kufanya usafi wa vifaa vya kazi usafi wa wodi na mazingira
    · Kusaidia wagonjwa wenye ulemavu na wasiojiweza katika kwenda haja (kubwa na ndogo) na kuoga
    · Kupokea na kutunza sampuli za maabara
    · Kufanya usafi na kutunza vifaa vya huduma za kinywa na meno
    · Kupokea na kutunza picha za mionzi na madawa ya shughuli za Mionzi
    · Kufanya usafi wa wodi, kiliniki za Wazoeza viungo
    · Kuwasafirisha wagonjwa kai ya wodi na Idara ya mazoezi ya viungo
    · Kupokea, kuosha na kutunza maiti


    Mshahara:
    Mshahara uko katika ngazi ya Mshahara ya TGHOS A sawa na Tshs. 134,100/= kwa mwezi

    SIFA ZA JUMLA ZA WAOMBAJI
    · Awe raia wa Tanzania
    · Awe na umri usiozidi miaka 40
    · Awe na Elimu ya Kidato cha Nne (IV) na kuendelea

    Mambo ya kuzingatia
    · Barua za maombi zilizoandikwa kwa mkono (hand – written) ziambatanishwe na vivuli vya vyeti vya taaluma/mafunzo
    · Picha ya “passport size”
    · Namba ya simu kama ipo

    Utaratibu wa kutuma Maombi
    Maombi yote yatumwe kwa:-
    Mkurugenzi Mtendaji (W),
    S.L.P. 23,
    LIWALE.

    NB:
    · Mwisho wa kupokea maombi ni tarehe 31/12/2009 saa 9.30 Alasiri.
    · Halmashauri itakuwa tayari kumruhusu mtumishi kuomba uhamisho baada ya kufikisha miaka mitatu ya Utumishi wake.




    Mbujilo G.M.,
    Kny: KATIBU WA BODI YA AJIRA
    LIWALE
     
  2. NGULI

    NGULI JF-Expert Member

    #2
    Dec 22, 2009
    Joined: Mar 31, 2008
    Messages: 4,819
    Likes Received: 17
    Trophy Points: 135
    TGOS,TGHOS & TGS. C shemu safi sana lakini maneno niliyoanza nayo hapo ndio yanakatisha tamaa kusema kweli japo nashida ya kazi sana nitaishia kuomba rushwa ili mtoto asome.
     
  3. Teamo

    Teamo JF-Expert Member

    #3
    Dec 22, 2009
    Joined: Jan 9, 2009
    Messages: 12,278
    Likes Received: 25
    Trophy Points: 145
    HALAFU MIMI NINA WASIWASI NA HII TAALUMA YANGU!sijawahi kuona tangazo la kazi kwa taaluma yangu zaidi ya nafasi za jeshini!:D
     
  4. NGULI

    NGULI JF-Expert Member

    #4
    Dec 22, 2009
    Joined: Mar 31, 2008
    Messages: 4,819
    Likes Received: 17
    Trophy Points: 135
    Umesoma nini? kulipua mabomu? au ulisoma SUA upande wa kufundisha panya kutegua mabomu?
     
  5. Teamo

    Teamo JF-Expert Member

    #5
    Dec 22, 2009
    Joined: Jan 9, 2009
    Messages: 12,278
    Likes Received: 25
    Trophy Points: 145
    we nguli wewe!haya

    kuna kozi zingine hapa tunasubiri tu idara zifuatazo zitubebe kwa mbeleko zao:
    1-usalama wa taifa
    2-jeshi la polisi
    3-jkt
    4-jwtz

    mi sijawahi soma tangazo la kazi wanamtaka ARCHITECT,wala Q.S
     
  6. NGULI

    NGULI JF-Expert Member

    #6
    Dec 22, 2009
    Joined: Mar 31, 2008
    Messages: 4,819
    Likes Received: 17
    Trophy Points: 135
    Hata mimi sijawahi ona gazeti linatangaza kazi za mtu aliyesoma archaeology/philosophy so we are in the same page na ndio maana mpaka leo nafanya kazi kwenye internet cafe [​IMG][​IMG]
     
  7. Pape

    Pape JF-Expert Member

    #7
    Dec 22, 2009
    Joined: Dec 11, 2008
    Messages: 5,536
    Likes Received: 13
    Trophy Points: 0
    teh teh teh, hauko peke yako...
     
  8. Azikiwe

    Azikiwe Senior Member

    #8
    Dec 22, 2009
    Joined: Nov 13, 2009
    Messages: 191
    Likes Received: 0
    Trophy Points: 0
    Naona mnaleta utani na course za watu, enh?
     
  9. Nono

    Nono JF-Expert Member

    #9
    Dec 22, 2009
    Joined: Feb 11, 2008
    Messages: 1,255
    Likes Received: 57
    Trophy Points: 145
    Kwi kwi kwi, kumbe siko peke yangu Geoff,
    Wewe ni kama mimi, manake kazi niliyosomea ni uwaziri, lakini bahati mbaya haijawahi kutangazwa hata siku moja, rais anaishia tu kufanya usaili peke yake bila kutangaza kazi.
     
