Katika majira ya joto ya mwaka huu, filamu ya katuni ya kichina “Chang An” (mji mkuu wa taifa la China katika enzi ya Tang) imejizolea umaarufu mkubwa. Ndani ya mwezi mmoja na zaidi tangu ilipoonyeshwa, filamu hiyo imepata yuan bilioni 1.6, na kuifanya kushika nafasi ya pili kwenye mauzo ya tiketi katika historia ya filamu za katuni zilizoonyeshwa hapa China.
Filamu hiyo ilisimulia hadithi za makumi ya washairi maarufu wa enzi ya Tang kama vile Li Bai, Gao Shi na Du Fu, na kwamba mashairi ya enzi ya Tang, ambayo yanajulikana kama hazina ya utamaduni wa Kichina, yameunganisha hadithi hizo.
Katika miaka ya hivi karibuni, filamu za katuni za kichina zinapokelewa vizuri nchini China. Miongoni mwa filamu tano bora za katuni zilizoonyeshwa hapa China, nne ni filamu za ndani, na nyingine ni "Zootopia" iliyotolewa na Disney, Marekani.
Kama mpenzi wa filamu, nimechangia kwenye mauzo ya filamu hizi tano. Kwa maoni yangu, timu ya Wachina inayosimulia hadithi za Wachina na kujikita katika utamaduni wa Kichina ndio sababu kuu ya mafanikio ya filamu za katuni za Kichina.
Kwenye " Chang An", ingawa mashairi 48 ya Tang yaliyonukuliwa katika filamu hiyo yalitungwa zaidi ya miaka 1,000 iliyopita, wakati wa kutazama filamu hiyo, mimi na watazamaji wengine wengi, hatukuweza kujizuia kughani mashairi pamoja na wahusika wakuu. Tulipomwona mshairi Li Bai mwishoni mwa filamu akighani, "boti ndogo imepita milima mbalimbali mingi", watazamaji wengi walitokwa na machozi.
Ninaamini kuwa mwitikio kama huo sio tu unatokana na ufahamu wao na hadithi yenyewe, lakini pia ni kutokana na kuguswa na moyo wa taifa la China ulio nyuma ya mashairi hayo. Hii inatokana na jeni za kitamaduni za Wachina, ambazo hutoa nguvu ya kusisimua.
Kusema kweli, kama msingi wa " Chang An", ni vigumu kwa watazamaji wengi wa kawaida wa Kichina kuelewa "mashairi ya enzi ya Tang". Mafanikio ya filamu hiyo yanafanya mashairi haya ya zamani yasibaki tena kimya kimya yakipigwa vumbi tu kwenye vitabu, lakini kuyawasilisha mbele ya macho ya watazamaji kupitia picha nzuri, ili tuweze kuhisi nguvu ya kweli ya mashairi na mvuto wa kipekee wa tamaduni bora za Kichina, na kuwahimiza Wachina wawe na imani zaidi na tamaduni zao.
Hili linahitaji kwenda sambamba na utandawazi. "Chang An" iliazima mbinu nyingi za simulizi kutoka Hollywood ya Marekani, kama vile kujenga mgogoro, kuanza kusimulia hadithi kutoka nyuma, na kadhalika. Hii imeonyesha kuwa ni ustaarabu uliojaa kujiamini ndio unaweza kudumisha sifa huku ukivumilia, na kujifunza staarabu nyingine bora.
Mchanganyiko wa mbinu za kisasa za kimagharibi zimefanya utamaduni bora wa jadi wa China ung'are tena, na kuwawezesha watu wa China haswa vijana kupenda na kuelewa zaidi roho ya taifa la China. Hii imenipa ufahamu wa kina wa imani katika tamaduni za China.
Mwishoni mwa filamu ya "Chang An ", mhusika mkuu alisema "iwapo shairi linakuwepo, kitabu kinakuwepo, basi Chang An itadumu". Nadhani sentensi hii pia inafaa kwa utamaduni wa jadi wa China - kama ilivyosemwa "kustawi kwa utamaduni kunasababisha ustawi wa nchi, na utamaduni wenye nguvu unaweza kujenga nguvu ya taifa", na sasa China ina imani ya kutosha katika kujiamini kwake kitamaduni.
