Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

kwako yangu ni hifadhi, ya milele si ya muda,

Discussion in 'Mahusiano, mapenzi, urafiki' started by Magulumangu, May 2, 2011.

  1. Magulumangu

    Magulumangu JF-Expert Member

    #1
    May 2, 2011
    Joined: Jan 7, 2010
    Messages: 3,041
    Likes Received: 10
    Trophy Points: 135
    Kwa hadhi na taadhima,kwangu wewe malaika,
    Nilipopatwa hujuma,moyo wangu sisimka,
    Ya kwanza yetu miama,yako sikuwa hulka,
    kwako yangu ni hifadhi, ya milele si ya muda,

    Nilikuwa mkimbizi, yangu mapenzi moyoni,
    Kuvizia kama nzi,kinyesi kwao machoni,
    Cheupe kama la nazi,tui lifikapo mbogani,
    Kwako yangu ni hifadhi, ya milele si ya muda,

    Sikuivunja safari, siku liposema nkome,
    Ilikuwa kama sukari,kwa nyuki ndani kikome,
    Nyingine kanza safari,wako wazazi ni ngome,
    kwako yangu ni hifadhi, ya milele si ya muda,

    Hukuona usumbufu, wao kukupa ulinzi,
    Ndugu wazazi ubunifu, kwako wote walisizi,
    Ukanona yakinifu,si fisadi wa azizi,
    Kwako yangu ni hifadhi, ya milele si ya muda,

    Moyo uliufungua, mkimbizi kimapenzi,
    Limzigo ukanitua, ukasema utalienzi,
    Na sasa ninapumua,sina doa kimapenzi,
    Kwako yangu ni hifadhi, ya milele si ya muda,

    Nilitega tendawili, ndani yangu moyoni,
    Miji mingi si miwili,zawadi hadi manyoni,
    Nakumbuka hadi pili,kisa eti maskini,
    Kwako yangu ni hifadhi, ya milele si ya muda,

    Moyo wangu upo kwako, wewe wake mhifadhi,
    Kihalali jipe jiko,kwako yangu ni hifadhi,
    Twenzetu hata moroko,ya kizanziba mahadhi,
    Kwako yangu ni hifadhi, ya milele si ya muda,

    Sina budi kujisifu, lile lako tabasamu,
    mwendo wako yakinifu,kama twiga muasimu,
    shingo lako malikifu,haleluya kwa karimu,
    Kwako yangu ni hifadhi, ya milele si ya muda,

    Sio kana sina vina, kichwani wewe mrembo,
    usokuwa na kifana,la mgema sio tembo,
    njo kwetu pale banana,ya maisha yetu nembo,
    Kwako yangu ni hifadhi, ya milele si ya muda,
     
  2. Dena Amsi

    Dena Amsi JF-Expert Member

    #2
    May 3, 2011
    Joined: Aug 17, 2010
    Messages: 13,139
    Likes Received: 206
    Trophy Points: 160
    Wataalaamu wa Mashairi mpo???!!..
     
  3. afrodenzi

    afrodenzi Platinum Member

    #3
    May 3, 2011
    Joined: Nov 1, 2010
    Messages: 17,782
    Likes Received: 1,672
    Trophy Points: 280
    Yes he is back..
    Kwa poem nakuheshimu. .
     
  4. Magulumangu

    Magulumangu JF-Expert Member

    #4
    May 3, 2011
    Joined: Jan 7, 2010
    Messages: 3,041
    Likes Received: 10
    Trophy Points: 135
    Code:
    
    
    DA nimekukosea au? jamani was just my feelings tu kama inakuboa jamani ukimya unakuwa mzuri sana...pole kama yamekuudhi DA sikuwa na nia mbaya na sitegemei uumizwe na feelings zangu....
     
  5. King'asti

    King'asti JF-Expert Member

    #5
    May 3, 2011
    Joined: Nov 26, 2009
    Messages: 27,045
    Likes Received: 1,240
    Trophy Points: 280
    kuna wanawake wana bahati sana.hongera yake...
     
