Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Serikali ipo tayari kukutana na Chadema...kulikoni?

Discussion in 'Jukwaa la Siasa' started by Luteni, Dec 7, 2010.

  1. Luteni

    Luteni JF-Expert Member

    #1
    Dec 7, 2010
    Joined: Jan 9, 2010
    Messages: 2,275
    Likes Received: 7
    Trophy Points: 0
    SERIKALI imesema iko tayari kukaa meza moja na chama cha upinzani cha Chadema au taasisi nyingine yoyote itakayotaka kujadiliana kuhusu mustakabali wa taifa.

    Waziri wa Nchi Ofisi ya Rais-Mahusiano na Uratibu, Stephen Wassira alisema kuwa serikali iko tayari kwa mazungumzo hayo iwapo yataweka mbele maslahi ya taifa.


    Kauli ya Wassira imetolewa wakati Chadema ikiendelea na msimamo wake wa kutoyatambua matokeo ya uchaguzi wa urais, ikitaka kuundwa kwa tume huru ya kuchunguza utangazaji wa matokeo hayo; kuandikwa kwa katiba mpya na kuundwa kwa tume huru ya uchaguzi.


    Chadema, ambayo ilitangaza msimamo huo mara baada ya kutangazwa kwa matokeo ya uchaguzi mkuu, ilithibitisha kwa vitendo kauli hiyo wakati wabunge wake walipotoka kwenye ukumbi wa Bunge wakati Rais Jakaya Kikwete akianza kukihutubia chombo hicho.


    Baadaye, mwenyekiti wa Chadema, Freeman Mbowe alitangaza kuwa chama hicho kiko tayari kukaa meza moja na serikali au taasisi yoyote kujadili suala hilo kwa kuzingatia maslahi ya taifa.


    Lakini katibu mkuu wa CCM, Yusuf Makamba alibeza kauli hiyo ya Mbowe kwa kusema kuwa chama hicho tawala hakina muda wala sababu ya kuketi pamoja na wapinzani hao na kwamba baada ya rais kupatikana, siasa sasa zinahamia bungeni.


    Jana Waziri Wassira alitoa kauli tofauti na ya katibu wake mkuu alipoiambia Mwananchi kuwa wako tayari kukaa meza moja na Chadema, chama au taasisi yoyote ikiwamo za dini na kwamba mazungumzo watayoyalenga ni yale yatakayohakikisha yanaweka mbele maslahi ya taifa.


    "Lakini nasisitiza serikali haina mgogoro na viongozi wa dini au chama chochote bali milango ipo wazi kwa vyama vyote 18 na taasisi zote," alisema waziri huyo ambaye aliwahi kuwa kwenye upinzani baada ya kuihama CCM na kujiunga na NCCR-Mageuzi miaka ya tisini.


    "Majadiliano yasichukue sura ya kisiasa au udini kwa kuwa kufanya hivyo hakutafanikisha kufikiwa kwa maslahi bora ya baadaye ya nchi.

    "Lengo la serikali ni kuhakikisha taifa hili linalifikishwa mahali ambapo amani na utulivu itaendelea kuwepo."

    Hata hivyo, Waziri huyo alisema kama kutatokea matatizo au kutoelewana, serikali ina njia na taratibu zake inazozitumia kukutana na walengwa kutatua hali hiyo na kwamba hatua hizo huwa hazitangazwi kwenye vyombo vya habari.


    Wakati akifafanua msimamo huo wa Chadema kwa waandishi wa habari, Mbowe alisema mazungumzo watakayoyalenga ni yale yatakayohakikisha kuwa madai yao yanafikiriwa kwa kina huku maslahi ya taifa yakiwekwa mbele.


    Mbowe alisema wanafurahi kuona kuwa kitendo chao cha kutoka bungeni wakati wa hotuba ya Rais Kikwete kimesaidia kuibua mjadala mzito nchini ambao iwapo utapewa nafasi ya kujadiliwa bila kuweka ushabiki wa kisiasa, nchi inaweza kupata mabadiliko makubwa siku za usoni.


    Alitoa mfano kauli ya waziri mkuu wa zamani, Jaji Joseph Warioba na Jaji Mkuu Augustino Ramadhani ambao walikaririwa wakisema kuwa suala la katiba mpya ni muhimu.


    "Maoni kama haya, ambayo yanatoka kwa watu wazito kama hawa, yanaonyesha kuwa kitendo chetu kimeamsha mjadala wa maana kwa taifa hili," alisema.


    Chadema, ambayo ilionekana kama haingesimamisha mgombea urais baada ya Mbowe kuamua kugombea ubunge wa Jimbo la Hai, iliibukia kuwa mpinzani mkuu wa CCM baada ya kumtangaza mbunge wa zamani wa Karatu, Dk Willibrod Slaa kuwa mgombea urais.


