Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Makongoro aibuka na kudai mafisadi wako 4 ndani ya CCM

Discussion in 'Jukwaa la Siasa' started by Lunyungu, Aug 9, 2009.

  1. Lunyungu

    Lunyungu JF-Expert Member

    #1
    Aug 9, 2009
    Joined: Aug 7, 2006
    Messages: 8,827
    Likes Received: 29
    Trophy Points: 135
    [​IMG]

    Naibu Waziri wa Kazi, Ajira na Maendeleo ya Vijana, Dk Makongoro Mahanga.

    Na Na Leon Bahati

    NAIBU Waziri wa Kazi, Ajira na Maendeleo ya Vijana, Dk Makongoro Mahanga amesema makada wa CCM wanaodai kupambana na ufisadi wanapaswa kudhibitiwa ili wasikivuruge chama kwa kuwa mafisadi ndani ya chama hicho hawazidi wanne.

    Akizungumza na gazeti hili jana Mahanga ambaye pia ni Mjumbe wa Halmashauri Kuu ya CCM, alisema makada hao wasipodhibitiwa watakivuruga chama na kukifanya kipoteze viti vingi vya ubunge kwa wapinzani katika uchaguzi mkuu mwakani, kwa kudhaniwa kimejaa mafisadi.

    “Hawa wanaoitwa mafisadi wako wangapi? Mbona hawatajwi?” alihoji Dk Mahanga akibainisha kuwa tathmini yake inaonyesha kuwa kelele zote za ufisadi zinawalenga watu ambao hawazidi wanne ndani ya chama hicho, na kwamba miongoni mwao, tayari wameanza kushughulikiwa.

    Alipotakiwa kuwataja hao mafisadi wanne, Mahanga alisema hiyo ni tathmini yake na hakuna haja ya kutaja majina yao kwa vile wanafahamika.

    Kwa kauli hiyo, Dk Mahanga anakuwa mtu wa pili ndani ya CCM kupingana na Makamu Mwenyekiti Mstaafu wa CCM, John Malecela ambaye Ijumaa iliyopita alitoa kauli kutaka mafisadi wadhibitiwe kwa nguvu zote, ili wasikiweke chama katika wakati mgumu kwenye uchaguzi huo. Tayari kauli hiyo imepingwa na Katibu Mkuu wa CCM, Yusuf Makamba.

    Lakini jana Dk Mahanga alisema ajenda ya ufisadi imekuwa ikitumiwa vibaya na watu ambao wanafikiri wanajijengea mazingira mazuri kisiasa ili washinde ubunge mwakani, lakini hawafikirii kwamba njia wanayoitumia inalenga kuiharibia CCM.

    “Kuna watu ndani ya chama wamedhamiria kuiangusha CCM huku wakijifanya wanapambana na mafisadi ndani ya chama,” alisema Dk Mahanga jana katika mahojiano na Mwananchi Jumapili na kuongeza:

    “Kama wapinzani wangesimama majukwaani wakisema ndani ya CCM kuna mafisadi, hakuna mtu ambaye angeshangaa kwa sababu malengo yao ya kisiasa ni kukichafua chama tawala ili kianguke na wao wachukue nafasi hiyo,” alisema Dk Mahanga ambaye pia ni Mbunge wa Ukonga.

    “Suala hilo linapozungumzwa hadharani na wanachama wa CCM ni hatari. Hapa wanakichafua chama na ndio wanaosaidia vyama (vya siasa) vya upinzani,” alisema.

    Naibu waziri alishauri: “Kama kuna tatizo, lipelekwe kwenye vikao na siyo kwenda kupiga kelele kwenye majukwaa na kukichafua chama machoni pa wananchi.”

    Alipoulizwa kama haoni kulizungumzia suala hilo hadharani kutasaidia kuzuia ufisadi nchini, alisema: “Namna suala hilo linavyozungumzwa sasa, inaonyesha kana kwamba kuna kundi kubwa la wanaCCM wanaojihusisha na ufisadi, lakini ukweli ni kwamba watuhumiwa wa ufisadi, hawazidi wanne.”

