Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kamati za bunge na majukumu yake ,muongozo wake na muundo wake

Discussion in 'Jukwaa la Siasa' started by AMARIDONG, Feb 10, 2011.

  1. AMARIDONG

    AMARIDONG JF-Expert Member

    #1
    Feb 10, 2011
    Joined: Jun 24, 2010
    Messages: 2,507
    Likes Received: 21
    Trophy Points: 0
    NAOMBA TUZIJUE KAMATI ZA BUNGE HALAFU TUANGALIE WALE WALIOCHAGULIWA JANA WANAWEZA KUFANYA KAZI WALIZOPEWA AU???



    KAMATI ZA BUNGE: MUUNDO NA MAJUKUMU YAKE
    1.0 UTANGULIZI:
    1.1 Bunge la Jamhuri ya Muungano wa Tanzania ni Chombo Kikuu cha
    Kikatiba kwa mujibu wa Katiba ya Jamhuri ya Muungano wa Tanzania
    ya mwaka 1977 pamoja na mabadiliko yote yaliyofanywa hadi tarehe
    20 June, 2005. Maelezo ya kina kuhusu Bunge na mamlaka yake
    yametolewa katika Sura ya Tatu ya Katiba kuanzia Ibara ya 62 hadi
    101.
    1.2 Bunge kwa hadhi yake ya Kikatiba ni moja ya Mihimili Mitatu
    Mikuu ya Nchi ambayo ni Mamlaka Kamili (Sovereign State).
    Mihimili hiyo kwa pamoja ni:
    1.2.1 Bunge (Parliament) ambalo ni Mamlaka ya Kutunga Sheria
    Nchini.
    1.2.2 Mahakama (Judiciary) ambayo ndiyo Mamlaka ya Kutafsiri
    Sheria na kutoa Haki Nchini.
    1.2.3 Serikali (Executive) ambayo ndiyo Mamlaka ya kutekeleza
    Sheria na Mambo mengine ya kiutendaji ya Serikali.
    1.3 Mamlaka yote yanavyotekelezwa na kila Mhimili yamewekewa
    mifumo na taratibu ambazo zinaonyesha waziwazi mwanzo na
    ukomo wa utekelezaji wa madaraka ya kila Mhimili.
    3
    2.0 MAJUKUMU YA JUMLA YA BUNGE
    Majukumu ya jumla ya Bunge yameainishwa katika Ibara 63(2) ya Katiba
    kama ninavyoyanukuu hapa chini nikiacha sehemu moja ya Bunge ambayo ni
    Rais na madaraka yake ya Kikatiba:
    (2) Sehemu ya pili ya Bunge itakuwa ndicho Chombo Kikuu cha Jamhuri ya
    Muungano ambacho kitakuwa na madaraka, kwa niaba ya Wananchi,
    kuisimamia na kuishauri Serikali ya Jamhuri ya Muungano na vyombo
    vyake vyote katika utekelezaji wa majukumu yake kwa mujibu wa Katiba
    hii.
    (3) Kwa madhumuni ya utekelezaji wa madaraka yake Bunge laweza:-
    (a) Kumwuliza Waziri yeyote swali lolote kuhusu mambo ya
    umma katika Jamhuri ya Muungano ambayo yako katika
    wajibu wake,
    (b) Kujadili utekelezaji wa kila Wizara wakati wa Mkutano wa
    Bunge wa kila mwaka wa Bajeti;
    (c) Kujadili na kuidhinisha mpango wowote wa muda mrefu au
    wa muda mfupi unaokusudiwa kutekelezwa katika Jamhuri ya
    Muungano na Kutunga Sheria ya kusimamia utekelezaji wa
    mpango huo;
    (d) Kutunga Sheria pale ambapo utekelezaji unahitaji kuwapo
    Sheria;
    (e) Kujadili na kuridhia Mikataba yote inayohusu Jamhuri ya
    Muungano na ambayo kwa masharti yake inahitaji kuridhiwa.
