Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Serikali yatangaza waliochaguliwa kidato cha tano

Discussion in 'Jukwaa la Elimu (Education Forum)' started by Michael Amon, Mar 28, 2012.

  1. Michael Amon

    Michael Amon Verified User

    #1
    Mar 28, 2012
    Joined: Dec 22, 2008
    Messages: 8,423
    Likes Received: 342
    Trophy Points: 180
    WIZARA ya Elimu na Mafunzo ya Ufundi, imetangaza majina ya wanafunzi waliochaguliwa kujiunga na kidato cha tano mwaka huu, huku idadi yao ikishuka kwa asilimia 13.34 ikilinganishwa na mwaka jana.

    Akitangaza majina hayo Dar es Salaam jana, Naibu Waziri wa Elimu na Mafunzo ya Ufundi, Philipo Mulugo alisema kutokana na hatua hiyo, shule nyingi hasa zinazochukua wanafunzi wa mikondo ya sanaa na uchumi, zimekosa idadi ya wanafunzi kama ilivyotakiwa.

    "Serikali ilikuwa imetenga nafasi 15,000 za wasichana, lakini waliopatikana ni 9,378 tu, nafasi zilizokuwa zimetengwa kwa wavulana ni 26,000, lakini waliopatikana ni 22,138," alisema.

    Alisema wanafunzi 142 waliobakia, ufaulu wao haukuweza kutengeneza maunganisho yoyote ya masomo, kwa hiyo hawakupangwa kuendelea na masomo ya kidato cha tano.

    Mwaka 2010, wanafunzi 352,840 walifanya mtihani wa kidato cha nne, huku 40,388, sawa na asilimia 11.5 wakipata daraja la kwanza mpaka la tatu. Waliochaguliwa kuendelea na kidato cha tano na vyuo vya ufundi walikuwa 36,366.

    Mulugo alisema mwaka 2011 wanafunzi waliofanya mtihani huo walikuwa 336,301, huku 33,577 sawa na asilimia 9.98 wakipata daraja la kwanza mpaka la tatu.

    "Ufaulu huu umepunguza idadi ya waliochaguliwa kidato cha tano na vyuo vya ufundi kutoka wanafunzi 36,366 mwaka 2011 mpaka wanafunzi 31,516 mwaka 2012. Huu ni upungufu wa wanafunzi 4,850 sawa na asilimia 13.34," alisema Mulugo.

    Waziri Mulugo alisema idadi ya wanafunzi waliopangiwa kusoma masomo ya sayansi imeongezeka hadi kufikia asilimia 53.34 ya wanafunzi wote waliopangiwa kidato cha tano mwaka huu.

    "Jumla ya wanafunzi waliopangiwa masomo ya sayansi ni 16,493 ambao ni asilimia 53.34 ya wanafunzi wote waliopangiwa kidato cha tano mwaka 2012. Idadi hii ni kubwa kuliko ya waliopangiwa kusoma masomo mengine," alisema.
    Pamoja na mambo mengine, Mulugo alisema sifa zilizozingatiwa katika kuwachagua wanafunzi hao ni pamoja na wote kutakiwa kuwa na umri wa chini ya miaka 25 na wawe wamefaulu kwa madaraja A, B, C, na D katika masomo yasiyopungua matano.

    Alitaja sifa nyingine kuwa ni kila mwanafunzi kuwa na daraja la A, B, au C katika masomo matatu (credit) anayokwenda kuyasomea kidato cha tano.

    Wanafunzi hao waliochaguliwa wamepangiwa kusoma kwenye shule 201, zikiwamo 61 za wasichana, 106 za wanafunzi wa kiume na 34 za mchanganyiko.

    Kati ya hizo, shule 17 ni za masomo ya sayansi pekee, 64 ni za sanaa na uchumi, huku 120 zikiwa ni mchanganyiko wa mikondo ya sayansi na sanaa.

    E-mail: meezy@youngmaster.co.tz
     
  2. k

    kamili JF-Expert Member

    #2
    Mar 28, 2012
    Joined: Feb 10, 2011
    Messages: 621
    Likes Received: 31
    Trophy Points: 45
    Majina hayo yanapatikana mtandao gani? Tafadhali naomba msaada.
     
  3. Preta

    Preta JF-Expert Member

    #3
    Mar 28, 2012
    Joined: Nov 28, 2009
    Messages: 23,701
    Likes Received: 1,986
    Trophy Points: 280
    tunaomba link mkuu........
     
  4. TWIZAMALLYA

    TWIZAMALLYA JF-Expert Member

    #4
    Mar 28, 2012
    Joined: Oct 1, 2011
    Messages: 399
    Likes Received: 0
    Trophy Points: 33
    Acha takwimu za ajabu wewe kama waziri wa ujenzi.toa link,ndio maana unabadilisha majina kila wakati.
     
  5. Aleyn

    Aleyn JF-Expert Member

    #5
    Mar 28, 2012
    Joined: Nov 12, 2011
    Messages: 6,713
    Likes Received: 1,072
    Trophy Points: 280
    Pia Wanaochukua Masomo ya BIASHARA(ECA) hakuna waliochaguliwa.
     
  6. Michael Amon

    Michael Amon Verified User

    #6
    Mar 28, 2012
    Joined: Dec 22, 2008
    Messages: 8,423
    Likes Received: 342
    Trophy Points: 180
    Ili kuangalia majina tafadhali bonyeza hapa Ila kuna uwezekano mkubwa wa website hiyo kutokufunguka kwa sababu watu wanaofungua website hiyo wamekuwa wengi ukilinganisha na amount of bandwidth ambyo imekuwa assigned katika website hiyo. Kwa hiyo kama website ikikataa kufunguka usishangae.
     
  7. Michael Amon

    Michael Amon Verified User

    #7
    Mar 28, 2012
    Joined: Dec 22, 2008
    Messages: 8,423
    Likes Received: 342
    Trophy Points: 180
    Ili kuangalia majina tafadhali bonyeza hapa Ila kuna uwezekano mkubwa wa website hiyo kutokufunguka kwa sababu watu wanaofungua website hiyo wamekuwa wengi ukilinganisha na amount of bandwidth ambyo imekuwa assigned katika website hiyo. Kwa hiyo kama website ikikataa kufunguka usishangae.


    E-mail: meezy@youngmaster.co.tz
     
Loading...