    Kuhusu kuwepo kwa mtandao wa watu ndani ya CCM waliopanga mbinu za makusudi za kuwaangusha wabunge waliopo mstari wa mbele kwenye mapambano dhidi ya ufisadi, Mahanga alisema:

    “Huo ni woga tu. Hakuna kitu kama hicho. Naunga mkono maelezo yaliyotolewa na Katibu wangu Mkuu (Yusuf Makamba) kupitia gezeti lenu (Mwananchi) toleo la leo jana akisema hayo ni mambo ya kufikirika,” alisema Dk Mahanga.

    Alisema kuwa woga huo unatokana na baadhi ya wabunge kuwa na wasiwasi kwamba, wanachama wengine ndani ya CCM wanaweza kuchukua nafasi zao, hivyo kutumia suala la ufisadi kama njia ya kupambana nao.

    Alitoa mfano kuwa katika jimbo lake tayari wamejitokeza wana-CCM saba wanaotaka kumrithi, lakini hapigi kelele kwa sababu anajua ni haki yao ya kikatiba na hana wasiwasi na yupo tayari kupambana nao kupitia michakato ya uteuzi ndani ya CCM.

    “Hili liko wazi. Hata wengi wao mwaka 2005 kwenye majimbo yao walikuwepo wabunge ambao waliwaondoa na kuchukua nafasi zao,” alisema Dk Mahanga.

    Alisema hata kama watu wachache wanaodaiwa kuwa ni mafisadi wakifukuzwa ndani ya CCM bado suala la wabunge kupata upinzani ndani ya chama litakuwa pale pale.

    Aliwataka wana-CCM wenye nyadhifa mbalimbali kufahamu kuwa wapo wanachama wengi waliokuwa wanazitamani na hata sasa wanazitaka nafasi wanazozishikilia na wakati huo huo wapo wapya wanaojitokeza kuziwania.

    Kwa upande wake, Waziri Mkuu wa Zamani, Cleopa Msuya amesema kwamba msimamo wa serikali kuhusu mafisadi unajulikana na tayari vyombo vyake husika vimeanza kuwashughulikia, hivyo akataka visiingiliwe,viachwe vifanye kazi yake.

    “Mimi sina cha kusema juu ya hilo tatizo, tunaandika sana, hebu tuviachie vyombo vya utekelezaji vifanye kazi yake,” alisema Msuya ambaye alikuwa waziri mkuu katika utawala wa serikali ya awamu ya kwanza na ya pili.
     
  2. K

    Kafara JF-Expert Member

    #2
    Aug 9, 2009
    Joined: Feb 17, 2007
    Messages: 1,375
    Likes Received: 24
    Trophy Points: 135
    anawabeza wenzake kwa kushindwa kuwataja
    mafisadi halafu yeye anachomoa kuwataja hao 4!
    ama kweli ukistaajabu ya musa utaona ya firauni.
     
  3. Rev. Kishoka

    Rev. Kishoka JF-Expert Member

    #3
    Aug 9, 2009
    Joined: Mar 7, 2006
    Messages: 4,396
    Likes Received: 16
    Trophy Points: 135
    Lunyungu,

    Huyu jamaa ni mjinga kupindukia yaani siamini haya aliyoyasema!

     
  4. Lunyungu

    Lunyungu JF-Expert Member

    #4
    Aug 9, 2009
    Joined: Aug 7, 2006
    Messages: 8,827
    Likes Received: 29
    Trophy Points: 135

    Rev.Kishoka mimi sina la kusema kwa muda huu ila najiuliza huyu jamani dr kwa mitishamba ama doc wa PhD ana Vet ?
     