    Dk Slaa, ambaye alikuwa akivutia maelfu ya watu kwenye mikutano yake ya kampeni ambako alikuwa akihubiri elimu ya bure na upunguzaji wa bei za vifaa vya ujenzi, alitangaza kutokubaliana na mwenendo wa utangazaji matokeo ya uchaguzi wa rais na kuitaka Tume ya Uchaguzi (Nec)kusimamisha zoezi hilo.


    Lakini Nec iliendelea na utangazaji matokeo na baadaye kumtangaza Jakaya Kikwete kuwa mshindi wa uchaguzi wa rais, tamko ambalo liliifanya Chadema kutangaza msimamo wake wa kutotambua matokeo ya uchaguzi wa rais.


    CHANZO: Mwananchi
     
  2. A

    Akili Kichwani JF-Expert Member

    #2
    Dec 7, 2010
    Joined: Jan 7, 2010
    Messages: 1,500
    Likes Received: 14
    Trophy Points: 135
    source pls
     
  3. Luteni

    Luteni JF-Expert Member

    #3
    Dec 7, 2010
    Joined: Jan 9, 2010
    Messages: 2,275
    Likes Received: 7
    Trophy Points: 0
    Something is wrong somewhere.
     
  4. Nyani Ngabu

    Nyani Ngabu Platinum Member

    #4
    Dec 7, 2010
    Joined: May 15, 2006
    Messages: 65,042
    Likes Received: 15,954
    Trophy Points: 280
    Talk is cheap
     
  5. RedDevil

    RedDevil JF-Expert Member

    #5
    Dec 7, 2010
    Joined: Apr 30, 2009
    Messages: 1,893
    Likes Received: 298
    Trophy Points: 180
    Mwananchi Leo!
     
  6. Mwanamayu

    Mwanamayu JF-Expert Member

    #6
    Dec 7, 2010
    Joined: May 7, 2010
    Messages: 5,725
    Likes Received: 418
    Trophy Points: 180
    Watakaaje na vyama vya siasa na mazungumzo yasiwe ya kisiasa?
     
  7. zomba

    zomba JF-Expert Member

    #7
    Dec 7, 2010
    Joined: Nov 27, 2007
    Messages: 17,082
    Likes Received: 8
    Trophy Points: 0
    Kwani iliyokataa kukaa meza moja ni Serikali au Chadema? ndio uliowaona wakitoka Bungeni? nashangaa na huu uandishi! Sio Chadema waliorudi?
     
  8. Masanilo

    Masanilo JF-Expert Member

    #8
    Dec 7, 2010
    Joined: Oct 2, 2007
    Messages: 22,323
    Likes Received: 109
    Trophy Points: 160
    Hatutaki mambo ya CUF kuolewa AMA kuwa vimada wa CCM!
     
  9. Sambah

    Sambah Member

    #9
    Dec 7, 2010
    Joined: Nov 4, 2008
    Messages: 46
    Likes Received: 0
    Trophy Points: 13
    Wanataka mwafaka ndo watakavyo sema kwani kuna ugomvi hapa? haki itendeke majadiliano kujadili nini waafri ni hopeless kabisa. nenda kaangalie kule kenya? nenda kwa mugabe na sasa tz malizia na ivory cost.
     
  10. m

    mams JF-Expert Member

    #10
    Dec 7, 2010
    Joined: Jul 19, 2009
    Messages: 613
    Likes Received: 3
    Trophy Points: 35
    Na mtafanikiwa, nyie wote ni wamoja na lengo liwe ni kuwatumikia watanzania
     
  11. Jay One

    Jay One JF-Expert Member

    #11
    Dec 7, 2010
    Joined: Nov 12, 2010
    Messages: 9,299
    Likes Received: 1,952
    Trophy Points: 280
    Thanks luteni, And U Dar Es salaam u have mental disorder, almost chizi ww,
    but luteni the biggest, wrong defined & misused word here is MASLAHI YA TAIFA MBELE, tena najisikia vibaya sana
    wanatamka hovyo theoretically while they do opposite, kama maslahi ya Taifa yangewekwa mbele kusingekuwa
    na ufisadi, worst contracts, magari luxury ya bei ya uongo, ATC, TRL, EPA tusingekuwa nayo, na watu wa kuwalaumu ni CCM na serikali yake, sasa Wasira kwanza he should know practical definition what is Maslahi ya Taifa,(najua anajua ila yy anaongea maneno, vitendo tofauti) kila wakati, Maslahi ya taifa, maslahi ya Taifa, but for them opposite is true, no faith on him
     
  12. U

    Uwezo Tunao JF-Expert Member

    #12
    Dec 7, 2010
    Joined: Nov 14, 2010
    Messages: 6,948
    Likes Received: 8
    Trophy Points: 0
    Bara HAKUNA mambo ya MWAFAKA wa viongozi kugawana madaraka bila kushirikisha wananchi kama ambavyo CCM walivyoamua kuridhiana kule Visiwani.

