Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mkulo atupe majina ya kampuni hizo na kiasi cha pesa toka kila kampuni

Discussion in 'Jukwaa la Siasa' started by BAK, Jun 25, 2008.

  1. BAK

    BAK JF-Expert Member

    #1
    Jun 25, 2008
    Joined: Feb 11, 2007
    Messages: 50,118
    Likes Received: 9,819
    Trophy Points: 280
    Pia atufahamishe kampuni hizo zilikuwa zinafanya biashara gani ya kuweza kuwa na mapesa mengi kiasi hicho. Hivi ni kweli kampuni binafsi zinaweza kuacha mapesa yao mengi kiasi hicho yapotee kirahisi namna hiyo? :confused::confused::confused:


    Mkulo asisitiza fedha za EPA si za serikali
    Mwandishi Wetu, Dodoma
    Daily News; Wednesday,June 25, 2008 @08:41

    WAZIRI wa Fedha na Uchumi Mustafa Mkulo amesema aliyoyasema bungeni kuhusu wizi wa fedha katika Akaunti ya Madeni ya Nje (EPA) katika Benki Kuu Tanzania (BoT), ndiyo ukweli na kwamba waliohusika watachukuliwa hatua.

    Mkulo alisema jana kuwa fedha hizo zilikuwa ni za kampuni binafsi na zilihamishiwa (BoT) kutoka Benki ya Taifa ya Biashara (NBC) ya zamani.

    “Kwa maneno haya, mimi sikutamka kwamba waliohusika na fedha za EPA hawatachukuliwa hatua, bali hatua zitachukuliwa baada ya Mheshimiwa Rais kupokea taarifa ya Kamati Maalumu na kuagiza utekelezaji wake,” alisema Mkulo, akitoa ufafanuzi wa masuala kadhaa yaliyojitokeza wakati wabunge wakijadili Bajeti ya Serikali ya mwaka wa fedha 2008/2009, likiwamo suala la EPA na takwimu.

    Kwa mujibu wa Mkulo, BoT ilikuwa wakala tu wa kulipa fedha hizo hivyo hakuna mantiki ya kuhoji kwa nini fedha za EPA hazikujumuishwa kwenye Bajeti ya Serikali.

    Alisema waliopata fedha hizo kwa njia zisizo halali hawana uhusiano na waliokuwa wanaidai NBC.

    “Nilisema kwamba akaunti ya EPA ilitokana na akaunti za wafanyabiashara wa Tanzania zilizokuwa katika iliyokuwa Benki ya Taifa ya Biashara (NBC) ambao katika miaka ya 1980, walikopa kutoka nje ya nchi, malighafi za viwanda, vipuri, na zana nyingine za uzalishaji kwa njia ya suppliers credits,” alisema Mkulo.

    Mwishoni mwa wiki baada ya Mkulo kuhitimisha mjadala wa Bajeti na kupitishwa na wabunge, baadhi ya wabunge wa upinzani walidai kuwa Waziri huyo amelidanganya Bunge kwa kueleza kuwa fedha za EPA zilizochotwa BoT, hazikuwa za serikali wala BoT; hivyo wakapania kuibana serikali wiki hii hasa katika hotuba ya Waziri Mkuu Mizengo Pinda.

    Kuhusu takwimu, Mkulo alisema takwimu zote za Bajeti ya Serikali zilikuwa sahihi na ni jambo la kawaida kuzibadili wakati wabunge wakiendelea kuijadili.

    “Serikali inarudia tena kusema kwamba hakuna takwimu za bajeti ambazo hazikuwa sahihi, na bajeti iliyoidhinishwa ndiyo iliyowasilishwa kwa kusomwa bungeni na Waziri wa Fedha,” alisema.

    Kwa mujibu wa Mkulo, tofauti ya takwimu zilisababishwa na mabadiliko ya taarifa za fedha na kwamba mabadiliko hayo yalifanywa baada ya vitabu kupelekwa kwa Mpigachapa.

    “Kwa kuwa taarifa ya mwisho imekuja baada ya vitabu vya bajeti kupelekwa kwa Mpigachapa, na baada ya Hotuba Bajeti kuandikwa na kuchapishwa, kiasi hiki cha shilingi bilioni 60.0 hakikuonyeshwa, bali kimeingizwa katika masahihisho,” alisema Mkulo.
     
  2. L

    Lione Senior Member

    #2
    Jun 25, 2008
    Joined: Dec 1, 2007
    Messages: 115
    Likes Received: 2
    Trophy Points: 0
    Huyu,mkulo hana jipya,ni mwana mtandao,anajua mambo yameshawachwea,ndo anaanza kutapatap!atuambie tu ukweli vinginevyo patachimbika!
     
  3. R

    Rwabugiri JF-Expert Member

    #3
    Jun 25, 2008
    Joined: Jul 10, 2007
    Messages: 2,777
    Likes Received: 5
    Trophy Points: 135
    Afu nahisi hana mshauri mzuri, wakati mwingine mambo yakichachia busara ni kukaa kimya kwanza ukajipanga vyema, ikibidi una jishusha na kukiri kughathirika!

    Kwani vyovyote vile 'iwe EPA ni ya ser.. ama si ya, hilo hali halalishi mafisadi wazichote pesa hizo period! na kamwe haliwa epushi na hukumu ya ukwapuaji huo.
     
  4. Single D

    Single D JF-Expert Member

    #4
    Jun 25, 2008
    Joined: Feb 27, 2007
    Messages: 459
    Likes Received: 1
    Trophy Points: 35
    Mkulo katumwa aseme hivyo kuonyesha njia ya ripoti ya EPA inayokuja.Hiyo ni kauli nzito ambayo ina support kubwa ya mafisadi nyuma yake.

    Mwezi ujao ndipo IGP,Mwasheria mkuu na timu yake wanatoa ripoti walivyoshughulikia swala la EPA,jinsi walivyoshindwa kuwachukulia hatua wafanyabiashara walioghushi kwa kuwa pesa zilikuwa zao na waliamua kuzitunza tu ktk hiyo akaunti ya madeni ya nje.

    Pinda alishasema mafisadi ni watu hatari sana na wana pesa nyingi na hiyo ripoti usishangae kusikia kama hayo Mkulo aliyosema bungeni,Usishangae kusikia hizo zilikuwa pesa za ra au manji n.k.

    The movie is too political
     
  5. Ngonalugali

    Ngonalugali JF-Expert Member

    #5
    Jun 25, 2008
    Joined: Jan 12, 2008
    Messages: 658
    Likes Received: 15
    Trophy Points: 0
    Wameshatengenea mlango wa kutokea. Ujasiri huo wa kusema wameupata wapi?
    Ni kwa nini hawakusema tangu mwanzo?
     
Loading...