Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kwa kitendo hiki nasema Hongera JK

Discussion in 'Jukwaa la Siasa' started by Mugishagwe, Sep 10, 2006.

  1. M

    Mugishagwe JF-Expert Member

    #1
    Sep 10, 2006
    Joined: Apr 28, 2006
    Messages: 295
    Likes Received: 7
    Trophy Points: 0
    Baada ya kusoma hii habari kweli nimesisimka mwili kwa moyo huu nasema Hongera JK na wako wengi wenye matatizo ila ndiyo hivyo wako zaidi ya Sikonge .

    2006-09-10 09:55:19
    Na Mwandishi Maalum


    Rais Jakaya Kikwete, ameahidi kusaidia kutafuta wafadhili wa kuwezesha upatikanaji wa mashine katika Idara ya Upasuaji Bandia katika hospitali ya Taifa Muhimbili.

    Rais Kikwete ametoa ahadi hiyo baada ya kufurahishwa na namna madaktari wa hospitali hiyo walivyomtibu mtoto Bakari Hamis Katumbaku, mkazi wa Sikonge, mkoani Tabora.

    Aliushukuru uongozi wa hospitali hiyo, hususan Profesa Atef Amin na Dk. Laurean Rwanyuma kutokana na kufanikisha upasuaji kwa mtoto huyo na hivyo kumrejesha katika hali yake ya kawaida.

    Rais Kikwete alisema kutokana na furaha yake hiyo na kuridhishwa na kazi kubwa inayofanywa na madaktari katika hospitali ya Taifa Muhimbili, anauagiza uongozi wa hospitali hiyo, kufanya utafiti wa kina wa gharama za baadhi ya mashine muhimu zinazohitajika katika Idara ya Upasuaji Bandia (Plastic Surgery).

    Alisema yeye atawatafuta watu wenye mapenzi mema ili wagharamie mashine hizo.
    Alitoa shukrani hizo na agizo hilo juzi jioni wakati akimkaribisha mtoto Bakari Ikulu kwa lengo la kumjulia hali na kuagana naye baada ya kukamilika kwa matibabu yake.

    Mtoto huyo alifika Ikulu akifuatana na mama yake, Bi. Aziza Katumbaku, Daktari wake, Laurean Rwanyuma na Muuguzi, Bi. Ritha Kitama.

    Profesa Atef Amin ambaye ni raia wa Misri hakuweza kufika kutokana na majukumu hospitalini hapo.

    Rais alimuona mtoto Bakari akitembea vizuri bila dalili zozote za kujikunja au maumivu kama alivyomuona mara ya kwanza kule Sikonge.

    ’’Nashukuru sana, umepona kabisa? Daktari nashukuru sana. Nilipomuona mara ya kwanza Sikonge, hali yake ilikuwa mbaya, alikuwa akitembea kwa kuinama na akajitahidi kunikimbilia kama watoto wenzake lakini kwa taabu sana. Nikasema Mungu akijalia nitakusaida, Mungu mkubwa, nimefurahi sana,’’ alisema.

    Akitoa shukrani zake kwa Rais, mtoto Bakari ambaye alikumbatiana kwa furaha na Rais kama Baba na mwanae, alisema; ’’nakushukuru sana, Rais, Mungu akujalie, sina cha kusema nakushukuru sana. Nimefurahi sana,’’

    Naye Mama wa Bakari alisema ’’Nakushukuru sana na kukupongeza kwa kutimiza ahadi yako, haikuwa rahisi kwangu kuamini pale nilipoletewa taarifa kwamba umeagiza tuje Muhimbili kwa matibabu. Sikutegemea kama mtoto wangu leo angeweza kutembea vizuri kama watoto wenzake,’’ alisema.

    Katika maelezo yake kwa Rais kuhusu upasuaji aliofanyiwa mtoto Bakari aliyeungua moto wakati akiwa na umri wa miaka sita na kumsababishia maumivu makali yaliyomfanya ashindwe kutembea vizuri, alisema, Idara ya Upasuaji katika hospitali hiyo, haina mashine muhimu ambazo zingesaidia sana kuokoa maisha ya Watanzania wengi hususan wale wanaopata ajali za kuungua moto na kupoteza asilimia kubwa ya ngozi zao.

    Dk. Rwanyuma alisema Idara hiyo ambayo hadi miaka ya hivi karibuni ilikuwa haina wataalamu wa upasuaji bandia, isipokuwa wale wa kutoka nchini Misri, inahitaji mashine zinazoweza kuotesha ngozi au kuitanua hususan pale mgonjwa anapokuwa amepoteza asilimia zaidi ya 80 ya ngozi yake.

    Aidha, alisema pamoja na kupatikana kwa mashine hizo, pia mafunzo yanahitajika ili kuweza kupata wataalamu wengi zaidi katika idara hiyo.

    Alisema hali hiyo itasaidia mno katika si tu kuokoa maisha ya Watanzania bali pia kurekebisha viungo.

    SOURCE: Nipashe
     
  2. t

    tafiti then jadili Senior Member

    #2
    Sep 10, 2006
    Joined: Aug 24, 2006
    Messages: 119
    Likes Received: 2
    Trophy Points: 0
    Naungana nawe kutoa pongezi kwa JK lakini swali ni kuwa wataaalam husika walikuwa wapi mpaka rais kuingilia kati?!!
     