    4
    3.0 MFUMO WA UTEKELEZAJI WA MAJUKUMU YA BUNGE
    Kwa upande wa utekelezaji wa Majukumu ya Bunge, Katiba vilevile imeweka
    mfumo na utaratibu ambao unahakikisha utekelezaji wenye ufanisi. Maeneo
    hasa ambayo yanahusika na kifungu hiki ni Ibara ya 89 ambayo inazungumzia
    Kanuni za Kudumu za Bunge; Ibara ya 92 kuhusu Mikutano ya Bunge na
    Ibara ya 96 inayohusu Kamati za Kudumu za Bunge
    3.1 KANUNI ZA KUDUMU ZA BUNGE
    Kama inavyotamkwa na Katiba, Bunge limetunga Kanuni ambazo
    zinaongoza utekelezaji wa majukumu yake. Kanuni hizo huwa
    zinafanyiwa mapitio ili ziwe za wakati kwa kuzingatia ukomavu wa
    kisiasa ndani ya Bunge na mabadiliko ya jumla katika nyakati hizi za
    utandawazi. Kanuni kwa jinsi zilivyo, zimeainisha waziwazi kuhusu
    Bunge na Kamati zake litakavyotekeleza mamlaka yake.
    3.2 MIKUTANO YA BUNGE
    Katiba vilevile katika Ibara ya 92 imetamka jinsi Bunge linavyoweza
    kujiwekea utaratibu wa Mikutano yake ili litekeleze Mamlaka yake ya
    Kutunga Sheria na kusimamia utekelezaji wa Serikali kwa ufanisi; kwa
    niaba ya Wananchi. Kwa ajili ya msisitizo kuhusu mfumo wa
    utekelezaji wa majukumu yake, Bunge limeweka Kanuni za kuongoza
    jukumu hili kama ilivyoanishwa katika Sehemu ya Tatu ya Kanuni za
    Kudumu za Bunge Toleo ya 2004 — Kanuni ya 18 mpaka 22.
    5
    3.3. MUUNDO WA KAMATI ZA BUNGE
    Kwa mujibu wa Katiba Ibara ya 96, Bunge limepewa madaraka ya
    kuunda Kamati za Bunge za aina mbalimbali na kwamba muundo wa
    Kamati hizo umefafanuliwa na Kanuni za Kudumu za Bunge. Kwa
    hiyo, kwa mujibu na Kanuni za Bunge, Kamati zifuatazo
    zimebainishwa:
    3.3.1 KAMATI ZA KUDUMU
    3.3.1.1 Bunge kwa mujibu wa Kanuni ya 89 limeunda Kamati 15
    zifuatazo:
    (i) Kamati ya Uongozi;
    (ii) Kamati ya Fedha na Uchumi;
    (iii) Kamati ya Katiba, Sheria na Utawala;
    (iv) Kamati ya Hesabu za Serikali;
    (v) Kamati ya Uwekezaji na Biashara;
    (vi) Kamati ya Mambo ya Nchi za Nje;
    (vii) Kamati ya Kanuni za Bunge;
    (viii) Kamati ya Ulinzi na Usalama;
    (ix) Kamati ya Haki, Maadili na Madaraka ya Bunge;
    (x) Kamati ya Huduma za Jamii;
    (xi) Kamati ya Maliasili na Mazingira;
    (xii) Kamati ya Maendeleo ya Jamii;
    (xiii) Kamati ya Hesabu za Serikali za Mitaa;
    (xiv) Kamati ya Kilimo na Ardhi;
    (xv) Kamati ya Miundombinu.
    3.3.2.1 Aidha, Kanuni 88(12) imetoa fursa kwa kila Kamati kuunda
    Kamati Ndogo kwa ajili ya uendeshaji bora wa shughuli
    zake.
    6
    3.3.2 KAMATI TEULE
    Kamati Teule zimewekewa utaratibu wa kuundwa katika Kanuni ya 104. Kwa
    mujibu wa Kanuni hii Kamati Teule itaundwa na Bunge kwa madhumuni
    maalum, kwa hoja mahsusi itakayotolewa kwa ajili hiyo na kuafikiwa. Aidha,
    Kamati Teule inaweza kuundwa kama Bunge litaamua kwamba hoja fulani
    iliyojadiliwa ikafanyiwa kazi zaidi na Kamati Teule. Kamati Teule hukoma
    mara imalizapo kufanya kazi iliyopangiwa na Bunge.
    Katika vifungu vinavyofuata, mada hii itajihusisha zaidi na Kamati za
    Kudumu. Kwa mantiki hii, basi vifungu vilivyotangulia vihesabiwe kama ni
    vifungu vya kufungua macho tu na kuona jinsi Bunge lenyewe, Kamati na
    Kanuni zake zivyopewa uzito Kikatiba.
