Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Makundi CCM yamzonga Kikwete

Discussion in 'Jukwaa la Siasa' started by KIGENE, Oct 23, 2012.

  1. KIGENE

    KIGENE JF-Expert Member

    #1
    Oct 23, 2012
    Joined: Jan 22, 2011
    Messages: 859
    Likes Received: 66
    Trophy Points: 45
    MAKUNDI ndani ya Chama cha Mapinduzi (CCM), yanaonekana kumwelemea Mwenyekiti wa chama hicho, Rais Jakaya Kikwete, na sasa ameamua kutumia mkutano mkuu wa Jumuiya ya Wanawake Tanzania (UWT), kukemea vitendo vya kudhalilishana na makundi wakati na baada ya uchaguzi.

    Rais Kikwete pia alionya juu ya vitendo vya rushwa vinavyozidi kushamiri ndani ya chama hicho akisema kuwa visipochukuliwa hatua mapema, kuna hatari ya kukifikisha chama katika hatua mbaya.

    Akifunga mkutano huo wa nane wa uchaguzi UWT, Rais aliwataka kufanya jitihada za kupunguza mgawanyiko uliotokea baada ya uchaguzi wao uliomalizika juzi.

    Alisema imekuwa ni hulka sasa hasa baada ya kumalizika uchaguzi kwa wanachama kuendeleza na kuwekeana uhasama kama uliokuwepo wakati wa kampeni na wengine kuwaadhibu ambao hawakuwachagua hali ambayo ni mbaya sana kwa mustakabali wa chama.

    "Ambaye hakukuchagua usimbague kwani hakushinda na sasa wewe ndiye kiongozi, hivyo una kila sababu ya kumpa ushirikiano ili aweze kutekeleza mambo mbalimbali ikiwa ni pamoja na kuitumikia jumuiya yake kwa ukamilifu.

    "Itakuwa ni aibu sana na ajabu, pia utakuwa hujatenda haki kwa kumbagua ambaye hakukuchagua; natolea mfano kwangu katika uchaguzi uliopita, Prof. Mark Mwandosya hakushinda, lakini kwenye serikali yangu nilimuweka licha ya kuwa nilifanyiwa mambo ya ajabu sana ambayo ni vigumu kuyavumilia lakini kwa mwanasiasa, lazima uwe mkomavu," alisisitiza.

    Rais Kikwete aliwaasa wagombea wa nafasi mbalimbali wa UWT walioshindwa kutoweka visasi na walioshinda kutowapiga vijembe walioshindwa kwani kazi iliyo mbele ni kubwa kutokana na CCM hivi sasa kukabiliwa na hali ngumu ya ushindani wa kisiasa.

    "Kweli tusipokemea vitendo hivi na kuviacha vikiendelea, tutakipeleka chama mahali pabaya, ninasikitika sana kusikia hata wanawake sasa wanajihusisha na utoaji rushwa ili kununua nafasi za uongozi kitu ambacho ni hatari sana," alisema Kikwete.

    Alifafanua kuwa chama kinakoelekea si kuzuri ni lazima zifanyike jitihada za mabadiliko.

    Aliwapongeza wajumbe kwa kukamilisha uchaguzi wa viongozi watakaoongoza jumuia hiyo kwa muda wa miaka mitano na hata waliojitokeza kugombea kwani kuvunjika kwa koleo sio mwisho wa uhunzi.

    Rais Kikwete aliongeza kuwa madhumuni ya CCM yaliyotamkwa katika katiba ni kushinda katika uchaguzi wa serikali kuu na mitaa Tanzania Bara na Zanzibar ili kuunda serikali kuu na serikali za mitaa.

    Alisema ushindi wa CCM unapatikana kwa kukubaliwa na kuungwa mkono na wananchi wengi zaidi watakaojitokeza kupiga kura, hivyo kazi kubwa ambayo inatakiwa kufanywa na jumuiya za chama zilizoundwa ni kufanikisha hilo.

    Kikwete alifafanua kuwa demokrasia ya uchaguzi ina athari zake kwani baada ya hapo kuna kazi kubwa ya kujenga umoja na mshikamano ili kuziba nyufa na mipasuko iliyotokea wakati wa uchaguzi.

    Alisema kuwa huwezi kumchukia mwenzako kwa vile ameomba nafasi unayoitaka wewe, kwamba nafasi hiyo ni haki ya kila mwanachama, hivyo hakuna haja ya kuchukiana.

    Rais Kikwete alifafanua kuwa uchaguzi una mifarakano mingi lakini kiongozi akishapatikana ni lazima aungwe mkono na kwamba wenye kuonyesha mfano ni wale walioshinda kwa kutowabeza walioshindwa.

    Awali, Mwenyekiti wa UWT, Sophia Simba, alisema kuwa wamefanya mengi ikiwemo kuongeza idadi ya wanachama na wamejipanga kuhakikisha wanaleta ushindi katika uchaguzi mkuu wa 2015.


