Dkt. Wilbert Kleruu - Utata wa kifo chake, historia na maisha yake

FaizaFoxy said:
Huyu alitandikwa risasi na shujaa Saidi Mwamwindi, toa na sababu zilizompeleka kutandikwa risasi, alikuwa fedhuli na alilewa madaraka.

Kwa nini kusema kweli inakuwa ngumu kwako?
Click to expand...

naona unajitahidi kuonyesha upande wako wa pili,
kwa mawazo yako hawa wakoloni weusi wanaoitawala TZ na familia zao nao ni haki watandikwe risasi?. naona kama umesoma hukubahatika kuelimika
 
Speaker said:
Ukweli wake ni uongo kwako na
uongo wako ni uongo kwa kila mtanzania mwenye akili timamu
Click to expand...

Unanchekesha, cha uongo nini?

Alitandikwa risasi na Mwamwindi au hakutandikwa risasi?

kleruu alikuwa fedhuli au hakuwa?

Uongo ni huo uliousema wwe hapo juu, nnakataa si kila mtanzania ana akili timamu, wako wehu, vichaa, wendawazimu, majuha, mapunguani....utajaza mwenyewe.
 
Kithuku you are right huyu Dr naona alikuwa hawajui wahehe undani wao huwezi toa amri mbele ya wakeze.
Akaua akaweka kwa land rover akawapelekea polisi nasikia alimwambia sali sala ya mwisho na Dr aliomba sana msamaha jamaa akamwambia wewe ni kifo tuu.Ila serikali imemuenzi kwa kukipa jina la Kleruu chuo cha ualimu iringa
 
Je Mwamwindi hakuwa na fursa ya kukata rufaa ? au hukumu ya kifo ilitoka mahakama hiyo.

Swali lingine ni kama upande wa Mwamwindi ulipata nafasi ya uwakilishi mzuri wa haki. Je vyobo vyote vilivyohusika katika uchunguzi na kukusanya ushahid na mahakama vilikua huru ?( neutral ) ukichukulia hii kesi ilimgusa mwalimu na watumishi wengi wa serikali kazi yao ni kutumikia uongozi sio haki.

Mwamwindi kweli alfanya kosa la mauwaji - lakini nadhani kesi ya haikwenda kwa haki.
 
Shujaa Mwamwindi atakumbukwa daima kwa kukataa dhuluma ya Julias Nyerere na kikundi chake, kilichofikia kiwango cha unyama wa kuwahamisha watu katika vijiji na mji yao na kuwatupa maporini wewngi wakaliwa na simba, huku yeye akikaa Msasani na raha zake.
 
Mazingira yote yanaonesha kulikuwa na uonevu dhidi ya raia. Yeye Mwamwindi hakuwa mpumbavu kumpiga risasi mkuu wa mkoa lazima jamaa laimu harass sana akaona enough is enough akaamua liwalo na liwe. Nasikia Mwamwindi alihukumiwa kunyongwa na Nyerere dikteta akasaini fasta jamaa akanyongwa.
 
Ndugu zangu,

Nimeamua kuiendeleza na kuimaliza simulizi ya Mwamwindi wa Iringa. Hii ni kutokana na ujio wa Gazeti la Kwanza Jamii mkoani Iringa na hamu ya wasomaji wengi kutaka kuifahamu historia ya mkoa wao.


Iringa ina historia ndefu ya harakati za mapambano ya kudai uhuru. Harakati za kijamii, kisiasa na kiuchumi. Wakati huu nchi yetu ikielekea kwenye kuadhimisha miaka 50 ya uhuru si vibaya tukakumbushana tulikotoka ili tuweze kuelewa tulipo sasa na tunakokwenda.


Hakika, simulizi ya Mkulima Said Mwamwindi aliyepambana na dola ni moja ya simulizi zilizowagusa wasomaji wangu wengi .

Ni simulizi iliyonifanya nihamasike kutafuta habari zaidi za WaTanzania mfano wa Mwamwindi ambao, hata kama huko nyuma jamii ilitakiwa iwaone kama wasaliti, lakini, jamii si mkusanyiko wa watu wajinga. Kuna walioulewa ukweli, waliamua kukaa kimya. Na wakati mwingine walisema na hata kuimba kile ambacho watawala waliwataka waimbe na kusema. Hata hivyo, mioyoyoni mwao, waliujua ukweli. Kuna walioimba huku wakilia mioyoni. Kuna waliosema huku wakisononeka mioyoni.

