Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Ugali kweli mtamu?

Discussion in 'Jukwaa la Lugha' started by Mzee Mwanakijiji, Jun 5, 2009.

  1. Mzee Mwanakijiji

    Mzee Mwanakijiji Platinum Member

    #1
    Jun 5, 2009
    Joined: Mar 10, 2006
    Messages: 30,403
    Likes Received: 2,479
    Trophy Points: 280
    Ugali kweli mtamu,
    Kwa huo ninayo hamu,
    Kwa mboga yenye saumu!

    Ugali tangu shuleni
    Jamani hadi jeshini
    Nikaula na chuoni

    Ugali iwe mchana
    Kwenye upepo mwanana
    Mwenzenu ninajichana

    Ugali hata jioni,
    Mezani au jikoni
    Nikishatoka kazini

    Ugali iwe kwa mboga
    Sima kwa kweli yanoga
    Kwa tembele na maboga!

    Ugali kwa kurumagia
    Vidole kujilambia
    Na nyama inanukia!

    Ugali ule kwa mchuzi
    Wa samaki hata mbuzi,
    Mwanawane kama kazi!

    Ugali msosi wa nguvu
    Haupikwi kwa wavivu,
    Au walio wachovu

    Ugali uwe kiporo
    Alfajiri na mmajoro
    Kwa mapanki ya Nyamanoro!

    Ugali nimesifia
    Wali ninautungia
    Beti nitaupangia,

    Ugali nafakamia
    Matonge navingiria
    Nakula nafikiria

    UGALI KWELI MTAMU!!


    Na. M. M. Mwanakijiji (Sauti ya Kijiji)
     
  2. Teamo

    Teamo JF-Expert Member

    #2
    Jun 5, 2009
    Joined: Jan 9, 2009
    Messages: 12,278
    Likes Received: 25
    Trophy Points: 145
    Na. M. M. Mwanakijiji (Sauti ya Kijiji)
    __________________

    HII KIBOKO MZEYA!halafu pia nadhani ulikuwa na 'C' ya kiswahili O-LEVEL,au sio?
     
  3. A

    AmaniGK JF-Expert Member

    #3
    Jun 5, 2009
    Joined: Jan 10, 2008
    Messages: 1,100
    Likes Received: 17
    Trophy Points: 135
    Nami nashika Kalamu
    Kuundeleza utamu
    Mtamu au si mtamu
    Ngoja nitie mashamsham

    Ukila na supu ya pweza
    Kuna vingi waongeza
    Ulimini wa teleza
    Kwa mlenda utaweza

    Kwa karanga ya kusaga
    Hawaujui wachaga
    Wazaramo waumega
    Kuimarisha laliga!!
     
  4. Mzizi wa Mbuyu

    Mzizi wa Mbuyu JF-Expert Member

    #4
    Jun 5, 2009
    Joined: May 15, 2009
    Messages: 5,011
    Likes Received: 257
    Trophy Points: 180
    Aaah, hii safi sana wazee!
    Mie nimependa zaidi pale alipotumia neno la kilugha "mmajoro"
     
  5. BabaBabuu

    BabaBabuu Member

    #5
    Jun 5, 2009
    Joined: Mar 31, 2009
    Messages: 86
    Likes Received: 1
    Trophy Points: 15
    ahahahahahahaha, angalia sirikali itakukamata. ze*****.com
     
  6. SMU

    SMU JF-Expert Member

    #6
    Jun 5, 2009
    Joined: Feb 14, 2008
    Messages: 7,009
    Likes Received: 864
    Trophy Points: 280
    Umeutaja ugali, nami nataka usifu
    Imenipasa ugali, kuupa sifa sanifu
    Ugali si wa hoteli, wa nyumbani ni yakinifu

    Ugali kweli mtamu, wa mahindi pia muhogo
    Uweke mashamushamu, na mtindi usio chongo
    Ugali watia hamu, unanikumbusha Bongo

    Ugali yake mchana, usiku utavimbiwa
    Kwa bamia unajichana,au kisamvu cha sawasawa
    Ugali kweli mwanana, unanikumbusha Maswa

