Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Ofisi za mawaziri ni 'vijiwe'

Discussion in 'Jukwaa la Siasa' started by G.MWAKASEGE, Oct 10, 2007.

  1. G.MWAKASEGE

    G.MWAKASEGE Senior Member

    #1
    Oct 10, 2007
    Joined: Jun 29, 2007
    Messages: 153
    Likes Received: 1
    Trophy Points: 0
    Zaidi ya asilimia 90 ya mawaziri wanatumia ofisi zao kama `vijiwe` lakini muda wao mwingi wanautumia kufanya shughuli zao binafsi zikiwemo za biashara badala ya zile walizoajiriwa kuzifanya.

    Maoni hayo yalitolewa juzi usiku na Profesa Mwesiga Baregu kutoka Chuo Kikuu cha Dar es Salaam, alipokuwa akichangia mada katika kipindi cha `Jenerali on Monday` kinachorushwa na kituo cha televisheni cha Channel Ten.

    Profesa Baregu alisema, hali hiyo inasababisha mawaziri wengi kushindwa kutekeleza majukumu yao ya kuwahudumia wananchi.

    `Watu wanajua mawaziri wengi wa serikali hii ni wafanyabiashara hivyo ofisi kwao ni kama `kijiwe` kwa ajili ya kufanikisha shughuli zao binafsi` alisema.

    Aidha, katika kipindi hicho watu mbalimbali walitoa maoni yao juu ya utendaji wa serikali ya awamu ya nne.

    Baadhi yao walisema, hakuna dalili zozote za kutekeleza ahadi ya serikali ya awamu ya nne ya kuwaletea wananchi maisha bora.

    Akichangia mada katika kipindi hicho, Bw. Abdalah kutoka Tanga alisema, hali ya maisha kwa wananchi wa kawaida inazidi kuwa ngumu kuliko kipindi chochote katika historia ya nchi hii.

    Naye mchangiaji mwingine Bw. Benny kutoka Mwanza alisema, viongozi wengi wa serikali hivi sasa wanachukua raslimali za taifa bila huruma na kuzifanya mali zao.

    Alisema watendaji wengi wa serikali hasa ngazi za juu hawajali wananchi wala hawafuati sheria zinazolinda maadili ya viongozi wa umma.

    Aidha katika mjadala huo baadhi ya wachangiaji walisema, tabia ya ufisadi iliyopo hivi sasa inatokana na viongozi wengi kipindi cha nyuma kufuata falsafa ya Hayati Baba wa Taifa Mwalimu Nyerere kwa unafiki.

    Walisema Mwalimu Nyerere alikuwa na falsafa ya `Ujamaa na Kujitegemea` kwa kuwa aliamini kwamba hiyo ndiyo ilikuwa njia pekee ya kuwafanya watu wawe wamoja.

    Walitoa mfano kwa marehemu Oscar Kambona ndiye kiongozi pekee aliyeweza kumpinga Mwalimu juu ya falsafa hiyo lakini wengine walimkubalia kwa unafiki.

    Naye muongozaji wa kipindi hicho Bw. Generali Ulimwengu alisema, kama leo Mwalimu Nyerere angefufuka akaona ufisadi unaofanyika ndani ya serikali angekufa mara ya pili.

    Alisema ni bora mawaziri wakatangaza kwamba wao ni wafanyabiashara na ikajulikana hivyo badala ya kuendelea kutumia nafasi walizonazo ili kufanikisha biashara zao.

    Aliongeza kuwa viongozi wa sasa wanafanya ufisadi huu bila ya uoga kwa kuwa wanajua ifikapo mwaka 2010 kwenye uchaguzi watanunua kura kwa kilo moja ya sukari na kipande cha kanga.

    SOURCE: Nipashe
     
  2. Gamba la Nyoka

    Gamba la Nyoka JF-Expert Member

    #2
    Oct 10, 2007
    Joined: May 1, 2007
    Messages: 4,175
    Likes Received: 1,868
    Trophy Points: 280
    Hahahahah! Ulimwengu bwana anavituko kwelikweli
    hii sentensi sijui aliipata wapi!
     
  3. Bill

    Bill JF-Expert Member

    #3
    Oct 10, 2007
    Joined: Oct 5, 2007
    Messages: 3,573
    Likes Received: 544
    Trophy Points: 280
    Niliangalia kipindi kile,

    Hawa jamaa walifanikisha kuingiza serikali madarakani kwa fedha yao, unategemea hela yao itarudi vipi? Ni lazima wafanye biashara ndani ya ofisi na kutumia madaraka yao kurejesha hiyo fedha.

    Hii ni hatari kwa mstakabali wa nchi, amani iliyopo tuelewe msingi wake nini, sio kusema ni SISIEM tu kirahisirahisi hivi. Mwangalieni mwalimu Nyerere aliyefanikisha hili aliishi vipi na hadi akatufikisha hapa. Hakukuwa na tuhuma zozote za ubadhirifu na ufisadi dhidi yake.

    Kwa hali iliyopo sasa mustakabali wa nchi upo hatarini, mgawanyo wa rasilimali haupo sawa then unasema unasema wapinzani wanahatarisha utangamano wa nchi, hapana, ninyi mafisadi ndo mnahatarisha amani ya nchi.

    ACHENI UFISADI MTAANGAMIZA NCHI.
     
  4. Ibambasi

    Ibambasi JF-Expert Member

    #4
    Oct 10, 2007
    Joined: Jul 25, 2007
    Messages: 2,585
    Likes Received: 359
    Trophy Points: 180
    Kama mpendwa wa Mwalimu (RIP) bwana Mkapa aliweza kuwaonyeshea wenzake mfano wa namna ya kuwa wajasiriamali na kuigeuza nyumba kuu ya Taifa pale Magogono pango lake la biashara,na mdogo wake ndugu kikwete kutamka bayana tena hadharani kuwa hawezi kuwachunguza viongozi wastaafu,mnategemea kina Karamagi,Mramba,Chenge,Mgonja,Rutabanzibwa,Balali,Lowassa,Simbakalia, waziheshimu ofisi zao?
     
  5. Gamba la Nyoka

    Gamba la Nyoka JF-Expert Member

    #5
    Oct 10, 2007
    Joined: May 1, 2007
    Messages: 4,175
    Likes Received: 1,868
    Trophy Points: 280
    Hivi kile kipindi cha Wosia wa baba pale redio tanzania bado kipo?

    Na jinsi watu wanavyomkubali mwalimu(RIP)..hIki kipindi si kinaweza kwenda against maslahi ya kisiasa ya baadhi ya wakubwa.
    kutokana na ujumbe mzito wa Mwalimu?

    ndo maana nauliza hiki kipindi bado kinarushwa?
     
  6. YournameisMINE

    YournameisMINE JF-Expert Member

    #6
    Oct 10, 2007
    Joined: Aug 29, 2007
    Messages: 2,464
    Likes Received: 2
    Trophy Points: 145
    Msee,
    Naona leo hutaki mchezo yaani....nakuchungulia sasa thread kama ya tatu hivi, una-indict na kutoa verdict hapo hapo!!! tuna hitaji wengiwengi kama wewe,kazi nzuri sana.
     
Loading...