Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Neno Fupi La Usiku Huu: Mshindwa Mzuri Ni Yupi?

Discussion in 'Jukwaa la Siasa' started by maggid, Apr 18, 2012.

  1. m

    maggid Verified User

    #1
    Apr 18, 2012
    Joined: Dec 3, 2006
    Messages: 978
    Likes Received: 116
    Trophy Points: 60
    Ndugu zangu,

    Mshindwa mzuri ni yule anayeamini kuwa katika ushindani kuna kushinda na kushindwa. Yu tayari kuinua mkono na kumpongeza mpinzani wake aliyemshinda. Ni yule anayejitathmini ili kuangalia makosa yake ya kimkakati. Ni mshindwa aliye tayari kujifunza kutoka kwa mshindi.

    Katika siasa, ni yule anayetamka na kumaanisha kuwa yuko tayari kumsaidia mshindi katika kutekeleza majukumu yake yaliyotokana na ushindi huo, endapo mshindi atahitaji msaada huo.

    John McCain ni mfano wa mshindwa mzuri pale ambapo, si tu aliinua mkono kumpongeza Barack Obama kwa ushindi wake, bali pia alimkumbatia Obama na kuonyesha utayari wake kumsaidia Obama katika utawala wake, maana, katika ushindani wao, kilicho kikubwa kabisa ni kulinda maslahi ya taifa la Marekani.

    Na mshindwa mbaya ni yupi? Tusubiri Neno Fupi la Usiku wa kesho. Alamsiki!

    Maggid Mjengwa,
    Dar es Salaam.
    0788 111 765
    Mjengwa Blog::Habari,Picha,Matangazo
     
Loading...