  3. K

    Kimbembe Senior Member

    #3
    Sep 10, 2006
    Joined: May 14, 2006
    Messages: 122
    Likes Received: 0
    Trophy Points: 0
    Maswali yako duh !!!!
    Swala si la wataalam husika swala ni umasikini uliokithiri maana huyo Mama alitaka kwenda hospital na nadhani alisha enda huko Tabora na madaktari wanajua hilo na watakuwa walimweleza kwamba inawezekana lakini pesa zinatakiwa .Sasa wataalam wa nini kwenye hili ? Hapa ni umasikini Mana kuweza kulipia matibabu.
     
  4. K

    Kulikoni JF-Expert Member

    #4
    Sep 10, 2006
    Joined: Aug 28, 2006
    Messages: 203
    Likes Received: 0
    Trophy Points: 33
    tafiti,

    nadhani hatuwezi kuwalaumu wataalam in this particular case. Maana wao wako Muhimbili na huyu kijana alikuwa Tabora. Hata hawawezi kujua of his case mpaka iwe referred kwao. Case ilipoletwa kwao, na gharama ikawa si issue, wamefanya vitu vyao! Pia imetuonyesha kuwa wataalam tunao nchini.

    Yes, kwa hili JK anastahili hongera. It shows the kind of heart you have .. may the same spirit prevail in tackling matatizo na kero nyingine za wananchi. Yaani zikuguse kama lilivyokugusa hili na uwe na azma ya dhati ya kuzitatua. Penye nia ipo njia.

    In your position, you should aim in changing the system in general ili hawa akina Sikonge iwe hawahitaji tena mpaka rais atoe agizo kuwa waletwe muhimbili kwa matibabu.
     
  5. Kitila Mkumbo

    Kitila Mkumbo Verified User

    #5
    Sep 10, 2006
    Joined: Feb 25, 2006
    Messages: 3,344
    Likes Received: 41
    Trophy Points: 145
    safi. Lakini sasa nahisi kuna kina-Bakari wengi sana ambao kamwe hawataweza kumuona Rais. Tatizo langu ni hii tabia iliyozuka ya kutatua matatizo kwa mtindo wa matukio. Nilifikiri angemtumia Rashid kama case study ili aibuke na sera ya kuboresha huduma zetu na namna ya serikali kugharamia matibabu kama haya kisera. Ili kwamba hata akija Rais asiye na 'huruma' kama yeye bado watu waendelee kupata huduma kwa mujibu wa sheria na sera zinaongoza sekta ya afya.
     
  6. Mlalahoi

    Mlalahoi JF-Expert Member

    #6
    Sep 12, 2006
    Joined: Aug 31, 2006
    Messages: 1,916
    Likes Received: 157
    Trophy Points: 160
    Ahadi nyingine ya JK...hivi hii ni ya ngapi vile tangu aingie madarakani?Mnapongeza ahadi au utekelezaji wa ahadi?Beware of populist politicians,they wont hesitate taking advantage of your problems in advancing their own populist agenda.
     
  7. mende 2014

    mende 2014 JF-Expert Member

    #7
    Oct 2, 2014
    Joined: Apr 13, 2014
    Messages: 757
    Likes Received: 29
    Trophy Points: 45
    Hii ahadi ilitekelezwa ama ilikuwa ahadi hewa?
     
  8. g

    guasa JF-Expert Member

    #8
    Oct 3, 2014
    Joined: Dec 30, 2013
    Messages: 1,870
    Likes Received: 17
    Trophy Points: 0
    hongera muheshimiwa raisi
     
  9. v

    vmjwahuzi Senior Member

    #9
    Oct 3, 2014
    Joined: Aug 25, 2014
    Messages: 152
    Likes Received: 5
    Trophy Points: 35
    Mimi naubgana na wewe kabisa.huwezi kumpongeza jk kwa particular case ya mtu 1 2 3 au 20 wakat ni rais wa watz wote.je aliyeko songea bk mwza etc siwanahitaji matibabu?kutibiwa haitakiwi kuwa huruma ya rahisi ni wajibu wa serikali kwa watu wake
     
  10. Uso wa nyoka

    Uso wa nyoka JF-Expert Member

    #10
    Oct 3, 2014
    Joined: Mar 17, 2014
    Messages: 4,542
    Likes Received: 1,216
    Trophy Points: 280
    Angalau mwanzisha thread amekuwa muungwana kwa kuangazia mema ya
    kiongozi huyu ambayo kwa kiasi kikubwa yanajaribu kufunikwa na watu
    wachache wanaojitahidi kuyatafuta mabaya tu!
     
  11. Mapengo 17

    Mapengo 17 JF-Expert Member

    #11
    Oct 3, 2014
    Joined: Mar 28, 2014
    Messages: 1,234
    Likes Received: 11
    Trophy Points: 0
    Ahadi nyingi ni hewa tu
     
  12. Uso wa nyoka

    Uso wa nyoka JF-Expert Member

    #12
    Oct 3, 2014
    Joined: Mar 17, 2014
    Messages: 4,542
    Likes Received: 1,216
    Trophy Points: 280
    Ni vigumu kwa Rais kumhudumia kila Mtanzania moja kwa moja. Hiyo ni ngumu hata huko Marekani ambako uchumi uko juu zaidi yetu. Lakini mambo madogo kama hili alilofanya Rais yanasaidia kuona nia aliyonayo katika kusaidia pamoja na changamoto zilizopo katika taasisi husika pamoja na serikali kutokana na uchumi.
    Rais kujitolea kumtibu, na pia kuagiza vifaa vya matibabu hayo viorodheshwe ili viletwe, huoni kuwa vitasaidia wengi angalau hata kama ni kwa gharama? Je kama angeamua kunyamaza, yote haya yangetokea? Lets view things from a positive perspective
     
Loading...