Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

MGOMO WA MADAKTARI: Waziri wa Afya kitanzini

Discussion in 'Jukwaa la Siasa' started by 2mbaku, Feb 11, 2012.

  1. 2mbaku

    2mbaku JF-Expert Member

    #1
    Feb 11, 2012
    Joined: Oct 1, 2010
    Messages: 317
    Likes Received: 1
    Trophy Points: 35
    JINAMIZI la mgomo wa madaktari bado linaendelea kuitafuna serikali baada ya jana, Chama cha Demokrasia na Maendeleo (CHADEMA) na wanaharakati kutoa matamko mawili tofauti wakitaka Waziri wa Afya na Ustawi wa Jamii Dk. Haji Mponda na naibu wake Dk. Lucy Nkya kujiuzulu nyadhifa zao au kuwajibishwa.

    Wanaharakati pia wamempa wiki moja Waziri Mkuu Mizengo Pinda, awe ametangaza hasara na madhara ambayo wananchi na taifa wamepata kutokana na mgomo wa madaktari uliosababisha vifo kadhaa.

    Aidha wamemtaka Spika wa Bunge Anne Makinda kuuomba radhi umma wa Watanzania kutokana na hatua na kauli zake walizodai ni za kibabe ndani ya Bunge za kuzima hoja za wabunge katika kutafakari mgogoro huo.

    CHADEMA katika tamko lao mbali ya kuwataka viongozi hao wawili wa kisiasa kuwajibika, walieleza kushangazwa na ukimya ulioonyeshwa na Rais Jakaya Kikwete katika kipindi chote cha wiki tatu cha mgomo huo wa madaktari uliosababisha kuzorota kwa huduma katika hospitali zote kuu za serikali.

    Mbali ya hilo, chama hicho pia kilielekeza lawama zake kwa Pinda kwa kuchelewa kuchukua hatua za haraka za kuzima mgomo huo hata kusababisha madhara makubwa ya kibinadamu.
     
Loading...