    Kwa samaki au nyama, ugali utaupenda
    Tena upikwe na mama, baba atautenda
    Ugali watia hima, hongera kwa kuupenda
     
  7. Bujibuji

    Bujibuji JF-Expert Member

    #7
    Jun 5, 2009
    Joined: Feb 4, 2009
    Messages: 27,238
    Likes Received: 5,532
    Trophy Points: 280
    Malenga wallah mwanipa raha
     
  8. X-PASTER

    X-PASTER Moderator

    #8
    Jun 5, 2009
    Joined: Feb 12, 2007
    Messages: 11,651
    Likes Received: 75
    Trophy Points: 145
    mwasifia ugali, ugali chakula gani
    mwasifia ugali, ugali chakula duni
    mwasifia ugali, chakula cha maskini

    Hunilishi mi ugali kwa bakora matakoni
    bora nijilie wali, chakula chetu cha pwani
    ugali ni wa makuli, wapagazi bandarini

    Muungwana na ugali, wapi na wapi jamani
    hawali kwenye shughuli, wala kule matangani
    sijaona wakila ugali, hata uko harusini
    Leo wasifia ugali, eti chakula makini

    Ugali kula mchana, sasa masharti ya nini
    Kama ugali mwanana, usiku mwaukimbiani
    A utavimbirwa sana, sasa usiku mwalani
     
  9. BelindaJacob

    BelindaJacob JF-Expert Member

    #9
    Jun 5, 2009
    Joined: Nov 24, 2008
    Messages: 5,971
    Likes Received: 293
    Trophy Points: 180
    Nimejaribu ugali na kisamvu
    Kweli mchanganyiko mtamu
    Nikanyunyuzia chachandu
    Na nyama kuongezea hamu

    Ugali uchanganyike na makange
    Huwezi kufananisha na makande
    Upate mtaalam akutengenezee
    Utatamani kila siku ujipendelee

    Ugali naupenda kula na dagaaa
    Jamani siwezi kueleza yake raha
    Wawe ni wa Kigoma au Mwanza
    Nakwambia kitamu hicho chakula

    Nimejaribu tu ila napenda kula ugali...
     
  10. Fidel80

    Fidel80 JF-Expert Member

    #10
    Jun 5, 2009
    Joined: May 3, 2008
    Messages: 21,983
    Likes Received: 49
    Trophy Points: 145
    heheheeh Belinda nawe malenga.
    Safi sana mama.
     
  11. SMU

    SMU JF-Expert Member

    #11
    Jun 5, 2009
    Joined: Feb 14, 2008
    Messages: 7,009
    Likes Received: 864
    Trophy Points: 280
    Ugali watia nguvu, kwa mtu mchapa kazi
    Wali ni wa wavivu, na wasio wachapa kazi
    Wanauonea wivu, waswahili wa kaskazi

    Ugali wa masikini, na matajiri pia
    Ugali chakula makini, wali hutofikia
    Hakuna mfano yakini, ugali kuukaribia

    Matangani na harusini, ugali wamebaini
    Harusi zote makini, ugali ni namba wani
    Wasomi wameubaini,na wanazuoni makini

    Wali wakifu mapema, ugali huwezi kamwe
    Wali waweza tema, mara nyingi una mawe
    Ugali chakula chema, katu hauna mawe

    Wali wanyima 'choo', tabibu atakwambia
    Kwa nini wajipa soo, wali kuukimbilia
    Wali chakula hovyo, watoto tu hukimbilia

    Ugali yake mchana, na usiku mara chache
    Wali katu mchana, sitaki ‘choo’ cha mche
    Ugali chakula mwanana, sifa zake si chache
     
  12. SMU

    SMU JF-Expert Member

    #12
    Jun 5, 2009
    Joined: Feb 14, 2008
    Messages: 7,009
    Likes Received: 864
    Trophy Points: 280
    Umenikumbusha makange na week end ndo inaanza...Lol

    Belinda amejaribu, wa kisamvu amebaini
    Nyama choma na chachandu, mchanganyiko makini
    Ugali kweli mtamu, jaribu wa ‘rozigadeni' (Rose Garden! Lol)

    Ugali ule kwa ‘makange', mpishi utamsifu
    Haufanani na makande, ingawa nayo nadhifu
    Ugali yake makange, kila siku utausifu