  6. Magulumangu

    Magulumangu JF-Expert Member

    #6
    May 3, 2011
    Joined: Jan 7, 2010
    Messages: 3,041
    Likes Received: 10
    Trophy Points: 135
    sio kwamba nimerudi, bali yangu imerudi,
    sikutumwa kama radi, bali ni yake miadi,
    Muulize hata hamadi,sifiki kwake ramadi,
    Asante yako heshima, hata wewe lipotea,

    Jamani nilikumisi,mithili yake amali,
    hata dena amusi,kuponda ya si asili,
    tafuta zote kamusi,kithungu na kiswahili,
    Asante yako heshima,hata wewe lipotea,

    Salamu zangu mahili,mpitishie Osama,
    kule aliko kalili,uanzie na Obama,
    wala hakuna dalili,mpokee wetu Rahima,
    Asante yako heshima,hata wewe lipotea,
     
  7. Magulumangu

    Magulumangu JF-Expert Member

    #7
    May 3, 2011
    Joined: Jan 7, 2010
    Messages: 3,041
    Likes Received: 10
    Trophy Points: 135

    strawberry kulamba, avata ya king'asti,
    muumbe wetu rahuba,kama za nuhu nyakati,
    hata wewe kakuumba,kwa ufundi ha mikakati,
    wanawake wenye bahati, wewe ni wao mmoja,

    kioo hakikosei, ukiwa mbele jamani,
    moyo pia hukusei, akwambiapo mwandani,
    msikilize baridei, hata muwapo kigamboni,
    wanawake wenye bahati,hata wewe ni wao mmoja,

    mwandani sipo sifia, njiani wanalopoka,
    wengine hukimbilia,miluzi ya fokafoka,
    kwa nyuma ukijazia,namba nane inaita,
    wanawake wenye bahati,hata wewe ni wao mmoja,

    naomba kura ya ndiyo, nipate wangu uwanja,
    mwambieni hata kihiyo,chakachua siwe tija,
    aliimba hata Kidjo,agolo yake misija,
    wanawake wenye bahati,hata wewe ni wao mmoja,
     
  8. afrodenzi

    afrodenzi Platinum Member

    #8
    May 3, 2011
    Joined: Nov 1, 2010
    Messages: 17,782
    Likes Received: 1,672
    Trophy Points: 280
    mmmmmhhh
    kweli kofia nakuvulia ,
    kwa mashairi umebarikiwa
    heshima busara yako pia..
    Kwa Mungu nakuombea ..
    Azidi kukuongezea...
     
  9. Magulumangu

    Magulumangu JF-Expert Member

    #9
    May 3, 2011
    Joined: Jan 7, 2010
    Messages: 3,041
    Likes Received: 10
    Trophy Points: 135

    nambie mtu wangu,
    namtafuta hapa judith
    ila nasikia anatangaza ndoa,
    sasa sijui itakuwaje,
    au mambo ya Beijing hayo?
     
  10. Sooth

    Sooth JF-Expert Member

    #10
    May 3, 2011
    Joined: Apr 27, 2009
    Messages: 1,892
    Likes Received: 661
    Trophy Points: 280
    Huyajui ya mbele, usiape ya milele,
    Wa kike kama upele, utajikuna upige kelele,
    Uwele si mchele, shida na tabu ni kilele,
    Ya mbele ni kiza, katu huwezi jua

    Kuna tofauti malezi, familia imempatia,
    Kuna kama walevi, bila sababu hulia,
    Pia kuna wezi, mfukoni kucha hupitia,
    Ya mbele ni kiza, katu huwezi jua

    Wengine wana dharau, tena si wakarimu,
    Naomba msinihukumu, tatizo ni baadhi yenu,
    Kwa dhati nawaheshimu, nyie viumbe adhimu
    Ya mbele ni kiza, katu huwezi jua

    Magulumangu unaweza, vina vimekamilika,
    Kwenye mizani umecheza, kama messi unaweza,
    Mji nakupa Muheza, kwenye mnazi nakukweza,
    Ya mbele ni kiza, katu huwezi jua
     
  11. afrodenzi

    afrodenzi Platinum Member

    #11
    May 3, 2011
    Joined: Nov 1, 2010
    Messages: 17,782
    Likes Received: 1,672
    Trophy Points: 280
    hahahah JUdith yupo
    Nilimuona jana maeneo
    ya kwenye siasa kule
    Soshi ndo anakuja na kuondoka
    hakai sana humu ndani siku hizi
    we mzima kabisa lakini??
     
