ChoiceVariable
JF-Expert Member
- May 23, 2017
- 43,051
- 49,735
Watu 10 wamekamatwa Jijini Mbeya Wakitorosha Madini ya Dhahabu kilo 9.5 yenye thamani ya Shilingi Bilioni 1.5 na kuisababishia Serikali hasara.
Waziri wa Madini Antony Mavunde ameagiza Kamishna wa Madini kufuta leseni za watu hao popote pale ndani ya Nchi.Tukio hili la utoroshaji limekuwa ni la pili Mkoani Mbeya.
---
Jeshi la Polisi Mkoa wa Mbeya linawashikilia watu kumi kwa tuhuma za kutorosha kilo 9.5 za madini ya dhahabu.
Waziri wa madini Anthony Mavunde amesema thamani ya dhahabu iliyokamatwa ina thamani ya shilingi bilioni 1.5 ambapo watuhumiwa hao walikamatwa katika eneo la Ilomba Jijini Mbeya.
Mavunde amesema tukio hili ni la pili kutokea mkoani Mbeya na kuagiza Kamishna wa madini kuzifuta leseni zote zinazomilikwa na watu hao pamoja na leseni zote zinazomilikiwa na watu hao nje ya Mkoa wa Mbeya
Watu hao wamekamatwa wakiwa na vifaa vya kuchomea dhahabu na mizani ya kupimia pamoja na dawa za kusafishia ambapo uchunguzi ukikamilika watafikishwa mahakamani
--
My Take
Wizara ya Madini kaeni na wadau wote wa Madini muangalie Kwa nini wanatorosha Madini Ili kujiridhisha na sababu Ili kama Zina mashiko mtafute suluhisho Ili tusipoteze pesa Kwa utoroshaji.
----
DHAHABU KILO 9 ILYOKUWA INATOROSHWA YAKAMATWA JIJINI MBEYA **
Waziri Mavunde aingia mtaani na kikosi kazi kwenye eneo la maficho
Aupongeza Uongozi wa Mkoa na Vyombo vya Usalama Mbeya
Aagiza kusimamisha Leseni za biashara ya Madini za watuhumiwa
Dhahabu iliyokamatwa ina thamani ya Tsh 1,555,476,586
Serikali ingepata mapato ya Tsh 144,659,322
Jeshi la Polisi Mkoani Mbeya linawashikilia wafanyabiashara wa madini 10 kwa tuhuma za utoroshaji wa madini Kilogramu 9.8 yenye thamani ya Tsh 1,555,476,586.
Akitoa taarifa hiyo kwa wanahabari,Waziri wa Madini Mhe. Anthony Mavunde amesema wafanyabiashara hao walikamatwa siku ya Jumamosi saa 10:27 Alfajiri Katika mtaa wa Ilomba Jijini Mbeya kwenye nyumba waliyokuwa wamepanga wakiwa na vipande 344 ya dhahabu iliyochomwa yenye uzito wa Kilogramu 9.8 pamoja na vifaa mbalimbali kama vile Precious Metal analayzer (XRF) aina ya Niton DXL thermoscientific, mitungi ya gesi, jiko na vyungu kwa ajili ya kuchomea dhahabu, Kipimo cha maji cha kupimia dhahabu, mizani kadhaa pamoja na kemikali aina ya borax.
Mhe. Mavunde ameupongeza uongozi wa Mkoa wa Mbeya chini ya Mh. Juma Homera na vyombo vya ulinzi na usalama kwa kushirikiana na Kikosi Kazi cha Wizara ya Madini kufanikisha ukamataji wa watuhumiwa hao.
Pia, Waziri Mavunde ametoa rai kwa wafanyabiashara wote wa madini kuhakikisha wanazingatia sheria na kanuni za kufanya biashara ya madini nchini na wote watakaobainika kutorosha madini watachukuliwa hatua za kisheria pamoja na kufutiwa Leseni zao.
Aidha, Waziri Mavunde ameagiza kusimamishwa kwa Leseni za biashara ya Madini za watuhumiwa nchi nzima wakati taratibu za upepelezi zikiendelea kabla ya kufikishwa Mahakamani.
Akizungumza katika zoezi hilo, Kaimu Mkuu wa Mkoa wa Mbeya ambaye pia ni Mkuu wa Wilaya wa Chunya Mhe. Mbaraka Batenga amewataka viongozi wote wa mitaa na vijiji kuwatambua watu katika maeneo yao kwa kuwasajili katika daftari la wakazi na kuwataka wamiliki wa nyumba za kupanga kuhakikisha wanawafahamu vyema wapangishaji wao na shughuli zao.
