Bazoka

[Che Kalizozele]

Waheshimiwa naomba kupatiwa jina halisi la kiswahili la bazoka au big G. Maana haya yote ni majina yaliyotolewa na makampuni yanayotengeneza bidhaa hii.

 

[Mahmoud Qaasim]

Ubani wa kutafuna.

 

[Kibunango]

Ubani wa kutafuna.

Kwa nini hili jina la ubani sio maarufu huko bara?

 

[Mahmoud Qaasim]

Kwa nini hili jina la ubani sio maarufu huko bara?

lipo na linatumika hasa mkoa wa Arusha nitokako mimi, pia nimewahi kusikia sehemu za singida baadhi wa watu wakiita ubani, sijui maeneo mengine.

 

[Kibunango]

Kwa Arusha naona jina bazoka ndio maarufu zaidi, aidha wengi utumia Big G kwa aina zote za chew gum mkoani hapo... Kama linatumika basi ni kwa sehemu chache sana mjini humo..

Ama kwa Singida sijapata kabisa kusikia matumizi ya ubani wa kutafuna, labda katika miaka hii, kwani nilipita huko kitambo kidogo.

 

[Mahmoud Qaasim]

Ubani wa kutafuna

 

[SMU]

Ubani wa kutafuna

Nadhani maneno 'Bazoka' , 'Bigijii' na 'Chingamu' (chewing gum!) yamepata mashiko zaidi baina ya wazungumzaji wa kiswahili wa sasa kuliko neno 'ubani wa kutafuna'.

Ni kweli ni maneno ya kukopa/kutohoa - tena ni mali za makampuni (trade marks/names) - lakini, lugha ndivyo ilivyo. Wanajamii wakikubalina neno basi linakuwa sehemeu ya lugha yao.Hakuna ubaya katika hilo! Kuna maneno mengine mengi tu ya jinsi hii ambayo nayo yamepata mashiko japokuwa ni trademarks/names: bukta (Bukta),themosi (Thermos), katapila (Caterpillar), sheli (Shell) nk