    4.0 MAJUKUMU YA MSINGI NA YA JUMLA YA KAMATI
    4.1 Kwa mujibu wa mgawanyo wa Mamlaka kama ilivyoainishwa katika
    vifungu vilivyotangulia, Bunge na Kamati zake za Kudumu hufanya
    kazi za kusimamia Utendaji wa Serikali kwa niaba ya Wananchi.
    Bunge na Kamati zake ndiyo darubini (Oversight or Watch-dog organ)
    ya kuhakikisha kwamba mambo yote ya uendeshaji wa kazi za Dola
    unafanywa kwa kuzingatia Katiba, Sheria na Kanuni zilizowekwa.
    Kwa hiyo, kuna majukumu ambayo hutekelezwa na Bunge lenyewe na
    baadhi ya majukumu ambayo utekelezaji wake ni wa siku hadi siku
    yanashughulikiwa na Kamati za Kudumu.
    7
    4.2 Kila Kamati ya Kudumu ma majukumu ya msingi na inalo jukumu la
    jumla la kufuatilia utekelezaji wa Ahadi za Serikali zilizotolewa
    Bungeni ambazo zinagusa mambo yaliyo katika Mamlaka ya Kamati
    inayohusika. Aidha, Kamati inaweza kupendekeza kwa Spika
    nyongeza ya majukumu ambayo yatajitokeza katika kutekeleza
    majukumu ya msingi. Kwa upande mwingine, Spika anaweza
    kukabidhi jambo lingine lolote kwa Kamati yoyote kama atakavyoona
    inafaa, kwa ajili ya kushughulikiwa na Kamati hiyo, kwa mujibu wa
    Kanuni za Kudumu za Bunge Kanuni ya 90(1) na (2).
    5.0 AINA YA KAMATI NA KAZI ZAKE
    5.1 AINA YA KAMATI
    Kamati za Kudumu za Bunge ambazo ziko Kumi na Tano
    (15) kama ilivyoelezwa katika Kifungu cha 3.3.1 zinaweza
    kugawanyika katika makundi matatu (3):
    (a) Kamati zenye Majukumu ya Msingi ya kushughulikia mambo ya
    Ndani ya Bunge (Parliamentary Institutional Functions).
    (b) Kamati zenye Majukumu ya Msingi ya Kusimamia Uendeshaji
    wa Shughuli za Serikali (Oversight or Watch-dog Functions) au
    Kamati zenye “Portfolio”.
    (c) Kamati zenye Majukumu ya Msingi yanayohusu Maeneo
    Maalum yanayogusa Uendeshaji wote wa Serikali (Specific
    Oversight or Watch-dog Functions).
    8
    5.1.1 KAMATI ZENYE MAJUKUMU YA MSINGI YA
    KUSHUGHULIKIA MAMBO YA NDANI YA BUNGE
    (PARLIAMENTARY INSTITUTIONAL FUNCTIONS)
    Ziko Kamati Tatu (3) zenye majukumu ya aina hii nazo ni:
    (i) Kamati ya Uongozi
    (1) Wajumbe wake ni:
    (a) Spika, ambaye ndiye Mwenyekiti,
    (b) Naibu Spika
    (c) Kiongozi wa shughuli za Serikali
    Bungeni au Mwakilishi wake;
    (d) Kiongozi wa Upinzani Bungeni au
    Mwakilishi wake;
    (e) Wenyeviti wa Kamati za Kudumu;
    (f) Mwanasheria Mkuu wa Serikali;
    (2). Katibu
    Katibu wa Bunge ndiye Katibu wa Kamati
    (3) Majukumu ya Kamati
    Majukumu ya Kamati ya Uongozi ni kufikiria na kumshauri
    Spika kuhusu mambo yote yanayohusu shughuli za Bunge
    kwa jumla; ikiwa ni pamoja na kuweka utaratibu
    utakaorahisisha maendeleo ya shughuli za Bunge au za
    Kamati yake yoyote endapo itatokea haja ya kufanya hivyo.
    9
    (ii) Kamati ya Kanuni za Bunqe
    (1) Wajumbe wa Kamati wanateuliwa na Spika na Mwenyekiti
    wake ni Spika na Naibu Mwenyekiti ni Naibu Spika.