    Hapa wenye mada za Katiba Mpya na Tume huru ya Uchaguzi ni si Vijana kupitia CHADEMA. Hivyo hakuna usiri wowote katika mazungumzo. Kila kitu kweupe mchana sote tuuone. Sisi tunataka mabadiliko ya kweli na wala si kuanza na mianya ya mikutano ya siri, HAPANA!!!

    Bahati nzuri sana, CHADEMA hawawezi kuruhusu mambo kama hayo ya usiri usiri katika mambo ya msingi kama haya.
     
  13. kilemi

    kilemi JF-Expert Member

    #13
    Dec 7, 2010
    Joined: Mar 13, 2009
    Messages: 514
    Likes Received: 2
    Trophy Points: 35
    Hii niserekali ya ajabuajabu, jana alikuwa Makamba, leo Wasira kesho ni Chilingati na keshokutwa Selina kombani! Yaani ni kuongeaongea mpaka 2015
     
  14. Kichuguu

    Kichuguu Platinum Member

    #14
    Dec 7, 2010
    Joined: Oct 11, 2006
    Messages: 6,940
    Likes Received: 277
    Trophy Points: 180
    I guess you might be right; these thugs must have been squeezed somewhere.
     
  15. papason

    papason JF-Expert Member

    #15
    Dec 7, 2010
    Joined: Sep 14, 2010
    Messages: 1,821
    Likes Received: 131
    Trophy Points: 160


    ni marufukuuu!!!!!
     
  16. Iza

    Iza JF-Expert Member

    #16
    Dec 7, 2010
    Joined: Jan 8, 2009
    Messages: 1,792
    Likes Received: 49
    Trophy Points: 145
    Makamba alisema hawana haja ya kukutana na mpinzani yoyote kujadili haya masuala leo waziri kutoka chama hicho anasema vinginevyo...
    Wanaendelea kurukaruka..wananchi tunataka mjadala utakaozaa Katiba mpya..
     
  17. UWEZO_WAKO

    UWEZO_WAKO Member

    #17
    Dec 7, 2010
    Joined: Nov 17, 2010
    Messages: 39
    Likes Received: 0
    Trophy Points: 0


    Hata hivyo, Waziri huyo alisema kama kutatokea matatizo au kutoelewana, serikali ina njia na taratibu zake inazozitumia kukutana na walengwa kutatua hali hiyo na kwamba hatua hizo huwa hazitangazwi kwenye vyombo vya habari.:embarrassed:???!!!!
     
  18. October

    October JF-Expert Member

    #18
    Dec 7, 2010
    Joined: Oct 5, 2009
    Messages: 2,147
    Likes Received: 4
    Trophy Points: 135
    Serikali haina ujanja, ni lazima ikae chini na Chadema itake isitake.
    Jeuri yao sasa inawatokea puani baada ya kila wanachokishika kuporomoka.Tazama Dowans ilivyowaumbua mpaka wanajikanyaga. Ona uchakachuaji mwingine wa Bajeti iliyowasilishwa kwa IMF na donor community--Hii niaibu ya Karne.
    Ukweli ni kwamba JK na serikali yake wamepoteza uhalali wa kuaminiwa na International Community ndio maana wanajaribu kuja na kauli za kujifanya wanataka kuzungumza na Chadema. Hii yote ni geresha tu kwa vile hawana nia na maslahi ya Taifa hili. Hawafanyi hivi kwa kupenda kwao bali kwa vile maji yamewafika shingoni ndio maana wanafurukuta.
     
  19. Ngalikihinja

    Ngalikihinja JF-Expert Member

    #19
    Dec 7, 2010
    Joined: Sep 1, 2009
    Messages: 14,504
    Likes Received: 1,737
    Trophy Points: 280
    Ndiyo kawaida yao............. WANATISHIA NYAU HALAFU WANASIKILIZIA.............
     
  20. nyondoloja

    nyondoloja Senior Member

    #20
    Dec 7, 2010
    Joined: Nov 10, 2010
    Messages: 189
    Likes Received: 10
    Trophy Points: 35
    inashangaza mazungumuzo yanayohusu masiraiya watanzania yawe siri kwafaida yanani?
     
Loading...