  12. Dena Amsi

    Dena Amsi JF-Expert Member

    #12
    May 3, 2011
    Joined: Aug 17, 2010
    Messages: 13,139
    Likes Received: 206
    Trophy Points: 160
    Pole bana usingizi ulikuwa unasumbua.......pole
     
  13. Magulumangu

    Magulumangu JF-Expert Member

    #13
    May 3, 2011
    Joined: Jan 7, 2010
    Messages: 3,041
    Likes Received: 10
    Trophy Points: 135
    Mti ulioutua,nadhani upo urimbo,
    Fanya uje tutumua,asijekuwa mrembo,
    wa kike hatosumbua,iwapo huna uringo,
    Niliyaona ya mbele,kioo yeye mrembo,

    Tofauti ni malezi,hilo nakupa hakika,
    Hata kunguru wa mbezi,hafai ye kufugika,
    Wale ulotaja wezi,ukahaba huupika,
    Niliyaona ya mbele,kioo yeye mrembo,

    Wewe unawaheshimu,hilo mkono nanyosha,
    Wao viumbe adhimu,ndo mama yetu maisha,
    kamwe huna hukumu,mfano lulu na isha,
    Niliyaona ya mbele,kioo yeye mrembo,

    Mesi namfagilia,drogba naye ayaweza,
    Ngondya mwana aslia,nilishapita muheza,
    minazi napalilia,muulize hata mbiza,
    Niliyaona ya mbele,kioo yeye mrembo,
     
  14. Magulumangu

    Magulumangu JF-Expert Member

    #14
    May 3, 2011
    Joined: Jan 7, 2010
    Messages: 3,041
    Likes Received: 10
    Trophy Points: 135
    Du kumbe usinginzi unazaa hasira basi mie siupendi hahahaha
     
  15. Magulumangu

    Magulumangu JF-Expert Member

    #15
    May 3, 2011
    Joined: Jan 7, 2010
    Messages: 3,041
    Likes Received: 10
    Trophy Points: 135

    Nilipitia mitaa ya SIASA duh kina Nnauye wakanitoa eti mi Magamba,
    Soshi yeye sijui inakuwaje anakuja na kupotea,
    anyway hata mie nipo nipo tu si unajua tena umalenga si lele mama..
    Nilikuwa pale DC jana kuonyesha kuwaunga mkono Marekani kwa kumnasa Osama nikitokea Itale pale kumu beatificate Pope II nikiwa na Robert mwana wa Mugabe....
     
  16. birungi

    birungi JF-Expert Member

    #16
    May 3, 2011
    Joined: Oct 6, 2010
    Messages: 388
    Likes Received: 1
    Trophy Points: 35
    wapi babu?? aje aweke shairi la bibi
    magulumangu big up sana

    hii ni zawadi yako
    kwa hiyo tungo yako
    mungu ajibu hitaji lako
    azidishe maradufu furaha yako.
     
  17. Magulumangu

    Magulumangu JF-Expert Member

    #17
    May 3, 2011
    Joined: Jan 7, 2010
    Messages: 3,041
    Likes Received: 10
    Trophy Points: 135
    Babu bado yu na bibi,wafurahia maisha,
    wameenzi kama zinabi,mapenzi yao toisha,
    babu asiye kitambi,mazoezi kwake toisha,
    Asante mwana birungi,karibu umalengani,

    mungu baba hujibu,kila mwenye kuhitaji,
    mwenye dhambi pata jibu,bila hata nidi taji,
    weusi hata warabu,kwake yeye si miraji,
    Asante mwana birungi,karibu umalengani,
     
Loading...