Kifo cha Lowassa kuombolezwa kwa Siku 5 kuanzia leo

[BARD AI]

Rais wa Tanzania Dkt. Samia Suluhu Hassan ametangaza siku tano za maombolezo kuanzia leo February 10,2024 kufuatia kifo cha Waziri Mkuu Mstaafu wa Tanzania, Edward Lowassa (70) ambaye amefariki Dunia saa nane mchana leo katika Taasisi ya Moyo ya Jakaya Kikwete (JKCI) Jijini Dar es Salaam alipokuwa akipatiwa matibabu.

Taarifa zaidi zimeeleza kuwa kiongozi huyo mstaafu alikuwa akisumbuliwa na tatizo la kujikunja utumbo, homa za mapafu na shinikizo la damu.

Katika kipindi cha siku tano zote za maombolezo bendera zitapepea nusu mlingoti Nchi nzima.

Soma:
- News Alert: - Edward Lowassa (Waziri Mkuu Mstaafu na Mgombea Urais wa CHADEMA 2015) afariki dunia

 

[LOTH HEMA]

Anastahili heshima hiyo ya kuombolezwa kitaifa na bendera kupepea nusu mlingoti, alikuwa ni kiongozi mkubwa wa kitaifa

 

[wa ukae]

Inauma inasikitisha sana ila hatuna budi Mwenyezi Mungu aiweke roho yake mahali pema peponi "Ameen"

 

[Gilbert A Massawe]

RIP MZEE EL

 

[Kimwakaleli]

Hakika kifo hakizoeleki!

 

[Hismastersvoice]

Jumatatu iwe siku ya mapumziko ili wananchi wakauage mwili wake.

 

[Mtanzania2020]

R.I.P

 

[Lambardi]

Apumzike kwa amani.....ENL

 

[Oppomall]

Rais wa Tanzania Dkt. Samia Suluhu Hassan ametangaza siku tano za maombolezo kuanzia leo February 10,2024 kufuatia kifo cha Waziri Mkuu Mstaafu wa Tanzania, Edward Lowassa (70) ambaye amefariki Dunia saa nane mchana leo katika Taasisi ya Moyo ya Jakaya Kikwete (JKCI) Jijini Dar es Salaam alipokuwa akipatiwa matibabu.

Taarifa zaidi zimeeleza kuwa kiongozi huyo mstaafu alikuwa akisumbuliwa na tatizo la kujikunja utumbo, homa za mapafu na shinikizo la damu.

Katika kipindi cha siku tano zote za maombolezo bendera zitapepea nusu mlingoti Nchi nzima.

Pumzika kwa amani Mzee Lowasa

 

[Sangizi]

Pumzika kwa amani Lowassa, moja ya kiongozi bora kabisa kuwahi kuwa nae.

 

[Faana]

Waziri Mkuu Mstaafu wa Tanzania, Edward Lowassa (70) ambaye amefariki Dunia saa nane mchana leo katika Taasisi ya Moyo ya Jakaya Kikwete (JKCI) Jijini Dar es Salaam alipokuwa akipatiwa matibabu.

Alikwenda hata kumuona kweli?

 

[Twilumba]

Katika kipindi cha siku tano zote za maombolezo bendera zitapepea nusu mlingoti Nchi nzima

Hekima ni kipimo cha utu,
Asante kwa hili SSH, Rais wangu!

 

[Emanueli misalaba]

Mzee wetu Mh Lowassa pumzika kwa amani, miongoni mwa alama ulizoacha ni uazishwaji wa shule za secondary za Kata nchi zima.

 

[Mtoto halali na hela]

Apumzike kwa Amani

 

[Isanga family]

Mzee Lowassa alikua kichwa sana niliwahi kumsikiliza akisema Maji ya Ziwa Victoria tutayatumia iwe isiwe haiwezekani chanzo cha maji kiwe Tanzania harafu Geita hakuna maji akiwa PM baadae kweli mkataba wao wa kibepari wakakubali baada ya kwenda kuwaomba...

 

[avogadro]

Hiki ni kipimo kwa wale wanaoandaa maandamano huko Mwanza ,ambao Wana viongozi wa Kanda wanaoishi marekani wanaongoza Kanda ya Victoria kwa remote. Je ! Wataomboleza mgombea uraisi wao au wataendelea na fujo za maandamano?

 

[dingihimself]

Daah! Apumzike kwa amani! Mzee Edo.! Sitasahau ulivobadili gia angani

 

[thatHUMBLEguy]

Mambo matatu Daima yatamfanya ENL akumbukwe daima.

1. Msimamo wake imara wa Maji ya Lake Victoria kuanza kusambazwa nchini;

2. 2015, Kuitikisa CCM, Kuupa nguvu Upinzani na kuupumbaza pale ilipoporwa ushindi.

3. Kuhamia kwake CHADEMA, kulipelekea kufa CUF, Kukua ACT, Watanzania kupoteza imani na Siasa za Tanzania, madhala ambayo yanaishi hadi leo.

Historia ya Siasa nchi hii haitolisahau jina lake.

Apumzike kwa amani.

 

[rubii]

Atangaze na mapumziko tupumzike hata siku 2 kumuenzi Ndugu Lowasa.

 

[Vishu Mtata]

Sasa jumatatu ni siku ya kazi au siyo?
Waweke wazi hapo.

RIP kwake, ila 70 yrs ni mingi acha apumzike tu.