  10. carmel

    carmel JF-Expert Member

    #10
    Dec 22, 2009
    Joined: Aug 24, 2009
    Messages: 2,842
    Likes Received: 3
    Trophy Points: 0
    Msijali, hizo taaluma zenu zitapata mahali tu ili ziwe useful. so far Nguli we endelea kufanya hapo internet cafe, atleast unapata free access to JF everyday.
    Na Geof, nitafute badae nikuunganishe usalama wa taifa
     
  11. carmel

    carmel JF-Expert Member

    #11
    Dec 22, 2009
    Joined: Aug 24, 2009
    Messages: 2,842
    Likes Received: 3
    Trophy Points: 0
    Na hizi TGSD NA C zitatuingiza majaribuni kwenye kuomba rushwa hadi ya buku kudadeki, ili mradi tu watoto waende msalani.
     
  12. NGULI

    NGULI JF-Expert Member

    #12
    Dec 22, 2009
    Joined: Mar 31, 2008
    Messages: 4,819
    Likes Received: 17
    Trophy Points: 135
    Mh! usinipotezee mpwa tafadhali bora aendelee hapo alipo tu na Mungu atamsaidia.
     
  13. Sipo

    Sipo JF-Expert Member

    #13
    Dec 22, 2009
    Joined: Jul 25, 2008
    Messages: 2,155
    Likes Received: 2
    Trophy Points: 0
    Kama ulishafanya kazi private secta ni ngumu sana kuingia uku na kukaa kwa amani lazima tu utahujumu uchumi wa nchi ila kama umeanzia uku angalau unakuwa unaipenda nchi yako
     
  14. Z

    Zion Daughter JF-Expert Member

    #14
    Dec 22, 2009
    Joined: Jul 9, 2009
    Messages: 8,937
    Likes Received: 27
    Trophy Points: 145
    Hivi jamani asiye bahati kweli habahatishi.unataka Mungu akupe nini? gunia la chawa ujikune mwaka mzima? Hivi kuna AJIRA IPI NZURI zaidi ya kujiajiri mwenyewe? Mna kila chance ya kujiajiri na kuwaajiri wengine na kuweka matangazo kuwa mnaajiri lakini bado mnataka kuajiriwa.Tutafika kweli jamani!
    Jiajiri! usisubiri usalama wa taifa waje kutangaza ajira ,maana utasubiri mpaka Yesu arudi na hawatangazi ng'ooo.
     
  15. NGULI

    NGULI JF-Expert Member

    #15
    Dec 22, 2009
    Joined: Mar 31, 2008
    Messages: 4,819
    Likes Received: 17
    Trophy Points: 135
    Shem vipi habari za rombo? kuna baridi? back to mada yetu hii umejibu vizuri, ukiendelea hivyo utakuwa mwalimu, masahihisjo mengine yatafanyika kwenye seneti.(studio) Ila unakipaji.
     
  16. Sipo

    Sipo JF-Expert Member

    #16
    Dec 22, 2009
    Joined: Jul 25, 2008
    Messages: 2,155
    Likes Received: 2
    Trophy Points: 0
    ZD mjasiri -wa- mali huyu bana acha kabisa. Weka makala hapa ili tujenge moyo wa kijiajiri ZD, itakuwa pouwa sana
     
  17. Pape

    Pape JF-Expert Member

    #17
    Dec 22, 2009
    Joined: Dec 11, 2008
    Messages: 5,536
    Likes Received: 13
    Trophy Points: 0
    bora hawa jamaa wanatumia email ya yahoo,
     
  18. Jayfour_King

    Jayfour_King JF-Expert Member

    #18
    Dec 22, 2009
    Joined: Nov 15, 2009
    Messages: 1,142
    Likes Received: 5
    Trophy Points: 0
    Mkumbushe mkuu wa kaya kwamba umesomea uwaziri kwa sababu nakumbuka kwenye speach yake ya kutangaza baraza la mawawaziri baada ya lile la richmond alisema hakuna chuo cha kusomea uwaziri nadhani itakuwa vyema ukimkumbusha. Kuna mawaziri wengi tu wako loose na skendo kila siku utakuwa umemsaidia sana muheshimiwa wetu.
     
  19. Sipo

    Sipo JF-Expert Member

    #19
    Dec 22, 2009
    Joined: Jul 25, 2008
    Messages: 2,155
    Likes Received: 2
    Trophy Points: 0
    Liwale pazuri sana pale wanaotaka kazi wilaya ile pale waende ni pazuri pa kuanzia kilimo kwanza, msilaze damu wenye sifa
     
  20. Kaizer

    Kaizer JF-Expert Member

    #20
    Dec 30, 2009
    Joined: Sep 16, 2008
    Messages: 23,952
    Likes Received: 525
    Trophy Points: 280
    mmh........
     
Loading...