    (2) Katibu huteuliwa na Ofisi ya Spika
    (3) Majukumu ya Kamati
    (a) Kufikiria na kutoa mapendekezo juu ya kufanya
    mabadiliko katika Kanuni za Bunge.
    (b) Kuchunguza na kutoa taarifa juu ya pendekezo
    lolote linalohusu Kanuni za Bunge ambalo
    limepelekwa kwenye Kamati hiyo na Spika au
    na Mbunge yeyote.
    (c) Kuchunguza na kutoa taarifa juu ya lalamiko lolote
    kuhusu uamuzi wa Spika ambalo limepelekwa
    kwake na Mbunge yeyote.
    (iii) Kamati ya Haki, Maadili na Madaraka ya Bunge
    (1) Wajumbe wake huteuliwa na Spika.
    (2) Katibu huteuliwa na Ofisi ya Spika.
    (3) Majukumu ya Kamati;
    (a) Kuchuguza masuala yote yahusiyo Haki,
    Kinga na
    10
    Madaraka ya Bunge yanayopelekwa kwake na
    Spika;
    (b) Kushughulikia mambo yanayohusu Maadili ya
    Wabunge;
    (c) Kufikiria jambo lingine lolote litakalopelewa
    kwake na Spika
    5.1.2 KAMATI ZENYE MAJUKUMU YA MSINGI YA
    KUSHUGHULIKIA UENDESHAJI WA SERIKALI
    (OVERSIGHT OR WATCH-DOG FUNCTIONS) AU
    KAMATI ZENYE “PORTFOLIO”
    Ziko Kamati Kumi (10) katika aina hii ya Kamati kama
    ifuatavyo:
    (i) Kamati ya Fedha na Uchumi
    Kamati hii hushughulikia Wizara hizi:
    (a) Wizara ya Fedha;
    (b) Wizara ya Mipango, Uchumi na
    Uwezeshaji.
    (ii) Kamati ya Katiba, Sheria na Utawala
    Kamati hii hushughulikia Wizara hizi:
    (a) Ofisi ya Rais (Siasa na Uhusiano wa Jamii,
    UTUMISHI na Utawala Bora);
    (b) Ofisi ya Makamu wa Rais (Muungano);
    11
    (c) Ofisi ya Waziri Mkuu (Tawala za Mikoa na
    Serikali za Mitaa, Bunge, Maafa na Kampeni
    Dhidi ya UKIMWI).
    (d) Wizara ya Katiba na Sheria.
    (iii) Kamati ya Uwekezaji na Biashara
    Kamati hii hushughulikia Wizara hizi:
    (a) Wizara ya Viwanda, Biashara na Masoko;
    (b) Wizara ya Nishati na Madini.
    (iv) Kamati ya Mambo ya Nchi za Nje
    Kamati hii hushughulikia Wizara hizi:
    (a) Wizara ya Mambo ya Nchi za Nje na
    Ushirikiano wa Kimataifa.
    (b) Wizara ya Ushirikiano wa Afrika Mashariki.
    (v) Kamati ya Ulinzi na Usalama.
    Kamati hii hushughulikia Wizara hizi:
    (a) Wizara ya Ulinzi na Jeshi la Kujenga Taifa;
    (b) Wizara ya Mambo ya Ndani ya Nchi;
    (c) Wizara ya Usalama wa Raia.
    12
    (vi) Kamati ya Huduma za Jamii
    Kamati hii hushughulikia Wizara hizi:
    (a) Wizara ya Afya na Ustawi wa Jamii;
    (b) Wizara ya Sayansi, Teknolojia na Elimu ya
    Juu;
    (c )Wizara ya Elimu na Mafunzo ya Ufundi.
    (vii) Kamati ya Mahasili na Mazinqira
    Kamati hii hushughulikia Wizara hizi:
    (a) Ofisi ya Makamu wa Rais (Mazingira);
    (b) Wizara ya Maliasili na Utalii.
    (viii) Kamati va Maendeleo ya Jamii
    Kamati hii hushughulikia Wizara hizi:
    (a) Wizara ya Maendeleo ya Jamii, Jinsia na
    Watoto;
    (b) Wizara ya Kazi, Ajira na Maendeleo ya
    Vijana;
    (c) Wizara ya Habari, Utamaduni na Michezo.