Huu ni wakati wa kujaribu kuusema ukweli ili tuweze kwenda mbele kama taifa. Simulizi ya Mkulima Said Mwamwindi ni jaribio la kuutafuta ukweli huo. Na hii ni simulizi shirikishi yenye kukukaribisha ewe msomaji, uje na unachokijua juu ya kilichotokea zaidi ya miaka 40 iliyopita. Mwamwindi ni kielelezo cha hali iliyokuwepo wakati huo. Mathalan, utekelezaji wa Sera za Ujamaa na kilimo cha ushirika ulitakiwa utekelezwe kwa kuzingatia mazingira ya kila mahala.

Inakuwaje basi kwa mkuu wa nchi unapomweka mkuu wa mkoa kijana anayeanza kwa kuwahutubia wakulima wakubwa mfano wa Said Mwamwindi habari za kilimo cha heka nne nne? Wakulima ambao tayari, hata kabla ya Uhuru wameweza kuwa na matreka na hata kuanzisha ushirika wao wa wakulima. Ndio, inazekena vipi kwa Mkulima wa shamba la ekari mia nne akajisikia furaha kuwa kwenye mkutano na mkuu wa mkoa anayezungumzia kilimo cha ekari nne nne? Mbinu gani ya kiuongozi ilihitajika ili kumfanya mkulima mkubwa kama Mwamwindi ashiriki na kuwasaidia wakulima wadogo wadogo?


Na hapa inaanza simulizi ya Mwamwindi;


Mwanzoni mwa miaka ya 1970 Mkulima said Mwamwindi alikabiliwa na shitaka la kumwua Dr Wilbert Kleruu, aliyekuwa Mkuu wa Mkoa wa Iringa kwa wakati huo.

Mshitakiwa Mwamwindi alijitetea kuwa alipokuwa anamwua marehemu Kleruu alirukwa na akili . Hivyo, akapotewa na fahamu ya kuweza kuelewa kile alichokuwa anakitenda. Jaji Onyiuke kutoka Nigeria aliukataa utetezi wa Mwamwindi kwa kutilia maanani kwamba baada ya mshitakiwa kughadhibishwa ndipo alipokwenda ndani kuchukua bunduki ambayo aliitumia kumwua marehemu.

Mwezi Oktoba mwaka 2010, nikiwa njiani kwenda Dodoma na Arusha, nilipita kijijini Isimani. Hapo ndipo yalipokuwa makazi ya Mwamwindi. Ni umbali wa kilomita zipatazo 40 kutoka Iringa Mjini. Kijijini Isimani Saidi Mwamwindi bado anaonekana ni shujaa kwa kukataa kunyanyaswa na Mkuu wa Mkoa. Inasimuliwa, kuwa ilikuwa siku ya Jumapili , tena siku ya Krismasi, pale Mkuu wa Mkoa, Dr Kleruu, alipofika Isimani na kumkemea Mwamwindi mbele ya wake zake kwa vile alifanya kazi za shamba siku ya Sikukuu.

Inasimuliwa, kuwa Dr. Wilbert Kleruu alifikia hata hatua ya kuanza kudhihaki makaburi ya mababu zake Mwamwindi akimwambia Mwamwindi: “Humu ndimo mlimozika mirija yenu”. Alifanya hivyo huku akionyesha makaburi yake kwa kutumia fimbo aliyoshika mkononi. Mwamwindi alikasirika sana. Akaficha hasira yake. Kutoka makaburini, Mwamwindi aliongozana na Kleruu hadi nje ya nyumba yake. Akamwomba Mkuu huyo wa Mkoa abaki nje. Mwamwindi akaingia ndani chumbani.

Mke wake Mwamwindi alimwona mume wake akichukua bunduki na kusimama dirishani. Mama huyo alidhani mumewe amepanga kwenda kuwinda. Kumbe, Mwamwindi alitokea dirishani na kumwelekea Kleruu aliyedhani Mwamwindi angetoka nje kwa kupitia mlangoni.
Basi, Mwamwindi akamlenga Mkuu wa Mkoa sawa kichwani. Dr kleruu alinyosha mikono juu na kuomba asemehewe. Mwamwindi alikaa kimya. Kisha akafyatua risasi. Kishindo kilisikika kijijini. Baada ya hapo, kwa mikono yake, Mwamwindi akaubeba mwili wa Mkuu wa Mkoa na kuuweka nyuma ya boneti ya gari alilojia mkuu huyo wa mkoa.