    Source: Tanzania Daima
     
  2. mmbangifingi

    mmbangifingi JF-Expert Member

    #2
    Oct 23, 2012
    Joined: Mar 9, 2011
    Messages: 2,853
    Likes Received: 16
    Trophy Points: 135
    "Zifanyike jitihada za mabadiliko" Only words,angechukua hatua kwa wote waliobainika. actions speaks louder!
     
  3. Mchambuzi

    Mchambuzi JF-Expert Member

    #3
    Oct 23, 2012
    Joined: Aug 24, 2007
    Messages: 4,637
    Likes Received: 682
    Trophy Points: 280
    Kwa wale wanaoelewa zaidi, Je, hapo kuhusu Prof. Mwandosya alikuwa na maana gani? Kwamba kambi ya Mwandosya ilihusika katika mambo ya ajabu aliyotendewa?
     
  4. J

    Jasusi JF-Expert Member

    #4
    Oct 23, 2012
    Joined: May 5, 2006
    Messages: 11,450
    Likes Received: 99
    Trophy Points: 145
    Hata mimi sikumwelewa. Lakini ninachojua ugomvi wake au tofauti baina yake na Mwandosya zina historia ndefu hata kabla ya uchaguzi wa 2005.
     
  5. Father of All

    Father of All JF-Expert Member

    #5
    Oct 23, 2012
    Joined: Feb 26, 2012
    Messages: 3,091
    Likes Received: 6
    Trophy Points: 135
    Kikwete muongo. Yeye mwenyewe ni tunda na mnufaika wa makundi na takrima. Naona anataka kutafuta umaarufu kwa kujifanya ameona makosa yake wakati si kweli. Mitandao ipo hasa huo wa rafiki yake Lowassa aliyeanza kampeni za urais hata kabla ya kipenga. Sijui ni fisadi na **** gani atampa kura yake Lowassa ili amle?
     
  6. Mchambuzi

    Mchambuzi JF-Expert Member

    #6
    Oct 23, 2012
    Joined: Aug 24, 2007
    Messages: 4,637
    Likes Received: 682
    Trophy Points: 280
    Kinachochanganya kidogo ni reference to uchaguzi uliopita ikiwa na maana ya 2010, does it mean kwamba Mwandosya alikuwa na nia ya kumfanya JK awe 'a one term president'?

    Kwa kweli idara ya Mawasiliano huko kwa Salva ni muhimu iliweke hili sawa, sidhani kama kuacha mfano huo uelee kama ulivyo ni tiba ya kuvunja makundi huko tunako elekea; Mwandosya mwenyewe mgonjwa and the last thing he needs ni kuwa katika wingu hili lisilo na ufafanuzi wa kina;
     
  7. Kiranga

    Kiranga JF-Expert Member

    #7
    Oct 23, 2012
    Joined: Jan 29, 2009
    Messages: 34,583
    Likes Received: 5,623
    Trophy Points: 280
    Mchambuzi, unajua hata mimi nimeshtuka.

    Nimesoma nika copy hiyo part ili niquote na kuuliza. Kikwete ana maana gani?

    Ina maana ni Mwandosya aliyemfanyia mambo ya ajabu? Au kampeni yake?

    Na je, kusema haya sasa kunajenga au kubomoa? Maana wengine kwa sababu tumesoma kauli "vague" tunaweza kutafsiri kauli kama Mwandosya alimfanyia Kikwete mambo ya ajabu lakini Kikwete kwa ukomavu wake wa siasa akamuweka tu katika serikali yake.

    Je ni ukomavu wa kisiasa kusema haya kwa kumtaja mtu jina?

     
  8. Mchambuzi

    Mchambuzi JF-Expert Member

    #8
    Oct 23, 2012
    Joined: Aug 24, 2007
    Messages: 4,637
    Likes Received: 682
    Trophy Points: 280
    Exactly, na pia je, uchaguzi uliopita ana maana 2010 Mwandosya alikuwa anajaribu kumfanya JK awe a one term president? Nisingependa kuamini JK alimaanisha kinachotafsiriwa na ni muhimu idara yake ya Mawasiliano iliweke hili sawa;
     
  9. Nazjaz

    Nazjaz JF-Expert Member

    #9
    Oct 23, 2012
    Joined: Jan 20, 2011
    Messages: 4,750
    Likes Received: 344
    Trophy Points: 180
    Kikwete yeye ndio baba wa mipasuko na makundi ndani ya MAGAMBAZ PARTY
     
  10. mzalendokweli

    mzalendokweli JF-Expert Member

    #10
    Oct 23, 2012
    Joined: Apr 21, 2012
    Messages: 578
    Likes Received: 0
    Trophy Points: 33
    Mashishanga anajua vizur haya ya uhasama.
     
  11. Fpam

    Fpam JF-Expert Member

    #11
    Oct 23, 2012
    Joined: Apr 28, 2011
    Messages: 291
    Likes Received: 3
    Trophy Points: 0
    Huyu Vasco da Gama namshangaa sana habari ya kumtaja mtu baada ya miaka nane kupita ina maana gani tena, anataka tuamini kuwa Prof Mwandosya alimfanyia mambo mabaya?
     