    (ix) Kamati ya Kilimo na Ardhi
    Kamati hii hushughulikia Wizara hizi:
    (a) Wizara ya Ardhi na Maendeleo ya Makazi;
    (b) Wizara ya Kilimo, Chakula na Ushirika;
    13
    (c) Wizara ya Maji;
    (d) Wizara ya Maendeleo ya Mifugo.
    (x) Kamati ya Miundombinu.
    Kamati hii hushughulikia Wizara hizi:
    Wizara ya Miundombinu (Ujenzi,Mawasiliano
    na Uchukuzi).
    5.1.2 KAMATI ZENYE MAJUKUMU YA MSINGI
    YANAYOHUSU MAENEO MAALUMU
    YANAYOGUSA UENDESHAJI WOTE WA
    SERIKALI (SPECIFIC OVERSIGHT OR WATCH-DOG
    FUNCTIONS)
    Kamati zinazohusika na aina hii ya majukumu ni hizi:
    (i) Kamati ya Hesabu za Serikali
    Kamati hii ina majukumu yafuatayo.
    (a) Kushughulikia maeneo yenye matatizo sugu
    yaliyoainishwa katika Taarifa ya Mkaguzi na Mdhibiti
    Mkuu wa Serikali kuhusu Serikali Kuu.
    (b) Kufuatilia utekelezaji wa mapendekezo yaliyokwisha
    kutolewa na Kamati hiyo ya kuondoa matatizo husika, ili
    yasionekane tena katika Taarifa zitakazofuata.
    14
    (ii) Kamati ya Hesabu za Serikali za Mitaa
    Kamati hii ina majukumu yafuatayo:
    (a) Kushughulikia maeneo yenye matatizo sugu
    yaliyoainishwa katika Taarifa ya Mkaguzi na
    Mdhibiti Mkuu wa Serikali kuhusu Serikali za
    Mitaa.
    (b) Kufuatilia utekelezaji wa mapendekezo
    yaliyokwisha kutolewa na Kamati hiyo ya kuondoa
    matatizo husika, ili yasionekane tena katika Taarifa
    zitakazofuata.
    5.2 MAJUKUMU YA MSINGI YA KAMATI
    Majukumu ya Msingi ya kila Kamati ya Kudumu ya Bunge yameorodheshwa
    kwenye Kanuni za Kudumu za Bunge kuanzia Kanuni ya 91 hadi 103B.
    5.2.1 Kamati tano (5) zifuatazo:
    (i) Kamati ya Uongozi (Kanuni 91);
    (ü) Kamati ya Kanuni za Bunge (Kanuni 97);
    (iii) Kamati ya Haki, Maadili na Madaraka ya Bunge (Kanuni 99);
    (iv) Kamati ya Hesabu za Serikali (Kanuni 94);
    (v) Kamati ya Hesabu za Serikali za Mitaa (Kanuni 103).
    Majukumu yake yameelezwa katika Vifungu 5.1.1 na
    5.1.3 vilivyotangulia
    15
    5.2.2 Kamati nyingine Kumi (10) zenye Majukumu ya Kusimamia
    Uendeshaji wa Serikali (Oversight or Watch—dog Functions) au
    Kamati zenye “Portfolio”, majukumu yake ya msingi na ya jumla ni
    haya yafuatayo:
    (i) Kushughulikia Bajeti za Wizara zilizowekwa chini ya kila Kamati;
    (ii) Kushughulikia mapendekezo ya Serikali kuhusu Makadirio ya Mapato
    na Matumizi ya kila mwaka;
    (iii) Kushughulikia Miswada ya Sheria na Mikataba inayopendekezwa
    kuridhiwa na Bunge ambayo chanzo chake ni Wizara hizo;
    (iv) Kushughulikia Taarifa za kila mwaka za Utendaji na
    Hesabu zilizokaguliwa za Mashirika ya Umma yaliyo
    chini ya Wizara zilizowekwa chini ya kila Kamati;
    (v) Kufuatilia utekelezaji unaofanywa na Wizara hizo za kila Kamati kwa
    mujibu wa Ibara ya 63(3)(b) ya Katiba ya Jamhuri ya Muungano wa
    Tanzania, na kama ilivyonukuliwa katika Kifungu 2.0 cha Mada hii.