Mwamwindi alichukua kofia ya pama aliyovaa Kleruu. Akaivaa kichwani na kuanza kuendesha gari hilo hadi kituo cha polisi Iringa. Waliokutana na Mwamwindi njiani walimshangaa akiendesha gari hilo la Mkuu wa Mkoa akiwa amevalia kofia ya mkuu huyo. Hatimaye Mwamwindi akafika kituo cha Polisi.

Akatoka na kwenda mapokezi. Hapo akaripoti tukio kwa kutamka; " Nendeni mkamchukue mbwa wenu nyuma ya gari!".

Tukio lile bado linatuachia maswali? Je, ni kwanini Dr Kleruu alikwenda nyumbani kwa Mwamwindi siku ya Jumapili na hususan siku ya Krismasi?

Je, yawezekana Mwamwindi na Dr Kleruu walikuwa na ugomvi mwingine kabla ya tukio?

Kuna waliokuwepo na wanasimulia kana kwamba ilikuwa ni jana tu. Mmoja wa watu hao ni mwana wa Mkulima Said Mwamwindi aitwaye Amani Mwamwindi ambaye ndiye Meya wa Manispaa ya Iringa kwa sasa. Amani Mwamwindi anakumbuka nini juu ya siku hiyo? Fuatilia Simulizi hii Juma lijalo.

Maggid Mjengwa,
Iringa.

MJENGWA - Picha, Habari & Matangazo

(Pichani ni Isimani. Nyumba hiyo (Picha ya kati) ni ya Marehemu Said Mwamwindi.

Picha ya chini ni kumbukumbu ya mahali alipopigiwa risasi na kufa Dr Kleruu. Ni nje ya nyumba ya Marehemu Said Mwamwindi pale Isimani. Picha ya juu ni Mstahiki Meya wa Iringa, Bw. Amani Mwamwindi. Picha hiyo nilimpiga mwaka 2006 kwenye ukumbi wa manispaa. Amani ni mtoto wa Marehemu Said Mwamwindi. )
 
Maggid,
Ukweli ndio kitu pekee kinachoweza kutufanya tuwe huru. Naisubiri kwa hamasa sehemu nzima ya kisa hiki ambacho wengine hatukijui vizuri. Kuna mengi tunajifunza kutokana na makosa ya hapa na pale. Kuna kitu tutajifunza pia kwa hadithi hii ya Mwamwindi na Kleruu
 
Kwanini hii stori uliikatisha ghafla ulipoanza kuisimulia pale mwanzo?
Ulipaswa kuwaeleza na kuomba msamaha wasomaji wa habari zako.
 
mbona mimi nilisikia jamaa alikuwa 'anakula mmoja wa wanafamilia wa mwamwindi' na siku hiyo alienda kumnanga jamaa. kwa kuwa mwamwindi alikuwa anajua na hakukubali pamoja na kuchukuliwa mtu wake anatukanwa, ndo akamaliza adhia wa mambo.
 
Asante bwana Mjengwa!

Nilisikia kuwa Mkuu huyo wa mkoa alifumaniwa nyumbani kwa Said Mwamwindi, ndipo mwenye mke akamcha risasi na kuubeba mwili wake hadi kituo cha polisi!
 
Mwanzoni mwa miaka ya 1970 Mkulima said Mwamwindi alikabiliwa na shitaka la kumwua Dr Wilbert Kleruu, aliyekuwa Mkuu wa Mkoa wa Iringa kwa wakati huo.

Mshitakiwa Mwamwindi alijitetea kuwa alipokuwa anamwua marehemu Kleruu alirukwa na akili . Hivyo, akapotewa na fahamu ya kuweza kuelewa kile alichokuwa anakitenda. Jaji Onyiuke kutoka Nigeria aliukataa utetezi wa Mwamwindi kwa kutilia maanani kwamba baada ya mshitakiwa kughadhibishwa ndipo alipokwenda ndani kuchukua bunduki ambayo aliitumia kumwua marehemu.

Mwezi Oktoba mwaka 2010, nikiwa njiani kwenda Dodoma na Arusha, nilipita kijijini Isimani. Hapo ndipo yalipokuwa makazi ya Mwamwindi. Ni umbali wa kilomita zipatazo 40 kutoka Iringa Mjini. Kijijini Isimani Saidi Mwamwindi bado anaonekana ni shujaa kwa kukataa kunyanyaswa na Mkuu wa Mkoa. Inasimuliwa, kuwa ilikuwa siku ya Jumapili , tena siku ya Krismasi, pale Mkuu wa Mkoa, Dr Kleruu, alipofika Isimani na kumkemea Mwamwindi mbele ya wake zake kwa vile alifanya kazi za shamba siku ya Sikukuu.

