Umwanda uteye inkeke i Nyabihu

[MBOKA NA NGAI]

Abacuruzi n’abaturiye santere y’ubucuruzi ya Kora, iherereye mu Murenge wa Jenda,mu karere ka Nyabihu, bavuga ko babangamiwe n’umunuko ukabije uterwa n’ikimoteri gikusanyirizwamo imyanda iva muri iyi santere n’isoko ryaho.

Bavuga ko iyo imyanda imaze igihe idakuweho izana umunuko ukabije cyane, bigatuma ubuzima bwabo bwa buri munsi bugorana. Basaba ko imyanda yajya ikurwaho kenshi kandi bidatinze, cyangwa se hakaboneka ahandi hitaruye ingo z’abantu hajya hajugunywa iyo myanda.