    Ugali pia mtamu, hata kwa dagaa chaza
    Ukitaka dagaa watamu, ni wa Kigoma au wa Mwanza
    Ugali dagaa mtamu, hakika huwezi saza
     
  13. Mzee Mwanakijiji

    Mzee Mwanakijiji Platinum Member

    #13
    Jun 5, 2009
    Joined: Mar 10, 2006
    Messages: 30,403
    Likes Received: 2,479
    Trophy Points: 280
    mmnipa raha mtimani! shukrani
     
  14. Bluray

    Bluray JF-Expert Member

    #14
    Jun 5, 2009
    Joined: Mar 25, 2008
    Messages: 3,445
    Likes Received: 26
    Trophy Points: 135
    Ugali ugali gani, wa muhogo si mtama?
    Ugali wataka fani, si urongo kufakama
    Pate kula na mwandani, tonge kama danadana
    Matumbo yaache ghani, kwa yabisi kukakana

    Ugali upate moto, kamwe si wa kupooza
    Weka kati na mtoto, na kitoweo kutoza
    Viringo kipara ngoto, kwa samaki wa kufyonza
    Tonge kubwa ka kokoto, sijepaliwa kuponzwa

    Weka bondo katikati, livute kama manati
    Kama muhogo bahati, kwa bada tafanya pati
    Silifiche kwa kabati, weka pahali pa chati
    Sitotamani chapati, lau kwa vikalimati

    Ugali pata Sikonge, Wanyamwezi wa Tabora
    Wanaoukata tonge, utafikiri kombora
    Ugali wa afya bonge, timiza chakula bora
    Wallahi naona donge, ugali watia fora

    Wala wali wala nini?, ugali nauamini
    Nimeulia yamini, lazima niweke chini
    Bila mboga kwa jibini, au mtindi makini
    Ugali nauthamini, ni kweli si magirini

    Upate wa mamsapu, aliejulia mabuja
    Unga kibaba kwa kapu, kikatulizwa kwa kuja
    Hutamani lapulapu, rojorojo la kuvuja
    Hutaki hata vishapu, karafuu za Unguja

    Ugali tangu Kibondo, mpaka wa Mnyasini
    Hauhitaji vionjo, marashi mdalasini
    Rahisi pata uhondo, tena bila walakini
    Ya kweli wala si rongo, si chakula masikini

    Ugali kula ushibe, upate nguvu za kazi
    Ugali kula ushinde, bila ya mang'azing'azi
    Ugali kula upinde, kisha tafuta malazi
    Usije kula ulinde, usingizi wazi wazi

    Shurti uchume mboga, inayoungwa bunifu
    Ugali si kama togwa, utalinywa bila kifu
    Shurti hata kwa boga, lilochemshwa na bifu
    Ugali kama kulogwa, hakika ya yakinifu
     
    Last edited: Jun 5, 2009
  15. BelindaJacob

    BelindaJacob JF-Expert Member

    #15
    Jun 5, 2009
    Joined: Nov 24, 2008
    Messages: 5,971
    Likes Received: 293
    Trophy Points: 180
    SMU, kumbe na wewe makange unayapenda tena pale RG (rozigadeni) ni mazuri sana. Ushindwe wewe tu mana kuna ya kuku, ng'ombe au mbuzi.

    Bado nipo na ugali.....

    Kuna siku niliusonga ugali
    Na sato aliyeungiwa nazi
    Kushushia nikanywa maji
    Hakika ulikuwa mlo kamili

    Ugali pia ukiliwa nao mtindi
    Tanga fresh ni mtamu zaidi
    Kama upo kijijini mtindi asili
    Uliovundikwa huko kibuyuni

    Ugali pia wanogea maharage
    Mboga ya majani uchanganyie
    Iwe mnafu au mchicha vilevile
    Kajaribu kula na uje unisimulie
     
  16. M

    Mtu wa Kawaida JF-Expert Member

    #16
    Jun 5, 2009
    Joined: May 2, 2008
    Messages: 201
    Likes Received: 2
    Trophy Points: 35
    Belinda na Mwanakijiji, Poleni kwa kusifia
    Chakula cha wanakijiji,Ugali kufakamia
    Mie ugali wa nini,na wali nimuachie nani??
    Ugali chakula gani, nyie wote kukisifia??