    5.2.3 UONGOZI WA KAMATI
    Kila Kamati huongozwa na Mwenyekiti na kama hayupo, Makamu
    Mwenyekiti ambaye huchaguliwa kutokana na Wajumbe wa kila
    Kamati, isipokuwa tu kwa Kamati ya Uongozi na Kamati ya Kanuni za
    16
    Bunge kama ilivyokwisha elezwa ambazo Mwenyekiti wake ni Spika.
    Aidha, Mawaziri hawawi Wajumbe wa Kamati isipokuwa tu kwenye
    Kamati ya Uongozi ambayo Kiongozi wa Shughuli za Serikali
    Bungeni au Mwakilishi wake huwa Mjumbe.
    5.2.4 WAJUMBE WA KAMATI
    • Kwa mujibu wa Kanuni 87, Spika huteua Wabunge kuingia katika
    Kamati isipokuwa Kamati ya Uongozi ambayo Wajumbe wake ni
    Wenyeviti wa Kamati za Kudumu.
    • Kwa upande mwingine, Mbunge mmoja mmoja anaweza kuteuliwa
    kwenye Kamati ya Kanuni za Bunge na Kamati ya Haki, Maadili na
    Madaraka ya Bunge zaidi ya kuwa kwenye zile Kamati nyingine kumi
    na mbili.
    5.2.5 UHAI WA KAMATI ZA KUDUMU
    Uhai wa Kamati za Bunge na Wajumbe wake umeelezwa waziwazi katika
    Kanuni 87(4) kama ninavyonukuu hapa chini:
    “(4) Wabunge walioteuliwa watashika nafasi zao kama Wajumbe wa
    Kamati zao kwa muda ambao wataendelea kuwa Wabunge (bila kuwa
    Waziri au Spika) mpaka mwisho wa Mkutano unaofuatia mara baada
    ya Mkutano wa Kumi wa Bunge (ambao ndio hukamilisha nusu ya
    kwanza ya maisha ya Bunge) utakaofanywa baada ya kuteuliwa kwao,
    lakini waweza kuteuliwa tena kwenye Kamati hizo katika kipindi cha
    pili kilichobaki cha maisha ya Bunge la kipindi kinachohusika”.
    17
    6.0 UTARATIBU WA KUFANYA KAZI ZA KAMATI
    Kama ilivyoelezwa kwenye vifungu vilivyotangulia, Kamati zina kazi nyingi
    ambazo hapana budi zitengenezwe utaratibu mzuri wa kuzitekeleza. Kwa
    hiyo, kila Kamati inawajibika kuwa na Ratiba ya Kazi ambayo imepata
    mwafaka wa Wajumbe wa Kamati.
    6.1 RATIBA YA KAZI
    Ratiba ya Kazi za Kamati ina sehemu mbili zifuatazo:
    6.1.1 KAZI ZINAZOPANGIWA KAMATI NA SPIKA
    Kazi zinazopangiwa Kamati na Spika ndizo hupewa
    kipaumbele ili Ratiba ya Bunge lenyewe itekelezwe bila
    matatizo. Na kwa utaratibu ulivyo, Mikutano ya Bunge ya
    mwaka mzima inafahamika na Kalenda ya mwaka mzima
    hutolewa ambayo inatakiwa kuzingatiwa na kila Kamati wakati
    wa kupanga kazi zake.
    6.1.2 KAZI ZINAZOPANGWA NA KAMATI
    Kila Kamati ina wajibu wa kupanga Ratiba yake ambayo
    inazingatia Ratiba ya Bunge lenyewe na kutoa nafasi ya
    kwanza kwa kazi ambazo zinatakiwa kutolewa Taarifa Bungeni
    na kwa muda uliowekwa na Spika. Kazi nyingine ni zile
    ambazo zinafanyika wakati Bunge limeahirishwa lakini
    zinazingatia siku 60 zilizotengwa kwa kazi za Kamati kila
    18
    mwaka. Na kwa mujibu wa utaratibu, siku 15 zimetengwa kwa
    kazi za Kamati kabla ya kila Mkutano wa Bunge na hufanyikia
    Jijini Dar es Salaam au Dodoma kwa jinsi Spika
    atakavyoelekeza.
    6.2 MBINU ZA UTEKELEZAJI WA KAZI ZA KAMATI
    Kila Kamati inatakiwa kujiwekea utaratibu mzuri wa kutekeleza kazi
    zake. Mbinu mbalimbali hutumika kama ifuatavyo:
    6.2.1 Kufanya kazi kwa kutumia Mikutano ya Kamati nzima au Kamati
    Ndogo.