  5. B

    Bulesi JF-Expert Member

    #5
    Aug 9, 2009
    Joined: May 14, 2008
    Messages: 6,248
    Likes Received: 239
    Trophy Points: 160
    Sishangai na kauli ya huyu Makongoro kuwa CCm kuna mafisadi 4 tu!! Hii ni kauli ya mtu asiyejua maana ya ufisadi kwani huyu Makongoro mwenyewe ni fisadi aliyekubuhu na ndio maana akaondolewa kama naibu waziri wa miundombinu kwa kula rushwa za contractors wa barabara wachina; ushahidi ukiwa mara baada ya yeye na fisadi mwenzie kuondolewa[ kwanza alifikiri kuwa angepewa uwaziri lakini JK akamtolea nje kwani faili lake limejaa uchafu] barabara nyingi ikiwemo ile ya SAM NUJOMA -UBUNGO zikamalizika!! Makongoro ni mbunge fisadi ninaetegemea kuwa watu wa Ukonga watamtema safari hii.
     
  6. Mzee Mwanakijiji

    Mzee Mwanakijiji Platinum Member

    #6
    Aug 9, 2009
    Joined: Mar 10, 2006
    Messages: 30,383
    Likes Received: 2,442
    Trophy Points: 280
    yawezekana anawajumlisha Mramba, Yona, Chenge na yule Mweka hazina wa CCM kwenye kesi ya EPA
     
  7. J

    Jamco_Za JF-Expert Member

    #7
    Aug 9, 2009
    Joined: Jul 14, 2007
    Messages: 1,310
    Likes Received: 13
    Trophy Points: 135
    Kama ulikuwa kwenye akiri yangu vile, anataka kusema mafisadi wameshapelekwa mahakamani basi mambo ya ufisadi yaishe ndani ya CCM, tutayasema na kuwaunga mkono wabunge wa CCM wanaowasema mafisadi kama ataki ajinyonge
     
  8. Indume Yene

    Indume Yene JF-Expert Member

    #8
    Aug 9, 2009
    Joined: Mar 17, 2008
    Messages: 2,916
    Likes Received: 25
    Trophy Points: 145
    Mkuu umenichekesha sana hapa, ina maana huyo aliyekuwa mweka hazina wa SISIEMU hana jina??? Ahhahaha ahahahaha ahahahaha ahaha teteteh. Mie namjua Rostam Aziz aliwahi kuwa mweka hazina SISIEMU. Wengine siwakumbuki.
     
  9. Indume Yene

    Indume Yene JF-Expert Member

    #9
    Aug 9, 2009
    Joined: Mar 17, 2008
    Messages: 2,916
    Likes Received: 25
    Trophy Points: 145
    Niliwahi kusema hapa nikapondwa, mambo haya hayahitaji kwenda darasani. Yaani kujua kuna fisadiz SISIEMU unahitaji kusoma kitabu? Nashangaa huyu jamaa ni waziri, mmh haya makubwa.
     
  10. kinepi_nepi

    kinepi_nepi JF-Expert Member

    #10
    Aug 9, 2009
    Joined: Aug 16, 2007
    Messages: 870
    Likes Received: 4
    Trophy Points: 0
    mwenye email yake au simu ya mkononi naomba ampatie haya majina.
    Mafisadi ndani ya CCM
    mkapa
    apson
    mboma
    chenge
    mgonja
    rostam
    dr idrisa
    karamag
    lowassa
    arthur
    mo-Dewji
    JK
    makamba
    londa
    naomba muendeleze list halafu apelekewe Dr makongoro ili awatete hao mafisadi ili akisafishe chama chake chenye mayai ya ufisadi, rejea Generali Ulimwengu.
     
  11. Kichuguu

    Kichuguu Platinum Member

    #11
    Aug 9, 2009
    Joined: Oct 11, 2006
    Messages: 6,943
    Likes Received: 278
    Trophy Points: 180
    Ni muhimu sana watu kuzichukulia kwa makini kauli zote zinazotolewa na madaktari feki kwa vile wameshaonyesha tabia ya kusema au kufanya jambo lolote linalowawezesha kujiongezea heshima binafsi kwenye jamii hata kama jambo hilo si la uhakika.
     