Inasimuliwa, kuwa Dr. Wilbert Kleruu alifikia hata hatua ya kuanza kudhihaki makaburi ya mababu zake Mwamwindi akimwambia Mwamwindi: "Humu ndimo mlimozika mirija yenu". Alifanya hivyo huku akionyesha makaburi yake kwa kutumia fimbo aliyoshika mkononi. Mwamwindi alikasirika sana. Akaficha hasira yake. Kutoka makaburini, Mwamwindi aliongozana na Kleruu hadi nje ya nyumba yake. Akamwomba Mkuu huyo wa Mkoa abaki nje. Mwamwindi akaingia ndani chumbani.

Mke wake Mwamwindi alimwona mume wake akichukua bunduki na kusimama dirishani. Mama huyo alidhani mumewe amepanga kwenda kuwinda. Kumbe, Mwamwindi alitokea dirishani na kumwelekea Kleruu aliyedhani Mwamwindi angetoka nje kwa kupitia mlangoni.
Basi, Mwamwindi akamlenga Mkuu wa Mkoa sawa kichwani. Dr kleruu alinyosha mikono juu na kuomba asemehewe. Mwamwindi alikaa kimya. Kisha akafyatua risasi. Kishindo kilisikika kijijini. Baada ya hapo, kwa mikono yake, Mwamwindi akaubeba mwili wa Mkuu wa Mkoa na kuuweka nyuma ya boneti ya gari alilojia mkuu huyo wa mkoa.

Mwamwindi alichukua kofia ya pama aliyovaa Kleruu. Akaivaa kichwani na kuanza kuendesha gari hilo hadi kituo cha polisi Iringa. Waliokutana na Mwamwindi njiani walimshangaa akiendesha gari hilo la Mkuu wa Mkoa akiwa amevalia kofia ya mkuu huyo. Hatimaye Mwamwindi akafika kituo cha Polisi.

Akatoka na kwenda mapokezi. Hapo akaripoti tukio kwa kutamka; " Nendeni mkamchukue mbwa wenu nyuma ya gari!".

Tukio lile bado linatuachia maswali? Je, ni kwanini Dr Kleruu alikwenda nyumbani kwa Mwamwindi siku ya Jumapili na hususan siku ya Krismasi?

Je, yawezekana Mwamwindi na Dr Kleruu walikuwa na ugomvi mwingine kabla ya tukio?

Kuna waliokuwepo na wanasimulia kana kwamba ilikuwa ni jana tu. Mmoja wa watu hao ni mwana wa Mkulima Said Mwamwindi aitwaye Amani Mwamwindi ambaye ndiye Meya wa Manispaa ya Iringa kwa sasa. Amani Mwamwindi anakumbuka nini juu ya siku hiyo?
 
Majjid Mjengwa aliiweka vizuri sana hii habari na alijitahid kuhojiana na all the parties, ukiisoma utapata majibu ya hayo maswali yako ikiwemo maelezo ya Mwamwindi meya
 
Sasa huu ni utoto hapa JF. Kilichoandikwa na mwanzisha mada ni makala ya raia mwema lakini huyu bwana hasemi anajifanya ni yeye anasimulia .Jamani///!!!!!!!!!!!!!!!!!!
 
Hii story ina harufu inayofanana sana na "wazee wetu wa Kariakoo/Gerezani juu ya Uhuru wa Tanganyika". Muuaji leo anataka kufanywa shujaa?

Chombo cha mwisho kabisa cha kusikiliza mashauri na kutoa haki ni Mahakama ya Tanzania. Nendeni mahakamani mtakuta rekodi zote ikiwamo ushahidi WA KWELI wa tukio zima na hatimaye hukumu na sio kutuletea habari za "masimulizi ya wazee wetu" hapa. Lau kuna wenye dukuduku, wafungue shauri upya.
 
Ulukolokwitanga said:
Majjid Mjengwa aliiweka vizuri sana hii habari na alijitahid kuhojiana na all the parties, ukiisoma utapata majibu ya hayo maswali yako ikiwemo maelezo ya Mwamwindi meya
Click to expand...

Ulukolokwitanga,

Na hiyo yote ni makala yangu kwenye Raia Mwema juma hili. Sielewi lengo la aliyeiwasilisha la kutotaja source ya habari.

Maggid,
Iringa.
 
You must log in or register to reply here.

Similar Discussions

Back
Top Bottom
Forums
New posts
Post thread
Back