    Ugali chakula gani, Watu kukisifia
    Ugali kwa mboga ya majani, wanakijiji kujilia
    Ugali si chakula ghali,kwa fedha kidogo kujinunulia
    Ugali chakula gani,nyie wote kukisifia??

    Mie ugali sili,hata kwa ngumi na bakora
    Hata shuleni walikiri,mpaka kuchapwa bakora
    Ugali siupendi nakiri,Hata kama ni chakula bora
    Ugali chakula gani,nyie wote kukisifia??

    Ugali kwa mandondo haupandi,bora unipatie wali
    Hata watoto hawapendi,weye pitisha wali
    Huwezi kula kwa mtindi, Bora jaribu kwa wali
    Ugali chakula gani,nyie wote kukisifia???
     
  17. BelindaJacob

    BelindaJacob JF-Expert Member

    #17
    Jun 6, 2009
    Joined: Nov 24, 2008
    Messages: 5,971
    Likes Received: 293
    Trophy Points: 180

    Mkubwa nimekupata, sikuwezi wewe kwa wali
    Nakushauri siku moja, jaribu kuupika huo ugali
    Na uipendayo mboga, uzoee angalau kila wiki
    Bado debe naupigia, hakika kitamu chakula hiki.

    Mtu wa kawaida ujue, kuna aina tele za vyakula
    Ila kwa wakati uleule, fulani aina zaidi utapenda
    Labda wali na kunde, biriani na pia ndizi nyama
    Jitahidi nao ugali ule, utauona mtamu kupitiliza.

    Raha ya kula huo ugali, uivishe vizuri kwa kupika
    Wakati mambo ya wali, makini mchele kupembua
    Mawe kutoa kiumakini, muda unapotea kuandaa
    Wali siyo tu kula wali, hadi uive ni kazi kuvumilia.

    Ugali ukiacha unafuu, nakwambia hiki kinashibisha
    Mwili kuupa zake nguvu, mwili kuupatia na wanga
    Mpinzani hamna kiutamu, ukiula na mboga mboga
    Tena nakusisitizia mkuu, ugali ndo chakula bomba.
     
  18. Z

    ZeMarcopolo JF-Expert Member

    #18
    Jun 6, 2009
    Joined: May 11, 2008
    Messages: 13,543
    Likes Received: 295
    Trophy Points: 180
    Katika vyakula vyema, hakuna kama muhogo
    muhogo hauwi mwema, kwa makambare ngogo
    sharti upate nyama, japo ngozi ya kichogo
     
  19. M

    Mtu wa Kawaida JF-Expert Member

    #19
    Jun 6, 2009
    Joined: May 2, 2008
    Messages: 201
    Likes Received: 2
    Trophy Points: 35
    Belinda mkuu wangu,Ugali kwangu bado
    Hata upikwe kwangu,Bado hii ni bondo
    Sitaki umiza roho yangu, Kwa kuila hii bondo
    Ugali kwangu sili, Hata kama chakula bora

    Ugali huwezi tia nazi, Wala katia mbatata
    Ugali sharti ulie mchuzi, Wakati wali hata kwa mbata
    Ugali wapeni wachuuzi,Mie wala hamtanipata
    Ugali kwangu sili , Hata kama chakula bora

    Ugali chakula gani,Kina pishi aina moja
    Uende hata mtaa gani, Pishi ni hilo hilo moja
    Toka Kigoma mpaka Pwani, Mpikowe ni mmoja
    Ugali kwangu sili, Hata kama chakula bora

    Wali pishi mbalimbali, zote zakubalika
    Wali mataifa mbalimbali,kote inakubalika
    Ugali sio cha wambali, ni cha watanganyika
    Ugali kwangu sili, Hata kama chakula bora
     
  20. Yo Yo

    Yo Yo JF-Expert Member

    #20
    Jun 8, 2009
    Joined: May 31, 2008
    Messages: 11,245
    Likes Received: 39
    Trophy Points: 0
    lol ugali!!!
     
Loading...