  12. Selous

    Selous JF-Expert Member

    #12
    Aug 9, 2009
    Joined: Jan 13, 2008
    Messages: 1,305
    Likes Received: 10
    Trophy Points: 135
    Labda alimaanisha walio Dar
    Hao na hawa hapa chini ni wa - kitaifa;

    Yusuf Makamba
    Makongoro Mahanga
    Basil P. Mramba
    Lau Masha
    Nimrod Mkono
    Vicent Mrisho
    Patrick Ruta
     
    Last edited: Aug 9, 2009
  13. MwanaFalsafa1

    MwanaFalsafa1 JF-Expert Member

    #13
    Aug 9, 2009
    Joined: Feb 26, 2008
    Messages: 5,566
    Likes Received: 15
    Trophy Points: 135
    Siasa tupu. Why didn't he mention hao mafisadi wanne ili iwekwe on record?
     
  14. MwanaFalsafa1

    MwanaFalsafa1 JF-Expert Member

    #14
    Aug 9, 2009
    Joined: Feb 26, 2008
    Messages: 5,566
    Likes Received: 15
    Trophy Points: 135
    Ila tusimlaumu sana kwa kusema CCM ina mafisadi wanne tu. Ina wezekana definition yake ya ufisadi ni tofauti na tujuavyo sisi. Ama kweli Tanzania tumepewa kila kitu lakini tumenyimwa viongozi.
     
  15. m

    mashuke Member

    #15
    Aug 9, 2009
    Joined: Aug 4, 2009
    Messages: 57
    Likes Received: 0
    Trophy Points: 13
    Acheni dr atetee chama chake cha kifisadi maana kikanguka mwakani naye atakuwa pabaya kwakuwa mafisadi wote watahitajika kupelekwa kwa pilato.
     
  16. Teamo

    Teamo JF-Expert Member

    #16
    Aug 9, 2009
    Joined: Jan 9, 2009
    Messages: 12,278
    Likes Received: 25
    Trophy Points: 145
    huyu doctor wa wapi jamani?
     
  17. FairPlayer

    FairPlayer JF-Expert Member

    #17
    Aug 9, 2009
    Joined: Feb 27, 2006
    Messages: 4,166
    Likes Received: 49
    Trophy Points: 145
    Geoff;

    Huyu jamaa ana degree ya kwanza na ya pili nzuri tuu, pia ana CSP (T) ile professional award ya materials management and procurement.

    Sasa akajipa u Phd kutoka chuo feki. Akaharibu kila kitu.

    Inachotakiwa ni kuitwa kwenye vikao vya chama awataje hao mafisadi. Ila kwa upeo wake ukimuuliza atakutajia wale waliojiuzulu (mawaziri) watatu na Rostam Aziz.

    Hao ni rahisi sana kuwataja ukiwa ndani ya CCM.
     
  18. FairPlayer

    FairPlayer JF-Expert Member

    #18
    Aug 9, 2009
    Joined: Feb 27, 2006
    Messages: 4,166
    Likes Received: 49
    Trophy Points: 145
    Nadhani ni Washington International University kama sio kile cha Pacific
     
  19. 911

    911 JF-Expert Member

    #19
    Aug 9, 2009
    Joined: Aug 22, 2008
    Messages: 660
    Likes Received: 62
    Trophy Points: 45
    Hawa ndio viongozi ambao tunategemea wawe mstari wa mbele katika kusukuma gurudumu la maendeleo.No wonder we are still poor.Kweli akina Makongoro hawa ndio watakao_mobilize resources?

    Kweli twahitaji 'dictator' mwenye moyo wa kizalendo,ili tupige hatua kwenda mbele.Katika kuijenga Tanzania ninayoitamani hawa akina Makongoro hawatufai kabisa.Angekuwa Kingunge tungesema labda ni uzee,sasa huyu nae....

    Hawa ndio wasioutaka 'waraka' uleeee....
     
  20. Limbani

    Limbani JF-Expert Member

    #20
    Aug 9, 2009
    Joined: Apr 24, 2008
    Messages: 1,393
    Likes Received: 30
    Trophy Points: 145
    Hivi hawa jamaa si bora wangekuwa wanakaa kimya tu! Maana kila wakiongea ni utumbo tu... Hovyo hovyo!!
     
Loading...