    6.2.2 Kutembelea maeneo ya uendeshaji wa kazi za Serikali ili kupata
    uelewa zaidi wa hali ya utekelezaji wa majukumu ya Serikali.
    6.2.3 Kuandaa Semina ambapo Wataalam wa fani mbalimbali hutoa Mada
    za kuongeza uelewa na elimu ya Wajumbe kuhusu maeneo mbalimbali
    ya shughuli za uendeshaji wa Serikali, Taasisi na Asasi zake.
    6.2.4 Kufanya Mikutano na Wadau (Public Hearing) mbalimbali ili kupata
    michango au maoni yao kuhusu masuala mbalimbali na hasa kwenye
    baadhi ya Miswada ambayo inatazamiwa kuwasilishwa Bungeni na
    inagusa maisha ya Wananchi wengi.
    19
    6.3 BAJETI
    Shughuli za Kamati hufanyika kwa kuzingatia Bajeti ya Kamati ya kila
    mwaka. Ila uzoefu umeonyesha kwamba Semina mbalimbali zinaweza kwa
    kuafikiana, kugharamiwa na Wizara au Taasisi hapa Nchini na za Kimataifa
    7.0 TAARIFA ZA KAZI ZA KAMATI
    7.1 Kila Kamati inawajibika kuwasilisha Taarifa za kazi ambazo
    imepangiwa na Spika au kazi zake za msingi katika wakati
    zinaotakiwa. Na kila mwisho wa mwaka kila Kamati inatakiwa
    kuandaa Taarifa ya mwaka ya kazi zake na kuiwasilisha Bungeni kama
    Spika atakavyoelekeza
    7.2 Wakati wa kuwasilisha Taarifa Bungeni, Mwenyekiti kwa kuafikiana
    na Wajumbe anaweza kutoa nafasi kwa Wajumbe wa Kamati
    kuwasilisha Taarifa hizo kwa niaba yake. Ila Mwenyekiti anachukua
    jukumu la kuwajibika kwa yale yatakayotolewa kwa niaba yake.
    7.3 Utaratibu huu wa kuwashirikisha Wajumbe pia unatumika kwenye
    kuongoza Vikao vya Kamati hasa vile vya kushughulikia Hesabu
    zilizokaguliwa za Mashirika chini ya “Portifolio” ya Kamati. Utaratibu
    huu ni mzuri kwa kuwa Mashirika ni mengi na kwa siku Kamati
    inaweza kushughulikia Mashirika hadi matatu.
    Utaratibu wa kuwashirikisha Wajumbe wa Kamati katika kuongoza
    Vikao unajenga mshikamano wa dhati na uzoefu katika kazi za
    Kamati.
    20
    8.0 HUDUMA KWA KAMATI
    Ofisi ya Bunge inao utaratibu mahsusi wa kuhudumia Kamati za Bunge kwa
    kuzipatia Makatibu wa Kamati, huduma za kuchapa Taarifa na Usafiri kama
    Kamati itapanga kufanya kazi mahali ambapo usafiri unahitajika n.k.
    9.0 HITIMISHO
    9.1 Mada hii imejaribu kutoa maelezo kuhusu Kamati za Bunge
    (Parliamentary Committees) Muundo wake, Majukumu yake na jinsi
    zinavyofanya kazi zake za kusimamia uendeshaji wa shughuli za
    Serikali ya Jamhuri ya Muungano wa Tanzania kwa niaba ya Bunge.
    Vilivyo, Kamati za Bunge hapana budi zitekeleze kazi zake kwa niaba
    ya Bunge kwa kuzingatia matakwa ya Katiba ya Jamhuri ya Muungano
    pamoja na Kanuni za Kudumu za Bunge. Kwa mantiki hii kila Mbunge
    anahitajika kujizoesha kusoma Katiba na Kanuni za Bunge ili ajipatie
    uelewa wa kina wa nyenzo hizi zinazoongoza kazi za Bunge na Kamati
    zake.
    9.2 Mada hii pia imegusia uzoefu wa aina mbalimbali ambao kama
    utatumika basi utaimarisha na kuongeza ufanisi wa utendaji wa
    Kamati za Kudumu za Bunge.
     
Loading...