  12. amkawewe

    amkawewe JF-Expert Member

    #12
    Oct 23, 2012
    Joined: Dec 9, 2011
    Messages: 2,030
    Likes Received: 5
    Trophy Points: 135
    Hii statement ya Prof. Mwandosya inahitaji kurekebishwa vinginevyo tasfiri yake siyo nzuri kwa Prof na wafuasi wake lakini pia Rais haimpi heshima. siyo mfano mzuri kutolewa na our president.
     
  13. E

    EMMANUEL NSAMBI JF-Expert Member

    #13
    Oct 23, 2012
    Joined: Oct 25, 2011
    Messages: 402
    Likes Received: 1
    Trophy Points: 35
    Kumbe anakubali kuwa ccm ina hali mbaya kisiasa?Cdm kazeni buti,wamebana sasa wanaachia.
     
  14. Idimi

    Idimi JF-Expert Member

    #14
    Oct 23, 2012
    Joined: Mar 18, 2007
    Messages: 8,598
    Likes Received: 807
    Trophy Points: 280
    Na kwa sasa Mashishanga amepata ujumbe wa NEC.
    Ila hilo la Mwandosya nadhani hata mimi limeniacha hewani. Yeye ndo mwasisi wa makundi, kwa nini analaumu matokeo ya alichokiasisi? Hizi chuki za makundi haziwezi kwisha kwa porojo
     
  15. O

    Olecranon JF-Expert Member

    #15
    Oct 23, 2012
    Joined: Apr 11, 2011
    Messages: 1,247
    Likes Received: 388
    Trophy Points: 180
    Ni kweli jk amechemsha lakini hilo hilinishangazi hata kidogo kwani hakuna wisdom ndani take. Ndio maana sikubaliani na sentensi yako ya mwisho. Sio raisi wangu.
     
  16. andrewk

    andrewk JF-Expert Member

    #16
    Oct 23, 2012
    Joined: Apr 13, 2010
    Messages: 3,025
    Likes Received: 18
    Trophy Points: 135
    Amegundua makosa yake, sasa anafikisha ujumbe kwa wengine........ mtu mzima yule jamani

     
  17. N

    Ndinani JF-Expert Member

    #17
    Oct 23, 2012
    Joined: Aug 29, 2010
    Messages: 5,105
    Likes Received: 506
    Trophy Points: 280
    Huyu mkweree nadhani alikuwa anafanya reference ya uchaguzi wa 2005 na sio uchaguzi wa 2010 kwani hapo alikuwa peke yake kutoka ccm!! Hata hivyo sijui ana maana gani kuwa Mwandosya na kambi yake walimfanyia mambo mabaya sana hata hivyo alimuweka kwenye serikali yake; lakini kwa wale wanaojua historia ya kisiasa ya hawa wawili ,all along ni mkweree ndio alikuwa anamfanyia mambo mabaya mwenzie na hili liko well documented kwenye kitabu cha Mwandosya alichoandika kitwacho "SAUTI YA UMMA NI SAUTI YA DEMOKRASIA" ingawa hakumsema yeye huyu bwana directly inaonekana wazi jinsi vyombo vya dola vinavyoweza kutumika vibaya kuwathibiti na kuwaonea wale wasiopendwa na watawala!!
     
  18. M

    Mgelukila JF-Expert Member

    #18
    Oct 23, 2012
    Joined: May 27, 2012
    Messages: 224
    Likes Received: 0
    Trophy Points: 0
    Ina maana JK kampa Mwandosya uwaziri kwa kinyongo? Kumnyima aliogopa reaction? Je tatizo la afya yake haina mkono wa mtu?

    Ktk maisha, bora adui anayekukasirikia kuliko anayekuchekea maana utampa nafasi atakusogelea na kukuzuru.

    Nakumbuka ya Mwakyembe alivyokuwa mbunge alikuwa safi, alipopata uwaziri afya ikaleta matatizo tukasikia mengi mara unaweza kugusishwa tu sio lazima ulishwe bora unapokuwa tofauti kuanza mapema uking'ang'ania chamani unakuwa karubu nao wana ku do.
     
  19. T

    Twasila JF-Expert Member

    #19
    Oct 23, 2012
    Joined: May 12, 2011
    Messages: 1,405
    Likes Received: 292
    Trophy Points: 180
    Inashangaza Kikwete kulalamika. Anashangaa nini? Kasahau alivyowachafua Sumaye, Mwandosya na Salim A. Salim mwaka 2005?. Kweli nyani haoni kundule.
     
  20. mgomba101

    mgomba101 JF-Expert Member

    #20
    Oct 23, 2012
    Joined: Oct 21, 2011
    Messages: 1,771
    Likes Received: 36
    Trophy Points: 145
    JK ni kinara na muasisi wa makundi na mtandao ndani ya CCM,walimchafua sumaye kwamba ana mabilioni nje ya nchi,pia walimchafua Dr Salim Ahmed Salim kwamba aliusika kwenye kifo cha Sheikh karume.
     
Loading...